Shefi i Grupit Parlamentar të Lidhjes Demokratike të Kosovës, Avdullah Hoti, tha se lojërat me fjalë si “shkëmbim territoresh” dhe “korrigjim kufijsh” po i kushtojnë Kosovës dhe po e dëmtojnë shtetin në arenën ndërkombëtare.

Hoti tha se me këtë territor që ka aktualisht Kosova dhe me këta kufij, mbi 110 vende e kanë njohur atë.

Deklaratat e Hotit vijnë si kundërpërgjigje ndaj disa komenteve të bëra nga presidenti i Kosovës, Hashim Thaçi, i cili, të mërkurën, në një intervistë të dhënë për AP-në, ka mohuar ndarjen e Kosovës, por e ka lënë si mundësi të hapur “korrigjimin e kufijve”.

“Askush nuk ka të drejtë të diskutojë për territorin e Kosovës, sepse do të binte ndesh me vullnetin e popullit të Kosovës për shtet të pavarur, të shpallur me Deklaratën e Pavarësisë, më 17 shkurt, 2008, dhe me Kushtetutën e Kosovës”, tha Hoti në një postim në Facebook.

Sipas tij, vetë ideja që çështja e shkëmbimit të territoreve apo e korrigjimit të kufijve mund të diskutohet në dialogun me Serbinë, “e ka nxjerrë jashtë funksionit të saj të gjithë diplomacinë e Kosovës”.

Presidenti Hashim Thaçi, i cili po udhëheq dialogun politik me Serbinë, që ndërmjetësohet nga Bashkimi Evropian, ka thënë se “nuk ka forcë” që mund ta detyrojë Kosovën që të flasë për ndarjen e saj.

Presidenti i Kosovës, Hashim Thaçi, tha se e kundërshton idenë për ndarjen e Kosovës përgjatë vijave etnike, për të zgjidhur mosmarrëveshjet me Serbinë.

Por, në një intervistë për agjencinë e lajmeve AP, Thaçi tha se është i hapur për të diskutuar “një korrigjim” të kufijve në negociatat që po zhvillohen me Serbinë, me ndërmjetësimin e Bashkimit Evropian.

“Pretendimi i Serbisë për të ndodhur ndarja e Kosovës nuk do të ketë sukses, është i papranueshëm, por në arritjen e marrëveshjes përfundimtare Kosovë-Serbi do të punojmë që definitivisht të ndodhë njohja reciproke formale, de facto dhe de jure, midis dy vendeve, si dhe Kosova në fund të anëtarësohet në të gjitha organizatat ndërkombëtare, duke përfshirë OKB-në”.

“Pra, nuk do të ketë ndarje, por do të ketë korrigjim të kufijve që nënkupton respektimin tanimë të kërkesës së institucionalizuar të Luginës së Preshevës me Kosovën”, tha Thaçi.

“Ndërkombëtarët janë duke na dëgjuar, ndërkombëtarët janë duke lehtësuar dialogun Kosovë-Serbi – Bashkimi Evropian me mbështetjen e plotë të Shteteve të Bashkuara të Amerikës. Vlerësoj se korrigjimi i kufijve Kosovë-Serbi dhe marrëveshja finale e njohjes reciproke që do të ndodhë… nëse kjo marrëveshje është e vullnetit të dyanshëm të palëve dhe një marrëveshje e balancuar, që nënkupton ‘win-win’ për të dyja palët, atëherë askush nuk mund të jetë kundër”, tha Thaçi për AP-në.

Zyrtarët në Serbi e kanë përmendur si zgjidhje të mundshme të mosmarrëveshjeve ndarjen e Kosovës, përkatësisht bashkimin me Serbinë të veriut të Kosovës, i cili është i banuar me shumicë serbe.

Prishtina insiston se ndarja është e papranueshme.

Ministri i Punëve të Jashtme, Behgjet Pacolli është takuar sot me presidentin e Këshillit Kombëtar të Boshnjakëve të Sanxhakut Sulejman Uglianin, me të cilin kanë biseduar për gjendjen e këtij komuniteti.

Në një postim në Facebook, Pacolli ka thënë se ai mbështetë kërksat e komunitetit boshnjak në Sanxhak dhe ata kanë mbështetjen e tij, për avancimin e të drejtave të tyre, sipas standardeve ndërkombëtare.

Më herët gjatë këtij muaji, Pacolli ishte ftuar në Beograd që të marrë pjesë në një konferencë të Këshillit Kombëtar Boshnjak të Serbisë, por autoritetet serbe, nuk i dhanë leje që të vizitojë Serbinë.

Hartimin i statutit të Asociacionit të komunave me shumicë serbe është një proces dhe rezultati i parë, në formë propozimi, do të jepet më 4 ose 5 gusht, ka thënë kryeministri i Kosovës, Ramush Haradinaj.

“Megjithatë, procesi do të vazhdojë. Fillimisht, do paraqitet statuti i hartuar nga Ekipi menaxhues. Më pas, Qeveria dhe të tjerët mund t’i kenë vërejtjet ose këshillat e tyre. Në fund duhet të jemi të sigurt që është në harmoni me ligjet dhe Kushtetutën e Kosovës, ashtu siç edhe e thotë marrëveshja”, ka thënë Haradinaj gjatë një konference për medie.

Brukseli zyrtar pret nga pala e Kosovës që në afat deri më 4 gusht ta hartojë statutin e Asociacionit të komunave me shumicë serbe.

Qeveria e Kosovës është distancuar nga deklaratat fyese të zëvendësministrit të Jashtëm, Gjergj Dedaj, të shprehura përmes një shkrimi në rrjetet sociale ndaj Turqisë.

Ndonëse Dedaj ka përmendur edhe Serbinë, Qeveria e Kosovës, në reagimin e saj, ka përmendur vetëm Turqinë.

“Qeveria e Kosovës shpreh qëndrim se deklarimet mediale që kanë përmbajtje gjuhën fyese ndaj Republikës së Turqisë, nga kushdo qofshin, janë të papranueshme dhe nuk paraqesin politikën zyrtare të Qeverisë Haradinaj, as kur ato thuhen nga ndonjë zyrtar i kësaj qeverie apo kushdo qoftë tjetër”, thuhet mes tjerash në reagimin e Qeverisë.

Të dielën, më 29 korrik, zëvendësministri Dedaj ka publikuar në profilin e tij në Facebook një postim të shkurtër të titulluar “Shtrigat e Ballkanit”.

“Turqia dhe Serbia, synojnë rikthimin e tyre strategjik në Kosovë, secila përmes emisarëve të tyre, të mbetur nën rrënjët e sundimit shekullor dhe mbetjet e këtyre sundimtarëve të ndyrë duhet të çrrënjosen nga Kosova dhe trojet e Gjergj Kastriotit!”, ka shkruar Deda.

Reagime ndaj këtij postimi ka pasur edhe nga deputetët e komunitetit turk në Kuvendin e Kosovës. rel

Një ish-veteran i luftës së Kosovës Shukri Klinaku ka postuar një rrëfim në rrjete sociale, të botuar më pas në mediat kosovare, ku flet për një moment dobësie të Haradinajt.

Shkruan Klinaku:

“Pak para se të dilnim nga “koalicioni” të thirrëm në selinë e LKÇK-së (aty ku sot është selia e LB-së). Ishte mbrëmje e errët dimri (dhjetor 2000), madje edhe pa rrymë. Në seli ishim vetëm 4, ne tre (Sabit Gashi, Fatmir Humolli, unë) dhe ti. Ishim të ulur përreth tavolinës së rrumbullakët. Sabit Gashi filloj duke i kujtuar disa nga shtyllat e idealit për të cilat kishim luftuar. Sabit Gashi i kujtoi aty disa emra të dëshmorëve, përfshirë edhe dy vëllezërit e tu. Pastaj, Sabit Gashi vazhdoi t’i përmend disa nga veprimet e tua të atij 6 mujori, e të cilat, sipas nesh, binin ndesh me ato të parat.

Pas kësaj, radhën e kishe ti. A të kujtohet Ramush, çka bëre dhe çka the ti? Në fillim qave Ramush! Po nuk qave pak, qave shumë! Jo si “dy lotët” metaforik, por dhjetëra lot të vërtetë lagën tavolinën. Kur u ngope vaj, u përpive dhe the: “Ju keni të drejt! Krejt ashtu është! Por, unë du me u ba një herë kryeministër. E kur të bëhem kryeministër, do ta shihni se kush është Ramushi”! Le të përfundoj këtu kujtimi, se edhe ashtu, takimi ishte i shkurtër.

Po sot Ramush! A je kryeministër? Pse nuk e ndalon korrupsionin? Në fillim anulo vendimin për rritjen e pagave, largo të gjithë zëvendësministrat dhe disa ministra dhe grumbullo njerëzit e dijshëm dhe të pa korruptuar rreth vetes! – Po, por më prishet partia, thua ti. Po le të prishet o Ramush, se nuk të vlen gjë ajo parti që nuk të përkrahë për përparimin e Kosovës. – Po, vazhdon ti, edhe me vendos që mos me ruajt partinë, me punu drejt, ma prishë qeverinë PDK-ja.

Po le ta prishë, o Ramush, se nuk të vlen gjë qeveria që miraton demarkacion jo transparent, që bën dhe lejon korrupsion, që bën dialog jo transparent. Ti, tri vjetët në vijim mund t’i përdorësh që të përmendesh edhe 30 të tjera, si njeriu që shënoi epokën dhe filloi erën e Kosovës pa korrupsion dhe zgjidhjen e mbarë për të gjitha problemet. Vetëm kështu do të bëheshe kryeministër. Se, me qeverisjen e këtij viti që shkoj, për mua nuk je kryeministër.

E di, se kjo punë nuk bëhet duke thënë; por më fal, se nuk munda pa të thënë”.

Në Katedralen “Nënë Tereza” në Prishtinë është mbajtur meshë për Adem Demaçin, veprimtarin politik dhe aktivistin për të drejtat e njeriut i cili vdiq të enjten në moshën 82-vjeçare.

Në fillim të meshës u bën lutje që shpirti i Demaçit të prehet në paqe.

Ipeshkvi i Kosovës, Imzot Dodë Gjergji, tha se Demaçi gjithë jetën e tij e ka pasur ideal lirinë dhe dashurinë për kombin.

Ai tha se tash Demaçi është në një atdhe tjetër, siç tha ai, “atdheun qielllor”.

“Kisha nuk përton që t’i bashkohet lutjeve të besimtarëve për shpirtin e një atdhetari, për shpirtin e një njeriu i cili gjithë jetën e tij e ka pasur ideal lirinë, e ka pasur dashuri kombin dhe e ka dëshiruar me gjithë zemër të mirën e të gjithëve në këtë vend. Ai sot më nuk është me ne, i është bashkuar një atdheu të ri, që është atdhe qiellor. I është bashkuar Gjergj Kastriorit, i është bashkuar të gjithë burrave dhe grave që kanë sakrifikuar. I është bashkuar njerëzve që i kemi njohur, Shën Nënë Terezës të cilës ia kemi kushtuar këtë kishë. Martirëve të Shqipërisë, Imzot Mark Sopit, Ibrahim Rugovës. Është bashkuar me Arbën Xhaferin”, u shpreh Ipeshkvi i Kosovës.

Në këtë meshë ishin të pranishëm edhe dy fëmijët e veprimtarit Demaçi, Abetare dhe Shqiptar Demaçi. Vajza e veprimtarit të ndjerë falënderoi të gjithë të pranishmit që morrën pjesë në këtë meshë.

Adem Demaçi, veprimtar politik dhe mbrojtës i të drejtave të njeriut, njihet si simbol i rezistencën në Kosovë për lirinë dhe pavarësinë e saj.

Për shkak të pikëpamjeve të tij politike, ai kishte vuajtur dënim prej 28 vitesh në burgjet e ish-Jugosllavisë e më pas të Serbisë, andaj edhe shpesh është quajtur edhe si “Mandela i Ballkanit”.

Adem Demaçi ndërroi jetë në moshën 82-vjeçare të enjten në Prishtinë. Ai u varros të shtunën me nderimet më të larta shtetërore në Varrezat e Dëshmorëve në Prishtinë.

Veprimtari i çështjes kombëtare Adem Demaçi, me nderime të larta percillet sot per ne banesen e fundit në varrezat në Velani.

Parcela për varrin e tij është ndarë pak metra larg atij të presidentit të ndjerë të Kosovës, Ibrahim Rugova, raportojne mediat kosovare.

Abetare Demaçi, vajza e Adem Demaçit, mori fjalën para të pranishmëve ku u mbajt ceremonia mortore.

“Para se të vdiste më thoshte se më e rëndësishmja është ta njohësh veten. Ishte njeri që u sakrifikua për shqiptarizmin. Po ta njihnin shqiptarët mirë veten do përpiqeshin ta përmirësonin veten, dhe në mënyrë kritike të luftohej e keqja, më thoshte ai. Kështu si jemi, nuk e njohim as veten, nuk e dimë rëndësinë e bashkimit dhe do na përsëritet historia”, ka thënë Abetare Demaçi, duke i kujtuar mesazhet që i kishte lënë babai i saj.

“Qoftë i lehtë dheu i Kosovës për të”, përfundoi ajo.

Ndërsa, djali i Demaçit, Shqiptar Demaçi, falënderoi të gjithë ata që janë sot të pranishëm për të nderuar babanë e tyre Adem Demaçin.

***

Kishte qëndruar 28 vite burgim për kauzën shqiptare dhe po kaq vite janë mbushur prej kur ishte liruar.

Adem Demaçi, fitues i Çmimit Saharov për Paqe, ishte liruar nga burgu më 21 prill të vitit 1990, në kohën kur pushteti i Sllobodan Milloshevicit po instalohej në gjithë ish-Jugosllavinë.

Pasi ishte liruar, Demaçi kishte folur për Kosovën, si burgun tjetër më të mëdha, se sa ishte për gati tri dekada.

“Që nga 21 prilli i vitit 1990, ndodhem në më të madhin burg që njeh historia e njerëzimit, në burgun e quajtur Kosovë, ku regjimi hegjemonist-shovinist-terrorist i ka zhveshë më se dy milionë shqiptarë nga të gjitha liritë dhe të drejtat më themelore njerëzore e kombtare”

Ishte dënuar tri herë në tri procese të ndryshme gjyqësore sepse angazhohej për bashkimin e Kosovës me Shqipërinë, kundërshtonte largimin e shqiptarëve për në Turqi dhe luftonte për të drejtat e popullit për vetëvendosje.

Shumherë gjatë procesve gjyësore, Demaçi plot guxim ka marrë edhe përgjegjësi për veprimet që si ka kryer ai. Ai nuk ka hezituar as edhe njëherë të vetme t’i shpreh trupit gjykues qëndrimit e tij kundër regjimit jugosllav.

Në njërën nga seancat gjyqësore Demaçi, veç kishte paralajmëruar ndarjen e Jugosllavisë dhe humbjen e Kosovës.

“Nëse Sërbia do të vazhdojë me këtë politikë ndaj shqiptarëve, një ditë Sërbia ka për t’u bërë shkaktare e shpartallimit të krejt Jugosllavisë dhe në fund do të mbetet pa Kosovën. Kaq!”.

Kështu citohet Demaçi në librin “Adem Demaçi, biografi e paautorizuar”, të autorit Shkëlzen Gashi.

28 vitet e tij brenda mureve të burgut, Demaçit i është privuar çfarëdo privilegji që të burgosurit tjerë kanë pasur. Plot 15 vite, ai nuk ka takuar fëmijët e tij, Abetaren e Shqiptarin.

Në vizitat që i bëheshin në shtëpi nga vizitorë të shumtë Demaçi kishe ende gojën plot me fjalë që i shërbejnë demokracisë e lirisë.

“Njeriu mund të mashtrohet, të burgoset, të vritet, kursë ideja jo. Ideja duhet të jetë pika në të cilën mbështeteni sepse individët mund të gabojnë, mund të burgosen, mund të vdesin…”

“Heroi i Kosovës” i cili sivjet ka mbushur 82 vite mbetet figura më e çmueshme duke pasur bazë veprimtarinë e tij patriotike, politike e intelektuale.

Demaçi pas burgut ishte angazhuar për të bashkim me Shqipërinë, dikur kishte përmendur edhe një konfederatë Ballkanike e njohur si Ballkania. Pak para fundit të luftës ishte bërë Përfaqësues Politik i Ushtrisë Çlirimtare të Kosovës. Kishte kundërshtuar nënshkrimin e Marrëveshjes së Rambujes dhe pastaj ishte larguar nga përfaqësimi i UÇK’së.

Ka pasur raporte të këqija gjithmonë me Ibrahim Rugovën dhe LDK’në. Madje, për ish-Presidentin, Demaci vazhdimisht ka thënë se ishte një pijanc dhe nuk ishte i gatshëm të sakrifikonte për Shtetin.

“Dek….”

Qeveria e Kosovës ka njohur kontributin e tij dhe ka vendosur t’i ndajë një pagë sa të një Ministri.

Demaçi ka vdekur në moshën 82 vjeçare.

Idetë që po plasohen në opinion për shkëmbim të territoreve apo korrigjim të kufijve janë mashtrime të reja, tha lideri i Lëvizjes Vetëvendosje, Albin Kurti.

Këto komente ai i bëri gjatë një debati me përfaqësuesit e komunave nga Serbia: Preshevë, Medvegjë e Bujanoc, ku u diskutua rreth problemeve të atjeshme dhe zgjidhjeve që mund të priten.

“Arsyeja pse mendojmë se bëhet fjalë për mashtrim të ri është se ideja për shkëmbim territoresh apo korrigjim të kufijve më shumë është në funksion të një lloj krijimi të atmosferës, ku një status special për veriun e Kosovës bëhet më i kollajshëm në emër të një premtimi për kompensim në Preshevë, Medvegjë e Bujanoc, i cili nuk do të ndodhë”, tha Kurti.

Sipas tij, motivet e palëve në dialogun e Brukselit nuk kanë të bëjnë as me serbët në Kosovë dhe as me shqiptarët në Serbi, porse ndërlidhen me motivet e Beogradit që sa më shpejt të përafrohet me BE-në, kurse për lidershipin e Kosovës që të jetë sa më larg Gjykatës Speciale.

PRISHTINË – Ministria e Diasporës dhe Investimeve Strategjike e Kosovës në amfiteatrin e sheshit “Zahir Pajaziti” në Prishtinë, në kuadër të Ditëve të Diasporës ka organizuar “Sofrën tradicionale”.

Përkundër motit të keq, sofra në të cilën u vendosën enët tradicionale shqiptare, midis të cilave kishte edhe fli të pashmangshëm, mblodhi dhjetëra qytetarë të cilët në të njëjtën kohë shijuan edhe performanca të valleve popullore dhe këngë të vjetra tradicionale shqiptare.

Duke folur për AA, Lorik Pustina, zëdhënës në Ministrinë e Diasporës dhe Investimeve Strategjike, tha se organizimi i kësaj sofre lidhet ngushtë me “Panairin me produkte dhe veshje kombëtare”, i cili u hap dje po ashtu në sheshin Zahir Pajaziti, ku shoqata të ndryshme prezantojnë ushqimet dhe prodhimet e tyre artizanale.

“Deshëm që të sjellim edhe një cop të traditës së vjetër shqiptare këtu në shesh, që bashkëatdhetarët tanë të vijnë dhe t’i shijojnë këto ushqime tradicionale të gatuara nga shoqatat, gratë anëtare të shoqatave artizanale. Përkundër shiut, shohim se ka mjaft njerëz në shesh dhe është pjesë e misionit tonë që të ruajmë traditën dhe identitetin tonë kombëtar”, tha Pustina.

Sipas Pustinës, ajo që është e pashmangshme në secilën sofër shqiptare janë këngët e vjetra tradicionale, duke shtuar se edhe kjo sofër po shoqërohet me instrumentet tradicionale si lahuta e sharkia.

Kjo sofër organizohet në kuadër të Ditëve të Diasporës, në të cilën organizohen aktivitete të ndryshme kulturore e tradicionale për hir të bashkëatdhetarëve të cilët vizitojnë dhe kalojnë pushimet e tyre verore në Kosovë. Ditët e Diasporës do të përfundojnë më 2 gusht me një manifestim qendror në qendër të Prishtinës, ku do të performojnë emra të njohur të estradës shqiptare.

PRISHTINË – Ministria e Diasporës dhe Investimeve Strategjike e Kosovës në sheshin “Zahir Pajaziti” në Prishtinë ka hapur panairin me veshje kombëtare, punime dore dhe ushqime tradicionale, i cili organizohet në kuadër të “Ditëve të Diasporës 2018″.

Ky panair organizohet në kuadër të këtij manifestimi tashmë tradicional për hir të bashkëatdhetarëve të cilët vizitojnë Kosovën dhe kalojnë pushimet e tyre verore në Kosovë.

Hapja e Panairit që do të mbahet nga dita e sotme deri më 27 korrik të këtij viti, u bë nga ministri i Diasporës dhe Investimeve Strategjike i Kosovës, Dardan Gashi dhe zv/kryeministri i Kosovës, Fatmir Limaj.

“Gjithmonë është kënaqësi e veçantë kur diaspora fillon të vijë verës dhe viziton familjet, vendlindjet e tyre dhe kënaqësi edhe më e veçantë është se diaspora mund të takojë këta njerëz, që prodhimet e tyre janë prej duarve dhe zemrave të tyre. Është një lidhje e veçantë e diasporës me këto produkte, për shkak se këto edhe simbolizojnë vendlindjen e tyre”, deklaroi ministri Gashi në adresimin e tij.

Gashi bëri të ditur se “Ditët e diasporës” deri më 2 gusht do të shënohen me shumë aktivitete në të gjitha komunat e Kosovës për bashkëatdhetarët që vizitojnë Kosovën gjatë muajve të verës. Ai shtoi se menifestimet qendrore të “Ditëve të Diasporës” do të mbahen në Prekaz të Komunës së Skenderajit më 1 gusht dhe në Prishtinë më 2 gusht të këtij viti.

Zv/kryeministri Limaj, nga ana e tij, tha se ka pasur rastin që në vendet e ndryshme të Evropës ku jeton diaspora kosovare t’i sheh prodhimet vendore, duke theksuar se kjo ka ndodhur falë biznesit të shqiptarëve të diasporës të cilët kanë ndërtuar bashkëpunim ekonomik me prodhuesit kosovarë.

“Është një rast I mirë për t’u njohur me prodhime të tjera vendore dhe që njerëzit të kenë mundësinë të shërbehen me këto produkte vendore edhe me gjithë këto veshje tradicionale që kultivohen shumë ose të themi që nuk ka familje në diasporë që nuk ka një nga veshjet tona kombëtare, si shenjë e ruajtjes së identitetit”, tha Limaj. aa

Sikurse në një klasë të ciklit të ulët mësimoë, ku të gjithë nxënësit janë të dobët, është e lehtë të jesh nxënës i shkëlqyeshëm, ashtu është e lehtë të jesh politikan “shëmbullor” në kosovën post-rugoviane, të rrëmbyer nga antivlerat dhe anarkia ligjore.
Sikurse në një shoqëri, ku të gjithë janë të vërbër, ai që sheh me njërin sy bëhet mbret, ashtu edhe në klasën morbide, të korruptuar dhe tejinkriminuar të Kosovës, Hashim Thaçi me shkathësitë (dredhitë) e tij politike është bërë mbret i mbretërve të gjithfuqishëm në Kosovën e pas-pavarësisë!

Jo pa të drejt, disa nga miqt dhe familjarët e mi, kanë filluar të shqetësohen për fatin tim, shkaku i kërcënimeve dhe shantazheve në vijimësi nga çarqe të caktuara, të cilat për qëllim e kanë ndalimin tim në mos kundërshtimin e veprimeve antikombëtare, antikushtetuese dhe antishtetërore të kastës politike në pushtet dhe opozitë, …megjithatë unë nuk tërhiqem nga e drejta për t’i dalë zot vendit dhe popullit tim të nëpërkëmbur nga kusarët politikë, që nga hiqi janë shndërruar në multimilionerë karrshi një popullate të varfër e të pashpresë për jetë në vendin e vet.

Paanshmëria e vlerësimit analitik

Ashtu siq më njohin lexuesit, në shkrimet e mia flas me gjuhën e zemrës, asnjëhere nuk udhëhiqem nga mënia dhe inatet personale, por nga dashuria që kam ndaj atdheut tim-Kosovës dhe bashkombasve të mi.
Unë asnjëherë deri më sot, nuk e kam mbështetur keq-qeverisjen e vendit pavarësisht kush ka qënë në pushtet, sikurse që nuk i kam mbështetur pazaret e pista politike për interesa personale të kujtdo qofshin ato.
“Mazraku në thes nuk hyn”, e thotë një fjalë e urtë popullore.
Dëmet që i ka shkaktuar vendit kjo klasë politike janë të mëdha dhe të pariparueshme.
E kam thënë vite më parë, po e përsëris prapë, sikur të ishte i vetëm Hashim Thaçi, e keqja për vendin do të ishte më e vogël.
E që nuk është i vetëm Hashim Thaçi, u dëshmua edhe në takimin e fundit në Bruksel. Hashim Thaçi nuk ishte e keqja e vetme për vendin përgjatë këtyre gjashtë vjetëve dialog me Serbinë. Bashkë me të ishin të gjitha partitë politike, me përjashtim të VV-së.
Me Thaçin në dialog ishte edhe ajo që sot është më e zëshmja kundër tij-LDK-ja e Isa Mustafës me sejmenët e tij, që ishin suporti më i madh i Hashim Thaçit në dialog me palën serbe në Bruksel.
Në të njëjtën tavolinë që nënshkroi marrëveshjen fatale të 19 prillit 2013 Thaçi me Daçiqin, dy vjet më vonë, të njëjtën e nënshkroi lideri i LDK-së, Isa Mustafa me Vuçiqin, duke i shkelur hiq më pak se 23 nene të kushtetutës.
Për të qenë e keqja akoma më e madhe për vendin, ishte prapë LDK-ja e Isa Mustafës, ajo që e katapultoi Thaçin në postin e presidentit të vendit, i cili sot luan bixhoz me fatin e vendit.
Sikur LDK-ja të mos bënte koalicion me PDK-në, gjegjësisht sikur Isa Mustafa të mos bënte pazare të natës me Thaçin për të kënaqur egon e tij personale, sot nuk do të kishim Hashim Thaçin president, Kadri Veselin kryeparlamentar dhe as Ramush Haradinajn kryeministër.
Me siguri, sot do ta kishim një konstalacion tjetër të forcave politike në pushtet. E për më tepër se kaq, sikur LDK-ja të kursehej nga koalicioni vrastar me PDK-në në vitin 2014-të, sot do ta kishim një situatë krejt tjetër edhe sa i përket pozicionit të Kosovës në raport me miqt ndërkombëtar dhe qytetarët e vendit në radhë të parë.
Përkthyer në gjuhën popullore, sot LDK-në do ta kishim zonjë të politikës kosovare dhe prijetare të proceseve demokratike, promovuese të rendit dhe ligjit në vendin tonë.
“Ai që bie në shtrat me fëmijë, në mëngjes zgjohet i lagur”!
Vetëm një reformim i thellë strukturor dhe përmbajtësorë e pastron LDK-në e “lagur” nga bashkëjetesa e gjatë në qeverisje me PDK-në.
Nuk po zgjatem më tepër me LDK-në, jo për të kursyer lidershipin e saj, por me qëllim të trajtimit të problemit madhor që përballet vendi ynë në ditët e sotme.

Dialogu i Brukselit, zhvesh Kosovën nga identiteti shetëror

Nëse e vlerësojmë nga këndvështrimi analitik momentin e shpalljes së pavarësisë së 17 shkurtit 2008-të sipas pakos së “Ahtisarit”, prej të cilit erdhi edhe pavarësia, me kushtëzime dhe privilegje të jashtëzakonshme për pakicën serbe, me më pak se pesë për qind të popullsisë, e cila gëzon të drejta edhe më të shumta edhe se shumica dërrmuese e popullatës shqiptare në Kosovë, precedent ky i paparë dhe padëgjuar në botën demokratike”, ku me fazën finale të dialogut të Brukselit apo “banane republikës së Mogherinit”, Kosova po na del e zhveshur komplet nga identiteti shtetërorë dhe ai kombëtar.
Nga një republikë unike multietnike të “Ahtisarit”, kemi arritur në dy republika; një mini republikë serbe të ndarë të Mogherinit dhe një tjetër të Hashim Thaçit e cila ngjet në gjithçka tjetër, pos jo në shtet të pavarur dhe sovran.
Bërja hisedare e Serbisë në të gjitha asetët e shtetit dhe gjitha institucionet e Kosovës në njërën anë dhe dominimi ekonomik dhe politik i Serbisë në vendin tonë në anën tjetër, e ka shndërruar Republikën e Kosovës në “banane republikë”!

Me “banane republikën e Mogherinit”, Kosova po largohet më shumë nga shtetësia e saj dhe akoma më shumë nga kthimi i jetës normale në vendin tonë

Mbase, pas Kushtetutës së vitit 1974, Kosova ishte më e avancuar në Republikën Federale të Jugosllavisë, seqë po del nga dialogu me Serbinë. Asokohe, edhe pse Kosovës i mungonte emri i Republikës, ishte pothuajse e barabartë me republikat e tjera, kishte institucionet e saj kredibile dhe integritetin territorial, ndërsa sot pas 44 vjetësh me emrin “Republlikë” po na del më e varfër, me institucione jo kredibile, me integritet të cunguar territorial, pa sundim të rendit dhe ligjit dhe pas asnjë përspektivë zhvillimore, shkaku i tjetërsimit dhe humbjes së aseteve më fitimprurëse në vend.
Si rezultat i kësaj situate, qyetarët e vendit dita-ditës janë duke e braktisur vendin, jo shkaku i dhunës dhe represionit të pushtuesve serb, por për shkak të keq-qeverisjes së klasës politike shqiptare, që ua humbi të gjitha shpresat, duke ua bërë jetën ferr shqiptarëve në Republikën e Kosovës.
E artë dhe e paarritshme do të mbetët përiudha e pushtetit paralel në rrethanat e okupimit klasik të Serbisë, përgjatë viteve të 90-ta, me kredibilitet apsolut të popullatës shumicë shqiptare në Kosovë nën udhëheqjen e liderit historik Ibrahim Rugova.
Krijimi dhe funksionimi i instiucioneve paralele; Ministrisë së Arsimit, Shëndetësisë, Kulturës dhe përkujdesjes humanitare ndaj shtresave të rrezikuara nga varfëria, e ardhur si pasojë e largimit nga vendet e punës e qindramijëra të punësuarëve në sektorin publik nga regjimi i Millosheviqit.

Tre paralele, me gjashmëri të njëjtë

Të vërtetën duhet thënë ashtu siq është lakuriqe, të pakamufluar. Ngase një popull që falsifikon të sotmen, të ardhmen do ta ketë të hidhur.
Ashtu siq e ceka në fillim, që nuk kam asgjë personale me liderët shtetëror dhe partiak, nuk kam as preferencë të veqantë për ndonjë subjekt të caktuar politik, pra jam apartiak.
Sikurse i kam kritikuar veprimet e liderëve shtetëror, ashtu edhe i kam mbështetur në momente të caktuara. Si bie fjala, e kam mbështetur aksionin e Policisë së Kosovës me urdhër të Hashim Thaçit, të 25 korrikut 2011 për shtrirjen e sovranitetit në veri, aksion ky i cili më ka bërë të ndjehem krenar për herë të parë dhe të fundit (deri më tani) me ish kryeministrin e vendit tim.
E ngjashme ishte mbështetja ndaj qëndrimit të kryeministrit aktual Ramush Haradinaj; “Qeveria nuk u jepë llogari ambasadorëve të huaj, por vetëm parlamentit dhe deputetëve” ndaj deklaratës së shefes së Zyrës së BE-së në Kosovë, Nataliya Apostolova, se “Demarkacioni me Malin e Zi dhe Gjykata Speciale e përcaktojnë të ardhmen e Kosovës në Bashkimin Evropian (BE)”, e cila më bëri të ndjehem krenar me kryeministrin e vendit tim me 26.01.2018.
Sikurse në rastin e parë, ashtu edhe në rastin e dytë krenaria nuk zgjati më shumë se disa orë, për shkak të mos qëndrueshmërisë së tyre karrshi presionit të faktorit ndërkombëtar.
Kur jemi në këtë segment, do u hyja në hak lexuesve pa e përmendur edhe një fakt, atë të premtimit publik të liderit të LDK-së, z. Isa Mustafa për realizimin e reformave në këtë subjekt politik. Duke i besuar profilit prej akademiku dhe përvojës politike, e shkrova artikullin autorial me 09.12.2013 me titull: “Isa Mustafa, lideri reformator i LDK-së!”, i cili në vend të reformave, instaloi format më të vrazhda të diktatit, kërcënimve dhe shantazhit politikë në LDK, ish partinë e besës dhe shpresës së shqiptarëve të Kosovës!
Tre shëmbujt e mësipërm, e tregojnë majftueshëm paanshmërinë që mbajnë shkrimet e mia, të cilat si gjithnjë reflektojnë dashurinë që kam për vendin dhe bashkombasit e mi, kudo që ndodhen ata, në Kosovë, trojet etnike apo Diasporë.
I tillë do të mbetëm, përherë ushtarë besnik i atdheut dhe gardian i interesave të bashkombasve të mi dhe shoqërisë shqiptare në përgjithësi.
Unë biri yt, që lutem e punojë ditë e natë për ty Kosovë!

Komuna e Pejës, gjegjësisht, qeverisja aktuale me veprimin e saj arbitrar për të mos lejuar ekspozimin e prodhimeve para dyqaneve të tyre në Çarshinë e Gjatë dhe shitjen ambulant në pjesën e fundit të Çarshisë së Gjatë m’u në vlugun e pushimeve verore të diasporës në Pejë, bën një padrejtësi morale dhe biznisore ndaj pronarëve apo qiramarrëseve të atyre dyqaneve dhe shitësve ambulant që të vetmin burim të ekzistencës ekonomike e kanë këtë veprimtari….

– Padrejtësi morale sepse në vitin 2017, në muajin e zgjedhjeve lokale dhe të atyre qendrore, për vota, në heshtje e toleronin ekspozimin e mallit para dyqaneve dhe shitjen ambulant përrreth apo përballë Çarshi Xhamisë…!

– Padrejtësi ekonomike, meqenëse, pengojnë zhvillimin e biznesit dhe fitimet reale të sezonës, pasi që mentaliteti dhe kultura e tregtisë në Pejë, imponon ekspozimin e mallit para dyqanit, sepse blerësi pa e pa mallin “para këmbëve” nuk hyn në dyqan me ble, sikurse është “paradoksi pejan se dyqani më shkallë është më pak i frekuentuar se dyqanët pa shkallë…?”

Edhe Alternativa. Dega në Pejë, përkrah ndalimin e ekspozimeve të mallit para dyqaneve jashtë sezonës, por mendon se është në kundërshtim me logjiken dhe interesin e zhvillimit ekonomik të Pejës që kjo të mos tolerohet gjatë muajëve korrik-gusht kur në Pejë kthehen për pushime diaspora jonë e cila për fat të keq është i vetmi infuzion i mbijetesës ekonomike të pjesës dermuese të popullatës në përgjithësi e të bizneseve të vogla në veçanti …!

Andaj, kërkojmë nga Ekzekutivi i Komunës së Pejës që të ketë mirëkuptim në këtë drejtim dhe ta rishqyrtoj edhe njëherë vendimin e tyre lidhur me këtë çështje, njëkohësisht kërkojmë që kryesia e Shoqatës së Zejtarëve të jetë më e zeshme dhe më këmbngulë se në mbrojtjen e të drejtave dhe interesave të anëtarëve të saj…
Alternativa, përmes përfaqësuesit të saj në Kuvendin e Komunës së Pejës do ta ngritë si çështje për shqyrtim dhe zgjidhje këtë problematikë në interes të të gjitha palëve…!

Reshat Nurboja

Anëtar i Kuvendit të Komunës së Pejës

nga radhët e Alternativës-dega në Pejë

Autoritetet serbe refuzuan t’i japin leje ministrit të Jashtëm të Kosovës, Behgjet Pacolli, që të qëndrojë në rajonin e Sanxhakut ne Serbinë jugperëndimore, që është zona e banuar me shumicë të komunitetit boshnjak.

Ministri Pacolli ishte ftuar nga Këshilli Kombëtar i Boshnjakëve për të qëndruar më 21 dhe 22 korrik në Novi Pazar, për të marrë pjesë në një konferencë të këtij këshilli.

Autoritetet e Serbisë refuzuan të japin leje, në një veprim që ministria e Jashtme e Kosovës e cilësoi si shkelje të marrëveshjes së Brukselit dhe cenim të lëvizjes së lirë.

“Ne, sot jetojmë në shekullin, ku lëvizja e lirë e njerëzve është e drejtë fundamentale e njeriut dhe çdo shtet e qeveri duhej ta respektojë atë. Kosova ka respektuar këto të drejta me përkushtim të madh dhe do t’i respektoj gjithmonë derisa mos të abuzohet me to, si në shumë raste që ka ndodhur në të kaluarën me mysafirët nga shteti fqinj verior“, thuhet në një komunikatë të kësaj ministrie, e cila paralajmëron mundësinë zbatimit të masave të ndërsjella.

“Do të ishte e arsyeshme, që Kosova të mbajë të drejtën për masa reciproke kundrejt autoriteteve të Beogradit sipas Marrëveshjes së Brukselit, por ne i dedikohemi të drejtave fundamentale për lëvizjen e lirë të njerëzve përderisa ato mos të jenë qëllimkëqija. Të rikujtojmë faktin se edhe vizitat e kosovarëve tek bashkëkombësit e tyre në Preshevë, Bujanoc dhe Medvegjë duhet të vihen në reciprocitet me vizitat e serbëve tek bashkëkombësit e tyre në Kosovë”, thuhet në komunikatën e ministrisë së Jashtme të Kosovës.

Serbia vazhdon të kundërshtojë pavarësinë e Kosovës, por është përfshirë në një proces bisedimesh për normalizimin e marrëdhënieve në shkëmbim të afrimit me strukturat e Bashkimit Evropian. Pjesë e marrëveshjeve është edhe lejimi i vizitave të ndërsjella.

Qindra vizita të tilla janë kryer gjatë katër viteve të fundit. Një vizitë pa leje në Kosovë e zyrtarit te qeverisë serbe, Marko Gjuriç, në muajin mars, nxiti tensione të larta ndërmjet të dyja vendeve pas arrestimit dhe dëbimit të tij nga policia e Kosovës.

Hyrja e Kosovës në bisedime si palë e pabarabartë, gjegjësisht si subjektivitet nën Rezolutën 1244 të KS të OKB-së, e jo si shtet i pavarur, përkatësisht me fusnotë* e pa Republikë, e ka bërë Serbinë superiore në të gjitha takimet, duke e trajtuar Kosovën herë si provincë (krahinë) e herë si koloni të saj!
Nga fillimi i bisedimeve e deri deri sot, politika kosovare në dialog me Serbinë ka qënë pa krye dhe pa platformë të bisedimeve, duke e ulur tejë mase peshën e bisedimeve, të cilat janë realizuar gjithmonë në favor të Serbisë.
Negociatorët kosovarë në bisedimet me Serbinë në Bruksel asnjëherë nuk kanë qënë në nivelin e përgjegjësisë shtetërore, si në aspektin formal ashtu edhe atë praktik.
Si i tillë çfarë është, delegacioni i Kosovës edhe në takimin e fundit nuk ishte në gjendje të ngrit nivelin e bisedave me Serbinë në nivel shtetëror, as të kërkojë pasurinë e Kosovës në ish Jugosllavi, dëmet e luftës, përmes të cilave do të mund të amortizohej politika serbe deri në atë masë sa të kërkojë zgjidhje kompromisi me Kosovën!
Presidenti Thaçi, i vetëzgjedhur kryenegociator i fazës finale të bisedimeve me Serbinë në Bruksel, ditëve të fundit ishte i fokusuar në blerjen e opozitës së përçarë kosovare, në mënyrë që t’ia sigurojë vetes nënshkrimin e marrëveshjes finale me Serbinë, gjë e cila mund të ketë edhe pasoja të rënda për të ardhmen e Kosovës.
Kundërshtimi i zbehtë i opozitës kosovare për rolin prijës të Hashim Thaçit në bisedimet me Serbinë, është vetëm një zhurmë për poena elektoralë, pasi opozita nuk po arrin që ta shfrytëzon fuqinë e votës për ta “kryqëzuar” presidentin në Kuvend, për ta kushtëzuar me tema kulmore të interesit strategjik për Kosovën, ose ta bëjë shkarkimin e tij dhe ndërprerjen e mënjëhershme të dialogut final (fatal) me Serbinë, derisa kjo e fundit të njoh pavarësinë e shtetit tonë, e bashkë me këtë edhe integritetin territorial të Republikës së Kosovës të njohur ndërkombëtarisht.

Rekommandimi mashtrues për liberalizim

Lajmi i kamufluar dhe plot hipokrizi i komisionerit evropian, Dimitris Avramopoulos, ishte lojë diplomatike për ta nxjerr Thaçin nga stresi dhe pozita e rënd pas takimit me Vuçiqin.
Qytetarët e lodhur nga denigrimi social dhe varfëria ekstreme e pranuan gati si punë të kryer lajmin e kamulfluar për liberalizim të vizave, pa u plotësuar fare kushti themeltar për liberalizim të vizave, ai i luftimit të korrupsionit dhe krimit të organizuar.
Mbetët i pajustifikueshëm fakti i fshehjes së lajmit më të rëndësishëm të ditës së Merkurë 18 Korrik 2018-të!. Askush nga gazetarët shqiptar nuk e pyeti presidentin Thaçi për “takimin e shkurtër, por të rënd”, nga mimika e të cilit u vrejt tronditja që kishte pësuar nga takimi me Vuçiqin.
Kur lajmi i “mirë” e pason lajmin e keq, është sinjal alarmues për vendin. Lajmi i parë, i keq për Kosovën erdhi nga presidenti i trishtuar Hashim Thaçi; “Ishte ky takimi më i shkurtër dhe më i rënd përgjatë këtyre gjasht viteve të negociatave me Serbinë!!!
I mënjëhershëm na doli lajmi i”mirë” sa befasues po aq i papritur i Komisionit Evropian, kinse Kosova i ka përmbushur të gjitha standardet për liberalizim të vizave, anipse lufta kundër korrupsionit dhe krimit të organizuar në Kosovë akoma nuk ka fulluar!
Çmimin e rekomandimit të Komisionit Evropian, Kosova e vogël e pagoi shumë shtrenjtë, mdaje edhe më shtrenjtë seqë është pritur.
Përveq faljes së 8200 hektarëve tokë Malit të Zi, siq duket Serbia nuk u mjaftua vetëm me veriun e vendit, të dhënë dhuratë nga Thaçi me 19 Prill 2013 dhe Isa Mustafa me 25 Gusht 2015 në Bruksel,…të miratuar dhe legjitimuar nga deputetët shqiptar në Kuvendin e Kosovës!
Presidenti serb, Aleksandër Vuçiq kësaj radhe i kërkoj diçka më shumë homologut kosovar Hashim Thaçi…!
Andaj, në këtë rast, duhet kërkuar llogari nga presidenti Thaçi, që të zbërthej dhe sqaroj për opinionin publik kosovar, çfarë në të vërtetë përmbanë “takimi më i shkurtër dhe më i rënd përgjatë këtyre gjasht viteve të negociatave me Serbinë”.
Kjo është esenca e problemit me të cilin duhet të merren sot kosovarët, e jo të llogaritin në afatet kohore për largim nga vendi i tyre.
Mirëpo, sikurse deri më tani, nuk pritet llogaridhënje dhe transparencë nga presidenti Thaçi,…i cili, vetëm pas nënshkrimeve fatale në Bruksel e njofton Kuvendin, së bashku me presionin ndërkombëtar për miartim të marrëveshjeve antikushtetuese dhe të dëmshme për vendin.

Reziku nga dialogu me Serbinë është i madh shumëdimensional

Amnistimi i kriminelëve serb, do të thotë shpëlarje e duarëve me gjakun e shqiptarëve! Në këtë rast, qytetarët e burgosur në gjysëm shtetin e Kosovës, të vetmin shpëtim e shohin largimin sa më parë nga vendi i tyre në kërkim të një jetë të re në shtetet evro-perëndimore.
Edhe pse me vonesë dhe çmim tejët të lartë për vendin, përfundimisht kanë filluar të bien maskat e partive në pushtet të cilat mashtruan e tradhtuan qytetarët se me demarkacionin menjëherë vjen liberalizimi i vizave!
E shiten ratifikimin e demarkacionit gjoja si kusht për liberalizimin e vizave për të shpëtuar lëkurën e tyre nga “Specialja”. Të njëjtit që e votuan demarkacionin, siq duket nuk i kishin bërë mirë llogaritë,…nuk e kishin menduar fare dialogun me Serbinë, i cili do t’i bëjë që shumë shpejt ta harrojnë demarkacionin me Malin e Zi, çfarë sfidash do të sjellë demarkamimi i kufirit me Serbinë.

Mbrojtja e shtetit te Kosoves, obligim kombëtar

Andaj, më i rëndësishëm se liberalizimi i vizave, është ekzistenca e shtetit, ruajtja e sovranitetit dhe integritetit territorial të vendit tonë.
Me ose pa liberalizim të vizave, përsëri do të udhëtojnë ata që kanë para, ndërsa qytetarët e varfër do të përballen me kafshatën e gojës dhe “botën e vogël” që i rrethon!
Liberalizimi i vizave pa sundim të ligjit dhe pa asnjë përspektivë zhvillimore, mund të jetë fatale për të ardhmen e vendit tonë. Qytetarët, paraprakisht largimit nga Kosova, duhet ta ndëshkojnë këtë klasë politike që ua bëri jetën ferr!
Sikur të kishim një klasë politike të përgjegjshme, paraprakisht liberalizimit do të kishim zhvillim ekonomik dhe mirëqënje për qytetarët, atëherë levizjen e lirë do ta kishim përjetuar si diçka normale e jo si çështje ekzistenciale!
Për të qënë shqetësimi më i madh për shtetin, duket një pajtueshmëri në heshtje me pushtetarëve dhe popullatës së pashpresë në Kosovës.
Qytetarët janë duke i pritur vizat, si shpëtim për të ikur nga vendi, pushtetarët akoma më të gëzuar për mbajtjen përjetësisht të pushtetit në gjysëm shtet!
Realitet i hidhur dhe fatkeq. Qytetarët të cilët jetojnë në varfëri e të pashpresë në vendin e tyre, e mendojnë ardhmërinë e tyre jashtë tij,…duke mos llogaritur fare në pasojat e asimilimit deri në tretje finale në shtetet e huaja.

Legjislatura më e papërgjegjshme e Kuvendit të Kosovës

Në historinë e parlamentarizmit kosovar nuk mbahet mend të ketë qënë një legjislaturë më pasive, më e dobët dhe më e dëmshme për interesin e shtetit dhe qytetarëve. Sikurse që nuk mbahet mend, të ketë pasur ndonjëherë pushtet më antipopullor dhe opozitë më heterogjene në Kuvendin e Kosovës.
Përderisa pozitën dhe opozitën i ndanë pushteti në gjysëm shtet, është “grazhdi i krimit” në parlament, ai që i bashkon të përgjumosurit e politikës.
Deputetët që nuk i zë gjumi, kohën e kalojnë duke bërë “selfije” në parlament. Ndërsa pjesa tjetër e deputetëve të “rebeluar”, ua prishin gjumin kolegëve të tyre duke çuar pluhur në ajër, me ndonjë përplasje verbale kinse për keqpërorimet e fondeve të luftës apo shtyerje bërrylash në stillin e “Buajve në baltë”!
Ishte ky një përshkrim sa metaforik, po aq real që ndodh në të gjitha seancat e kësaj legjislature të Kuvendit të Republikës së Kosovës.
Pasi Kuvendi i Kosovës, gjegjësisht si pozita ashtu edhe opozita, kanë rënë në gjumë të thellë, thuajse fare nuk ekzistojnë, shkaku i implikimit në aferat korruptive dhe kriminale gjatë periudhës sa ishin bashk në pushtet.
Opozita ka frikë t’i kundërvihet pushtetarëve, ndryshe, në Kuvend nuk dallohet më se kush është pozitë e kush opozitë në parlamentin kosovar, pasi që janë njëjtë të korruptuar, njëjtë të kriminalizuar dhe njëjtë të papërgjegjshëm karrshi qytetarëve të vendit.
Prandaj, jo vetëm pajtueshmëria e qytetarëve me realitetin e hidhur, është edhe një pajtueshmëri e pashpallur mes subjekteve politike në Kuvendin e Kosovës.
Në dakordim të plotë me njëra-tjetrën, subjeketet politike në Kuvend, me përjashtim të VV-së, votuan pro-faljes së 8200 hektarëve tokë të Kosovës, Malit të Zi.
Ngjashëm, por akoma më keq po sillen ndaj dialogut me Serbinë. Deklarativisht e kundërshtojnë, por në fakt nuk e ndërmarrin asnjë veprim konkret për të parandaluar të keqën e madhe që po i vjen Kosovës nga dialogu vrastar me Serbinë në Bruksel.
VV-ja, që dikur rrokulliste kamion me mallëra të Serbisë, mbulonte në tymë e flakë parlamentin e Kosovës në emër të mbrojtjes së territorit nga marrëveshja për Demarkacionin me Malin e Zi,…tani kur janë në pyetje dhjet fish më shumë territore dhe humbje enorme e sovranitetit të shtetit, nuk e kemi asnjë një levizje pozitive, asnjë protestë apo demonstrim pakënaqesie ndaj dialogut të Brukselit!

Shpresa për ndryshime ekziston

“Shpresën” e vetme që ua jepin popullit pushtetarët aktualë është ikja nga vendi!
Në situatën aktuale, kur shtetit i mungon forca opozitare, Kosovën dhe qytetarët e saj mund t’i shpëtojë vetëm një forcë e re politike e ngjizur nga Diaspora, me intelektualë dhe atdhetarë të devotshëm, biznesmen dhe kuadro profesionale të fushave dhe lëmive të ndryshme dhe në bashkëpunim me të gjitha forcat progresive vendore, elitat intelektuale të nëpërkëmbura nga pushtetarët aktual, mediat e pavarura, analist dhe gazetarë të guximshëm që demaskojnë deri në fund keqpërdorimet nga përiudha e luftës dhe pasluftës, krimin e organizuar dhe korrupsionin 20 vjeqar në të dyja nivelet e qeverisjes, sistemin e drejësisë dhe abuzimet me paratë publike të partive politike në pushtet dhe opozitë.
Mashtrimi me vizat dhe themelimin e ushtrisë, janë tendencë e hapur për mbulimin e hajnisë, korrupsionit dhe krimit të organizuar. Asnjë popull në rruzullin tokësor nuk do të pranonte faljen e tokave stërgjyshore në këmbim të levizjes së lirë drejt vendeve tjera!
Edhe pse i vështirë, akoma nuk është i pamundur parandalimi i së keqës më të madhe para së cilës ndodhet Kosova. Me një klasë të re politike, liderë të pastër dhe të përgjegjshëm që vëjnë interesin e shtetit para çdo interesi personal, është e mundur të përmirësohet imazhi i keq për Kosovën dhe të hiqen etiketat për shtet dhe qeveri të kriminalizuar, në të dyja nivelet e qeverisjes.
Andaj, nëse me të vërtetë e duam Republikën e Kosovës si shtet tonin, të ngrihemi të gjithë në mbrojtje nga invazioni serb. Mirëpo, paraprakisht duhet ta bëjmë largimin e uzurpatorëve nga pushteti dhe pastrimin e skenës politike dhe të gjitha institucionet e shtetit nga të korruptuarit dhe inkriminuarit, nga hajdutët e matrapazët e të gjitha llojeve e ngjyrave.

Ne politikë natyrisht së ka shumë opsione për të ardhur deri të qëllimi i caktuar. Ka shumë rrugë të cilat mund apo nuk mund të bëhën. Por sigurisht së gjithçka që nderrmerret duhet të jetë e arsyeshme , shumë e kuptueshme, transparente dhe gjithëqka të bëhët në menyrë institucionale , natyrisht duke i marr parasysh interesat vitale të shtetit dhe interesat kombëtare . Sigurisht së për një njeri normal , për një njeri që i thotë vetit dijetare e atdhetar ekziston vetëm një solucion i arsyeshm politik që nuk guxon kurrë ta bëjë as edhe në ënderr-ai është opsioni , hapi , rruga që qon drejtë tradhëtisë të vendit tënd dhe të popullit tënd. Politika në Kosovë po i shkelë ngadalë këto parime . Janë duke u shkelur parimet bazë të mbrojtjës së territorit të Kosovës.

Demarkacioni ishte lëshimi më i madh territorial që nuk ka guxuar të na ndodhë në asnjë mënyrë . Thuhej së ishte kusht për liberalizim të vizave e nuk ishte , por ishte një mashtrim i keq i faktorit politik vendor .Ne këtë mesele po duket ashiqare tash së ishte me hile edhe bashkësia ndërkombëtare . Zyrtarët më të lartë të shtetit të Kosovës, e veqmas presidenti Hashim Thaçi , ka bërë firmosje të dëmshme më Serbinë gjatë bisedimeve maratonike , dhe si duket është duke bërë veprime edhe më të dëmshme në bisedimet finale ,gjoja për normalizim të mardhenjëve , e që po shihet së kemi të bëjmë më bisedime krejt të natyrës politike .Ky grup që është takuar më Mogerinin ka mundësi ta na dergojnë në rrugën shumë të gabuar për liberalizim të vizave. Do të ishte katastrofale për Kosovën nese vjen në shprehje ndarja etnike e veriut të Mitrovicës siq po flitet.

Deri më tash nuk u pranua opcioni ndarjës së Kosovës ,që është projekt i kahmotshem i Dobrica Qosiqit dhe Sllobodan Millosheviqit, i cili pretendojë këtë projekt shovenist ta realizon më luftë. A nuk grabiten serbët shumë toka shqiptare deri më sot duke krijuar Serbinë jo të Madhe por të Stermadhe , që sërish tia falim territoret tona!!!Deshi kush ta pranoj apo jo , nese realizohet skenari për ndarje të Kosovës, edhe ne vet po bëhemi pjesë e krimit mbi njeriun tonë. Me mijëra viktima ranë për lirinë dhe pavarësinë e Kosovës historikisht, dhe tash për teke të dikujt apo edhe nese ekziston edhe presioni ndërkombetar , nuk guxon të na ndodhë të falim territore , së do të na mallkojnë dhe namatisin të rënët në altarin e lirisë ,dhe do të na mallkojë edhe historia. Lëshimet e reja apo shitja e territoreve në veri do të dergojnë në destabilizim Ballkanin Perëndimor.Populli nuk ka luftuar dhe sakrifikuar që të falën serish tokat tona .Kjo nuk besoj së do të tolerohet nga shumica e shqiptarëve . Në Kosovë kan ndodhur shumë krime mbi shqiptarët , e për të cilat krime pak ose fare nuk po flitët, nuk po shkruhet , nuk po dëshirohet të kujtohen të gjitha ato viktima , nuk po funksionon përgjegjësia politike, morale e juridike. Nuk u kërkua që Serbia të dënohet për gjenocid, nuk u deponu materjal më bollkë për krime të luftës pranë TPI-së në Hagë, nuk u kërkuan dëmet e luftës …

Fati i proceseve tona politike dhe nismave çfarë aktualisht i kemi , janë duke shënuar ndoshta epokën më të errët të kombit. Pse e thëm këtë, e thëm së na u krijuan kushtet për të parën herë në histori që ta kemi shtetin e dytë në Ballkan , dhe jemi duke ja huqur për të bërë shtet normal e demokratik. Jam shumë i sigurt së asnjë shtet i ri nuk do të ishte futur në bisedime që prekin statusin politik ,më një shtet i cili e ka humbur luftën, më një shtet i cili historikisht na ka perjashtuar nga sistemi , me një shtet i cili ka berë gjenocid , më një shtet i cili na ka okupuar, më një shtet i cili ka bërë gjenocid .Dhe, ne futemi në bisedime më palën serbe pa asnjë kusht. Miqët tanë ndërkombëtar e dimë që na kan ndihmuar të lirohemi nga zgjedha shekullore serbe, por jo tash pas formimit të shtetit, të na “detyrojnë” që të bëjmë lëshime territoriale ,për çka vet u zotuan se nuk do të këtë ndryshim të kufijve të Kosovës.

Ende nuk është shuar era e barotit dhe e gjakut , dhe kjo e vertetë fëmijëve tanë pak po ju prezentohet , e Kosova ishte bërë kasaphane .Nuk ishte dashur të lejohet të vihen në rrezik interesat kolektive.

Jemi duke i harruar vendet ku serboqetnkët bën masakra kunder shqiptarëve në tokat e tyre.Duhet ne çdo qast ta kemi në mendje së ata qe u vranë dhe u masakruan ishin njerëzit tanë. Është për të na quditur fakti së si aq lehtë shikohemi në sy me ata që kryen krime mbi ne.

Të zhvillohen bisedime më ata që ishin inspiruesit e luftës dhe krimeve , mendoj së nuk ka më vështirë , po që kjo fatkeqësisht shumë lehtë u pranua nga udheheqësit shqiptarë. Shteti i Kosovës dhe ata të cilët po e drejtojnë po bëhen ,ose nuk po e marrin guximin ti kundershtojnë këto bisedime të dëmshme , këto bisedime të cilat janë duke i realizuar planët serbe .

Nuk ka cep të Kosovës që nuk kemi të vrarë nga dora gjakatare serbe, dhe totalisht po mungon përgjegjesia politike.Janë margjinalizuar traumat të cilat na i shkaktuan armiqët serbosllavë në kontinuitet.Vragët e luftës jo që nuk u mbyllen , po ato duket së do të hapen më këtë politikë miope .Në vend që të sanohen plagët e luftës , nese vazhdohet më këtë politikë do të hapim dhëmbje dhe plagë të reja. Unë për vetën time nuk kam dijeni së a do ti kemi në krahun tonë më miqët e deritashem perëndimor dhe amerikanë .Shumë i kemi irituar me mos dijen tonë , indolencën , lakmin për pushtetet apsolut dhe lakminë për të mira materjale, duke i harruar interesat e shtetit të Kosovës dhe duke i harruar edhe interesat kombëtare…

Ambasadori amerikan në Kosovë, Greg Delawie ka reaguar pas një interviste të dhënë mbrëmë në KTV ku ishte cituar të ketë thënë se: ”SHBA nuk e mohon se në Bruksel do të flitet për shkembim territoresh, por ua lë këtë palëve”.

Delawie përmes një postimi në Twitter, ka thënë se ky është një lajm i rremë duke kërkuar që ta injorojnë.

”Injoroni lajmet e rreme. Ja se çfarë kam thënë, “Kosova duhet të kuptojë se cilat janë qëllimet e saj, ajo duhet të përpiqet të arrijë një lloj konsensusi mbi këto qëllime dhe kjo është ajo që unë po përqendrohem tani”- ka shkruar Delawie në Twitter.

Deklarata e ambasadorit amerikan në Kosovë Greg Delawie se në Bruksel në dialogun mes Vuçiç e Thaçit mund të diskutohet dhe për ndarje territoresh ka nxitur reagime të shumta në politikën kosovare, e sigurisht jo pozitive.

Kryeministri i Kosovës, Ramush Haradinaj ka ripërsëritur se ndarja e Kosovës është luftë dhe sipas tij deklarata e ambasadorit amerikan, Greg Delawie është interpretuar gabim nga mediat.

Këto komente kreu i ekzekutivit i bëri gjatë vizitës që i bëri komunës së Lipjanit, me ç’rast u takua edhe me të parin e komunës, Imri Ahmeti.

“Çka thotë dikush është diçka tjetër, nuk mund ta ndal askush, unë e kam përsëritur dhe e përsëris ndarja është luftë, unë e di që askush nuk do luftë në Ballkan”, u shpreh ai.

Sipas tij deklarata e ambasadorit amerikan Greg Delaëie është keqinterpretuar, pasi sipas tij ambasadori i SHBA-ve ka thënë se mund të flitet, por nuk ka thënë se ndarja e Kosovës është temë në dialogun në Bruksel.

“Mendoj që është interpretim i gabuar nga mediat deklarata e ambasadorit nga mediat, nga ne në Kosovë unë e di qëndrimin amerikan. Qëndrimi i parë pra pozita e parë e amerikanëve është që ata nuk imponohen në zgjidhje, por vetëm nëse palët dakordësohen. Mundësia e foljes për një temë është diçka tjetër dhe opsion i ndarjes është diçka tjetër. Pra askush nuk mund ta ndaloj dikë të flasë, pra ambasadori ka thënë mund të flitet por nuk ka thënë që është temë edhe amerikanët nuk kanë vija të kuqe por amerikanët na kanë njohur pavarësinë e Kosovës me këtë Kushtetutë, me Këtë territor jemi sovran”, u shpreh Haradinaj.

Ambasadori i SHBA-ve në Kosovë, Greg Delaëie në një intervistë për media nuk e ka mohuar mundësinë e diskutimit për territore në Bruksel.

Zëvendëskryeministri dhe ministri i Jashtëm i Kosovës, Behxhet Pacolli, është në pritje të përgjigjes nga autoritetet e Serbisë për të hyrë në ketë shtet, me qëllim të pjesëmarrjes në një aktivitet.

Pacolli është ftuar në Beograd për të marrë pjesë në një konferencë të Këshillit Kombëtar Boshnjak të Serbisë, më 21 dhe 22 korrik.

“Ne jemi duke pritur një përgjigje nga pala serbe në bazë të marrëveshjes së Brukselit për lëvizje të lirë”, tha Jetlir Zyberaj, këshilltar i ministrit të Jashtëm.

Serbia dhe Kosova, në kuadër të dialogut politik për normalizimin e marrëdhënieve, kanë nënshkruar marrëveshje për lëvizjen e lirë të qytetarëve dhe vizitat e zyrtarëve në vitin 2014.

Përvjetori i grushtetit kundër diktatorit turk Erdogan u kremtua edhe në Prishtinë.Këto përpjekje për rikthimin e neootomanizmit në trojet shqiptare i organizoi Ambasada e Turqisë apo strofulla e gjarpërinjeve aziatikë. Nga Politikanet aktivë të Kosovës mori pjesë pasardhësi i Hashim Thaqit, i cili me përpikëri është besatuar se do ta vazhdon rrugën e Hashimit në raport me rikthimin e neootomanizmit në trojet shqiptare Albin Kurti. Kurti me këtë hap politikë ka treguar qartë se Vetvendosja nuk është parti me orjentim  kombëtar, por shqiptarizmën e perdor vetëm për përfitime politike por parti e cila i takon një përzierje idoeologjike ruso-turke, me një fjalë parti e ideologjisë lindore dhe jo perëndimore.Edhe më brengosës është fakti i marrjes pjesë për rikthimin e neo otomanizmit në trojet shqiptare i ish dy Presidenteve të Kosovës:Fatmir Sejdiut dhe Atifete Jahjages.Që të dy këta ish presidentë tani janë dekoruar me medaljen e Haxhi Qamilit për kontributin e tyre në rikthimin e neootomanizmit në trojet shqiptare.Për Atifete Jahjagen e kam ditur se nuk e ka ndonjë përvojë politike dhe shumë lehtë mund të bijë në karremin e politikës.

Këtu u tregua plotësisht e pandergjegjshme duke i kthyer shpinën politikës amerikane,politikë e cila e solli në krye të Kosovës duke shpresuar se i takon orjentimit perëndimorë dhe jo atij lindor, por që ju doli gabim.Atifete të paqim falë tek Erdogani, shko në Turqi dhe mos u kthe kurrë ma. Kurse më tepër jam i brengosur me pranimin e nofkës Haxhi Qamil të Fatmir Sejdiut. Fatmir Sejdiu për një kohë të gjatë ka qenë bashkpuntorë i Presidentit Historik të Kosovës prof.dr.Ibrahim Rugova. Por fatkeqësisht fare spaska mësuar asgjë as nga orjentimi politik i Presidentit Rugova dhe as nga vizioni kombëtarë i Ibrahim Rugovës.Edhe Fatmir Sejdiu i koftë falë Erdoganit.Tashë këta tre Haxhi Qamila të rinjë të Kosovës ju bashkuan karvanit të diktatorit Erdogan.

Me një fjalë ju bashkangjitën krimeve, burgosjeve, rrahjeve dhe vrasjeve politike që po bënë Erdogani në Turqi dhe pranimit të okupimit të Kurdistanit, të njejtën gjë qe e ka bërë krimineli Millosheviq në vitet 1998-1999 kundër Kosovës dhe shqiptarëve po e bën Erdogani kundër kurdëve. Shpeshherë më kujtohen fjalët e një mikut tim që për shkak të respektit nuk  dua t’ia permendi emrin i cili më thoshte:Eh po shumë fellë e ka futur pllugun turku dhe shkau në trojet shqiptare o Nue Oroshi, 600 vjet robëri aziatike dhe karpatiane e kan bërë të vetën. Dhe ky veprim për kthimin e Neootomanizmit në trojet shqiptare po bëhët pikërisht me rastin e 550 vjetorit të kalimit në amshim te Gjergj Kastriotit,  ku e kemi edhe vitin jubilar të Gjergj Kastriotit tonë të madhë.

Me plot të drejtë në këtë marshë të rikthimit të Neootamnizimit në trojet shqiptare e ka kritikuar edhe KMDLNJ ku në një reagim ndër të tjera thotë“Sipas KMDLNJ nëse shtetasit e Kosovës të komunitetit turk rreshtohën pas një politikani turk , pas një partie apo qeverie duke votuar për ta dhe duke iu dhënë përkrahje publike ( sipas ligjeve të Kosovës ) mund dhe duhet të kuptohet dhe të pranohet si shprehje e vullnetit demokratik të tyre , prania e ish – presidentëve të Kosovës :Fatmir Sejdiu dhe Atifete Jahjaga janë veprime të papërgjegjshme që e dëmtojnë interesin e Kosovës në planin ndërkombëtar “, thuhet në reagim.Sipas Këshillit këta dy ish – presidentë nuk kanë marrë pjesë në një aktivitet humanitar por në një aktivitet krejtësisht politik duke anuar në anën e presidentit Erdogan që është e palejueshme dhe e pamoralshme nga këndi i interesave strategjike të Kosovës.

A e dinë këta tre sejmen të Erdoganit se me të përfunduar kjo protestë për rikthimin e Neootomanizmit në trojet shqiptare menjëherë ambasadorët e shteteve perëndimore dhe ai i Amerikës kanë njoftuar Qeveritë e tyre për sjelljen e erdognistave të Kosovës.Këta tre sejmen të Erdoganit: Fatmir Sejdiu,Albin Kurti dhe Atifete Jahjaga me të madhe po brohorisin: Duam babën e jo shkabën. Duam baba Erdoganin e jo Gjergj Kastriotin, duam sulltan e jo shqiponjë dykrenare. E prapë Kosova kërkon liberalizime të vizave. E prapë Kosova thotë se fajin na e ka Brukseli..

Me hidhërim të madh pranova lajmin e ndarjes nga jeta, nga Ne, të njerit ndër figurat ma të shquara Shqiptaro- Amerikane, Stan Dragoti !

Aktorin e madh me origjinë shqiptare, Stan Dragoti, e takova për herë të parë gjatë viteve ‘90 në New York gjatë lobimit tonë për Kosovën dhe Çështjen Shqiptare.

Stan Dragoti dha një kontribut të madh në Lobim gjatë tërë Kohës e sidomos gjatë periudhës së Luftës në Kosovë, ku punuam shumë me të gjitha Mediat Amerikane në Projektin “Stop the Killing in Kosova”.  Me këtë Projekt, përmes mediave, njoftuam mbarë opinjonin Amerikan dhe atë Botëror se çka po ndhodhte në Kosovë: vrasje e masakra nga pushtuesi Serb, etj.

Ky Lobim në Mediat Amerikane dha rezultate të mëdhaja në përkrahjen e Presidentit Klinton për të dhanë urdhër për të intervenuar Amerika dhe NATO kundër forcave Serbe… !

Stan Dragoti në New York  është emër i njoftur si Projektues “ I Love NY “, që e ktheu vëmendjen e botës kah New Yorku… !

Ndarja e Stan Dragoti nga ne është një humbje e madhe për Amerikën dhe për Shqiptarët në Përgjithësi…!

Ministri i Punëve të Jashtme në Qeverinë e Kosovës, Behgjet Pacolli, përmes rrjetit social Twitter, ka reaguar ndaj ndalesës së vendosjes së flamurit të Kosovës në Kampionatin Botëror të Futbollit në Rusi.

“I zemëruar ndaj veprimeve të Rusisë për ndalimin e përdorimit të flamurit të Kosovës gjatë finales së Kupës së Botës. Kosova është anëtare e FIFA-s dhe iu bëj thirrje që të reagojnë ndaj abuzimit që ka bërë Rusia ndaj Kosovës”.

“Politika duhet të qëndrojë jashtë sportit”, ka thënë Pacolli.

Reagimi i tij vjen pasi në stadiumet ruse, flamuri i Kosovës është ndaluar të ekspozohet krahas disa flamujve tjerë.

PRISHTINË (AA) – Me rastin e përvjetorit të dytë të tentativës për grusht shteti të kryer nga FETO në Turqi, u mbajt marshim i “Solidaritetit me Demokracinë” ku morën pjesë qindra njerëz në sheshet kryesore të kryeqytetit të Kosovës, Prishtinë, raporton Anadolu Agency (AA).

Marshimi për të përkujtuar tentativën për grusht shteti të 15 korrikut të vitit 2016 u organizua me iniciativë të shoqatave të shoqërisë civile, si Bashkësia e Studentëve të Diplomuar në Turqi, ARASTA, IDEA dhe Qendra Liberal Demokrate dhe nën mbështetjen e Agjencisë Turke për Bashkëpunim dhe Koordinim (TIKA).

Pjesëmarrësit me pankarta me mbishkrimin “Jemi me ju” nga sheshi “Nëna Tereza” i Prishtinës vazhduan drejt sheshit “Zahir Pajaziti” ku në skenën e përgatitur për këtë ditë, ambasadorja e Republikës së Turqisë në Prishtinë, Kıvılcım Kılıç mbajti një fjalim.

Në fjalën e saj, ambasadorja Kılıç falënderoi të gjithë pjesëmarrësit e këtij marshimi duke theksuar se dy vitet e fundit që nga tentativa për grusht shteti në Turqi, miqësia dhe solidariteti në mes të popullit të Kosovës dhe Turqisë është forcuar edhe më shumë.

Duke kujtuar suksesin e treguar nga populli turk i cili ka vepruar bashkë pa dallim partie apo ideologjie në natën e 15 korrikut, Kılıç tha se solideriteti i treguar në ditën e sotme nga të rinjtë, të moshuarit e të gjitha komuniteteve të Kosovës ka një vlerë shumë të madhe.

“Në këtë ditë kujtojmë me respekt të gjithë dëshmorët që mundësuan që ne të jemi sot këtu pasi që falë tyre ajo natë e trishtueshme u lidh në një mëngjes të ndritshëm. Nuk do t’i mbesin sytë prapa martirëve tanë të demokracisë sepse kjo miqësi, ky solidaritet dhe dashuria për demokracinë do të vazhdojë përjetësisht. Me dëshirën që ajo tradhti e 15 korrikut të mos përsëritet në asnjë shtet mik, edhe njëherë dua të përkulem me respekt para dëshmorëve tanë dhe dua t’iu falënderoj edhe juve miqve të madhërishëm këtu në Kosovë. Rroftë Kosova, rroftë Turqia”, u shpreh ajo.

Ministri i Administratës Publike të Kosovës, Mahir Yağcılar në një prononcim për AA uroi mëshirën e Zotit për të gjithë dëshmorët që kanë humbur jetën në natën e 15 korrikut. Ai theksoi besimin e plotë se Turqia do të vazhdojë me hapa shumë më të fuqishëm drejt së ardhmes dhe se do të avancojë udhëheqjen e saj.

“Këto mund t’i shohim si një veprim i një pjese të njerëzve të cilët kanë qenë kundër rendit dhe demokracisë, por në anën tjetër ka qenë edhe ajo pjesa e madhe e tyre, të cilët kanë mbrojtur demokracinë dhe janë pranë vullnetit kombëtar. Po ashtu shohim një udhëheqje, e cila është shembull e udhëheqjes së fuqishme nga presidenti Recep Tayyip Erdoğan, i cili i tejkalon të gjitha vështirësitë. Urojmë që gjithmonë të mbizotërojë kjo demokraci”, tha Yağcılar.

Kujtojmë se në këtë marshim përveç përfaqësuesve të shoqërive civile dhe një numri të madh të qytetarëve nga mbarë Kosova, morën pjesë edhe ministri i Zhvillimit Rajonal të Reublikës së Kosovës, Rasim Demiri, nënkryetarja e Kuvendit të Kosovës dhe deputetja nga radhët e Partisë Demokratike Turke (KDTP), Müfera Şinik, deputeti nga KDTP, Fikrim Damka, kryetari i Komunës së Mamushës, Abdülhadi Krasniç, kryetari i Shoqatës së Invalidëve të Luftës të Ushtrisë Çlirimtare të Kosovës (UÇK), nga dega në Fushë Kosovë, Xhevdet Qeriqi, koordinatori i TIKA-s në Kosovë, Hasan Burak Ceran, drejtori i Institutit Yunus Emre në Prishtinë, Mehmet Ülker, si dhe deputetë të Kuvendit të Kosovës.

Delegacioni i Kosovës do të udhëtojë i përforcuar në takimin e radhës me delegacionin nga Serbia më 18 korrik në Bruksel, në nivelin më të lartë të përfaqësuesve të institucioneve shtetërore.

Presidenti i i Kosovës, Hashim Thaçi do të shoqërohet kësaj radhe nw Bruksel nga udhëheqësit e institucioneve tjera, por jo edhe nga përfaqësuesit e opozitës.

Megjithatë, nuk besohet se në takimin me delegacionin nga Serbia do të përfshihen edhe kryeministri dhe kryetari i Kuvendit.

Zyrtarë nga kryeministria kanë sqaruar për Radion Evropa e Lirë se liderët e institucioneve do të udhëtojnë së bashku në Bruksel, por nuk besohet se mund të zhvillojnë së bashku edhe takimin me delegacionin nga Serbia, pasi që ftesa e Përfaqësueses së BE-së për takim u është drejtuar vetëm presidentëve të Kosovës dhe Serbisë.

Nga kryeministria u tha se udhëheqësit kosovarë do ta takojnë së bashku Federica Mogherinin, kurse takimi Kosovë – Serbi do të zhvillohet ndërmjet presidentëve.

“Udhëheqësit e institucioneve të Republikës së Kosovës: Presidenti i Republikës, Hashim Thaçi, kryetari i Kuvendit, Kadri Veseli, kryeministri, Ramush Haradinaj, zëvendëskryeministri i parë dhe ministër i Jashtëm, Behgjet Pacolli, zëvendëskryeministri Fatmir Limaj dhe zëvendëskryeministri dhe ministër për Diasporë dhe Investime Strategjike, Dardan Gashi, sot në një takim të përbashkët, vendosën që të mërkurën, më 18 korrik, të takojnë Përfaqësuesen e Lartë të Bashkimit Evropian, znj. Frederica Mogherini në Bruksel”, thuhet në një komunikatë për media.

“Udhëheqësit e institucioneve të Republikës së Kosovës, do t’i konfirmojnë Përfaqësueses së Lartë të BE-së, Federica Mogherini përkushtimin e institucioneve të Republikës së Kosovës, për dialog me Serbinë dhe po ashtu përkushtimin dhe angazhimin tyre për përfshirjen e opozitës në dialog, respektivisht krijimin e një ekipi gjithëpërfshirës”, vijon komunikata.

Takimi i radhës ndërmjet Prishtinës dhe Beogradit në Bruksel mbahet më 18 korrik me lehtësimin e Bashkimit Evropian.

PRISHTINË – Pas përfundimit të Samitit të NATO-së në Bruksel, Sekretari amerikan i mbrojtjes James Mattis do të udhëtojë nesër në Zagreb për të takuar përfaqësuesit e shteteve të Ballkanit Perëndimor në kuadër të takimit të Kartës së Adriatikut me SHBA.

Pas ftesës së NATO-së për të nisur negociatat me Maqedoninë, SHBA-ja dëshiron të jap një mesazh të posaçëm përkrahës për vendet e Ballkanit.

Sipas komunikatës së Departamentit të Shtetit, vizita e Sekretarit Mattis është e para në rajon dhe do të takohet me ministrat e mbrojtjes së shteteve Kroaci, Shqipëri, Maqedoni, Mali i Zi, Kosovë, Bosnjë dhe Serbi.

Në një intervistë për gazetën “Middleeasteye”, kryeministri i Kosovës, Ramush Haradinaj ka thënë se identiteti kombëtar është identiteti i parë i tij. “Unë jam shqiptar, nuk jam mysliman, feja nuk është identiteti im i parë”, është shprehur ai.

Haradinaj ka thënë se kosovarët jetojnë në një “botë tjetër” prej asaj të myslimanëve të Lindjes së Mesme.

“Ne jemi një komb euro-atlantik. Kur ne ishim në telashe, SHBA dhe NATO ishin me ne, kështu që ne i përkasim këtij grupi”, ka thënë ai.

“E vërteta është se ne kemi ekzistuar për më shumë se 2000 vjet para Muhamedit apo Jezusit. Kemi jetuar si të krishterë për shumë kohë dhe pastaj e kemi pranuar fenë myslimane, nëpërmjet administratës osmane“, ka shtuar Haradinaj.

Gazeta shkruan se më shumë se 90 për qind prej 1.8 milionë banorëve të Kosovës janë shqiptarë myslimanë, por institucionet shtetërore janë laike.

Sipas gazetës, kosovarët që e aspirojnë anëtarësimin në NATO dhe në Bashkim Europian (BE) “mund ta përdorin identitetin islamik për të lehtësuar rrugën e tyre në klubin e shteteve me rrënjë të krishtera”.

“Middleeasteye” thekson se në vendet islamike rrallë herë nderohen presidentët amerikanë, ndërsa në Kosovë ata nderohen e respektohen më shumë se askush.

“Udhëheqësit amerikanë të viteve të kaluara nderohen gjithmonë për shkak të raportove dhe miqësisë që kanë mes veti që nga aksionet për ndihmë në luftën e fundit në Kosovë”, shkruan gazeta.

Shefja e politikës së jashtme të Bashkimit Evropian, Federica Mogherini ka caktuar për të mërkurën më 18 korrik raundin e ri të bisedimeve ndërmjet Kosovës dhe Serbisë.

Në një njoftim të zyrës së saj thuhet se në takimin ndërmjet presidentit të Kosovës, Hashim Thaçi dhe atij të Serbisë, Aleksandër Vuçiç, do të shqyrtohet përparimi në diskutimet për marrëveshjen gjithëpërfshirëse për normalizimin e marrëdhënieve si dhe për planet dhe hapat e ardhshëm për t’u siguruar se puna do të vazhdojë më një ritëm të përshpejtuar.

Muajin e kaluar të dyja palët ishin pajtuar “të intensifikojnë punën në javët në vazhdim”, në kërkim të një marrëveshjeje gjithëpërfshirëse për normalizimi i marrëdhënieve, që është kusht për të dyja vendet për integrim në Bashkimin Evropian. Por, ende është e paqartë se çfarë mund të jetë ajo marrëveshje.

Prishtina thotë se ajo duhet të përfshijë njohjen e ndërsjellë dhe anëtarësimin e Kosovës në Kombet e Bashkuara. Beogradi që kundërshton pavarësinë e Kosovës, kërkon një “kompromis”, por pa e qartësuar se cili mund të jetë ai. Një pjesë e politikanëve ne Serbi tashmë e kanë përsëritur se zgjidhje mund të ishte ndarja e Kosovës, përkatësisht që veriu i saj i banuar me shumicë serbe t’i takojë Serbisë, ide që është hedhur poshtë nga Prishtina.

Presidenti i Kosovës, Hashim Thaçi, tha se askush nuk mund ta udhëheqë vetëm procesin e negociatave me Serbinë dhe se askush nuk do të jetë në gjendje ta bllokojë këtë proces.

Gjatë një vizite në Ferizaj, të mërkurën, Thaçi tha se është koha që të gjithë udhëheqësit politikë në Kosovë, të cilët janë të interesuar që t’i kontribuojnë konsolidimit të vendit, të marrin përgjegjësinë për këtë proces të rëndësishëm.

“Qëllimi ynë është të arrijmë një marrëveshje përfundimtare. Jemi të vendosur për marrëveshjen përfundimtare të paqes dhe pajtimit, pas së cilës do të ketë njohje reciproke të Kosovës dhe Serbisë. Kjo do të jetë një arritje historike për Kosovën, për paqen dhe stabilitetin në rajon. Që kjo njohje të ndodhë, duhet të kontribuojmë të gjithë”, tha Thaçi.

Ai i bëri këto komente në përgjigje të pakënaqësive të opozitës në Kosovë që Thaçi të udhëheqë fazën finale të dialogut për normalizimin e marrëdhënieve me Serbinë.

Kuvendi i Kosovës nga sot është anëtar i Asamblesë parlamentare të Frankofonisë, pas votimit në mbledhjen që është mbajtur në Kanada.

Lajmin e bëri të ditur kryetari i Kuvendit të Kosovës, Kadri Veseli, bëri të ditur se “kam kënaqësinë e madhe që t’iu njoftoj se Kuvendi i Kosovës sapo është votuar që të anëtarësohet në Asamblenë Parlamentare të Frankofonisë. Unë jam i gëzuar që pas shumë përpjekjesh kjo nismë për t’u bërë pjesë e këtij institucioni të rëndësishëm ndërkombëtar të parlamentarizmit u kurorëzua me sukses”.

“Kjo është organizata më e madhe ndërkombëtare parlamentare ku ne bëjmë pjesë dhe ofron një mundësi të jashtëzakonshme për diplomaci parlamentare. Nëpërmjet këtij anëtarësimi forcojmë subjektivitetin ndërkombëtar të shtetit tonë e do kemi mundësi ta promovojmë Kosovën e ndërtojmë marrëdhënie me parlamentarë të vendeve që ende nuk na njohin”, theksoi Veseli gjatë dhënies së këtij lajmit në seancën plenare.

Anëtarësimi i Kuvendit të Kosovës në Frankofoni është nismë e kryeparlamentarit Kadri Veseli i cili muaj më parë ka takuar edhe krerët e kësaj Asambleje, ndërsa ka zhvilluar edhe takime të ndryshme gjatë vizitave zyrtare në vende të ndryshme.

Para 1 muaji, pikërisht për këtë çështje, kryeparlamentari Veseli priti në Prishtinë, Sekretarin e Përgjithshëm të Asamblesë Parlamentare të Frankofonisë, Jacques Krabal./KosovaPress/