Analisti gjerman nga Këshilli për Politika të Demokratizimit Bodo Veber ka thënë se nuk do të ketë korrigjim të kufirit sepse kjo do të nxiste pasoja të paparashikueshme.

Policia e Kosovës nisi të hënën zbatimin e planit operativ, i cili parashikon ndalimin e qarkullimit të automjeteve të paregjistruara dhe të atyre që iu ka skaduar regjistrimi.

Automjetet e tilla janë përdorur vetëm në veri të Kosovës gjatë pothuajse 20 vjetëve të kaluar dhe vlerësohet se numri i tyre është rreth 30% e numrit të përgjithshëm të automjeteve.

Shefi i Drejtorisë së Operacioneve të Policisë në rajonin e veriut, Zhelko Bojiq, konfirmoi për Radion Evropa e Lirë se policia, që nga mëngjesi i së hënës, po i kontrollon të gjitha automjetet dhe se deri tani nuk ka konfiskuar asnjë, pasi qytetarët, siç tha ai, po e respektojnë vendimin e policisë.

“U jemi shumë mirënjohës bashkëqytetarëve tanë, të cilët kanë treguar mirëkuptim dhe disiplinë, pasi këto mjete ende nuk janë parë në trafik (sot). Shpresojmë se do të mbetet kështu”, tha Bojiq.

Udhëheqja e komunave në veri të Kosovës, përkatësisht Mitrovicë e Veriut, Zveçan, Zubin Potok dhe Leposaviq, lëshoi një deklaratë të përbashkët, përmes së cilës tha se e mbështet plotësisht vendimin e policisë ne veri për të ndaluar përdorimin e automjeteve që nuk kanë targë dhe as polisë të sigurimit.

Ishte vjeshtë e vonë e vitit 1992, regjimi pushtues i Millosheviqit në Kosovë, kishte nisur vazhdimin e aksionit famëkeq të kërkimit të armëve nga shqiptarët, i mbetur në gjysmë nga antishqiptari Aleksandër Rankoviq.
Pre e ndjekjes dhe torturës për armë nga koha e Rankoviqit e deri të ajo e Millosheviqt ishte edhe babai im i ndjerë (Halil Zeqa), i torturuar disa herë nga policia serbe, por asnjëherë i nënshtruar.
Pas kthimit nga Stacioni Policisë në Klinë, babai me plagë të rënda trupore nga tortura e policisë serbe gjendej duke u kuoruar në shtëpi, ndërsa unë gjatë kthimit nga procesi mësimor, u ndala në shitoren e fshatit ku punoja për të blerë diçka. Aty brenda ishte nje tollovi e madhe e njerëzve që debatonin me shqetësim për aksionin e armëve…
Me të dalë nga shitorja, më ofrohet një familjarë i një personi që kishim dyshimet për spiunim të babait tek policia serbe, me fjalët; “Unë sonte së bashku me disa të tjerë (i citoi me emra, ndër ta edhe një gazetarë) do të vijmë për ta vizituar babain tënd…”. Përgjigja ime ishte e prerë, jo nuk keni fare nevojë të vini, babai im është mirë dhe se asgjë e keqe nuk i ka ndodhë!
Ishte hera e parë që vendosa kështu pa u konsultuar ne babain, pasi nuk doja t’ia pëserisja edhe një herë torturën psiqike që kishte përjetuar nga policia serbe!
Me të kthyer në shtëpi, nga frika se mos po më qorton babai për vendimin e marrë, me gjysëm zëri i tregova për rastin, ndërsa babai me plot entuziazën ma ktheu; “Mirë ua paske bërë, të njëjtën përgjigje do ta merrnin edhe nga unë”.

Është hera e parë që e filloj shkrimin me një rrëfim personal, por këtë e bëra për shkak të ndjeshmërisë së ceremonisë së rivarrimit të kolonel Ahmet Krasniqit, e cila provokoi ndjenja të thella shpirtërore për shkak të sjelljes abuzuese të liderëve shtetërorë me eshtrat e Ministrit të parë të Mbrojtjes së Republikës së Kosovës, kolonel Ahmet Krasniqit, njeriut më besnik të Ibrahim Rugovës, i vrarë pabesisht në Tiranë me 21 shtator të vitit 1998.
Nga dita e premte, 21 shtator 2018, asnjëri nga udhëheqësit dhe deputetët e LDK-së nuk e ka të drejtën morale të flasin dhe as përdorin për marketing politik vrasjet politike të pasluftës, përkatësisht vrasjet e figurave më eminente të luftës dhe paqës nga radhët e LDK-së!
Prostitutat politike të LDK-së (politikanët që u shitën për para), ose më mirë të themi matrapazët që flirtuan me pushtetarët për rivarrimin kaq të padinjitetshëm të Ministrit të parë të Mbrojtjes së Republikës së Kosovës, pa u zbardhur asnjë detaj nga vrasja e kolonel Ahmet Krasnqit në Tiranë 20 vite më parë, janë vrasësit e dytë të Ahmet Krasniqit me 21 shtator 2018 në Prishtinë.
Ata që shitën edhe për së vdekuri kolonel Ahmet Krasniqin, provokuan ndjenjat e pastra të qindramijëra e miliona shqiptarëve të ndershëm, por më së keqi turpëruan familjarët e kolonelit.
Këtë e bënë një grusht matrapazësh politikë në LDK, të cilët një mik i imi, Rexhep Kastrati, publicist dhe gazetarë i guximshëm me të drejtë i quan “Vegla kondom të SHIK-ut në LDK” (përfundon citati), ua mundësuan kundërshtarëve të vijës institucionale të luftës çlirimtare, që pas 20 vitesh të bëjnë marketing politik me eshtrat e Ministrit të parë të Mbrojtjes së Republikës së Kosovës, të cilin nuk e njohën dhe pranuan si të tillë as në ditën e rivarrimit!
Janë të njëjtit edhe sot që e kundërshtojnë themelimin e Ushtrisë së Kosovës me akronomin FARK (Forcat e Armatosura të Republikës së Kosovës, të këtij elementi sa kuptimplot po aq përmbajtësorë të sovranitetit të shtetit tonë, pikërisht për shkak të mos pranimit të ekzistencës së FARK-ut, të këtij organizimi ushtarak nën komanden e kolonel Ahmet Krasnqit dhe Ibrahim Rugovës, si komandantit suprem i Forcave të Armatosura të Republikës së Kosovës.
Ndërsa sot, derdhin “lot krokodili” për llogaritë e tyre personale dhe politike njëkohësisht, me qëllim të barazimit të viktimave me kriminelët, të barazimit të vlerave me antivlerat, të nivelizimit të aktit të tradhtisë qyqare me heroizimin e dëshmorëve,…për më tepër se kaq edhe të amnistimit të krimeve makabre ndaj figurave më markante të kombit.
Këto veprime nuk ndodhim pa një qëllim të caktuar! Është kjo një tendencë e hapur për shtrëmbërim dhe falsifikim e skajshëm të historisë më të re të Kosovës, e cila për qëllim ka mbulimin e të gjitha vrasjeve politike të luftës dhe pasluftës në Kosovë.
Krijimi i një realiteti të rrejshëm sot, për qëllim ka minimizimin deri në asgjësim nga kujtesa popullore e figurave më markante, heronjëve dhe dëshmorëve të vërtetë të luftës çlirimtare.

Tregtarët e gjakut të dëshmorëve ia arritën qëllimit

Ka kohë që një pjesë e eksponentëve të LDK-së, zyrtarë të lartë dhe deputet për interesa meskine personale kanë shkelur mbi gjakun e familjarëve të tyre të vrarë pabesisht nga dora e zezë kriminale, duke u bërë një me ata që deri dje i shanin dhe akuzonin për vrasjen e më të dashurve të tyre!
Kjo tashmë nuk paraqet risi dhe as befasi në opinionin publik, por befasia tepër e dhimbshme qëndron në faktin e dorëzimit të disa prej familjarëve të figurave politike jo në mënyrë të drejtëpërdrejt por përmes “mësitëve” të krimit të organizuar…
Si asnjëherë më parë në ceremoninë e rivarrimit të eshtrave të Ministrit të parë të Mbrojtjes, u bënë bashk ëngjuj e djajë, atdhetarë e tradhtarë, pushtetarë e opozitarë, luftëtarë e dezertorë, invalid të luftës e të paqës, u bënë bashk heronjë e dëshmorë me vrasës e kriminelë të llojeve e ngjyrave të ndryshme.
Kjo më së miri u shkoi për shtati tregëtarëve të gjakut të dëshmorëve, për të mjegulluar akoma më tepër të vërtetën e hidhur të dhjetëra e qindra vrasjeve të pasluftës!
Kjo u shpëfaq në mënyrën më të keqe me 21 shtator 2018, me ç’rast u bë nivelizimi i heronjëve me ushtarë të thjeshtë, gjegjësisht i rivarrimit të Qazim Jakupit, pse ai ishte babai i një këngëtarje të njohur me Ministrin e parë të Mbrojtjes dhe komandant i përgjithshëm i Forcave të Armatosura të Republikës së Kosovës (FARK), kolonel Ahmet Krasnqi.
Këtë e bëjnë vetëm mumiet e gjalla të shndërruara në patericë të uzurpatorëve të shtetit.
Është e dhimbshme rënja në kurthin e mashtrimit e familjarëve të kolonel Ahmet Krasniqit, të cilët pranuan organizimin e gjithë kësaj maskarade nga njerëz të dyshimt duke pranuar edhe Dekoratën me “Mirënjohje” plot hipokrizi nga njeriu i më i pasinqertë dhe padinjitetshëm në vendin tonë, që nënkupton shkelje e nënshtrim, poshtërim e mallkim njëkohësisht.
Për rivarrimin e kolonelit, më mirë do të ishte të pritej edhe për një kohë, qoftë edhe një vit apo dekadë, për shkak se pendesa e familjes Krasniqi do të jetë akoma më e gjatë se kaq!

Ashtu siq e fillova, dëshirojë ta përfundoj shkrimin. Në momentin që është ftuar në skenë vëllau i kolonelit, Behxhet Krasniqi për të pranuar mirënjohjen, kam pritur reflektimin më pozitiv të mundshëm,…kam pritur refuzimin kategorik të Dekoratës nga presidenti duke e kushtëzuar me zbardhjen dhe dënimin e vrasësve të Ahmet Krasniqit.
Mbase një përgjigje e tillë, do të ishte ndëshkimi më i madh për presidentin Thaçi dhe të gjithë atyre që përgatitën maskaradën e këtij rivarrimi të padinjitetshëm të kolonelit, krejtësisht me prapavijë politike.
Bashkangjitjes së zërit anonim gjatë fjalimit stereoptip të presidentit edhe nga ana e z. Behxhet Krasniqi, përveqse akt burrërie e trimërie, do të ishte satisfaksion i lartë moral dhe i falenderimit të sinqertë për të gjithë mbështetësit e vijes institucionele të luftës, paqës dhe shtetndërtimit të Kosovës.
Për dallim nga unë, që e kisha një motiv 26 vite më parë për të mbrojtur me dinjitet prindin tim, ju z. Behxhet Krasnqi i keni pasur mijëra motive dhe arsye më shumë për t’i qëndruar besnik gjakut të vëllaut!
Nëse nuk keni pasur mundësi të bëni gjë tjetër, Dekoratën e “mirënjohjes” nga presidenti fatal i shqiptarëve, keni mundur dhe është dashur ta refuzoni publikisht si burrat në prezencë të qindra pjesëmarrësve dhe mediave!
“Askush nuk ngjitet mbi kurrizin tend, nese ti nuk perkulesh”!

Lavdi kolonel, prehu i qetë në zemrën e tokës dardane që e deshe me shumë se jetën!

“Gjykata Speciale ka fillu me u marrë me këto sene, na ka njoftu që e ka në juridiksionin e vet”, ka thënë Bexheti.

Ai ka konfirmuar se do të zbardhet vrasja e Ahmet Krasniqit nga drejtësia ndërkombëtare.

“Familja është kontaktu, ka marrë përgjigje që ata e kanë nën juridiksion kjo nuk do të jetë e mbyllur. Ka me zbërthy nashta ka me zgjat pak ama e vërteta ka me dalë sheshit”, ka thënë Behxhet Krasniqi, vëllai i ish-Ministrit të Mbrojtjes.

Asnjë prokuror në Kosovë nuk është marrë me zbardhjen e vrasje së Krasniqit pavarësisht se në këto 20 vjet janë përmendur disa emra të mundshëm si të përfshirë në vrasje.

Ndërkohë, në ditën e rivarrimit të eshtrave të Ahmet Krasniqit në Prishtinë doli Gani Geci me akuza se Presidenti aktual, Hashim Thaçi, kishte dhënë urdhër për vrasjen e Krasniqit. Madje, Geci tha se do të jetë dëshmitar i Gjykatës Speciale në ballafaqim me ish-udhëheqësin politik të UÇK’së.

Vëllai i Ahmet Krasniqit thotë se nëse Thaçi qëndron prapa vrasjes së kolonelit duhet ta marrë dënimin e merituar.

“…nëse është Hashim Thaci uroj që ta marrë dënimin e merituar”, ka deklaruar Behxheti, rrëfimin e plot të të cilit mund ta ndiqni në edicionin e lajmeve në T7, në orën 19.30.

Ahmet Krasniqi ishte udhëheqës i Ministrisë së Forcave të Armatosura të Republikës së Kosovës (FARK). Kishte shkuar në Shqipëri për të përgatitur ushtarët të hynin në Kosovë, një pjesë e të cilëve kishin hyrë përmes Betejës së Koshares.

Para se të vritej, Ahmet Krasniqi ishte çarmatosur dhe i ishin konfiskuar disa armë nga institucionet e sigurisë së Shqipërisë. Në kohën e vrasje së Krasniqit në pushtet në Shqipëri ishte PS’ja, ndërsa Shef i SHIK’ut, Fatos Klosi, tash veteran i UÇK’së.

Ish-Ministri i Mbrojtjes i Qeverisë në Ekzil, Ahmet Krasniqi është ekzekutuar më 21 shtator 1998 në Tiranë, në moshën 50-vjeçare. Trupi i tij ishte varrosur fillimisht në varrezat e Sharrës, shumë pranë mikut të tij Azem Hajdari.

Shefi i Grupit Parlamentar të Lidhjes Demokratike të Kosovës, Avdullah Hoti, thotë se Qeveria e Kosovës, që drejtohet nga kryeministri Ramush Haradinaj nuk mund ta udhëheqë dialogun e as ta delegojë këtë autoritet te dikush tjetër, pasi, sipas tij, Kosova ka qeveri të pakicës.

Hoti thotë se dialogu mes Kosovës dhe Serbisë në Bruksel, që ndërmjetësohet nga Bashkimi Evropian, duhet të udhëhiqet nga një qeveri e fuqishme “me bazë të gjerë”.

“Kjo mund të arrihet vetëm pas zgjedhjeve të lira, të cilat do të prodhojnë një qeveri stabël. Në qeverinë e ardhshme, të udhëhequr nga LDK-ja, ne do të punojmë sado që është e nevojshme me të gjitha forcat politike për të arritur konsensus për dialogun. Sepse ky proces nuk i takon vetëm një partie apo vetëm qeverisë”, ka shkruar Hoti në llogarinë e tij në Facebook.

Dialogu mes Kosovës dhe Serbisë ka nisur më 2011. Dialogun në nivel politik që prej nisjes së tij e ka udhëhequr Hashim Thaçi, njëherë nga posti i kryeministrit dhe tash edhe nga posti i presidentit.

Partitë opozitare po refuzojnë propozimin e Qeverisë së Kosovës për ekipin negociator për dialogun. Qeveria ka propozuar që në krye të këtij ekipi të jetë zëvendëskryeministri Fatmir Limaj, ndërkaq në të, opozita dhe shoqëria civile të dërgojnë përfaqësuesit e tyre.

Bashkimi Evropian kërkon që në fund të procesit të dialogut mes Kosovës dhe Serbisë të arrihet një marrëveshje për normalizimin e raporteve, cila, veç tjerash, do t’u hap rrugë drejt integrimeve evropiane të dy shteteve.

Kryeministri i Kosovës, Ramush Haradinaj ka njoftuar se javën tjetër do të vizitojë Shtetet e Bashkuara të Amerikës.

Përmes rrjetit social Facebook, Haradinaj ka thënë se në SHBA do të zhvillojë takime bilaterale me homologët e tij dhe me delegacione ndërkombëtare. Ai po ashtu ka thënë se do të marrë pjesë në Asamblenë e Përgjithshme të Kombeve të Bashkuara.

Sipas Haradinajt, kjo vizitë do të ketë në fokus “fuqizimin ndërkombëtar të Kosovës” si dhe forcimin e “partneritetit me SHBA-në”.

 Një burrë autodidakt, bujk dhe shpijanik në kohë të mykura, nën regjimin komunist dhe shovenist jugosllav, që dirigjohej nga okupuesit e Kosovës,serbët e malazezët (ndonëse ishin pakicë,ata dhe ato mbanin pushtetin dhe shtetin ,dënonin, përsekutonin, dhe I mundonin shqiptarët), doli së bëhet viktimë e kohës dhe fshatar I përvuajtur që nuk ja shkeli kujt këmbën, por mbante familjën më nderë e djersë , do të akuzohet e pastaj hetohet, izolohet dhe gjykohet, me motivacionin së Ishte i lidhur më grupe shqiptarësh të Kosovës që kishin migruar nga përsekutimet në Shqipëri ,dhe kishin kontakte më bashkëpuntorë shqiptarë të Kosovës , si dhe kishin lidhje me “armiqët” e Jugosllavisë së atëhershme.

Baca Xhelë, siq e quanin, gëzonte autoritet të merituar jo vetëm në fshatin e tij por, edhe më gjerë.Ai përjetoi shumë krajata në jetën e tij, pa pikë faji, I përndjekur I vështirë rankoviqianë dhe I mbrumun me shovenizmin antishqiparë jugosllavë, të fillimit të gjysëm shekullit të kaluar, që shkreteronte, shkallmonte e shfrytëzonte Kosovën dhe etninë shqiptare kudo ndodhej aso vitësh dhe jashtë saj dhe kreaturës socialisite të quajtur Jugosllavi, të cilën dihej së kush e donte .Për më tëpër ky shpijanik , akuzohej së kishte pranuar Grupet e Rrezikshme te Spiunazhit nga Shqipëria në shtëpinë e vet: ku ata takoheshin , informoheshin dhe zgjeronin rrjetin kundër Jugosllavisë.Ne verën e vitit 1961 Xheladini në mënyrë tinzare merret natën nga UDB-ja , dhe për tre muaj familja nuk do të dijë fare së ku ndodhej .

Për përjetimet e pësimet ai do ti bartë në qelinë Nr 1(me gjarpën në qeli), të Qendrës Famëkeqe të Jetimeve të Burgut të Gjurakovcit. Ai do ti merrte me vehte në tokë pas disa vitësh lëngimesh të gjuthëfarshme . Goja e tij edhe pas dy vitesh burgimi të rëndë dhe antinjërëzor në Nish të Serbisë , nuk do të hapët për të ngarkuar kënd për pësimet e veta. Kështu baca Xhelë nuk do mund të vie as në varrimin e babit të tij-Tahirit , pasi që rregullat antishqiptare të regjimit nuk lejonin –largimin e tij nga burgu.Pshtjellësi i zi biografik i thurur nga regjimi i eger serbosllav do të përfundoi , kur zemra e lënduar e tij do të shuhej, pas disa decenjësh lëngate , dhe ai do të marr më vonë (pas vdekjës) statusin e të Burgosurit Politikë nga Republika e Kosovës, më ndërgjegje të pastër , duke përbi akuzat e pushtetit sllav në forma të vrazhda të abuzimit,(duke mos e pranuar veprën e ngarkuar): si kunder ju ngjanë shumë shqiptarëve të Kosovës dhe trojeve tjera .

Një ilustrim tragjik për pësimet sllave në Burgun Famëkeq të Gjurakovcit , është dëshmi e pësim për fatin e një bashkombasi të Xheladinit, pikërisht një nga të akuzuarit të grupit të akuzuar –fshatari dhe burri i burrave nga Rastavica e Deçanit, Bajram Kelmendi, i cili nuk doli gjallë nga punkti i “ përpunimit antinjërëzor serbosllavë” të Gjurakovcit , për të cilin “Baca Xhelë” e përkujtonte më respekt e dhembshuri edhe të vdekur.Xheladin Latifaj do të mbetet fanar ndriques për gjeneratat e reja së si duhet dashur Atdheu dhe Kombi. Jeta dhe vepra e tij patriotike është lavdia dhe krenaria e familjës Latifaj nga Prilepi i Deçanit dhe është krenaria e Kosovës…

A ka pasur të drejtë presidenti Dr.I. Rugova kur ka thënë: ”Në radhët e drejtuesve të UÇK-së është një dorë e zgjatur e Serbisë?”

Hashim Thaçi është duke zbatuar idetë e Ibrahim Kelmendit, për pajtim të shqiptarëve me popullin serb, ende pa u tërë gjaku i njomë dhe pa e njohur Kosovën si shtet të pavarur, si dhe kthimin e serbëve të shpërngulur nga Kosova, duke mos dashur të përmend edhe kthimin e shqiptarëve nga Veriu i Mitrovicës ?!
Lëvizja eventuale e kufijëve të Kosovës, është akti më i rëndë i historisë tonë qindra vjeçare, në dëmë të popullit tonë!
Sepse, me këtë po bëhet pajtimi dhe heqja dorë e të gjitha kërkesave tona legjitime, nga Serbia pushtuese, siç janë: kërkesat për kthimin e tokve tona të okupuara të Sanxhakut të Nishit etj., për mos kërkim falje të shumë masakrave të dy luftërave botërore dhe e luftës së fundit 1999!
I.Kelmendi, nuk është vetëm rekrutues i Hashim Thaçit. Por edhe i shumë ish-komandatëve të luftës së fundit, me të cilët ka kontaktuar dhe biseduar në Gjermani. Ata në radhë të parë duhet të sqarojnë hesapet, me LDK-në, duke filluar nga presidenti Dr. I.Rugova, e pastaj kinse me popullin serb. Ibrahim Kelmendi, ka regrutuar edhe z.Bedri Zenel Islami, gazetar nga Shqipëria,atëherë në vitin 1997, unë isha kryetar, ndërsa Bedriu sekretar i Shoqatës tonë “Kadri Zeka”,në Nürtingen të Gjermanisë, ndërsa më vonë kryetar i LPK-së më 1998-1999, kuptohet  krejtë këto me direktivat e Tiranës zyrtare të krerëve socialistë… I.Kelmendi, në vitin 1997, vjen nga Düsseldorf-i në Wendlingen am Neckar, nja 900 km vajtje-ardhje, për ta paisur dhe mësuar të punoj  me telefon gjepi dhe kompjuter Bedriun… Për Bedri Islamin, atëherë kompjuteri dhe telfoni i gjepit ishin të panjohura fare, por I.Kelmendi kishte mjete materiale dhe kohë të mjaftueshme , sepse siç dihet ai nuk punonte…Ibrahim Kelmendi, në librin përrallë: “ Lëvizja (Lindje e Përgjakur) – Bashkëbisedim me Ibrahim Kelmendin me Autor Bedri Islami “, thotë se e ka kërkuar Ibrahim Rugovën në një hotel të Brukselit, për ta vrarë … Dhe kjo ka ndoshur kur Dr. Rugova ishte në vlugun e madh, për ta siguruar mbështetjen për Kosovën të Qendrave të Vendosjes Ndërkombëtare. Serbia aktivizoi agjentin e vet, I. Kelmendin, në momentin e duhur. Për këtë ka dëshmi të mjaftueshme, të cilat janë të njohura për shumicën e opinionit. Ibrahim Kelmendi, siç e dinë shumë mërgimtarë të hershëm, është përsoni më i dyshuar i implikuar për vrasjen e heronjëve Gërvalla e Zeka si dhe përçarësi më i madh i Mërgatës dhe popullit tonë në përgjithësi!
Po sjellim disa citate që kanë thënë për I. Kelmendin:
– Faridin Tafallari, në librin e tij “Terror, Dhembje, Qendresë” Faqe 56-57, shkruan për raportet jo të mira në mes Jusuf Gërvallës dhe I. Kelmendit.
“Edhe kur ishin shokët e pavarrosur, fliteshin mjaft gjëra. Por tani nisi të flitej shumë më tepër dhe lindën dyshime të mëdha. Flitej e dyshohej të shumëkush. Madje edhe për Ibrahim Kelmendin. Dyshimet ishin të pa bazuara në fakte dhe mbështeteshin  sidomos në ato mos marrëveshjet që kishin ekzistuar në mes Jusufit dhe Ibrahimit. Flitej për bashkimin e Ibrahimit me organizatën e OMLK, pa u konsultuar paraprakisht aspak me Jusufin dhe me LNÇKVSHJ. Siç e kam cekur edhe më parë Jusufi e ka ndihmuar atë duke nxjerrë tre numrat e parë të “Bashkimit”, organ i Frontit të Kuq Popullor. Flitej se Ibrahimi ka pasur kontakte me organizatat reaksionare si ato kroate.
Më kujtohet një takim ku kam qenë edhe unë i pranishëm. Jusufi e pyeti Ibrahimin që t`i tregojë se sa të holla i kishte marrë një organizate kroate (emrin e saj nuk e di). Sipas fjalëve të Ibrahimit ka qenë puna për një shumë prej 50 mijë DM që do të përdoreshin për të blerë armë. Këtë shumë të hollash e kanë marrë njerëzit e Ibrahimit, mandej se i përdori ato për të rregulluar një lokal kafeneje në Pejë. Jusufit kjo gjë nuk i pëlqeu dhe e kundërshtoi veprimin e Ibrahimit si jo të mirë. Ibrahimi përgjigjej se kur gjen budallenj pse të mos përfitosh. Jusufi ia ktheu: ”Ato para janë marrë për diçka tjetër, ndërsa janë shfrytëzuar për çështje tjetër”.

Nuk është shumë e rëndësishme të përmendi shumëçka që janë të njohur për opinionin. Si agjenti francez Arnaud Danjean, „mik“ i Hashim Thaçit…
https://www.voal.ch/lidhjet-sekrete-te-thacit-francen-dinte-apo-beri-islami-nga-xhafer-leci/
Por dua të ndalem tek kërkesa e I.Kelmendit dhe bashkëmendimtarëve të tij, për pajtim me popullin serb në vitin 2006 dhe 2007. Për lexuesit e vëmendshëm, mendoj se kërkesa pa kurrfarë kushtesh, e I.Kelmendit, i cili gjithmonë është shitur si kundështar dhe njeriu që ka luftuar pushtuesin serb. Kërkesa e tij për pajtim me Beogradin nuk është asgjë tjetër vetëm se një çmenduri. Sikur mos të ishte kështu, I.K. dhe emrat e apstrofuar më poshtë, do të duhet në radhë të parë të kërkonin pajtim në mes shqiptarëve.

Ibrahim Kelmendi:
“PAJTIM I POPULLIT SHQIPTAR ME POPULLIN SERB – SFIDË MADHORE E RADHËS”:

“Nisma jonë për pajtim me popullin serb tashmë po
shndërrohet në Iniciativë shqiptare për pajtim me
popullin serb. Apeli ynë i publikuar në disa gazeta shqiptare
dhe në web-side është lexuar e diskutuar nga dhjetëra
mijë bashkatdhetarë. Disa gazeta, për habinë tonë,
hezituan ta publikojnë, siç heshtën deri tani edhe mediat
elektronike. Njëherit apeli u shpërnda si trakt në tre gjuhë
dhe u zhvilluan bisedime me qytetarë.
Individët që po refuzojnë nismën tonë i falënderojmë,
meqë kemi mirëkuptim për mendësitë dhe emocionet e
tyre. Por, më shumë i falënderojmë të gjithë ata që po
tregojnë mirëkuptim e gatishmëri për pajtim dhe që po
shprehin gatishmëri për t’u angazhuar në Iniciativën tonë.
Veçmas falënderojmë familjet eminente në Kosovë, të cilat i
mirëpriten vizitat dhe apelin tonë për pajtim.
Të gjitha argumentimet e deritanishme refuzuese, që na
janë bërë të njohura, mendojmë se janë të mbështetura,
kryesisht, mbi bazën e fakteve, por edhe të emocioneve.
Por, stërpërseritja e tyre, që tashmë janë të njohura edhe
për opinionin ndërkombëtar, nuk rezulton produktive.
Ne vazhdojmë të jemi të bindur, se pajtimi i popullit
shqiptar me popullin serb është interes madhor për
Kosovën, për qytetarët e saj, për popullin shqiptar, për
bashkëqytarët serbë të Kosovës, është në interes të popullit
serb dhe të Serbisë fqinje. Pajtimi i popullit shqiptar me
popullin serb përshpejton mirëkuptimin dhe tolerancën
ndëretnike në Kosovë dhe në Serbi, nxit bashkëjetesën e
mirë dhe fqinjësinë, stabilizon koekzistencën paqësore në
Kosovë dhe në rajon, mundëson zhvillimin e përshpejtuar,
afron integrimin e Kosovës dhe të shteteve të rajonit në BE
dhe në NATO. Të tanishmen dhe të ardhmen tonë të
përbashkët paqësore nuk kemi pse ta vonojmë e sakrifikojmë
për shkak të mendësive hakmarrëse, nacionaliste e
shoviniste të individëve dhe të grupeve të frustruara e të
manipuluara, dhe as për shkak të politikës nacionaliste të
regjimit të Beogradit.
Kur në gjirin e popullit tonë qe formua Ushtria Çlirimtare
e Kosovës, e cila përcaktim kryesor kishte çlirimin e Kosovës
nga pushtimi serb, ishim të vetëdijshëm se Kryengritja
çlirimtare do të shoqërohej me sakrifica, viktima e dëme të
mëdha. Megjithatë vendosëm për çlirim! Fal intervenimit
human ushtarak të Aleancës Veri-Atlantike, forcat nacionalliste
serbe, të udhëhequra nga diktatori Milosheviç u munden
dhe prandaj u evitua gjenocidi dhe serbizimi i Kosovës,
që i synonte regjimi serb. Populli ynë vërtet humbi mbi
14.000 mijë veta, pësoi vuajtje të rënda shpirtërore e dëme
të mëdha materiale, por u arrit çlirimi i Kosovës, kurse
Serbia humbi Kosovën e kolonializuar prej saj deri atëherë.
Populli ynë nuk bëri kryengritje çlirimtare që të fillojë pastaj
luftë hakmarrëse kundër popullit serb!
Ne na vjen keq pse pas çlirimit nga Kosova u larguan një
pjesë e bashkëqytetarëve serbë. Na vjen keq edhe më shumë
pse ata nuk po kthehen për të rindërtuar e zhvilluar Kosovën
tonë të përbashkët, jetën tonë të përbashkët. Iniciativa jonë i
fton ata që të kthehen në tokat, shtëpitë e banesat e tyre.
Iniciativa jonë angazhohet që t’i mirëpresë ata që po
frikësohen, meqë jemi të bindur se fqinjët e tyre shqiptarë do
të shfaqin tolerancë e mirësjellje të mirë fqinjësore ndaj tyre.
Populli ynë, me shpirtmadhësinë e tij për pajtim me
popullin serb, dëshiron të mos i zhgënjejë veçmas qytetarët
paqedashës të botës dhe Aleancën e Veri-Atlantikut, e cila
shpëtoi popullin tonë nga humbjet edhe më të mëdha
njerëzore dhe nga dëbimi i përgjithshëm i tij nga Kosova, siç
synonin forcat nacionaliste serbe në krye me diktatorin
Milosheviç. Prandaj edhe si gjest falënderimi ndaj Bashkësisë
ndërkombëtare, e cila e shpëtoi popullin tonë, Iniciativa jonë
dëshiron të përshpejton pajtimin me popullin serb, dëshiron të
ndihmojë bashkëqytetarët tanë serbë dhe të tjerë, që të
kthehen sa më parë në Kosovën tonë të përbashkët.
I ftojmë bashkëkombësit tanë, sidomos familjet që e
pësuan më së rëndi, që t’i përgjigjen lutjes tonë për pajtim
me popullin serb, për hir të tanishmes dhe të ardhmes se
Kosovës, për hir të tanishmes dhe të ardhmes se popullit
tonë, për hir të bashkëjetesës ndëretnike në Kosovë, për hir
edhe të popullit serb, për hir të marrëdhënieve të mira
fqinjësore dhe të paqes në mes të Kosovës e Serbisë dhe
në rajon.
INICIATIVA SHQIPTARE PËR PAJTIM ME POPULLIN SERB
(Adem Gashi / shkrimtar, Prof. Dr. Martin Berishaj / politolog, Daut Demaku / shkrimtar, Vlora Nikçi / aktore, Prof. Dr. Hamit Boriçi, Prof. Dr. Lekë Sokoli, Berat Luzha / parlamentar, Dr.med. Elizabeta Biblekaj, c/dr pol Dritan Lajçi, Reshat Sahitaj / shkrimtar, Mehmet Prishtina / politolog, Prof.
Dr. Safet Merovci / ekonomist, Mr. Hajdin Abazi/Lum Haxhia /politolog, Sylë Zhitia / politolog, Mr. Xhafer Syla / informatikë, Kadri Ipek / stomatolog,
Dr.med. Shaip Muja, Bexhet Mehmeti / biznismen, Ibrahim Kelmendi, e të tjerë bashkëkombës.
Iniciativën tonë e kanë përkrahur edhe disa personalitete botërore.)
Ata që dëshirojnë të angazhohen konkretisht në Iniciativën tonë, i lusim të na shkruajnë në mail-adresat kontaktuese:”
[email protected]
[email protected]
[email protected]

Wendlingen, 21.9.2018

Mediat në Izrael citojnë presidentin Hashim Thaçi, i cili tha se nëse Izraeli e njeh Kosovën, ne ambasadën do ta hapnim në Jerusalem, e jo në Tel Aviv.

Presidenti Thaçi kishte deklaruar se Kosova do t’u plotësonte dëshirën autoriteteve izraelite, do t’ua njihte Jerusalemin kryeqytetet, nëse ata e njohin pavarësinë e Kosovës.

“Nëse Kosova do të njihej nga Izraeli, do ta hapja ambasadën e Kosovës në Jerusalem”, ka thënë Thaçi dje.

Ai ka shtuar se Kosova kurrë nuk do të dilte kundër interesave të Shteteve të Bashkuara të Kosovës dhe siç ka vepruar Presidenti Donald Trump me transferimin e ambasadës amerikane nga Tel Avivi në Jerusalem, ashtu do të vepronte edhe ai.

Kjo deklaratë ka bërë bujë në mediat izraelite, të cilat kanë cituar zotimin e Presidentit Thaçi, transmeton Gazeta Express.

Në një artikull të publikuar nga The Jerusalem Post, thuhet se Izraeli nuk e njeh pavarësinë e Kosovës edhe përkundër lidhjeve kulturore dhe tregtisë me Kosovën.

Mirëpo, për Izraelin është e papranueshme mënyrë e njëanshme e shpalljeve të pavarësisë, ashtu siç ka bërë Kosova.

Shumë shtete të fuqishme botërore, aleate të mëdha të Amerikës, i kanë dalë kundër vendimit të presidentit Trump në kombet e Bashkuara, duke mos përkrahur idenë e transferimit të ambasadave dhe njohjes së Jerusalemit si kryeqytet i Izraelit, për shkak të Palestinezëve.

Kryetari i Lidhjes Demokratike të Kosovës, Isa Mustafa, me rastin e rivarrimit të eshtrave të Ahmet Krasniqit në Prishtinë thotë se është përmbushur amaneti i të ndjerit, shkruan Gazeta Express.

Derisa presidenti Hashim Thaçi po mbante fjalimin e tij në akademinë përkujtimore për heronjtë Ahmet Krasniqi e Qazim Jakupi, dikush ia ndërpreu dedikimet.

Kryeministri Ramush Haradinaj, i shoqëruar nga anëtarë të kabinetit qeveritar dhe bashkëpunëtorë, ka bërë homazhe pranë arkivolit të heroit të kombit, kolonel Ahmet Krasniqi dhe dëshmorit Qazim Jakupi, në 20-vjetorin e rënies.

Ish-deputeti i Kuvendit të Kosovës, Gani Geci, ka hedhur akuza të rënda në drejtim të presidentit të Republikës së Kosovës, Hashim Thaçi, duke thënë se ky i fundit ka dhënë urdhër për vrasjen e kolonel Ahmet Krasniqit

“Hashim Thaçi urdhërdhënës për vrasjen e Ahmet Krasniqit, duke u munduar t’i ikë Gjykatës Speciale po mundohet t’i nderojë heronj. Unë dhe Thaçi do të takohemi në Gjykatën Speciale”, ka thënë Geci.

Tutje Geci ka kërkuar që Presidenti të dorëzohet para Tribunalit të Hagës.

“I kërkojmë Hashim Thaçit të dorëzohet para Hagës. Do të jem dëshmitar për vrasjet politike të tij pas luftës, familjet patriotike janë vrarë me urdhër të Hashim Thaçit”.

Përndryshe, kolonel Ahmet Krasniqi dhe Qazim Jakupi janë rivarrosur sot në varrezat e dëshmorëve në Velani. /Zëri/

Në realitetin e ri të krijuar pas shpërbërjës së ish Jugosllavisë, në dialogun e Kosovës me Serbinë rreth kufirit, mund dhe duhet të bisedohet vetëm për PRANIMIN e kufijve ish administrativ në mes këtyre dy vendeve e kursesi për ndrrim apo korrigjim të territoreve tani më të përcaktuara dhe të pranuara ndërkombëtarisht…

Diçka të fituar tani më mos ta “qesim në pazar” se vetëm mund të humbasim e në asnjë mënyrë të fitojmë, pos kuptohet në përallat e…!

Në rrethat normale secili prej nesh do t’i gëzoheshim liberalizimit të vizave, gjegjësisht levizjes së lirë të njerëzve dhe mallrave drejt vendeve të BE-së.
Në situatën kur njerëzve u mungon siguria e kapitalit, shtetit i mungon përspektiva zhvillimore, qytetarët të vetmin shpëtim e shohin largimin nga vendi!

Pas votimit në PE, tek pushtetarët dhe qytetarët e vendit shpërtheu një eufori e paparë, gati sa nuk u shndërrua në festë shtetërore. Në njërën anë festuan pushtetarët për shpërqendrimin total të vëmendjes së opinionit kosovar nga problemet e mëdha të përditshmërisë, ndërsa në tjetrën anë festuan qytetarët, duke e uruar njëri-tjetrin për largimin sa më parë nga ferri që u krijuan pushtetarët në Kosovën e lirë dhe të pavarur.
Padyshim se liberalizimin e vizave është lajm i mirë, mirëpo jo edhe aq ekzaltues, siç po shfaqet tek një pjesë e qytetarëve të vendit, ngase kushtet janë aq rigoroze nga BE-ja, saqë, nëse u referohemi kushteve ekonomike të vendit tonë, atëherë vetëm një pjesë e vogël e popullatës mund ta shijojnë këtë gjysmë-liberalizimi të kushtëzuar.

Pas votimit në Parlamentin Evropian për liberalizim të vizave, Kosova do ta paguajë një çmim tepër të lartë!

Lajm më i mirë dhe shpresëdhënës për qytetarët do të ishte: krijimi i vendeve të punës, investimet kapitale, përmirësimi i sistemit të drejtësisë si kusht për luftimin serioz të krimit të organizuar dhe korrupsionit në vend, etj.
Në fakt, ky është liberalizm i kushtëzuar dhe ka një çmim tepër të lartë për Kosovën! Pas ratifikimi të marrëveshjes së Demarkacionit sipas rekomandimit të “ekspertëve” të qeverisë së kaluar, me ç’rast Malin të Zi ju falen 8200 hektarë tokë, Kosovën po e pret humbja shumëfish më e madhe dhe më e dhimbshme me Serbinë!
Dhënia Malit të Zi mbi 8 mijë hektarë tokë dhe dhënja Serbisë e Trepës dhe Ujëmanit në këmbim të liberalizimit, është më tepër se “fitore e Pirros” në rastin e liberalizimit, e cila vendit i shkakton tkurrje enorme të integritetit territorial.
Për më keq se kaq, me kushtëzimet e Serbisë për FAK-un me themelimin e Asociacionit të komunave serbe në veri të vendit, “de facto” dhe “de jure”, Kosova do të pëson debakël të dyfishit politik: humbje të integritetit territorial dhe sovranitetit shtetëror njëkohësisht.
Thënë ndryshe, me krijimin e “Zajednicës” ndodh ndarja e sovranitetit të shtetit në dysh, me çka drejtpërdrejt cenohet rendi kushtetues i vendit. Me këtë kurs qeverisës, politikanët tanë, Kosovën janë duke e dërguar pashmangshëm në greminë, apo në rrugë të pa krye dhe të pambarim, sepse orekset serbomëdha ndaj Kosovës nuk do të mbarojnë asnjëherë!
Serbia, do të vazhdojë edhe më tutje agresionin politik ndaj shtetit tonë, pasi pushtetarët e papërgjegjshëm kosovarë, integritetin dhe sovranitetin tonë e kanë vënë në “ankand publik”, duke e shndërruar në tortë të shijëshme për orekset garbitëçare, ku secili nga fqinjët dëshiron të merr pjesën që dëshiron!

Rreziku nga tkurrja serike e territorit të vendit

Përderisa fusnota* e Editës hoqi Republikën, fusnotat** e Thaçit e Mustafës hoqën sovranitetin vendit me nënshkrimin e marrëveshjeve në Bruksel për krijimin e Asociacionit të komunave serbe, me ç’rast nënshkruan ndarjen e sovranitetin e shtetit në dysh mes serbëve dhe shqiptarëve.
Me amnistimin e kriminelëve serb legjitimuan strukturat kriminale në veri,…me vendimin për krijimin Gjykatës speciale për krimet e luftës në Kosovë rrezikuan tjetërsimin e luftës çlirimtare dhe jo vetëm.
Nënshkrimet nga ana e Thaçit dhe Mustafës e (mos) marrëveshjeve me Daçiqin dhe Vuçiqin në Bruksel, Serbinë gjakatare e bënë hisedare në sovranitetin e shtetit të Kosovës në njërën anë, ndërsa në tjetrën i hapën rrugën Serbisë për anëtarësim në BE, përderisa kjo e fundit kosovarëve të viktimizuar ua ofroj liberalizimin e vizave me kushtin e humbjes së territorit të shtetit,…për ironi të faktit edhe kësaj pushtetarët kosovar po i thojnë sukses!
Po i thonë kështu pushtetarët sepse dështimet dhe rrëshqitjet e njëpasnjëshme janë bërë çelës i suksesit të tyre personal, në pasurimin dhe ngritjen e tyre politike.

Çka fshihet pas votimit në PE!?

Votimi politik në parlamentin evropian për liberalizimin e vizave për Kosovën, pa e plotësuar Kosova kushtin themeltar për liberalizim-atë të luftës kundër korrupsionit dhe krimit të organizuar, e lenë derën hapur për mëdyshje të mëdha!
Liberalizimi i vizave për shtetasit kosovarë, në kohën kur vendi ynë ndodhet në një krizë të madhe socio-ekonomike, pa asnjë përspektivë zhvillimore, jo vetëm që nuk mund të jetë qëllimmirë, mund të shkaktoj zbrazjen e shpejtë të Kosovës nga popullata shqiptare.
Nuk ka si të kuptohet ndryshe, kur e njëjta organizatë (BE) që mbajti të getoizuar për vite të tëra qytetarët e vendit tonë duke u justifikuar me kushtin e luftimit të korrupsionit dhe krimit të organizuar, befasisht brenda natës ndrron qëndrim duke i dhënë dritën jeshile për liberalizim të vizave vendit me nivelin alarmant të korrupsionit dhe krimit të organizuar në kontinentin Evropian!
Liberalizimi i vizave në rrethanat aktuale, shtetin e Kosovës shumë shpejtë nga një Republikë Parlamentare do ta shndërroj në “Republikë të krimit të organizuar, kontrabandimit të substancave narkotike dhe trafikimit me qënje njerëzore”, e mbetur me qytetarë lojalë ndaj krimit dhe dukurive tjera negative!
Ngase, të gjithë atyre që nuk pajtohen me krimin e organizuar, nepotizmin dhe korrupsionin u mbetet vetëm një rrugë-ajo e largimit nga Kosova.
Prapa këtij liberalizimi të kushtëzuar për Kosovën e varfur e të kapur nga grupet kriminale, fshihet qëllimi kryesorë, ai i planit serb për largimin “vullnetarë” të popullatës shqiptare nga Kosova, me qëllim të ndryshimit demogarfik të Kosovës.
Për më tepër se kaq, ikja masive e të rinjëve nga Kosova e zvogëlon në masë të madhe mundësinë e kundërshtimit të marrëveshjeve fatkeqe për vendin, që janë duke u përgatitur në prapaskenën e bisedimeve të Brukselit.
Njeriu nuk ka nevojë të jetë shumë intelegjent për të kuptuar mashtrimin. Askush nuk të falë asgjë pa një arsye të fortë. Liberallizimi i vizave për shtetasit kosovarë, pa përmbushjen kushtit themeltar nga ana e pushtetarëve, flet qartë për prapaskenat e vendimeve të “mira” për vendin tonë!
Ndryshe, vendimi i PE-së për më shumë se liberalizim i vizave për qytetarët, është liberalizim i krimit dhe korrupsionit, është favorizim i pushtetarëve të korruptuar dhe stimulim i gjyqtarëve dhe prokurorëve të shantazhuar kosovarë.

Kryeministri i Kosoves, Ramush Haradinaj ka thënë se është e domosdoshme që të arrihet një marrëveshje ligjore – obligative në mes të Kosovës dhe Serbisë, por që ajo të bëhet pa prekur kufijtë.

“Nuk mendojmë se deri te marrëveshja duhet të arrihet duke folur për territore apo kufij. Sjellja në tavolinë në rrugën drejt zgjidhjes e kufijve është gabim dhe kthim prapa që na çon ka tragjeditë. Populli nuk meriton të përballet me të kaluarën”, ka thënë Haradinaj, njofton Klan Kosova.

“Kam pasë rastin të dialogoj me zyrtarë nga Departamenti Amerikan i Shtetit. Ata nuk sugjerojnë zgjidhje me territore apo kufij, por që kanë thënë se ju kemi lënë hapësirë liderëve që të arrijnë një zgjidhje të implemntueshme që nuk destabilizon dhe është e pranueshme prej të tjerëve”, është shprehur Haradinaj në Zona B.

Haradinaj ka thënë se e kupton shqetësimin e Berlinit zyrtar se ndryshimi i kufijve është kthim pas në kohë dhe që sjell tragjedi.

“Mendoj që është gabim që në emër të entuziastit të gjetjes së zgjidhjes të eksperimentojmë me veten”.

“Ne duhet t’i kryejmë punët e shpish. Për Serbinë është më lehtë ta njohë Kosovën nëse i kryen punët e veta. Nuk mendoj se po shkojmë kah zgjidhja kur hapim temën e kufijve. Nuk shoh arsye që Kosova të hyjë në hapjen e asaj që e ka arrit njëherë. Duhet të diskutohet vetëm njohja reciproke”.

“Mendoj se retorika rreth ndarjes, territori dhe korrigjimi është presion mbi Kosovën. Do të mbetem në pozicionin e sotëm që territori është i padiskutueshëm, e kemi kryer me 1999 dhe tash duhet të flasim vetëm për njohje reciproke. Jemi të gatshëm të kemi mirëkuptmin më të madh për serbët e Kosovës për jetë në Kosovë, por nuk jemi të gatshëm që duke iu dhënë serbëve të drejta të caktuara ta defunksionalizojmë shtetësinë e Kosovës. Ne mendojmë se është e papranueshme që të diskutohet për diçka që kemi rënë dakord”.

Haradinaj ka thënë në Zona B se Kushtetua, territori nuk janë çështje që duhet të rihapen.

“SHBA, Gjermania e të tjerë na kanë njohur me këta kufij. Është e pafalshme nëse hapim në tavolinë territorin dhe kufijtë tanë. Ajo që më së shumti iu duhet popujve tanë, Serbisë, Kosovës, Vuçiqit, Thaçit, Qeverisë, opozitës, është një marrëveshje paqeje. Marrëdhëniet shqiptaro-serbe janë gjatë të lënduara gjatë. Mendoj që marrëveshja e paqes do të ishte profitabile edhe për Serbinë. Marrëdhëniet duhet të vendosen përmes një marrëveshje paqeje. E arritura më e madhe e një marrëveshje Kosovë- Serbi është paqja dhe ajo duhet të arrihet”.

Në Kosovë, sot po mbahet aksioni “Ta pastrojmë Kosovën” të cilit këtë vit iu është bashkangjitur edhe Qeveria e Kosovës.

Kryeministri Ramush Haradinaj, kishte bërë thirrje që këtij aksioni t’i bashkangjiten të gjitha institucionet dhe qytetarët.

Në aksion kanë njoftuar se do të marrin pjesë kompanitë e pastrimit, Forca e Sigurisë së Kosovës, Policia e Kosovës, KFOR-i, agjencitë e ndryshme shtetërore, ministritë, komunat, nxënësit dhe mësimdhënësit, si dhe kompanitë private.

Kosova përballet me nivel jashtëzakonisht të madh të ndotjes. Problemi kryesor janë më shumë se 2000 depot ilegale të krijuara nga bizneset afariste dhe nga vetë banorët lokalë.

Sa më shumë që thellohet dialogu final i Brukselit, aq më tepër po shkrihet Republika e Kosovës nga fusnota*, duke mbetur vetëm formalisht institucionet e shtetit, si; Kuvendi, Qeveria, Presidenca dhe Gjykata Kushtetuese, si “gardian” dhe mbrojtës i kushtetutës.
Në gjysëm shtetin e Kosovës, formalisht kanë mbetur edhe subjektet politike, në pushtet apo opozitë qofshin ato!
Nuk ka si të jetë ndryshe, kur të gjithë së bashku e heshtën vizitën e Vuçiqit në veri të vendit, me ç’rast presidenti serb shfaqi hapur ambiciet territoriale ndaj shtetit të Kosovës.
Pra, të gjitha partitë politike po heshtin edhe përkundër faktit se Hashim Thaci po flet hapur për “shkëmbim” (falje) territoresh e që në fakt është ndarje e pastër e Kosovës!
Me përjashtim të ndonjë deklarate sporadike për shtyp, dhe opozita, sikurse pushtetartët e miratuan në heshtje vizitën e Vuçiqit dhe lojën djallëzore të Hashim Thaçit, për shkak se opozitare nuk e ndërmuarën asnjë veprim konkret kundër presidentit hipokrit, mashtrues e manipulues dhe i cili po e shkel Kushtetutën, gjakun e dëshmorëve dhe vullnetin e qytetarëve.
I vetmi reagim ishte ai, banorëve të disa fshatrave të Skënderajt, ku krahas pengesës që i bënë Vuçiqit për të shkuar në fshatin Banjë (i banuar me serb në zemër të Drenicës), për herë të parë drenicasit e shfaqën mllefin ndaj birit të tyre-president aktual i shtetit të Kosovës, të cilin e mallkuan për të gjitha të bëmat e tij nga periudha e luftës e deri në ditët e sotme!
Edhe pse ky, një zgjim i vonuar i drenicasve, paraqet fillimin e ndëshkimit final të Hashim Thaçit i cili po vepron si një despot i egër, pa pyetur askënd po negocion dhe bënë pazare me armiqt shekullor duke shkelur me të dyja këmbët mbi gjkaun e dëshmoreve, dhe po vret ardhmërinë dhe përspektivën pa marrë parasysh koston shumëvjeçare që do të rëndojë mbi gjeneratat e ardhshme të Kosovës.
Është hera e parë në historinë e popujve të robëruar, kur një udhëheqës politik i luftës për çlirim, pas 20 viteve në shtetin e lirë kthehet në prehrin e pushtuesve, për të negociuar lirinë e fituar me gjak!!!
Mbase është momenti fundit për të reaguar si komb ndaj ndaj këtij fenomeni sa antikombëtar po aq edhe paradoksal, që është duke rrezikuar seriozisht tkurrjen e re të territoreve etnike, që po përgatitet të realizohet përmes dialogut të Brukselit.

Paqen e rrezikoi Vuçiqi e jo drenicasit

Megjithëse me vonesë të madhe, u bë shkas vizita e Vuçiqit në veri të vendit, që Drenica të reagojë hapur e ashpër kundër Hashim Thaçit.
Sikur Kosova të kishte politikan të përgjegjshëm dhe të guximshëm, që e mbrojnë sovranitetin dhe integritetin territorial të shtetit, atëherë presidenti serb do duhej ndaluar pa hyrë në Kosovë, e jo në rrugën për në Banjë të Skenderajt.
Pasi kjo nuk ndodhi, presidenti serb, për dy ditë rresht si në “bahçe të babës” ishte shëtitur në territorin e shtetit tonë, duke folur zi e terr kundër shqiptarëve, si dhe duke rrezikuar seriozisht paqen dhe stabilitetin në Kosovë.
Vizitën Aleksander Vuqiqit në Kosovë, ia mundësuan Hashim Thaçi, Haradinaj dhe Veseli me pro-rusin Pacollin, i cili në fakt është hapi i parë i hapjes së derës finale për t’ia rrëmbyer Kosovës hapësirën më vitale të saj.
Ardhja e Vuqiqit në Koosvë, është më e rrezikshme dhe dëmshme , se sa treni nacionalist i para pak viteve, më e rrezikshme se sa hyrja “ilegale” e Gjuriqit. Ngase, ardhja e Vuçiqit dhe lejimi i agjendës së tij pikë për pikë, në Kosovën që e vrau dikur dhe që nuk e pranon sot, i ka kaluar edhe të gjitha parashikimet e nacionalistëve serb të sojit të Sheshelit.
Nuk ishin drenicasit që rrezikuan paqen, është Vuçiqi me eskortën e tij që rrezikoi paqen me deklaratat luftënxitëse si në kohën e Millosheviqit, duke shkelur sovranitetin dhe integritetin e shtetit tonë.
Siq duket, ndalesa e Vuçiqit për shkuar në Banjë, më shumë se Vuçiqin e kishte penguar Hashim Thaçin, i cili akuzoi protestuesit për “rrezikim të paqes”!
Për reagimin e Thaçit ndaj protestuesve në Drenicë, më mirë se çdo shkrim dhe çdo varg, më mirë se çdo koment dhe analizë ishte video-mesazhi i një qytetari, i cili ia numëroi një nga një të gjitha dështimet e Hashim Thaçit dhe jo vetëm. Për gjendjen e rënduar socio-ekonomike të vendit dhe shpërdorimet me çertifikatat e veteranëve për qëllime elektorale përgjegjës i bëri ish komandantët rrejshëm, matrapazët e sotëm politikë që po negociojnë territorin e vendit për interesa personale.

Të ndalet loja djallëzore e Hashim Thaçit

Është momenti i fundit të ndalen lojërat tejët djallëzore të Hashim Thacit me shqiptarët e Luginës së Preshevës, kinse për “të drejtat e shqiptarëve në Luginë” duke u shitur “ kuazipatriot” për të fshehë kompromisin e dhimbshëm me Serbinë, të nënshkruar në Bruksel me dorën e tij, e që në fakt është Asociacioni i komunave serbe me kompetenca ekzekutive në veri të vendit.
Përkushtimi i presidentit të Kosovës për t’ia dhënë një pjesë të Kosovës Serbisë, konsiston me çmimin për të dhënë e paguar me territore, pasuri kombëtare e gjithçka tjetër në këmbim të heqjes së akuzave ndaj tij pranë Gjykatës Speciale.
Kjo është arsyeja që Hashim Thaçi po përpiqet përmes manipulimeve me korrigjimin dhe demarkimin e kufijve ta kalojë me lehtësi Asociacionin para opinionit vendor.
Për shqiptarët e Luginës nuk duhet kërkuar më shumë dhe as më pak se reciprocitet me të drejtat e pakicës serbe në Kosovë. Të drejta që u takojnë serbëve në Kosovë, po aq të drejta duhet t’u takojnë shqiptarëve në Luginën e Preshevës.
Manipulimi i Thaçi me liderët e Luginës, të kujton kohën e manipulimit të Millosheviqit me serbët e Kosovës përgjatë viteve të ’90-ta, kur satrapi i skrifikonte për qëllimet e politikave ditore.
Kërkesa për reciprocitet me Serbinë duhet të zbatohet në të gjitha rrafshet, filluar nga të drejtat e njeriut, levizja e lirë e njerëzve dhe mallërave e deri të vizitat e zyrtarëve shtetëror.
Të drejtën e vizitave që e gëzojnë liderët e Serbisë në Kosovë, duhet ta kënë edhe liderët shtetërorë të Kosovës, ndryshe nuk bëhet fjalë për reciprocitet, por për vasalitet ndaj shtetit serb dhe nënçmim e përbuzje e shtetit të Kosovës.
Përfundimisht, na mbetët të shohim në ditët në vazhdim, nëse protesta për ndalimin e Vuçiqit në Drenicë, ishte zgjim i vonuar, shpresë për ndryshim apo vajtim!
Përderisa të ndodh ndryshimi i shumëpritur në Kosovë, qytetarët vazhdojnë të urojnë njëri-tjetrin për marrjen e vizave për largim nga shteti i tyre!

Ambasada e Shteteve të Bashkuara ka thënë se autoritetet e Kosovës nuk i kanë konsultuar sa i përket vendimit për miratimin e pakos së projektligjeve për transformimin e FSK-së.

“Shtetet e Bashkuara gjithmonë kanë mbështetur të drejtën sovrane të Kosovës për të pasur ushtrinë dhe kanë punuar ngushtë me Kosovën se si ta arrijnë këtë”, thuhet në një komunikatë të Ambasadës Amerikane në Prishtinë.

“Ne nuk na kanë konsultuar për kohën kur është marrë vendimi dhe ne duhet t’i analizojmë projektligjet për të kuptuar qëllimin dhe efektin e tyre.”

“Gjatëve javëve të kaluara, ne kemi qenë të përqëndruar në ndërtimin e një konsensusi të brendshëm për dialogun me Serbinë. Ne vazhdojmë të besojmë se normalizimi i marrëdhënieve ndërmjet Kosovës dhe Serbisë është hapi më i rëndësishëm për përparimin në të ardhmen e afërt”, thuhet ndër të tjera në njoftimin e Ambasadës.

Qeveria e Kosovës ka miratuar pakon e projektligjeve që rregullojnë rolin, funksionin dhe shërbimin në Forcën e Sigurisë së Kosovës.

Kjo pako përfshin Projektligjin për Forcën e Sigurisë së Kosovës, Projektligjin për shërbimin në Forcën e Sigurisë së Kosovës dhe Projektligjin për Ministrinë e Mbrojtjes.

Pas votimit në Qeveri, tani ky proces kalon në Kuvendin e Kosovës.

Vitin e kaluar, presidenti i Kosovës, Hashim Thaçi, kishte dërguar në Kuvend një ligj, përmes së cilit mëtohej të shndërrohej FSK-ja në ushtri. Por ky ligj ishte tërhequr me argumentimin se do të tentohet që ky transformim të bëhet përmes ndryshimeve kushtetuese.

PRISHTINË – Presidenti i Kosovës Hashim Thaçi sot në një konferencë për media deklaroi se shtetet e rajonit mbështesin dialogun në mes të Kosovës dhe Serbisë dhe se mirëpresin një marrëveshje paqësore. Ai tha se “Të gjithë janë për dialog, për negociata dhe të gjithë në nivel lokal, rajonal dhe ndërkombëtar do të mirëprisnin një marrëveshje Kosovë-Serbi”.

Presidenti Thaçi foli për vizitat e tij gjatë ditëve të fundit në Shqipëri, Mal të Zi dhe Maqedoni dhe takimet me krerët e këtyre shteteve, me ç’rast tha se edhe këto shtete mbështesin dialogun dhe negacioatat dhe se mirëprisnin një marrëveshje paqësore. Sipas tij, zërat se marrëveshja Kosovë-Serbi mund të ketë efekte negative në rajon janë të paqëndrueshëm, joracionalë dhe injorantë.

“Kështu që në kuadër të opinioneve dhe qëndrimeve të ndryshme, së pari qëndrimeve politike mbështetëse, opinioneve të sinqerta analitike akademike mund të krijohen edhe divergjenca të ndryshme pro apo opinione të ndryshme pro apo kundër marrëveshjes, gjë që unë e respektoj si diçka shumë legjitime. Por, ajo që është shumë me rëndësi është se të gjithë janë për dialog, për negociata dhe të gjithë në nivel lokal, rajonal dhe ndërkombëtar do të mirëprisnin një marrëveshje Kosovë-Serbi”, tha ai.

Thaçi thekson se ky nuk do të jetë një proces i lehtë edhe në të ardhmen, meqë sipas tij, do të ketë demarkim apo korrigjim të kufirit prej 430 kilometrash.

“Nuk mund të ketë njohje reciproke pa përmbylljen edhe të këtij procesi, apo paralelisht. Korigjimi i kufirit është i mundshëm dhe i siguron Kosovës njohje direkte nga Serbia, automatike, dhe bashkimin e Preshevës, Medvegjës dhe Bujanocit me Kosovën. E njohja nga Serbia nënkupton njohjen nga 5 vende të BE-së për Kosovën, Greqisë, Spanjës, Rumanisë, Sllovakisë dhe Qipros”, tha ai.

Sipas tij, kjo marrëveshje nënkupton edhe fillimin e procesit të themelimit të ushtrisë, heqjen e vetos ruse nga Këshilli i Sigurimit dhe me këtë fitimin e një njohjeje globale edhe prej 80 vendeve që ende nuk e kanë njohur Republikën e Kosovës dhe anëtarësimin e Kosovës në të gjitha organizatat ndërkombëtare.

Thaçi po ashtu tha se nuk do të lejojnë ndarjen e Kosovës dhe krijimin e një Republike Sërpska, apo asociacionin me kompetenca ekzekutive. Ai shtoi se nuk lejon shkëmbimin por që është në favor të bashkangjitjes së Luginës së Preshevës, Medvegjës dhe Bujanocit me Kosovën, por që në anjë rrethanë me asnjë çmim nuk do të lejojë që dikush të cenojë apo diskutojë për Trepçën, Ujmanin dhe veriun e Mitrovicës.

Ndërkaq në lidhje me çështjen e procedimit të projektligjit për transforimimin e Forcave të Sigurisë së Kosovës (FSK) në ushtri, Thaçi tha se nuk është i informuar për këtë çështje dhe se nuk janë të informuar as partnerët si SHBA-të dhe NATO. Ai shtoi se tash nuk është momenti i duhur që të bëhet ky procedim. aa

Qeveria e Kosovës në mbledhjen e sotme ka miratuar projektligjin për transformimin e Forcës së Sigurisë së Kosovës në ushtri.

Kryeministri i Kosovës, Ramush Haradinaj, në një konferencë për media tha se me ketë projektligj nuk mund të jetë i befasuar askush, pasi për të kanë qenë të përgatitur e të njoftuar të gjithë në vazhdimësi.

“Kosova nuk mund të vazhdojë pa i marr përgjegjësitë e veta. Parlamenti është institucioni i radhës që do ta trajtojë atë. Deputetët e kanë mundësinë që të japin mendimin e tyre. I ftoj të gjithë që ta votojnë pozitë dhe opozitë dhe të gjitha komunitetet”, tha Haradinaj.

Vitin e kaluar, presidenti i Kosovës, Hashim Thaçi kishte dërguar në Kuvend një ligj, përmes së cilit mëtohej të shndërrohej FSK-ja në ushtri. Por ky ligj ishte tërhequr me argumentimin se do të tentohet që ky transformim të bëhet përmes ndryshimeve kushtetuese.

Lista Serbe, parti e përfaqësuar në Kuvendin e Kosovës, në vazhdimësi ka kundërshtuar shndërrimin e FSK-së në Forca të Armatosura përmes ndryshimeve kushtetuese.

Partitë opozitare në Kosovë, Lidhja Demokratike e Kosovës, Lëvizja Vetëvendosje, Partia Socialdemokrate dhe Alternativa, i janë drejtuar me një letër shefes për Politikë të Jashtme dhe Siguri të BE-së, Federica Mogherini.
Përmes një postimi i Facebook, shefi i Grupit Parlamentar të LDK-së, Avdullah Hoti ka njoftuar se përmes kësaj letre, partitë opozitare kanë shprehur pakënaqësinë e tyre lidhur me idenë që po diskutohet për ndryshimin e kufijve, duke thënë se ide të tilla “nuk do të përkrahen”.
Opozita, sipas Hotit, ka kërkuar që faza finale e dialogut në mes të Prishtinës dhe Beogradit, që ndërmjetësohet nga Bashkimi Evropian, të bazohet “në parime të qarta dhe në një kornizë të qartë, duke mos lënë anash subjektivitetin shtetëror të Kosovës i cili është përcaktuar me Deklaratën e Pavarësisë, opinion e Gjykatës Ndërkombëtare të Drejtësisë dhe faktin se Kosova është pranuar nga shumica e kombeve të lira të botës”, ka shkruar tutje Hoti në Facebook.

Kryeministri i Kosovës, Ramush Haradinaj sërish është shprehur kundër, “eksperimenteve”, siç i ka cilësuar ai, me idetë për ndryshimin e kufirit të Kosovës apo kufijve në Ballkan në përgjithësi.

Ai tha se kjo retorikë politike duhet të ndalet, ngase Kosova nuk e ka luksin që të lëshohet në temën e ndryshimit të kufirit.

Në këtë aspekt, Haradinaj tha se do të dëshironte të mbetej i rezervuar ndaj një kërkesë të përfaqësuesve të Preshevës, Medvegjës e Bujanocit, që Kuvendi i Kosovës të miratojë një rezolutë si mbështetje politike që këto komuna të Serbisë, t’i bashkohen Kosovës.

Haradinaj tha se loja me kufi mund të jetë shumë e rrezikshme.

“Është eksperimet i rrezikshëm loja me kufij e territore. Jam kundër këtyre eksperimenteve dhe i lus të gjithë që të kenë kujdes”, u shpreh Haradinaj gjatë një konference për media pas mbledhjes së Qeverisë së Kosovës.

“Të gjithë ne jemi të vetëdijshëm se sa me rrezik është loja me kufi në Ballkan. E dimë nga e kaluara, sa herë janë hapur nuk dihet ku janë mbyllur dhe në të mirën e kujt. Sa herë janë hapur nuk është ditur se ku do të mbyllen, pas sa tragjedive dhe në të mirën e kujt”, tha Haradinaj.

Në vend të debateve për kufirin, Haradinaj ka ka ftuar opozitën që të përfshihet në ekipin negociator në mënyrë që ky ekip të përfaqësojë Kosovën në fazën finale të bisedimeve me Serbinë.

“Shpresojmë që edhe opozita do t’i jap përkrahje këtij ekipi. Kishim një gjendje ku opozita dhe Lista Serbe nuk e kanë përkrahur, por të shohim si do të rrjedhin gjërat”, tha Haradinaj.

Në këtë konferencë, Haradinaj tha se çështja e kufijve po lansohet si retorikë, e cila po shpërqëndron opinionin nga temat reale me të cilat duhet të merret Qeveria dhe Kosova, që kanë të bëjnë me rendin, ligjin si dhe liberalizimi i vizave.

PRISHTINË – Presidenti i Republikës së Kosovës, Hashim Thaçi dhe kryeministri i Kosovës Ramush Haradinaj sot në takime të ndara kanë pritur senatorin amerikan Ron Johnson.

Në një komunikatë nga Presidenca thuhet se gjatë takimit të presidentit Thaçi me senatorin Johnson janë biseduar zhvillimet në Kosovë dhe rajon, me theks të veçantë në përpjekjet për të mbyllur çështjet e hapura në mes të vendeve të rajonit.

Duke e falënderuar senatorin Johnson për vizitën në këtë kohë të zhvillimeve të rëndësishme, sipas presidentit Thaçi, siç është zgjidhja e kontestit rreth emrit në mes të Maqedonisë dhe Greqisë, ai theksoi se po punon për arritjen e një marrëveshjeje që do të ketë efekte pozitive për rajonin.

“Marrëveshja do të jetë e vështirë të arrihet”, ka thënë presidenti Thaçi, duke shtuar se nëse arrihet, ajo do të jetë plotësisht në përputhje me Shtetet e Bashkuara të Amerikës dhe me BE-në, e cila sipas tij do të jetë marrëveshje e zbatueshme.

Duke folur për dialogun në mes të Kosovës dhe Serbisë, presidenti Thaçi tha se po “eksplorojmë të gjitha mundësitë për marrëveshje”. Sipas tij, marrëveshja do të jetë në “të mirë të vendit, të rajonit dhe në pajtim me SHBA-në dhe BE-në”. “Në fund, do të jenë qytetarët ata që do ta thonë fjalën e fundit për marrëveshjen”, ka thënë ai.

Në anën tjetër, senatori Johnson duke u shprehur i kënaqur me zhvillimet në rajon tha se “Shtetet e Bashkuara përkrahin të gjitha përpjekjet për paqe të qëndrueshme në rajon”.

Presidenti i Republikës së Kosovës, Hashim Thaçi dhe kryeministri i Kosovës Ramush Haradinaj (R) sot në takime të ndara kanë pritur senatorin amerikan Ron Johnson (L) ( Zyra e Kryeministrit të Kosovës – Anadolu Agency )

Ndërkaq sot senatori amerikan Johnson së bashku me delegacionin nga Kongresi Amerikan u pritën në takim edhe nga kryeministri Haradinaj. Në një njoftim nga zyra e Kryeministrit thuhet se gjatë këtij takimi është biseduar për aktualitetin politik dhe zhvillimor të Kosovës dhe partneritetin strategjik ndërmjet dy vendeve.

Në takim është biseduar edhe për procesin e tranzicionit të FSK-së në ushtri, liberalizimin e vizave, anëtarësimin në INTERPOL dhe dialogun ndërmjet Republikës së Kosovës dhe Serbisë, me ç’rast kryeministri Haradinaj ka thënë se përkrahja e SHBA-ve është e domosdoshme në avancimin e këtyre proceseve.

Duke folur rreth zhvillimeve të fundit politike, kryeministri Haradinaj tha se Kosova është e përkushtuar për ndërtimin e relacioneve të mira ndërfqinjësore me të gjitha shtetet e rajonit për të kontribuar në paqe dhe stabilitetin rajonal dhe më gjerë dhe në arritjen e paqes finale me Serbinë.

Senatori amerikan Ron Johnson, ka falënderuar kryeministrin Haradinaj për pritjen, duke vlerësuar progresin e Kosovës dhe gatishmërinë e SHBA-ve për përkrahjen e Kosovës në proceset integruese dhe anëtarësimin në organizatat ndërkombëtare.

Presidenti i Kosovës, Hashim Thaçi, tha se ai nuk mund të vizitojë komunat Preshevë, Bujanoc e Medvegjë, ngase autoritetet serbe e mbajnë në fuqi dënimin ndaj tij.

“Jam i dënuar në mungesë nga Serbia. Atë dënim Serbia nuk ma ka falur kurrë dhe as unë nuk e kam kërkuar atë falje. Unë nuk mund t’ia mësyj kufirit dhe të ballafaqohem fizikisht me policinë e Serbisë”, tha Thaçi.

“Aktualisht, rrethanat janë të atilla që Beogradi nuk e sheh të dobishme e as të arsyeshme prezencën time atje. Nuk e kam bërë kurrë kërkesën, por e imagjinoj sjelljen e tyre”, tha ai.

“Por, pavarësisht nëse e vizitoj apo jo, unë do të punoj ngushtë me përfaqësuesit e Preshevës, Medvegjës e Bujanocit. Banorët e atjeshëm janë banorët më të diskriminuar në Evropë”.

“Kosova nuk është vetëm Hashim Thaçi dhe ata që nuk mund të shkojnë në Serbi, sepse ishin bartës të luftës çlirimtare. Por mendoj se ata që mund ta vizitojnë, mund ta bëjnë këtë pa pasur asnjë pasojë”, tha presidenti i Kosovës pas takimit me përfaqësuesit e komunave Preshevë, Bujanoc e Medvegjë në Prishtinë.

Komentet e Thaçit pasuan debatet e shumta publike pas vizitës së presidentit serb, Aleksandër Vuçiq, në veri të Kosovës, sipas të cilave, tani do të duhej që edhe Thaçi të vizitonte Luginën e Preshevës.

Mirëpo, kryetari i komunës së Preshevës, Shqipërim Arifi, tha se Thaçi është president i Kosovës dhe se ai dhe qytetarët e atjeshëm do të donin që ai ta vizitonte Preshevën.

Arifi e inkurajoi Thaçin që të provojë të paraqesë zyrtarisht kërkesën tek autoritetet serbe dhe të shihet nëse vizita e tij mund të realizohet apo jo.

VOAL – Në një status në faqen e saj në facebook, motra e tij, Vjollca Popova-Shabani, kujton vrasjen e gazetarit të “Rilindjes” Shefki Popova më 10 shtator 2 000. Kjo është një ndër vrasjet e shumta të gazetarëve dhe të politikanëve në Kosovën e pasluftës, të cilat nuk janë ndriçuar edhe sot e kësaj dite.

Më poshtë statusi i plotë:

Kujtojmë vrasjen e gazetarit Shefki Popova. Ai u vra sot para 18 viteve në prag të derës së shtëpisë së tij. Vrasja u bë pas luftës, tinëzisht, natën nga qyqarë të paguar për të heshtur ndonjë të vërtetë e cila do ti kishte prishur punë ndokujt!
Vrasësit jetojnë diku me ndërgjegjjen e tyre, por le ta dijnë se: ‘ Heshtja nuk është harresë’!

Në librin” Thirrje nga Shpirti” të autorit Florim Zeqa lexuesi që në shkrimin e parë të librit njihet me realitetin e hidhur në Kosovë, njihet me dëshprimin, zhgënjimin, padrejtësitë, njihet me shpirtin e zjarrtë të autorit dhe deshirën e madhe të tij për të vazhduar, gjetur e zbuluar rrugët e mira, për të ndihmuar dhe për t’iu gjetur vazhdimisht pranë Kosovës.
Është për t’u adminuar sa mirë, sa më vemëndje, seriozitet e perkushtim u çaset temave më të cilat është përballë dhe vazhdon të përballët sot Kosova.
Në këtë liber publicistikë, me plot analiza, opinione, komente, janë flakët e zjarrit të dashurisë së autorit për vendlindjen, deshira e madhe e tij për ta parë Kosovën duke lulëzuar, duke shkuar mbarë, duke u integruar në shoqëritë euro-atlantike…
Tematiakat që trajtohen në këtë libër si; mungesa e zhvillimit ekonomik, shëndetësia, arsimi, drejtësia e cila është në nivelin më të ultë, pabarazia qytetare, shkalla e lartë e krimit dhe korrupsionit,.. etj, dhe mënyra se si u çaset autori këtyre temave dhe rekomandimet të cilat i jepë, ia rrisin vlerën dhe madhështinë këtij libri.
Në shkrimin e tij për simbolet shtetërore, autori me të drejt kritikon himnin dhe flamurin, edhe pse simbole antikombëtare e për të cilat thotë, “Mbase pas 50 vjetëve, të rinjët shqiptar të Kosovës do të jenë në gjëndje të luftojnë, të sakrifikojnë deri në vetëflijim për simbolet e tyre shtetërore.”
Me argumente të sakta dhe nëpërmjet fakteve, autori arrinë të shtjelloj ndërhyrjen e politikës në sektorët shtetëror, si; drejtësi, arsim, shëndetësi, ekonomi,…e deri në kulturë dhe sport. Ndërhyrja në këta sektorë siq e thotë autori, ka bërë që të mos kemi shtet funksional por vetëm shtet formal apo visual.
Zoti Zeqa permënd emra dhe raste konkrete kur…njerëzit me muskuj të fortë siç i quan ai, errësuan dritën e lirisë dhe demokracisë së shtetit të Kosovës.
Autori me plot arsye kritikon heshtjën dhe indiferencën e populatës karrshi keq-qeverisjes me vendin.
Në shkrimin e tij’ Shteti i Kosovës interes kombëtar e jo personal’’ autori hedhë krtitika ndaj liderëve politik, duke i quajtur të pa përgjegjëshem, pa moral, pa kulturë politike e respekt ndaj qytetarëve, për të cilët thot se janë shndërruar në mashtrues e zhvatës të mëdhenjë, në shkelës e uzurpator të lirisë e demokraticë, në shkatërrues të së tashmës e se ardhmës së vendit të tyre.
Autori si një mërgimtar, intelektual, veprimtar i madh i çështjes kombëtare, e mbi të gjitha si shqiptar i vërtetë, duke e parë vendin e tij të varfër, të izoluar e uzurpuar nga”çlirimtarët”, të vetmen shpresë reale për ndryshime pozotive dhe shpetimin e vendit e sheh tek diaspora dhe rinia shqiptare,” E vetmja shpresë reale për ndyshime pozitve ka mbetur diaspora.
Një armatë intelektualesh dhe veprimtarësh të dëshmuar në vitet e 90-ta, të rinjë të specializuar të fushave të ndryshme,…munden dhe duhet të mobilizohen për çlirimin e vendit nga uzurpatoret e lirisë sonë”!
Vullneti i qytetarëve të Kosovës për kthesë positive ekziston, thot autori, “…por duhet vetëm një iniciativë e shëndoshë e bazuar në vlera kombëtare, dhe një thirrje si kushtrim në ndergjegjën e atdhetarëve, aktivistëve dhe veprimtarëve të devotshëm të çeshtjës kombëtare, për ta ndyshuar mentalitetin kancerogjen të keq-qeverisjes tash e sa vite në Kosovë.”
Në komentin e tij “Jo, nuk ndahet Mitrovica” autori për ndarjen e Mitrovicës fajëson ndërkombëtarët bashkë me liderët politik,…po ashtu në këtë shkrim krtitkon mos veprimin e institucioneve dhe tolerimin e funksionimit të organizatave turko-arabo-aziatike në Kosovë, duke ndërtuar Xhamia të shumta anë e kend vendit, dhe në të njëjten kohë duke rritë ndenjën e ekstremizmit fetar, ku si rezultatet i kësaj situate shumë të rinjë të Kosovës kanë shkuar të luftojnë për asgjë… “ndertimi i mijëra xhamive në shtetin “laik” ka prodhuar qindra luftëtar të gatshëm për të vdekur në shkretëtirat arabo-aziatike…”
Autori e lenë të pa shpjegueshëm, dhe nuk arrinë ta kupton dot se nga iu vjen gjithë ai motivim shpirtëror të rinjëve shqiptar për të lënë eshtrat e tyre shkretëtirave aziatike, kur aq afër e lanë në duart e serbëve pjesën e tokës më të pasur dhe më të çmuar të atdheut të tyre-Trepçën!
Vlera e këtij libri qendron dhe rritet, kur autori aq bukur e sqaron menyrën e pasurimit të pandershëm të politikanëve milionerë, kundrejt një popullate të varfër dhe dominimit të tyre ndaj një klase të ndershme dhe të pakurruptuar politike, por nuk ndalet vetëm me kaq, aturoi i librit jepë shpresë, duke paralajmëruar fundin e tyre; ”… kësaj klase të pandërgjegjshme duhet t’i vije fundi sa më parë, në menyrë që vendi të kthehet kah e mbara, kah vlerat tradicionale si; besa, morali njerëzor, sinqeriteti, humanizmi, solidariteti,… e shumë tipare tjera pozitive që e kanë përcjellë dhe mbajtë gjallë kombin tonë edhe në periudhat më të veshtira historike”
Mbi të gjitha, libri “ Thirrje nga Shpirti” përçon me forcë thirrjen për mos dorëzim, thirrjen për ndryshim, thirrje e cila ngjanë si kushtrim, dhe ja sa bukur e thotë autori,…”Unë nga këtu do t’u bëja thirrje të gjithë intelektualëve, njerëzve të sinqertë dhe atdhetar të mos deshpërohen nga zemërimi për kohën e keqe nëpër të cilën po kalojmë, por të ngrejnë kokën lartë për moralin e pastër, respektin dhe dashurinë qe kanë ndaj atdheut dhe popullit të tyre,..” duke parlajmeruar se;”… një ditë do t’i vijë fundi kësaj errësire dhe se do të ndiheni krenar qe nuk u bëtë asnjëherë pjesë e se keqës se vendit tuaj, e kësaj klase kusarësh politik që gllabëruan gjithçka munden nga pasuaria publike dhe shtetërore.”
Në shkrimet e tij, një vend jo të vogël e zënë dhe Diaspora. Autori e kritikon kasten udhehëqëse për rëndesinë e vogël që i kushtohet Diasporës, duke kritkuar edhe vendin-Prekazin ku bëhet përmbyllja e ditëve të Diasporës.” …Aeroporti Adem Jashari ose një nga pikat kufitare do të duhej të ishin vendi i mbylljes së ditëve të Diasporës.
Bisedimet kinse teknike në Bruksel, privatizimi i ndërrmarrjeve shoqërore, partitë e sotme politike në Kosovë, zgjedhjet nacionale të vitit 2014, koalicionet pasgjedhore, tradhëtia e drejtuesve të LDK-së ndaj elektoratit të saj, shaktërrimi i koalicionit VLAN, e shumë e shumë tema të tjera janë pjesë e këtij libri dhe të cilin e bëjnë të veqantë nga librat e tjerë.
Një hapësirë të mirë të këtij libri, e sidomos në pjesën e dytë të tij e zënë veprimtaria e gjatë e partisë shtetformuese-LDK-së në këtë çerek shekulli, e sidomos pas koalicionit qeverisës të vitit 2014 në mes LDK-së dhe PDK-së, koalicion të cilin autori e ka pritur shumë rënd, aq rënd sa që ju drejtohet drejtuesve të LDK-së me thirrje, thirrje më të cilën edhe e titullon librin, thirrje me të cilën do ta përmbylli këtë recension të këtij libri.
“Juve që vendoset pa pëlqimin tonë, ju drejtohem me një thirrje vëllazërore nga thellëia e shpirtit; ndaluni sa s’është vonë, kthejuni elektoratit, ndëgjojeni zërin e tyre, zërin e arsyes qytetare,…leni postet dhe privilegjet e turpit me uzurpatorët e lirisë sonë. Interesi I përbashkët është më i vlefshëm se çdo interes personal. Ktheni kokën prapa vetëm për një çast, shihni vuajtjet e popullit, mos ua vrisni ardhmërinë gjeneratave të reja, mos e leni shtetin e ri bonjak pa të rinjë shqiptar,…se neser mund të bëhet vonë!”
Fjala e fundit e imja për këtë libër do të ishte: Mos kërkoni t’a lexoni atë me një frymë; ai duhet studiuar me kujdes!

Fitim Dreshaj

Presidenti i Kosovës, Hashim Thaçi thotë se mirëkupton reagimin e qytetarëve të Drenicës, të cilët në shenjë revolte, bllokuan rrugën me qëllim që të parandalojnë vizitën e presidentit të Serbisë, Aleksandër Vuçiq në fshatin Banjë të Skenderajt.

Por Thaçi thotë se në kohën kur janë duke u bërë përpjekje për paqe dhe pajtim mes Kosovës dhe Serbisë, “protestat dhe bllokimi i rrugëve, aspak nuk na ndihmojnë”.

“Të gjithë duhet të përmbahemi dhe të tregojmë kulturë minimale njerëzore të mirëkuptimit dhe komunikimit njerëzor. Ne duhet të dimë të ngrihemi mbi vetveten, mbi plagët dhe dhimbjet e shumta. Duhet ta bëjmë këtë për hir të paqes dhe pajtimit”, ka shkruar presidenti Thaçi në llogarinë e tij në Facebook.