Voal – Një takim urgjent i zyrtarëve të lartë të Britanisë së Madhe pritet të mbahet në Whitehall gjatë ditës së sotme, shtunën, teksa Britania shqyrton ndikimet e mundshme të sulmeve në Paris..

Shërbimet e inteligjencës britanike kanë reaguar menjëherë të premten për t’u ofruar miqve francezë ndihmë. Ambasada britanike në Paris është vënë në “gjendje alarmi”.

Mësohet se zyrtarët vështirë se do të ngrinin nivelin e sigurisë në Britani të Madhe, që për momentin është në të dytën shkallë më të lartë.

Shkalla më e lartë vendoset vetëm nëse shërbimet e sigurisë kanë informata për një sulm të mundshëm në Britani.

Nivelet e rrezikut në Britani të Madhe caktohen nga Qendra Analitike e Përbashkët për Anti-Terror dhe departamentet e MI5.

Voal – Presidenti francez Francois Hollande ka mbërritur në vendin pranë sallës së koncerteve Bataclan.

Në këtë sallë mësohet se janë 118 të vdekur dhe ky është rezultati paraprak. I shoqëruar nga forca të shumta policie, Hollande ka mbajtur një fjalë të shkurtër në vendin e ngjarjes.

Voal – E premtja e zezë ose “nata e Shën Bartolemeut”, mund të quhet kjo e premte 13 nëntor 2015.

443 vite pas Natës së Shën Bartolomeut, francezët janë përballur sërish me një natë të tmerrshme ku janë vrarë të paktën 160 persona, 100 prej të cilëve në sallën e koncerteve Bataclan.

Nata e Shën Bartolomeut

Bëhet fjalë për masakrën e francezëve protestantë nga katolikët, në Paris, më 24 gusht 1572, në prag të Shën Bartolomeut. Kjo masakër vazhdoi edhe javët e tjera në shumë qytete franceze.

Ky përfundim tragjik i luftërave fetare në Francë, ishte rrjedhojë e faktorëve fetarë dhe politiko-shoqërorë.

Numri i të vdekurve të kësaj masakre, përfshirë edhe nga qytetet e tjera franceze, supozohet të jetë nga 5000 deri në 30000 mijë vetë.

Voal – Të paktën 15 pengje janë vrarë në sallën e koncerteve Bataclan nga terroristët që kanë sulmuar sonte Parisin.

Mësohet se forcat speciale franceze kanë hyrë në hollin e sallës së koncerteve. Një person dyshohet se është arrestuar.

Pengmarrësit që kanë brenda sallës së koncerteve Bataclan, janë të moshuar 20-30 vjeç, janë meshkuj dhe femra.

Policia franceze mësohet se ka vrarë 2 prej terroristëve që ndodhen në sallën e koncerteve Bataclan.

Aktualisht janë duke u evakuuar njerëzit e plagosur.

Besohet se kanë qenë 3 terroristë në këtë sallë, por ende nuk ka gjë të konfirmuar.

Bashkimi Evropian (BE) vitin e kaluar shpenzoi në mënyrë të gabuar 6.4 miliardë euro, nga të cilat dy të pestat e shpenzimeve të Shteteve Anëtare dhe institucioneve evropiane janë bërë gabimisht.

“Nuk bëhet fjalë për mashtrim, joefikasitet apo hudhje të parave. Por për vlerësim të shumës së parave që nuk është dashtur të paguhet, sepse nuk është përdorur në përputhje të plotë me rregullat e BE-së”, theksohet nga Gjykata Evropiane e Auditorëve.

Më tej shtohet se shumica e gabimeve rrjedh nga zbatimi i gabuar, dhe shpesh nga mungesa e kuptimit të rregullave të komplikuara të BE-së për shpenzimet, ndërsa vetëm 22 raste janë identifikuar si mashtrime të mundshme dhe u janë dërguar shërbimit të Zyrës së Antikorrupsionit të BE-së (OLAF).

Përndryshe, në mënyrë të parregullt janë paguar 4,4 përqind nga buxheti i BE-se për 2014 në vlerë prej 142,5 miliard euro. Gjykata Revizore po planifikon uljen e normës së gabimit në dy përqind.

Media lokale, duke përfshirë edhe Irish Times, lajmëruan se personi i arrestuar ka qenë ish-ushtar

LONDËR – Policia në Irlandën e Veriut njoftoi se ka arrestuar një person, për të cilin thuhet se ka qenë ish-ushtarë, i cili dyshohet se është i përfshirë në sulmin e vitit 1972 të njohur si “E Diela e Përgjakshme” në të cilin u vranë 14 civilë të paarmatosur.

“Detektivët e Degës së Hetimit të Trashëgimisë duke hetuar ngjarjet e “Të Dielës së Përgjakshme” gjatë këtij mëngjesi kanë arrestuar një burrë 66 vjeçar në vendin Antrim”, bëri të ditur policia e Irlandës së Veriut përmes kumtesës.

Media lokale, duke përfshirë edhe Irish Times, lajmëruan se personi i arrestuar ka qenë ish-ushtarë.

Njeriu i kapur të martën është personi i parë që është arrestuar ndonjëherë mbi incidentin famëkeq.

Një regjiment britanik kishte vrarë 13 aktivistë dhe plagosi 13 të tjerë kur hapi zjarr ndaj marshit të të drejtave civile në Derry më 30 janarr të vitit 1972. Një person tjetër humbi jetën disa muaj më vonë.

Incidenti shkaktoi protestë të madhe në Irlandën e Veriut dhe shumë hetime janë nisur që atëherë. Hetimi i parë, i njohur si Tribunali i Lordit Widgerty, i cili nisi menjëherë pas vrasjeve u akuzua si tentativë e njëanshme për t’i shfajsuar ushtarët.

Hetimi i fundit ishte hetimi i Lord Saville, zbulimet e të cilit u bënë publike në vitin 2010, me ç’rast u deklarua se shtënia e parë është bërë nga paraushtarakët britanikë mbi civilët e paarmatosur të cilët tentonin të largoheshin. Në bazë të këtyre hetimeve, kryeministri britanik David Cameron u kërkoi falje viktimave në emër të qeverisë së Britanisë.

Kjo ditë njihet si “E Diela e Përgjakshme (Bloody Sunday)”, mbi të cilën janë bërë shumë filma, dokumentar dhe këngë. aa

Në bisedë gjithashtu është diskutuar edhe për temat në lidhje me axhendën e Samitit G-20 që do të mbahet në Antalia

ANKARA – Presidenti turk, Recep Tayyip Erdogan në një bisedë telefonike me presidentin amerikan, Barack Obama kanë shkëmbyer idetë dhe pikëpamjet e tyre në lidhje me zhvillimet fundit në Siri. Të dy presidentët kanë diskutuar për rëndësinë e rritjes së përpjekjeve për të forcuar opozitën e moderuar në Siri dhe intensifikimin e presionit kundër ISIS-it.

Sipas informacioneve të marra nga burimet e presidencës mësohet se Obama në bisedën telefonike me presidentin turk, Erdogan ka shprehur përgëzimet e tij për popullin turk në lidhje me rezultatet e zgjedhjeve të përgjithshme të mbajtura më 1 nëntor.

Në bisedë gjithashtu është diskutuar edhe për temat në lidhje me axhendën e Samitit G-20 që do të mbahet në Antalia.

Ndër të tjera mes dy liderëve është vënë në dukje rëndësia për rritjen e përpjekjeve të përbashkëta për forcimin e opozitarëve të moderuar në Siri si dhe intensifikimin e presioneve ndaj ISIS-it. Është vlerësuar çështja për gjetjen e një zgjidhjeje duke negociuar për konfliktin në Siri duke përfshirë edhe procesin e tranzicionit politik.

Në bisedën mes Erdoganit dhe Obamës është theksuar ndër të tjera se është e nevojshme që të ndalen aktet e organizatës terroriste PKK. aa

FRANKFURT – Kompania ajore gjermane Lufthansa ka njoftuar se për shkak të grevës së ekuipazhit të kabinës nga 3 mijë fluturimet e planifikuara ka anuluar 929 fluturime.

Në një deklaratë nga Lufthansa theksohet se kompania për shkak të grevës së punonjësve të ekuipazhit të kabinës lidhur me “Sindikatën e organizatës së Stafit të Pavarur të Kabinës” nga 3 mijë fluturimet e planifikuara ka anuluar 929 fluturime.

Në deklaratë ndër të tjera thuhet se nga fluturimet e anuluara do të ndikohen afërsisht 113 mijë udhëtarë, ndërsa kompanitë ajrore Germanwings, Eurowings, Lufthansa CityLine, Swiss, Avusturya, Air Dolomiti dhe Bruksel Air të cilat operojnë lidhur me grupin e Lufthansa nuk do të ndikohen nga greva.

Në ditën e parë të grevës ishte njoftuar se ishin anuluar 290 fluturime, ndërsa në ditën e dytë 520, kështu që me anullimin e afërsisht 1 mijë fluturimeve pritet që nga greva të preken afërsisht 150 mijë udhëtarë.

Ndërsa në një deklaratë ditën e djeshme nga Sindikata e organizatës ishte potencuar se greva në tre aeroportet do të nisë në orën 04.30 dhe në aeroportet e Frankafurtit dhe Dyseldorfit do të përfundojë në orën 23.00, ndërsa në aeroportin e Mynihut do të vazhdojë deri në mesnatë.

Sindikata kërkon të bëhen përmirësime në pagat mujore të sigurimeve shtesë si dhe për pensionet e 19 mijë punonjësve. aa

Asselborni paralajmëroi se keqkuptimi i nacionalizmit në Evropë mund të sjellë deri tek shpërthimi i luftës

BERLIN – Ministri i Punëve të Jashtme të Luksemburgut, Jean Asselborn paralajmëron se kriza aktuale e refugjatëve mund të sjellë deri tek shpërbërja e Bashkimit Evropian (BE).

Asselborn në deklaratën për mediat gjermane, paralajmëroi se deri tek shpërbërja e BE-së mund të vjen shumë shpejtë nëse, në vend të rrugës së solidaritetit, shkohet në mbylljen në vetvete dhe në këtë mënyrë humb besimin e popujve.

Ai më tej paralajmëron se keqkuptimi i nacionalizmit në Evropë mund të sjellë deri tek shpërthimi i luftës.

Duke theksuar se Gjermania dhe disa vende anëtare e kuptuan rëndësinë për implementimin e marrëveshjes së Gjenevës për refugjatët, Asselborn pohon se ekzistojnë edhe disa anëtare të cilat nuk mbrojnë të gjitha vlerat e unitetit të BE-së, por se megjithatë vlerat humanitare edhe më tej mbajnë BE-në në një vend.

Në pyetjen nëse marrëveshja e Schengen-it është në mbrojtjen e kufijve të jashtëm dhe qarkullimit të lirë brenda rajonit, Asselborn tha se është e qartë se kjo marrëveshje është në rrezik.

“Nëse nuk gjejmë zgjidhje të shpejtë të krizës së refugjatëve dhe nëse akoma disa shtete i qasen kësaj çështjeje vetëm në aspektin nacional, atëherë do ta varrosim Schengenin. Kështu do ta humbim suksesin më të rëndësishëm të BE-së”, tha Asselborn. aa

Barcelonë, 9 nëntor – Parlamenti katalan miratoi sot një rezolutë që lejon fillimin e procesit për krijimin e një republike të Katalonias së pavarur nga Spanja.

Shtatëdhjetë e dy deputetë të pavarur, nga 135 që ka parlamenti, miratuan tekstin e rezolutës për fillimin e procesit për krijimin e shtetit të pavarur katalanas, në formën e republikës.

Kjo rezolutë hap një krizë të re të rëndë politike për Spanjën.

BERLIN – Avioni qeveritar, në bordin e të cilit gjendej ministri i Jashtëm gjerman, Frank-Walter Steinmeier u detyrua të ulej në aeroportin berlinas ”Tegel”, pas një defekti kompjuterik.

Avioni, tip Airbus A340, që mban emrin e Konrad Adenauerit, kancelarit të parë të pas Luftës II Botërore, është përfshirë shpesh në probleme teknike.

Steinmeier ishte nisur në Itali, ndërkohë që avioni bëri uljen e detyruar për arsye sigurie.

Për shkak se riparimi i tij ishte i pamundur, një avion i vogël ”charter” u nis drejt Italisë, ndërkohë që një pjesë e madhe e delegacionit që shoqëronte Steinmeierin mbeti në Berlin.

Steinmeier do të jetë i pranishëm në përurimin e një memoriali që përkujton masakrën naziste të vitit 1944 në Toskanë si edhe do të vizitojë një qendër migrantësh.

Edhe në prill, kancelarja gjermane, Angela Merkel shkoi në Indi me një avion ushtarak për shkak të problemeve teknike të avionit të sipërcituar qeveritar.

Shoferi i autobusit, Mesut Yalçın, thekson se refugjatët nuk dëshirojnë të qëndrojnë në kampet në fshatrat ku Zyra e Emigracionit ka vendosur ti strehojë

STOKHOLM – Dhjetëra refugjatë nga Siria dhe Iraku nuk kanë pranuar të strehohen në kampin e refugjatëve në Suedi dhe duke qëndruar për 35 orë në autobus kanë protestuar kundër vendimit të Zyrës së Emigracionit.

Shoferi i autobusit, Mesut Yalçın, ka theksuar se refugjatët nuk dëshirojnë të qëndrojnë në kampet në fshatrat ku Zyra e Emigracionit ka vendosur ti strehojë.

Yalçın, ka shpjeguar se 25 refugjatët e sapoardhur në Suedi i ka marrë nga Malmö për ti lënë në kampet që ndodhen në fshatin Torpshammar të qytetit Sundvall. Ai ka theksuar më tej se kur kanë mbërritur në fshatin Torpshammar refugjatët nuk kanë dashur të zbresin nga autobusi dhe se janë duke pritur brenda pa ngrënë.

Mesut Yalçın, ka shtuar ndër të tjera se refugjatët shprehen se shumica e tyre kanë ardhur nga kampet e Turqisë dhe se në Suedi nuk kanë gjetur atë çfarë shpresonin. Ai ka theksuar se refugjatët gjithashtu i kanë kërkuar Zyrës së Emigracionit që t’iu mundësojë shpenzimet e rrugës për tu kthyer në Turqi ose në Gjermani.

Për ti dhënë fund protestës së refugjatëve përfaqësues të Zyrës së  Emigracionit kanë biseduar me refugjatët, por kërkesa e tyre për mundësimin e shpenzimeve për ty kthyer janë refuzuar nga përfaqësuesit e Zyrës së Emigracionit ka shpjeguar ndër të tjera Yalçın.

Yalçın ka pohuar se ai po përpiqet të mbajë ngrohtë autobusin ku ndodhen 5 fëmijë dhe një grua shtatzënë dhe se ai shpreson se kjo situatë të zgjidhet sa më parë pasi edhe në mediat suedeze ka ngjallur një jehonë. aa

Kryetari i Parlamentit Evropian është i mendimit se nevojitet që në Siri të zbatohen zgjedhje të lira me qëllim që populli të tregojë se çfarë dëshiron në të ardhmen

TEHERAN –Kryetari i Parlamentit Evropian (PE), Martin Schulz gjatë vizitës një ditore në Teheran, porositi se presidenti sirian Bashar al-Assad nuk do të qëndrojë gjatë në këtë post.

Gjatë vizitës zyrtare në Teheran, Schulz u takua me kryetarin e Parlamentit të Iranit, Ali Larijani, pas së cilës u mbajt edhe konferencë e përbashkët për media.

Siç tha kryetari i PE-së, Assad nuk ka të ardhme në postin e presidentit, dhe u shpreh se kriza siriane mund të zgjidhet përmes projektit të dialogut nacional.

“Duhet përgjigjur ndaj të gjitha temave që kanë të bëjnë me krimet e luftës”, tha Schluz.

Më pas ai u shpreh se çdo popull ka të drejtë të vendosë për të ardhmen e vet. Schulz është i mendimit se nevojitet që në Siri të zbatohen zgjedhje të lira me qëllim që populli të tregojë se çfarë dëshiron në të ardhmen.

Pritet që vizita e Schulz të përfundojë pas takimit me presidentin Hasan Ruhani dhe me ministrin e Punëve të Jashtme, Jevad Zarif.

Anëtarëve të 380 organizatave rajonale dhe 70 organizatave shtetërore feministe iu bashkuan përfaqësuesit e partive kryesore politike në Spanjë, sindikata dhe organizata joqeveritare të cilat merren me këtë tematikë lidhur me pabarazinë gjinore

MADRID – Mijëra njerëz nga të gjitha viset e Spanjës janë tubuar sot në Madrid në shenjë proteste kundër dhunës në familje.

Anëtarëve të 380 organizatave rajonale dhe 70 organizatave shtetërore feministe iu bashkuan përfaqësuesit e partive kryesore politike në Spanjë, sindikata dhe organizata joqeveritare të cilat merren me këtë tematikë lidhur me pabarazinë gjinore.

Të pranishmëve iu drejtua Angela Gonzalez, nëna e një viktime të dhunës familjare. Vajza e saj u vra nga bashkëshorti i dhunshëm. Gonzalez foli në shenjë kujtimi për të gjithë ata që kanë humbur jetën si viktima të dhunës familjare. aa

VOAL – BRUKSEL, 6 NËNTOR – Vizita e parë zyrtare në Iran e një presidenti të një institucioni të Bashkimit Evropian, shkruan Voice Of Albanians – voal.ch. Të shtunën, pra nesër, presidenti i Europarlamentit Martin Schulz  do të shkojë në Teheran, ku do të takohet me presidentin Hassan Rohani, ministrin e Jashtëm Javad Zarif, presidentin e Parlamentit Iranian Ali Larijani dhe eksponentë të shoqërisë civile.

Synimi i misionit të Schulzit, që do të jetë vetëm një ditë, është “intensifikimi i dialogut mes BEsë dhe Iranit”. ansa

Ndërkohë që qarkulliojnë zëra se pritet të ketë të hetuar të tjerë, është rritur zemërata për zbulimet e “Avarizia”, librin e Emanuele Fittipaldi për shpenzimet e Vatikanit.

“Ndërkohë që një Papë ka zgjedhur emrin e shenjtorit të të varfërve, ka peshkopë (me veshje firmato) që udhëtojnë gjithjë dhe vetëm në business class, që marrin me qera banesa me 2900 euro në muaj dhe që harxhojnë 4600 euro për një lavaman. Më të varfrit? Ata mund të presin: në vitin 2013-2014 “fondi për të varfrit në dispozicion të komisionit të kardinalëve nuk nxori asnjë kacidhe, edhe pse llogaria ishte plus me 425 mijë euro”.

Personat e arrestuar janë Francesca Chaouqui dhe Imzot Lucio Angel Vallejo Balda, theksoi zyra e prokurorit të Vatikanit

ROMË – Vatikani të hënën njoftoi se janë arrestuar dy persona për publikimin e dokumenteve konfidenciale të Selisë së Shenjtë.

Personat e arrestuar janë Francesca Chaouqui dhe Imzot Lucio Angel Vallejo Balda, theksoi zyra e prokurorit të Vatikanit. Monsinjor është punonjës i Vatikanit, ndërsa Chaouqui anëtare e komisionit të formuar në vitin 2013 nga Papa Françesku me qëllim të zbatimit të reformave financiare të Selisë së Shenjtë.

Zëdhënësi i Vatikanit tha se Monsinjor Vallejo Balda është në burg, ndërsa Chaouqui është lejuar të mbrohet në liri për se ajo kishte bashkëpunuar gjatë hetimit.

Theresa May tha se autorizimet që do të kenë hetuesit do të mundësojnë luftën kundër terrorizmit dhe pedofilisë në këtë kohë dixhitale

LONDËR – Policia dhe shërbimet sekrete në Britani të Madhe në bazë të autorizimeve  nuk do të kenë fuqi për të kontrolluar qytetarët, konkretisht historikun e kërkimeve të tyre në internet, deklaroi të dielën  Sekretarja  e Shtetit, Theresa May.

Ajo tha se pavarësisht vendimit, autorizimet që do të kenë hetuesit do të mundësojnë luftën kundër terrorizmit dhe pedofilisë në këtë kohë dixhitale.

 Erion Veliaj është i vendosur në hakmarrjen ndaj Xhoana Nanos e cila e bëri të njohur me protestën me vello. Vendosmëria për t’i shkuar deri në fund kërkesës së tij për prishjen e restorant Pulëbardhës në pronësi të bashkëshortes së ish-kryeministrit, Fatos Nano, duket se ka për bazë edhe inatet e vjetra. Ja arsyeja pse do ta prishë lokalin:

Në një shkresë të datës 23 tetor që i është dërguar administratores së shoqërisë “Joy Travel”, Drejtoria e Përgjithshme e Shërbimeve Mbështetëse në Bashkinë e Tiranës,  njofton subjektin për zgjidhjen e kontratës se qerasë.

Sipas Bashkisë, shoqëria “Joy Travel” nuk e përdor ambientin për qëllimin me të cilin e ka marrë “lokal shërbimi me sistem 24 orësh në shërbim të udhëtarëve”, prandaj po kërkon zgjidhjen e kontratës para afatit të përcaktuar (20 vite).

“Me përmbysjen e afatit me shkrim (15 ditë) Bashkia e Tiranës e konsideron kontratën e qerasë të zgjidhur”, thuhet në shkresën e Bashkisë Tiranë, shkresë që mban firmën e drejtoreshës Itena Ndroqi.

BERLIN – Muzeu hebre në Berlin sërish është mbyllur, pasi është gjetur edhe një bombë e pashpërthyer nga Lufta e Dytë Botërore në një zonë ndërtimi afër muzeut.

Policia gjermane të premten njoftoi se përveç Muzeut është evakuuar e gjithë zona përreth zonës së ndërtimit që ndodhet në qendër të qytetit. Ekspertët punojnë në largimin e bombës të rëndë 250 kilogramë.

Në 10 ditët në vazhdim nuk do të mund të përdorin të drejtën e votimit, nuk do të marrin pjesë në asnjë aktivitet zyrtarë të PE dhe gjithashtu do të paguajnë një gjobë prej 3060 euro

BRUKSEL – Parlamenti Europian miratoi dënimet në vlerë monetare dhe largim ndaj dy anëtarëve të saj për përshëndetjen naziste dhe veprime që i referohen nazistit Adolf Hitler.

Në një deklaratë me shkrim nga PE theksohet se Këshilli i përbërë nga Kryetari dhe 14 ndihmës kryetarë mbrëmjen e djeshme kanë miratuar me shumicë votash dënimet në vlerë monetare dhe me largim të dhëna ndaj anëtarit polak, Janusz Korwin-Mikke dhe anëtarit italian, Gianluca Buonanno.

Me këtë vendim të dy anëtarët në 10 ditët në vazhdim nuk do të mund të përdorin të drejtën e votimit, nuk do të marrin pjesë në asnjë aktivitet zyrtarë të PE dhe gjithashtu do të paguajnë një gjobë prej 3060 euro e cila përkon me harxhimet 10 ditore.

– Arsyetimi i dënimeve

Si arsyetim ndaj dënimeve janë treguar se Korwin-Mikke në muajin korrik teksa kritikonte një vendim që do të amrrej në lidhje me transportin në mbarë Europën ai kishte bërë përshëndetjen naziste dhe ishte shprehur: “Një Perandori e vetme, një popull, dhe një biletë” e cila i referohej slloganit nazist “Një popull i vetëm, një Perandori dhe një Lider”, duke  i shtuar kësaj ku i njerjti anëtarë në një seancë në muajin shtatorë kishte thënë në lidhje me refugjatët “Plehra njerëzore”.

Ndërsa për Buonanno është theksuar se gjatë një seance me 6 tetorë ai kishte veshur një bluzë ku pëngjaste Angela Merkel me Adolf Hitlerin, ndërsa në ditën e nesërme në një seancë ku kishte marrë pjesë edhe Angela Merkel ai kishte vendosur “mustaqe të Hitlerit” dhe kishte bërë përshëndetjen  naziste.

Në deklaratë ndër të tjera theksohet se këto nuk janë shembuj të parë dhe se vendimet janë njoftuar që ditën e dejshme ku dhe dënimet e dhëna për largimin e tyre duke filluar që ditën e sotme do të vazhdojë deri me 11 nëntor. aa

Departamenti amerikan i Drejtësisë është duke hetuar Deutsche Bank për siç pretendohet shkelje të sanksioneve ndaj Rusisë

Departamenti amerikan i Drejtësisë është duke hetuar Deutsche Bank për siç pretendohet shkelje të sanksioneve ndaj Rusisë për rolin e saj në konfliktin në Ukrainë, konfirmoi Banka gjermane në një kumtesë të dielën vonë.

Hetimi është hapur pasi shumë dëshmi të reja dolën në dritë me të cilat pretendohet se banka ka bërë tregti në emër të klientëve rusë në tregjet e huaja.

Banka dyshohet se ka blerë aksione për klientët rusë përmes transaksioneve në Londër, por duke marrë pagesën në ruble në Rusi. Efekti do të ishte për të transferuar fondet nga Rusia për shërbime financiare në shkelje të sanksioneve.

Në korrik, Departamenti i Shërbimeve Financiare të New York-ut formalisht kërkoi informacione për aktivitetin tregtar të Deutsche Bank në Rusi. Disa klientë të bankës janë emëruar si objekt i sanskioneve të SHBA-ve për aktivitete financiare të imponuara për veprimet e Rusisë në konfliktin ukrainas.

Deutsche Bank edhe vet është duke hetuar çështjen, thuhet në kumtesën. “Ne jemi duke hetuar rrethanat për tregtimin e kapitalit që ka hyrë nga disa klientë të caktuar me Deutsche Bank në Moskë dhe Londër duke kompensuar njëri tjetrin”, njoftoi banka.

“Deutsche Bank ka marrë masa disiplinore ndaj disa individëve lidhur me ketë çështje dhe do të vazhdojë të bëjë një gjë të tillë”, thuhet mes tjerash në njoftim. aa

Nga evenimenti i cili ka për qëllim për inkurajimin e mbarështimit të kafshëve dhe nderimin e barinjve rrugët në qendër të qytetit ishin të mbyllura përkohësisht për trafikun

MADRID – Në kryeqytetin e Spanjës, Madrid, u organizua “Festivali Trashumancia” i cili ka mbetur nga periudha e Mesjetës dhe vazhdon të organizohet që nga viti 1994, ku më shumë se 2000 dele kanë ecur në qendrën e qytetit.

Nga evenimenti i cili ka për qëllim për inkurajimin e mbarështimit të kafshëve dhe nderimin e barinjve rrugët në qendër të qytetit ishin të mbyllura përkohësisht për trafikun. Festivali i cili u organizua nën kujdesin e Ministrisë së Bujqësisë të Spanjës zgjati rreth 4 orë.

Kopetë e dhenve me barinjtë kanë ecur nëpër rrugët e qytetit të cilët janë ndjekur nga ane qytetarëve dhe turistëve me interes. Barinjtë kur kanë arritur në qendrën Sol, duke iu referuar traditës së vitit 1418 zyrtarët e komunës simbolikisht i kanë dhënë para antike të Spanjës.

Në kuadër të festivalit barinjtë dhe familjet e tyre kanë veshur rrobat e tyre tradicionale dhe kanë shfaqur vallet lokale. aa

Kryeministri i Italisë Matteo Renzi ka reaguar për vrasjen e hajdutit shqiptar nga një pensionist 65-vjeçar në Milano.

“Të bësh hero një pensionist është gabim”, tha Renzi. Ai shtoi se kur gjen në shtëpi një hajdut, reagimi për vetëmbrojtje është i kuptueshëm, por Kodi Penal thotë që duhet t’i përgjigjesh ligjit.

Një hajdut 22-vjeçar shqiptar u qëllua për vdekje në orët e para të martës në Milano nga një i moshuar. Sipas këtij të fundit, shqiptari kishte hyrë në shtëpi për ta vjedhur, por disa fakte të reja thonë se 65-vjeçari nuk e qëlloi me armë brenda banesës, por në rrugë.

Vetëm gjatë javës së kaluar në këtë vend të Bashkimit Evropian kanë arritur 27.000 refugjatë, njoftohet nga Organizata Ndërkombëtare për Emigracion

“Do të vijë ajo ditë dhe Ukraina do të bëhet anëtarja e 29-të e NATO-s”, tha Yatsenyuk gjatë takimit me Sekretarin e përgjithshëm të NATO-s, Jensom Stoltenberg

KIEV – Me deklaratën e kryeministrit, Ukraina ka konfirmuar sot ambiciet e saj për anëtarësim në NATO. Arseniy Yatsenyuk tha se shpreson që vendi i tij të bëhet anëtarja e 29-të e Aleancës Veri-Atlantike në vitin 2016.

“Do të vijë ajo ditë dhe Ukraina do të bëhet anëtarja e 29-të e NATO-s”, tha Yatsenyuk gjatë takimit me Sekretarin e përgjithshëm të NATO-s, Jensom Stoltenberg në Kiev. Ky i fundit premtoi ndihmë politike dhe praktike për Ukrainën.

“NATO përkrahë pavarësinë e Ukrainës, integritetin e saj territorial dhe mbështetë implementimin e plotë të marrëveshjes së nënshkruar në Minsk”, tha Stoltenberg.

Banka gjermane “Deutsche Bank” gabimisht pagoi gjashtë miliardë dollarë amerikanë në llogarinë e njërit prej klientëve të saj.

Referenti i ri për investimet e huaja i kësaj banke ka paguar gabimisht gjashtë miliardë dollarë në llogarinë e klientit të tij, duke futur kështu të dhëna të gabuara. Siç shkruajnë mediat gjermane, gabimi është zbuluar dhe korrigjuar të nesërmen.

Incidenti tash është zbuluar në opinion edhe pse ai ndodhi në qershor të këtij viti, e cila ngre çështjen se pse i njëjti nuk është bërë publik menjëherë, sepse çdo transaksion i mëdh në bankë duhet të miratohet nga një punonjës tjetër.

Banka gjermane ka paralajmëruar një ndryshim radikal në biznes, sepse, siç thanë ata, ata duan të shkurtojnë në mënyrë drastike shpenzimet, të rrisin përfitimet dhe ti kushtojnë vëmendje imazhit.