Një gjykatë holandeze i i ka dënuar sot gjashtë burra myslimanë të cilët dyshohet se kanë qenë pjesë e një grupi terrorist që kanë rekrutuar persona për tu rreshtuar krahas Shtetit Islamik në Siri apo grupeve të tjera ekstremiste.

Gjashtë personat janë shpallur fajtorë në një gjykatë në Amsterdam në të cilën kishte forca të shtuara të policisë.

Ndaj gjashtë personave janë shqiptuar dënime deri në gjashtë vjet burgim.

Gjykatësi kryesor, Rene Elkerbout, tha sot se organizata në të cilën kanë vepruar gjashtë personat, ka ndikuar tek shumë të rinj që të shkojnë dhe të luftojnë në Siri.

 Parizienët janë të ndarë lidhur me rezlutatet e zgjedhjeve rajonale në vend, pasi Fronti Kombëtar i së djathtës ekstreme siguroi një fitore dërrmuese në raundin e parë dje, në një arritje që trondit relievin politik të vendit para zgjedhjeve presidenciale të vitit 2017.

Me pozita të forcuara nga frika e votuesve pas sulmeve të Shtetit Islamik që shkaktuan vdekjen e 130 vetëve në Paris më 13 nëntor, nga një papunësi rekord dhe shqetësimet për imigracionin, partia e Marine Le Penit siguroi 27.96 për qind të votave në shkallë kombëtare.

Partia e rriti mbështetjen e saj në gjithë Francën dhe doli e para në gjashtë rajone, kryesisht duke fituar terren nga Partia Socialiste e Presidentit Francois Hollande që doli e treta me 23.33 për qind të votave.

Një parizien, Vadim tha se Fronti Kombëtar kishte përfituar nga ndjesia e pasigurisë dhe se politikat e tij nuk ishin realiste.

“Ata nuk propozojnë zgjidhje realiste. Politikat e tyre nuk janë të lidhura me realitetin. Për fat të keq ata manipulojnë njerëzit. Shpresoj që njerëzit ta kuptojnë se një ditë se do të ketë forca të tjera politike që do të hyjnë në skenën politike”.

Vetë Marine Le Pen doli si kandidatja kryesore në rajonin Nord-Pas de Calais-Picardie dhe së bashku me mbesën e vet Marion Marechal Le Pen, e kapërcyen kufirin simbolik prej 40 për qind në rajonet e tyre respektive.

Një pariziene, Muriel tah se ishte shumë e befasuar dhe e paqartë nga rezultatet dhe tha se politikanët duhet të kishin pasur dyshime për atë që ofron zonja Le Pen në kohë të vështira si sot.

“Rezultatet e sotme janë të çuditshme. Normalisht duhet të ishte e kundërta, duhet të përhapej një mesazh paqeje dhe humanizmi, por mesa duket këtu nuk po ndodh kjo dhe e pranoj që më huton ky rezultat”.

Një tjetër qytetar Jocelyn, simpatizante e Frontit Kombëtar është shumë e kënaqur me rezultatin dhe tha se ai dhe të tjerët kishin votuar për të treguar zhgënjimin e tyre me qeverinë aktuale dhe politikat e saj.

“Ndoshta ata nuk fitojnë gjashtë rajone, por nëse fitojnë në dy rajone, atëherë do të shohim se ç’do të ndodhë, do të jetë diçka pozitive. Jam i zhgënjyer, të gjithë jemi të zhgënjyer me politikat e qeverisë. Ato janë gënjeshtra  dhe tani njerëzit po mendojnë për veten e tyre, po veprojnë pak me egoizëm. Ka abstenime të shumta për shkak të kësaj ndjesie dhe sepse të rinjtë nuk kanë vende pune”.

Sipas agjencisë kombëtare të statistikave, papunësia e Francës arriti në 10.2 për qind në tremujorin e tretë të këtij viti, me 2.9 milionë vetë pa punë aktualisht, shifra më e lartë në 18 vjet.

Para rezultateve të raundit të parë, partitë franceze bënë përpjekje të minutës së fundit për të reaguar ndaj forcimit të pozitës së të djathtës ekstreme. Partia Socialiste në pushtet deklaroi se do të tërhiqte kandidatët që dilnin të tretët nga raundi i tretë i zgjedhjeve.

Kjo taktikë përforcon përpjekjet për të krijuar një barrikadë kundër të djathtës ekstreme dhe për të mos u lënë përkrahësve të vet asnjë alternativë përveçse të votojnë për Partinë Republikane të ish-presidentit Nicolas Sarkozy, me shpresën për të mos lejuar fitoren e së djathtës ekstreme.

Raundi i dytë i votimeve më 13 dhjetor do të përcaktojë rezultatin përfundimtar për të gjitha partitë. Historikisht, Fronti Kombëtar ka pasur rezultate pozitive në raundin e parë por ka pasur vështirësi të ruajë epërsinë në të dytin, pasi rivalët bashkojnë forcat kundër tij.

Luftëtarët kurdë ku bënte pjesë edhe australiani Dyball

Rreth një muaj pas sulmeve terroriste në Paris, francezët nesër do të marrin pjesë në votime. Ekspertët parashikojnë se partia e djathtë Fronti Kombëtar do të marrë rezultate të forta në zgjedhjet lokale, duke theksuar frikën ndaj terrorizmit dhe emigracionit. Por, një parti e re, Bashkimi i Myslimanëve Demokratë Francezë, është duke bërë fushatë për një përfaqësim më të mirë të myslimanëve në politikën franceze, si dhe për të treguar se Islami dhe laicizmi francez mundet të bashkëjetojnë.

Khalid Majid nuk ka dalë në pazar për rroba. Ai kërkon vota.

Partia e tij, Bashkimi i Demokratëve Myslimanë (UDMF), po merr pjesë për herë të parë në zgjedhje. Shumë njerëz kënaqen që shohin një fytyrë të re dhe dëgjojnë një mesazh të ri.

Partia UDMF nuk pret të fitojë shumë vota. Thjesht përfshirja e më shumë myslimanëve në politikë është një hap përpara:

“Duhet të bëhen faktor. Nëse nuk luajnë rol sot, atëherë të tjerët do të krijojnë legjislacion kundër tyre. E kemi parë këtë gjatë viteve të fundit.”

Ferroudja Ghersbousbele nuk beson se partitë e mëdha franceze reflektojnë shqetësimet e myslimanëve të zakonshëm, të cilët janë të shqetësuar nga kundërreagimi pas sulmeve terroriste:

“Pas atyre që ndodhën, nuk mendoj se na përfaqësojnë. Duan më shumë ta ulin fenë myslimane se sa ta mbështesin.”

Partia UDMF po bën fushatë rreth temave si mjedisi dhe vendet e punës. Gjysma e kandidatëve të saj janë gra, dhe shumë prej tyre nuk mbajnë ferexhe. Por, platforma e saj trajton shumë nga shqetësimet e myslimanëve, si ndalimi i ferexhesë në shkolla. Anëtarët e kësaj partie thonë si identiteti i saj mysliman nuk ka përplasje me laicizmin francez.

Partia kundër emigrantëve, Fronti Kombëtar, gjendet në kahun tjetër të spektrit politik. Sidomos pas sulmeve terroriste në Paris, pikëpamjet e saj për shtetin ligjor po zënë vend edhe tek disa myslimanë.

Në qytete shumë-etnike, si Montreuil, Fronti Kombëtar u bën thirrje votuesve të zgjedhin vendin e tyre, dhe se UDMF-ja nuk ka vend në politikën franceze:

“Të marrësh pjesë në zgjedhje me këtë lloj tematike fetare myslimane është e papranueshme.”

Ekspertët nuk bien dakort për efektet që do të ketë Partia Myslimane. A do të ndihmojë ajo për bashkimin e francezëve, apo do t’i përçajë më tej? Apo thjesht do të zvenitet gradualisht? Ky debat do të vazhdojë përtej zgjedhjeve të së dielës.

VOAL – BERLIN, 4 DHJETOR – Në Berlin sot në mëngjes Bundestagu miratoi me shumicë të gjerë ndërhyrjen ushtarake në Siri kundër të vetëshpallurit Shtet Islamik – ISIS, shkruan Voice Of Albanians – voal.ch. Deputetët gjermanë mbështetën vendimin e Qeverisë së drejtuar nga Angela Merkeli për t’i garantuar një ndihmë Francës, pas atentatit në Paris para tri javësh.

Në favor të ndërhyrjes nga ana e Bundeswehrit dhe Luftwafes në operacionet ushtarake ndërkombëtare kundër ISIS-it në Siri votuan 445 nga 598 sa ka parlamenti gjerman, 146 ishin kundër dhe shtatë abseanuan. Parashikohet të dërgohen deri 1 200 ushtarë dhe gjashtë avionë zbulues Tronado, por në zonën e konflikit do të shkojë edhe një fregatë në mbështetje të aeroplambajtëseve franceze Charles-de-Gaulle e një aerocisternë për furnizimin e mjeteve ajrore.

Ekzekutivi gjerman gjithsesi ka përjashtuar kategorikisht mundësinë e bashkimit me SHBA, Rusinë, Britaninë dhe Francën për të kryer sulme ajrore në territorin sitian. Reuters/AFP/AP

VOAL – MADRID, 2 DHJETOR – Deklarata e Pavarësisë e Parlamentit të Katalonias u anullua njëzëri nga Gjykata Kushtetuese e Spanjës, e cila shqyrtoi ankesën e qeverisë së Madridit, paraqitur më 11 nëntor, shkruan Voice Of Albanians – voal.ch. Kështu bën të ditur El Pais online, duke nënvizuar se vendimi është ndër më të shpejtit në historinë e Gjykatës.

Bruksel, 2 dhjetor 2015

PARIS – Presidenti i SHBA-ve Barack Obama, pas takimit të tij me presidentin turk, Recep Tayyip Erdogan), në lidhje me avionin rus të rrëzuar i cili e kishte shkelur hapësirën ajrore turke ka deklaruar se: “E mbështesim të drejtën e Turqisë për të mbrojtur veten”.aa

Ulrike Lunacek komenton situatën e fundit politike në Kosovë si dhe tensionet në rritje mes opozitës dhe Qeverisë lidhur me marrëveshjet për Asociacionin me Serbinë dhe demarkacionin me Malin e Zi.

Nënkryetarja e Parlamentit Evropian dhe raportuesja për Kosovën, Ulrike Lunacek, në një intervistë dhënë për KosovaPress, tha se arrestimi i deputetit Albin Kurti dhe aktivistëve të tjerë është bërë në kohë të papërshtatshme. Ajo ka porositur Qeverinë dhe opozitën që të gjejnë mënyra për tejkalimin e mospajtimeve, duke e parë propozimin pesë pikësh të Vjosa Osmanit e Ilir Dedës si alternativë për kalimin e kësaj krize.

“Duke i parë protestat e dhunshme në Kuvendin e Kosovës, unë edhe njëherë kërkoj nga partitë opozitare dhe Qeveria përgjegjësi politike që të mos ketë edhe më shumë përshkallëzime në dhunë. Arrestimi i deputetit të Lëvizjes Vetëvendosje Albin Kurti dhe dhjetëra aktivistëve të tjerë të shtunën, mund të jetë kryer sipas procedurave penale, por duke marre parasysh situatën e tensionuar, koha dhe shtrirja e këtij aksioni nuk ishin të dobishme për të përkrahur një fillim fuqimisht të nevojshëm për dialog në mes të opozitës dhe Qeverisë”, tha Lunacek për KosovaPress.

Raportuesja për Kosovën në Parlamentin Evropian, Lunacek ka porositur që dialogu të jetë mjeti i vetëm për zgjidhjen e mospajtimeve, duke bërë thirrje që të shfrytëzohen mundësitë e ndryshme për të ardhur tek dialogu.

“Në këtë mënyrë, e ripërsëris thirrjen time për dialog, si të vetmin mjet për të zgjidhur mos pajtueshmëritë. Po ashtu inkurajoj të gjitha palët që të shfrytëzojnë mundësitë e ndryshme për të dialoguar, përfshirë edhe propozimin e deputetëve Deda-Osmani”, ka thënë Lunacek në një intervistë për KosovaPress, të cilën të plotë do ta publikojmë

Presidenti amerikan Barack Obama (në mes) duke u përshëndetur me sekretarin e përgjithshëm të OKB-së Ban Ki-Moon, pasi ishte pritur nga presidenti francez Francois Hollande (djathtas)

Barack Obama, Francois Hollande dhe Anne Hidalgo (nga e djathta në të majtë) gjatë vizitës në sallëën muzikore Bataclan në Paris

Pamje e masave të shtuara të sigurisë në Bruksel

Policia në Bruksel ka ndërmarrë më tepër bastisje, me ç’rast i ka arrestuar edhe pesë persona të dyshuar, derisa po vazhdon kërkimi për një të dyshuar për sulmet në Paris, i cili është ende në ikje.

Autoritetet belge më sot më herët kanë shpallur se i kanë arrestuar 16 vetë në ndërhyrjet në Bruksel dhe qytetin tjetër, Sharlerua, mbrëmë vonë.

Zëdhënësi i Prokurorisë federale të Belgjikës, Eric Van Der Sypt, tha se i dyshuari kryesor në këtë rast, militanti i lindur në Francë, Salah Abdeslam, nuk “është në mesin e të arrestuarve gjatë kërkimeve të mbrëmshme.

Në sulmet terroriste të 13 nëntorit në Paris, janë vrarë 130 vetë dhe janë plagosur qindra të tjerë.

Pas këtyre sulmeve, në pjesën më të madhe të vendeve evropiane janë shtuar masat e sigurisë.

Qeveria e Holandës thuhet se ka ardhur me nje ide të krijimit të një “mini-Schengen” zone, për të vendosur kontrollin e pasaportave në çdo hyrje të pesë shteteve. Kështu do të dukej kjo iniciativë:

VOAL – BRUKSEL, 23 NËNTOR – I kërkuari numër një Salah Abdeslam nuk është e gjetur, shkruan Voice Of Albanians, voal.ch. Lajmin e jep prokurori federal belg Eric Van der Sypt. Gjashtëmbëdhjetë veta janë arrestuar përgjatë bastisejeve që janë zhvillluar natën e mbrëmshme në Bruksel.

Nuk janë gjetur armë apo lëndë shpërthyese gjatë këtyre bastisjeve. Policia ka bërë 19 bastisje në Bruksel, në lagjet Molenbeek, Anderlecht, Jette, Woluwe-Saint-Lambert e Forest. Tri bastisje të tjera u bënë në Charleroi. ansa

To Mr. Hahn Johannes, Commissioner for European Neighbourhood Policy & Enlargement Negotiations merr

Kerkese drejtuar Komisionit Europian per hapjen e Dosjeve ne Shqiperi dhe venies ne zbatim te Ligjit te Lustracionit

I nderuar Komisioner Hahn,

Unë që po ju shkruaj, jam një shqiptar ne emigrim. Jam ne emigrim qe nga viti 1989, i arrastisur nga Shqiperia para rrezimit te regjimit komunist.

Jam arratisur sepse jeta ime ne Shqiperi ne ate kohe u vu seriozisht ne rrezik nga Sigurimi i Shtetit. Familja ime ne ate kohe ishte e internuar dhe e deklasuar, e denoncuar nga regjimi komunist me titullin „Kulak“.

Gjyshi im nga ana e babait, Ali Cekani ka vdekur ne burg si anti komunist.

Daja im Nezir Muzhaqi i varur ne litar nga regjimi komunist, kur ishte vetem 27 vjeç .

Dy daja te tjere te pushkatuar pa gjyqe, etj.

Nena ime ka qene 5 vjet ne kampin famekeq te internimit në Bençë të Tepelenës ,qe eshte cilësuar si kampi i vdekjes.

Persekutimi komunist ne familjen time vazhdoi perjetesisht, gjë që nuk eshte ndalur edhe sot.

Në Shqipëri si shifra zyrtare nga regjimi komunist janë janë ekzekutuar 5 577 burra dhe 450 gra.

Janë dënuar 26 768 burra dhe 7 367 gra.

Kanë vdekur në burg 1 065 persona.

Kanë humbur aftësinë mendore 408 vetë.

Kanë vdekur në internim 7 022 vetë.

Në 50 vjet diktaturë komuniste, nga kjo shtresë janë kryer 914 000 vite burgu dhe 256 146 vite internim.Mijera te pushkatuar ne vende akoma sekrete nuk ju dihet varri, nuk dime ku janë eshtrat e te pareve tane, ku të paktën te kemi nje varr ku t‘i qajme.

Numri i te pushkatuarve dhe te vdekurve në internuar nuk eshte i sakte, sepse supozohet te jete shume me i larte pasi, pas rrëzimit të komunizmit nuk esht bere asnjehere nje studim i thelluar ne kete aspekt, pasi komunistet kanë penguar studimin e çeshtjes , ngaqë i kemi gjithmonë në pushtet.

Në Shqipëri nuk ka asnjë shenjë për të treguar se jemi populli të cilin diktatura e përçundoi.

Në Shqipëri nuk ka asnjë muzeum të krimeve të komunizmit, nuk ka asnjë ditë të kujtesës, nuk ka asnjë përmendore, ku qytetarët të vendosin lule dhe kurora.

Në Shqipëri nuk ka mbetur asnjë shenjë që të dëshmojë se në këtë vend shqiptarët janë futur në burgje, janë pushkatuar, varur në litar, janë dërguar familjarisht nëpër

Lagerat e diktaturës, ndërsa fëmijët e të dënuarve kanë mbetur pa shkollë, pa të ardhme, duke vuajtur ekskomunikimin nëpër kampe përqëndrimi ku ju mohohej e drejta e jetës.

Në Shqipërinë e tiranisë komuniste që e vrau elitën, dhe shqiptarët i ktheu në armiq të njëri-tjetrit nuk ka kujtesë, nuk ka memorie për të blatuar nderim ndaj viktimave të pafajshme të diktaturës. Janë sheshuar deri burgjet ku të dënuarit kanë vuajtur.

Klasa politike postdiktaturë është përgjegjëse e harresës kolektive për atë që ngjau në Shqipëri.

Në 3 Qershor 2008 me iniciativën e Vaclav Havel dhe Joachim Gauck u nënshkrua Deklarata e Pragës, e cila i bënte thirrje gjithë Europës t’i dënojë krimet e komunizmit. Por Shqipëria nuk e nënshkroi këtë Deklaratë.

Në 25 shkurt 2010 u nënshkrua po në Pragë Deklarata e Krimeve të Komunizmit, Por Shqipëria jo.

23 Gushti njihet si Dita e Memories jo vetëm nga shtete të BE-së por nga shtete jashtë BE siç janë SHBA, Kanadaja dhe Gjeorgjia.

Por jo nga Shqipëria!

Viktimat e komunizmit sot janë dyfish viktima, nga regjimi diktatorial dhe regjimi i tranzicionit postkomunist që nuk e ka dekomunistizuar ende as politikën dhe as shoqërinë.

Shoqëria shqiptare nuk e njeh veten se cila është.

Është pa ID!

Sepse s’ka memorie!

PS është vazhduese e Partisë Komuniste e cila pretendon të reformohet.

Por si mund të refomohet duke mbuluar me harresë atë që ka ndodhur.

E si mund të reformohet duke patur si gazetë të partisë Zërin e Popullit krijuar nga vetë diktatori stalinist.

Viktimat e komunizmit e kishte si obligim t’i kujtonte PD, sepse ky ishte misioni i saj, prandaj u mbështet prej popullit, që me rrëzimin e diktaturës, të rehabilitonte viktimat, të zbardhte krimet dhe të promovonte shtetin e së drejtës.

Ne jemi dëshmitarë sot se drejtësia si vlerë e Perëndimit ndëshkon të inkriminuarit e regjimit nazist, pa marrë parasysh se janë mbi 90 vjeçarë, ndërsa Europa ish-komuniste ndëshkon të inkriminuarit e regjimeve diktatoriale.

Por në Shqipëri jo.

Viktimat e djeshme të diktaturës Hoxhiste tani janë viktima të PS-PD.

Ne institucione kushtetuese, ne sistemin e drejtesise, dhe pista te rendesishme qeveritare, ashtu si edhe ne parlament, sot ka oficere te sigurimit, punetore dhe bashkepuntore te kesaj arme vrasese te se shkuares, e cila kontrollon segmente te rendesishme te pushtetit politik, ekonomik dhe mediatik.

Por kjo histori nuk mund të vazhdojë më i Nderuar Komisioner Hahn,

Demokracia ne Shqiperi eshte e cunguar dhe kjo shihet qarte ne çdo sfere te jetes atje, si me burgosjet pa motiv ,ikjen masive te shqiptareve ,kapjen e shtetit nga mafia komuniste ,kapja e drejtesise nga ish Gjykates e Prokurore nga koha e diktatures.

Ja pra pse e gjykoj se duhen të hapen dosjet e komunizmit; ja pra pse duhet Dekomunistizimi i shtetit ashtu si duhet dhe Dekriminalizimi.

E per kete ndihma Juaj eshte shumë e nevojshme.

Ju dergoj kete leter duke patur shprese dhe besim absolut qe do te na ndihmoni ne prurjen e demokracise ne vendin tim;

Shpresoj te me prisni ne nje takim per te diskutuar nga afer ne lidhje me kete çeshtje .

Edhe nje here Ju falenderoj duke Ju uruar pune te mbare .

Me respekt dhe mirenjohje

Kujtim Cekani