BERLIN -Parlamenti gjerman miratoi propozimin për përjashtimin e Partisë Nacionaldemokrate (NPD), formacion politik i ekstremit të djathtë, nga financimi nga buxheti i shtetit.

Propozimi, i bërë nga konservatorët e CDU-së së Merkelit, socialdemokratët e SPD-së dhe Demokratët e Lirë (FDP), i kërkoi parlamentit që t’i drejtohej Gjykatës Kushtetuese që NPD-ja të mos merrte gjatë gjashtë viteve të ardhshme fonde nga buxheti i shtetit.

“Për NPD-në edhe një qindarkë është shumë”, deklaroi Stephan Harbarth i CDU-së.

Në votimin e parlamentit gjerman nuk kishte asnjë votë kundër, përveç abstenimit nga partia tjetër e ekstremit të djathtë ”Alternativa për Gjermaninë” (AfD).

NPD ka qenë e njohur për glorifikimin e Rajhut të Tretë.

Shpikësi danez, Peter Madsen, u dënua me burgim të përjetshëm për vrasjen e gazetares suedeze, Kim Wall, në nëndetësen e tij.

Prokurorët thanë se Madsen e ka planfikuar vrasjen e 30-vjeçares duke e ngulfatur ose duke i prerë fytin.

Mbetjet e saj trupore janë gjetur nga policia daneze më 21 gusht të vitit të kaluar, 11 ditë pasi gazetarja e ka intervistuar Madsenin në bordin e nëndetëses së tij.

Madsen, 47 vjeç, u dënua të mërkurën në një gjykatë në Kopenhagë.

Ai u shpall fajtor për vrasje me paramendim dhe sulm seksual.

Madsen e ka pranuar se e ka copëtuar trupin e gazetares dhe se e ka hedhur në det.

Gjermania, viteve të fundit, ka pranuar numrin më të madh të refugjatëve nga Lindja e Mesme

Këshilli Qendror i Myslimanëve në Gjermani tha se anti-semitizmi është “mëkat”.

“Anti-semitizmi, racizmi dhe urrejtja janë mëkate të mëdha në Islam, andaj nuk do t’i tolerojmë kurrë”, tha presidenti i Këshillit, Aiman Mazyek, për gazetën gjermane “Rheinische Post”.

Mazyek iu përgjigj komenteve të bëra në fundjavë nga kancelarja gjermane, Angela Merkel, e cila tha se Gjermania po përjeton “një fenomen të ri, ku refugjatët dhe njerëzit e tjerë me origjinë arabe po sjellin një formë ndryshe të anti-semitizmit”.

Mazyek tha se komentet e Merkelit kanë qenë “si zakonisht të diferencuara”, sepse ajo ka theksuar se anti-semitizmi nuk u kthye në Gjermani me refugjatët; “statistikat e krimit e tregojnë”, tha ai.

Mazyek tha se Këshilli Mysliman po organizon takime mes hebrenjve dhe refugjatëve, si dhe po udhëheq disa programe arsimore.

Mont Saint-Michel

Policia franceze ka evakuuar njerëzit nga ishulli turistik Mont Saint-Michel dhe po kontrollon shtëpitë, pasi një person ka kërcënuar forcat e sigurisë, raportojnë mediat lokale.

“Një person ka hyrë në Mont Saint-Michel. Para një pronari të një kafeneje, ai ka bërë kërcënime specifike kundër forcave të sigurisë”, tha kreu i qeverisjes lokale për transmetuesin publik FranceInfo.

Personi i dyshuar nuk dihet nëse është i armatosur, citohet të ketë thënë për transmetuesin francez, shefi i policisë, Jean-Marc Sabathe.

“Kam urdhëruar që të gjitha shtëpitë të kontrollohet dhe të verifikohet nëse personi është ende në Mont-Saint-Michel”, tha ai, duke shtuar se personi i dyshuar mund të jetë larguar së bashku me turistët, gjatë evakuimit.

Mijëra turistë vizitojnë këtë vend çdo vit.

Forcat e sigurisë në Francë kanë qenë në gatishmëri të lartë, që prej një serie të sulmeve terroriste kanë marrë jetën e mbi 230 personave gjatë vitit 2015 dhe 2016.

Doris Pack, ka reaguar për deklaratat e kryeministrit shqiptar Edi Rama ne adrese te Kryetarit te Komisionit të Çështjeve të BE-s në Bundestagun gjerman, Gunther Krichbaum.

“Një histori e pabesueshme dhe e fabrikuar në mënyrë perfekte nga #Edi Rama, kryeministri shqiptar, për shpifje ndaj #Gunther Krichbaum, kryetar i Komisionit të Evropës në Bundestagun Gjerman. #Rama mendon për të tjerët se janë në kategoritë e tij: të gjithë mund të blihen + shiten. Turp për të + gazetarët që përhapin shpifjen”, shkruan ajo në Twitter.

Sot, kreu i PD-së, Lulzim Basha denoncoi dhe denoi ashper sulmet qe sipas tij, Edi Rama po bën nga mediat e kontrolluara prej tij, ne adrese te Kryetarit te Komisionit të Çështjeve të BE-s në Bundestagun gjerman, Gunther Krichbaum.

Ne nje deklarate nga selia blu, Basha permendi tre emra, Ramen, Tahirin dhe kryebashkiakun Veliaj, si pjese e ketij sulmi, sipas Bashes, neverites.

“Gjëja më e ndyrë e kësaj fushate që po zhvillohet prej 3 ditësh në media është se ajo financohet nga paratë e krimit, drogës dhe korrupsionit qeveritar që lidhen drejtpërdrejt me Ramën, Tahirin dhe Veliajn.

Ai është një nga figurat më të nderuara të Gjermanisë dhe evropës, një njeri që e do dhe mbështet Shqipërinë, por ku të sundojë shteti i të drejtës dhe demokracia, ndaj ka shprehur hapur kritikat. Kritikat e tij janë shprehur Ramës dhe qeverisë dhe nga shumë qeveri të BE, edhe nga SHBA, por në vend që të ballafaqohet me realitetin e vërtetë, që të reflektojë për kritikat Rama ka zgjedhur të prodhojë fushatë shpifjesh kundër kryetarit të cështjeve të BE në Bundestag. Gjëja më e ndyrë e kësaj fushate, që po zhvillohet prej tre ditësh, është se ajo financohet nga paratë e krimit, drogës dhe korrupsionit që lidhen direkt me Ramën, Tahirin dhe Veliajn”- tha Basha.

Një evakuim masiv po mbahet mëngjesin e së premtes në Berlin, për shkak të një bombe të gjetur, e cila është që nga lufta e Dytë Botërore.

Evakuimet nisën rreth orës 09:00 dhe do të prekin një zonë deri në 800 metra nga vendi ku është zbuluar bomba.

Zona përfshin Ministritë e Qeverisë, një spital dhe stacionin qendror hekurudhor të qytetit.

Mijëra bomba të pashpërthyera nga lufta e viteve 1939-45 gjenden çdo vit.

Policia thotë se nuk ka rrezik nga bomba, e cila u gjet në Heidestrasse të mërkurën e kaluar.

Kompania hekurudhore Deutsche Bahn dhe operatorët e tjerë të transportit kanë paralajmëruar për ndryshime të orareve për trenat, tramvajet dhe autobusët në zonë.

Fluturimet në aeroportin Tegel, rreth 7 km larg zonës, nuk do të preken, edhe pse aeroplanët që vijnë në tokë do të shmangin fluturimin mbi vendin.

Tegeli, i cili është aeroporti më i ngarkuar i Berlinit, u mbyll shkurtimisht në gushtin e shkuar pas zbulimit të një bombe të Luftës së Dytë Botërore.

Shtatorin e kaluar, pacientët në spitalet në Frankfurt u evakuan për të lejuar shpërthimin e kontrolluar të një tjetër bombë të madhe të kohës së luftës.

Bashkimi Evropian u ka dhënë azil mbi gjysmë milioni refugjatëve në vitin 2017, bëri të ditur Agjencia për Statistika e BE-së, Eurostat.

Shifra është për rreth një të katërtën më e vogël, krahasuar me vitin 2016.

Eurostat-i tha se qytetarët sirianë kanë përbërë numrin më të madh të azilkërkuesve të suksesshëm, vitin e kaluar, për t’u pasuar nga afganët dhe irakianët.

Po sipas Eurostat-it, Gjermania ka marrë numrin më të madh të azilkërkuesve, rreth 60%, dhe është pasuar nga Austria dhe Suedia.

Më së paku azilkërkues kanë pranuar Republika Çeke dhe Polonia.

Migrantët nga Shqipëria dhe Kosova kanë pasur më së paku gjasa për azil vitin e kaluar, tha Eurostat-i.

Presidenti i Këshillit Evropian, Donald Tusk

Nuk do të ketë marrëveshje për daljen e Britanisë nga Bashkimi Evropian dhe as marrëveshje tranzicioni derisa nuk zgjidhet çështja e kufirit me Irlandën, tha presidenti i Këshillit Evropian, Donald Tusk.

“Vendimi i Britanisë për Brexit ka shkaktuar problem dhe Britania duhet ta zgjidhë atë”.

“Pa zgjidhje, nuk do të ketë marrëveshje për tërheqje e as për tranzicion”, tha Tusk, duke folur para Parlamentit Evropian në Strasburg.

Negociatorët e Brexit-it do të takohen sot për të vlerësuar nëse ka përparim në çështjen e kufirit irlandez.

Britania dhe BE-ja janë pajtuar se nuk duhet të ketë “kufi të vështirë”, por diferencat mbeten në atë se si të arrihet ky qëllim.

Britania duhet të largohet nga BE-ja deri në mars të vitit të ardhshëm.

Dy të mbijetuar të Holokaustit dhe një ish-anëtar i rezistencës polake kanë ngritur padi kundër një shtëpie botuese, e cila sipas tyre ka qarkulluar libra të cilat lavdërojnë Adolf Hitlerin.Padia e tyre kundër botuesit Katmar Gdansk lidhet me dy libra propagandistike të bashkëpunëtorit belg të nazistëve, njëherësh oficer i SS, Léon Degrelle: “Shekulli i Hitlerit” (në dy vëllime) dhe “Hitleri demokrat.”

“Glorifikimi i nazizmit dhe mohimi i Holokaustit është një vepër penale në Poloni, dhe në teori mund të ndiqet penalisht, por në praktikë prokurorët kanë vepruar jo në mënyrë efektive në shumicën e rasteve”-shpjegon për AFP, Wojciech Kozlowski, një avokat i cili punon për firmën ligjore ndërkombëtare Dentons.

Ky është rasti i parë që një gjykatë civile në Poloni shyrton një çëshje të tillë”, shtoi Kozlowski, i cili ka deklaruar se prokurorët kanë hedhur poshtë një padi të mëparshme kundër botuesit në fjalë. Ankuesit argumentojnë se librat janë më shumë propagandë naziste sesa dokumente historike, por parashtruesit ankohen se këto botime ndikojnë në dinjitetin e tyre si njerëz që duruan vuajtje të tmerrshme në pushtimit nazist të Polonisë.

Një zëdhënës i botuesit mohoi kategorikisht çdo simpati me të djathtën ekstreme, duke siguruar që këto botime japin vetëm një pamje të mentalitetit nazist. Librat nuk u botuan për të “vlerësuar Hitlerin, por për të treguar fytyrën e vërtetë të gjermanëve, dhe sjelljen e tyre ndaj Hitlerit”-thotë Angie Ribes. Ai shtoi se ideologjia naziste dënohet në mënyrë eksplicite në një shënim të botuesit.

Presidenti i Francës, Emmanuel Macron, u bëri thirrje evropianëve t’i rezistojnë rritjes së autoritarizmit dhe të ripërtërijnë përkushtimin e tyre ndaj demokracisë.

“Nuk dua t’i përkas një brezi të të përgjumurve që kanë harruar të kaluarën e tyre”, tha Macron në një fjalim para Parlamentit Evropian në Strasburg.

“Dua t’i përkas një brezi që zgjodhi të mbrojë demokracinë e tij”, tha ai.

Macron tha se “duket se ka nisur një luftë civile evropiane, ku nacionalizmi dhe egoizmi kanë përparësi”.

Ai e dënoi, siç u shpreh, magjepsjen me joliberalët.

Presidenti i Komisionit Europian, Jean-Claude Juncker, e lavdëroi fjalimin e Macronit dhe përkushtimin e tij ndaj BE-së.

“Kjo është Franca e vërtetë”, tha Juncker.

Vatikani është tronditur nga një tjetër skandal ku në një raport prej 2300 faqesh ku dokumentohen 64 raste abuzimi pedofilie nga kleri katolik në Kili iu është dorëzuar Papa Franceskut. Raporti është hartuar nga kryetari i kongregacionit të doktrinës fetare në Selinë e Shenjtë, arqipeshkopi maltez Charles J. Scicluna, shkruan Daily Mail.

Ati i Shenjtë informon se ka thirrur me urgjencë në Romë peshkopët kilianë për të dialoguar mbi vendimet që duhen marrë me vlerësimet e rastit ndaj informacionve të shtrembëruara që kanë mbëritur deri më sot nga kisha kiliane.

Dëshmitë e kësaj dosje kanë zbardhur abuzimet seksuale të kryera ndaj mjaft fëmijëve nga prifti e guida e tyre shpirtërore, kiliani Fernando Karadima e që janë mbajtur fshehur nga peshkopi Juan Barris Madrid.

“Dëshmitë e mbledhur në Kili mbi rastet e pedofilisë nga kleri vendas dëshmojnë mjaft jetë të pafajshme të kryqëzuara e kjo më shkakton dhimbje e turp,”-shkruan Ati i Shenjtë.

“Pranoj se kam bërë gabime serioze të vlerësimit dhe të perceptimit të situatës për shkak të mungesës së një informacioni të vërtetë e të balancuar,”- shprehet Papa Francesku.

Policia në Vatikan ka arrestuar një prift që ka punuar më parë në Ambasadën Amerikane të Shtetit të Shenjtë me dyshimin e posedimit të meterialeve pornografike të fëmijëve.

Carlo Alberto Capella u arrestua pas një hetimi. Monsinjor Capella u dëbua nga SHBA në shtator të 2017 pasi autoritet amerikane i treguan Vatikanit për një shkelje të mundshme të ligjeve të pornografisë së fëmijëve nga diplomati i tij. Ai është bashkuar me trupin diplomatik të Vatikanit në vitin 2004.

Arretimi i tij mund të tërheqë vëmendjen mbi përpjekjet e Papa Françeskut për të zhdukur abuzimet e fëmijëve në Kishën Katolike, shkruan ora news.
Ai ka premtuar zero tolerancë, por kritikët thonë se ai nuk ka bërë mjaftueshëm për të kapur peshkopët që dyshohet se kanë mbuluar abuzimet.

Përpara se të shkonte në SHBA, Monsinjor Capella e nisi karrierën si diplomat në Indi dhe Hong Kong. Në SHBA karriera e tij zgjati më pak se një vit. Pasi autoritetet amerikane kontaktuan Vatikanin rreth diplomatit, ai u transferua në shtëpi. Vatikani tha se do të hetonte rastin.

Një zyrtar i departamentit të shtetit i tha Washington Post se qeveria e SHBA kishte kërkuar heqjen e imunitetit diplomatik të Monsinjor Capella në mënyrë që ai të mund të ndiqej penalisht në SHBA, por kërkesa u refuzua.
Pasi monsinjor Capella u dëbua nga SHBA, policia në Kanada lëshoi një urdhër për arrestimin e tij me dyshimin për zotërimin dhe shpërndarjen e pornografisë së fëmijëve në internet.

Papa Benedikti XVI e kishte bërë Capellën një ‘monsinjor’ në vitin 2008, duke i dhënë atij gradën “Kapelani i shenjtërisë së tij”.

Fotografi ilustruese

Dhjetëra njerëz janë vrarë pasi një veturë ka goditur turmën në qytetin Muenster të Gjermanisë, kanë raportuar mediat gjermane.

“Janë dhjetëra të vdekur dhe me gjasë në mesin e tyre është edhe i dyshuari”, ka thënë një zëdhnës i policisë.

Policia lokale ka shkruar në Tëitter se zyrtarët policorë kanë dalë në vendin e ngjarjes dhe u kanë bërë thirrje qytetarëve që të shmangin qendrën e qytetit, në mënyrë që makinat dhe ekipet e emergjencës të mund t’iu dalin në ndihmë të lënduarve.

Ende nuk është e qartë nëse kjo ngjarje është incident apo sulm.

Carles Puigdemont. 6 prill, 2018

Ish-lideri katalan, Carles Puigdemont ka thënë se shpreson që mund të jetojë në Beligjikë, pasi të kenë përfunduar procedurat ligjore në Gjermani.

Ai është liruar nga arresti në Gjermani të premten.

“Dëshira ime është të kthehem në Belgjikë, por pasi të kenë përfunduar procedurat ligjore këtu në Gjermani”, u ka thënë ai gazetarëve në Berlin.

Puigdemont është liruar nga një burg në Gjermani, pasi ka paguar 75 mijë euro për lirimin e tij me kusht, derisa të merret vendimi për ekstradimin në Spanjë.

Spanja akuzon Puigdemontin për rebelim dhe shpërdorim të fondeve publike lidhur me referendumin e paautorizuar për pavarësinë e Katalonjës në tetor të vitit 2016.

Kancelarja gjermane, Angela Merkel, do të udhëtojë në Shtetet e Bashkuara për të takuar presidentin, Donald Trump, tha Shtëpia e Bardhë.

Zëvendësi i sekretarit për media, Hogan Gidley, e konfirmoi vizitën e Merkelit në javët e ardhshme, por nuk dha datë të saktë.

Megjithatë, një zyrtar i lartë amerikan i tha agjencisë Reuters se vizita pritet të realizohet më 27 prill.

Presidenti i Francës, Emmanuel Macron, pritet të takojë Trumpin në Uashington tre ditë para vizitës së Merkelit.

Takimet do të zhvillohen pak kohë para 12 majit, afatit që ka caktuar Trump për përmirësimin e marrëveshjes bërthamore me Iranin, të nënshkruar nga SHBA-ja dhe fuqitë e tjera botërore.

Gjermania, Franca dhe nënshkrueset e tjera i kanë bërë thirrje SHBA-së që të mbetet në marrëveshje.

Me paktin e vitit 2015, Teherani është pajtuar të frenojë aktivitetet bërthamore në këmbim të lehtësimit të sanksioneve ndërkombëtare kundër tij.

Trump ka thënë se Teherani është duke shkelur “frymën” e marrëveshjes me hedhjen e vazhdueshme të raketave balistike dhe me mbështetjen e militantëve në rajon.

Presidenti amerikan ka kërcënuar se do të tërhiqet nga marrëveshja nëse ajo nuk përmirësohet.

Një gjykatë gjermane hodhi poshtë “rebelimin” si arsye për të ekstraduar ish-liderin e Katalonjës, Carles Puigdemont, dhe urdhëroi lirimin e tij me kusht.

Gjykata në qytetin Shlesvih-Hollshtajn tha se ai ende mund të përballet me akuzat për korrupsion në Spanjë dhe se ka pezulluar ekstradimin e tij, por nuk e ka përjashtuar atë.

Puigdemont është arrestuar në Gjermani muajin e kaluar, pasi Spanja ka lësuar urdhërarrest evropian për të.

Spanja i ka akuzuar separatistët katalanas për referendumin për pavarësi, të mbajtur në tetor.

Ministri i jashtëm i Hungarisë mohoi akuzat se qeveria e tij është raciste, por tha se nuk pranon që një shoqëri multikulturore është më e mirë se ajo homogjene. Komentet e tij kanë nxitur reagime nga organizatat për të drejtat e njeriut, përfshirë Komisionerin e OKB-së për të drejtat e njeriut.

Ministri i Jashtëm hungarez Péter Szijjártó i tha të mërkurën Zërit të Amerikës në Organzatën e Kombeve të Bashkuara, se vendi i tij nuk e pranon se multikulturalizmi është në vetvete një vlerë.

“Ne nuk e pranojmë që multikulturalizmi do të ishte më i mirë sesa një shoqëri homogjene, për shembull. Ne mendojmë se një vend, ose shoqëria e tij janë ata që vendosin nëse e konsiderojnë atë si një vlerë”.

Ministri i Jashtëm Szijjártó shtoi se Hungaria ka qenë “një shoqëri homogjene e bashkuar hungareze, e krishterë ” për 1100 vjet dhe e konsideron “këtë si vlerë”.

Komentet e tij ishin gjithashtu një përgjigje ndaj komenteve qortuese të Komisionerit të Lartë të OKB-së për të drejtat e njeriut muajin e kaluar, ku ai akuzonte kryeministrin hungarez Viktor Orban se ishte një njeri “racist” dhe “ksenofob”, sepse Orban, tha ai, nuk dëshiron që Hungaria të jetë “shumëngjyrëshe”.

Emigracioni ka qenë një çështje e rëndësishme elektorale në disa zgjedhje të fundit evropiane, përfshirë Hungarinë. Këtë të dielë, hungarezët do të votojnë në zgjedhjet e përgjithshme dhe Kryeministri Orban dhe partia e tij e krahut të djathtë, Fidesz, pritet të dalë fituese dhe të vazhdojë të qëndrojë në pushtet.

Ish-lideri i Katalonjës, Carles Puigdemont u ka bërë thirrje mbështetësve të tij të vazhdojnë rrugëtimin derisa ai është duke u përballur me ekstradim nga Gjermania, për shkak të rolit të tij në referendumin e Katalonjës për pavarësi.

I kërkuar në Spanjë për kryengritje dhe rebelim, Puigdemont ka folur për herë të parë prej kur është ndaluar përmes një fletë-arresti evropian.

Ai u ka thënë mbështetësve të tij se Spanja është duke vepruar në mënyrë “autoritare”.

Përkrahësit e idesë për pavarësi kanë marshuar në Berlin duke kërkuar lirimin e tij.

Gjyqatarët kanë 60 ditë për të konsideruar kërkesën për ekstradim.

Puigdemont ka folur përmes një audio-mesazhi të incizuar nga politikani i së majtës, Diether Dehm, i cili e ka vizituar në burgun në qytetin Neumünster.

“Përmes këtij mesazhi dua të them se ne duhet të vazhdojnë, duhet ta vazhdojmë rrugën tonë, të mbrojmë të drejtat tona, të drejta që janë njohur nga Kombet e Bashkuara përmes së cilave ne kemi të drejtë të vendosim për të ardhmen tonë”, ka thënë ai.

Një ortodoks, një budist e dy myslimanë, ndërmjet 12 të burgosurve, të cilëve Papa Françesku u lau sot pasdite këmbët, gjatë meshës së Darkës së Mbrame, kremtuar në burgun romak “Regina Coeli”. Në orën 16.00, në sheshin e rrumbullakët brenda burgut, në rrugën Lungara 29, ashtu si shën Gjon Pali II në vitin 2000, i Lumi Pali VI më 1964 e shën Gjoni XXIII në vitin 1958, Ati i Shenjtë kremtoi meshën për më se 600 të burgosur, 65% të rinj të huaj.

Papa e kupton shpirtin e të burgosurve

“E ndjejnë si mik me zemër të madhe, të aftë të kuptojë edhe shpirtin e të burgosurve”, nënvizon kapelani i burgut të Trasteveres, atë Vittorio Trani, i cili zgjodhi ata, që Papa u lau këmbët në ritin e së Enjtes së Madhe, në kujtim të gjestit të Krishtit për apostujt. Atë Trani i zgjodhi duke pasur parasysh kombësinë e fenë për t’i mundësuar vërtet gjithë botës së vuajtur të burgut të përfaqësohej në këtë përqafim me Papën. Vizita e Françeskut në burgun romak, përveç kremtimit eukaristik, ishte edhe takim me të burgosurit e sëmurë në infermierinë e strukturës, si edhe me ata të Seksionit VIII, që vuajnë dënime për krime me natyrë seksuale, ose kanë nevojë për mbrojtje të veçantë nga sulme të mundshme të të burgosurve të tjerë.

Homelia e Papës

“Larja e këmbëve. Këmbët, në atë kohë, laheshin nga skllevërit”, u tha Papa të burgosurve në homeli. “E Jezusi deshi ta bënte këtë shërbim, për të na dhënë shembullin si duhet t’i shërbejmë njëri-tjetrit”. Pastaj, kujtoi dishepujt, që i patën kërkuar Jezusit një vend të rëndësishëm, njëri në të djathtë e tjetri në të majtë të Tij. Deshën të komandonin.

“Kush komandon – bëri një paralelizëm me krerët e politikanët e sotëm, Papa – duhet të shërbejë. Kreu juaj duhet të jetë shërbëtori juaj. Jezusi e përmbys zakonin historik, kulturor të kohës – edhe këtë të epokës së sotme…”

Jezusi rrezikon, sepse na do

Sa luftra e vrasje do të ishin shmangur, nëse krerët e politikanët e sotëm do ta kishin parasysh këtë gjë, vijoi Papa. Jezusi u jep rëndësi të mënjanuarve e pikërisht për ta kujtuar si u përul për t’u bërë shërbëtor i të tjerëve, Papa shkoi sot në mes të të burgosurve, edhe ata, konsideruar të fundmit e shoqërisë:

“Sot, jam mëkatar si ju, por përfaqësoj Jezusin. Sot, jam ambasador i Jezusit. Sot, kur të përkulem mbi secilin prej jush, mendoni: “Jezusi rrezikoi në këtë njeri, në këtë mëkatar, që të vijë tek unë e të më thotë se më do”. Ky është shërbimi, ky është Krishti: nuk na braktis kurrë; nuk lodhet kurrë së na faluri”.

Asnjë dënim të mos përjetohet pa shpresë

Pasi përfundoi mesha, Papa dëgjoi përshëndetjen e falenderimin e një të burgosuri e pati një këshillë të fundit për të gjithë të dënuarit:

“Ҫdo dënim duhet të ketë parasysh horizontin e shpresës. Prandaj, dënimi me vdekje nuk është as njerëzor, as i krishterë. Ҫdo dënim duhet t’i hapet shpresës, integrimit, qoftë edhe për ta përdorur përvojën e jetuar në të mirë të njerëzve të tjerë. Ujin e ringjalljes, vështrimin e ri, shpresën… këto ju uroj”.

Në vitin 2013, ndër të miturit e Casal del Marmo

Papa Françesku kremtoi meshën “in Coena Domini” me të burgosurit edhe në vitin 2013, më 2015 e vitin e kaluar. Është traditë, të cilën e ndjek që nga koha kur ishte kryeipeshkëv i Buenos Ajresit. Më 28 mars 2013, vetëm dy javë pas zgjedhjes, shkoi në burgun për të mitur në Casal del Marmo, gjithnjë në Romë. E pati thënë:

“Ta ndihmojmë njëri-tjetrin: këtë na mëson Jezusi e këtë bëj edhe unë. Dhe e bëj me zemër, sepse e kam për detyrë. Si prift dhe si ipeshkëv duhet të jem në shërbimin tuaj”.

Në Don Gnocchi, lau këmbë nga e gjithë bota

Të Enjten e Madhe të vitit 2014, më 17 prill, Papa Françesku viziton qendrën rehabilituese romake “Zoja e Provanisë Hyjnore” e Fondacionit “don Gnocchi” dhe u lan këmbët paraplegjikëve të çdo moshe, etnie e feje. Nga Osvaldinjo, 16 vjeçari i Kepit të Gjelbërt, në karrige me rrota pas një zhytjeje të pafat në det, tek Hamed, 75 vjeçari mysliman nga Libia, me dëmtime të mëdha neurologjike pas një aksidenti rrugor. Atyre dhe rreth 500 vetëve jashtë kishës, Papa u kujton trashëgiminë e Krishtit:

“Ai është Zot e u bë shërbëtor, shërbëtori ynë. Kjo është trashëgimia. Edhe ju duhet të jeni shërbëtorë të njëri-tjetrit. Ai e bëri këtë udhë për dashuri: edhe ju duhet të duheni e të jeni shërbëtorë në dashuri”.

Në Rebibbia: Jezusi na do të gjithëve

Në vitin 2015, më 2 prill, Papa Bergoglio kthehet në një burg, kësaj radhe në atë të Rebibbia-s. Kur mbërrin përshëndet e puth një e nga një 300 të burgosurit, që e prisnin për meshën e darkës së Mbrame.

“Dashuria e Jezusit për ne nuk ka kufi – nënvizon në homeli – gjithnjë e më shumë, gjithnjë e më shumë. Nuk lodhet së dashuri. I do të gjithë aq, sa jep jetën për secilin prej nesh: …për ty, për mua, për atë tjetrin atje… për secilin, me emër e mbiemër. Dashuria e Tij është kështu: personale”.

Ndër emigrantët e Castelnuovo di Porto

Më 13 prill 2016, Ati i Shenjtë shkon në Qendrën për azilkërkuesit në Castelnuovo di Porto, në portat e Romës. E presin 900 refugjatë e vullnetarë. Vetëm pak ditë më parë, Isis pati realizuar një atentat të tmerrshëm në Bruksel. E Papa, duke akuzuar fabrikuesit e trafikantët e armëve, që duan gjak e jo paqe, shpjegon larjen e këmbëve, duke bërë thirrje për vëllazërim:

“Sot, në këtë çast, kur do të bëj gjestin e Jezusit, që u lan këmbët të 12-ve, të gjithë ne bëjmë një gjest vëllazërimi e të gjithë ne themi: ‘Jemi të ndryshëm, kemi kultura e fe të ndryshme, por jemi vëllezër e duam të jetojmë në paqe”.

Në burgun e Palianos: shërbëtor për dashuri

Vitin e kaluar, më 16 prill, Papa Françesku shkon në një burg jashtë Romës, në Paliano, në provincën e Frozinones. Ndër të 12-ët e larjes së këmbëve, edhe një shqiptar. Papa u kujton se Jezusi, duke qenë kreu i Kishës, diti të bëhej skllav për ne e të na dojë deri në fund:

“Ka një përmbysje rolesh: ai, që duket më i madhi, duhet të bëjë punën e skllavit, por për të mbjellë dashuri. Nëse ju mund të ndihmoni, të bëni ndonjë shërbim, këtu në burg, për një shoqe a një shok, bëjeni. Sepse kjo është dashuri, kjo do të thotë t’u lash këmbët. E të jesh shërbëtor i të tjerëve”.

Polonia ka nënshkruar një marrëveshje në vlerë prej 4.75 miliardë dollarësh, për të blerë sistemin e mbrojtjes raketore Patriot nga Shtetet e Bashkuara, me qëllim që të mbrohet nga lëvizjet agresive të Rusisë në rajon.

Presidenti Andrzej Duda ka thënë se kjo marrëveshje historike për Poloninë dhe forcat e saj të armatosura.

“Janë shumë para, por ne e dimë nga eksperienca jonë se siguria nuk ka çmim”, ka thënë Duda.

Sistemi Patriot është i pajisur me teknologji që përdoret nga NATO dhe trupat amerikane në Poloni, ka thënë presidenti polak.

Rumania po ashtu ka nënshkruar një marrëveshje 3.9 miliardë dollarëshe vitin e kaluar për sistemin e mbrotjes raketore Patriot.