Përndryshe, matja e kohës sipas sezonit veror do të fillojë të dielën, më 31 mars, kur akrepat do të lëvizen nga ora 2 në orën 3 të mëngjesit, shkruan “Independent”, transmeton Gazeta Express.
Planifikohet që seanca të tilla të përbashkëta në të ardhmen të mbahen rregullisht dy herë në vit. Ky vendim erdhi pas nënshkrimit të Traktatit të Aachenit, me të cilin synohet forcimi i bashkëpunimit mes Francës dhe Gjermanisë në Evropë.
Qëllimi i mbledhjeve të përbashkëta është zbatimi i këtij traktati dhe mbikëqyrja e çështjeve me interes të përbashkët, përfshirë politikën e jashtme, sigurinë dhe mbrojtjen.
Seanca e së hënës është më tepër ceremoniale dhe procedurale. Gjatë këtij takimi u nënshkrua marrëveshja dypalëshe nga dy kryetarët e kuvendeve, Wolfgang Schaube i Bundestagut Gjerman dhe Richard Ferrrand i Asamblesë Kombëtare të Francës.
Kryetari i kuvendit gjerman tha se ky organizim vë në pah zotimin e shteteve për të pasur bashkëpunim dypalësh në kontekstin evropian. “Gjermania dhe Franca kanë përgjegjësi të veçantë për Evropën”, shtoi ai.
Në anën tjetër, kryetari i kuvendit të Francës e publikoi një fotografi të kësaj seance, duke thënë që kjo është një ditë historike. “Nëse motori franko-gjerman nuk punon, e tërë Evropa do të ngadalësohet”, tha ai, shkruan “BBC”, transmeton Gazeta Express./Përktheu: Nasuf Abdyli
Protestuesit e njohur si “Xhaketat e Verdha” në Francë, kanë hyrë në fundjavën e 19-të të protestave kundër qeverisjes së presidentit francez Emmanuel Macron. Forcat ushtarake janë vendosur në Paris për të ndihmuar policinë e vendit, për shkak të eskalimit të mundshëm në dhunë.
Protestuesve iu ndalua të afrohen tek pjesa kryesore e qytetit Champs Elysees, për shkak të ankesave të bizneseve dhe dëmeve të shkaktuara ndaj tyre gjatë protestave.
Të ashtuquajtur “Xhaketat e Verdha” protestuesit në Francë janë duke protestuar nga nëntori i vitit të kaluar, që fillimisht nisi kundër ngritjes së çmimit të naftës.
Kjo lëvizje ka shënuar rritje kundër qeverisjes së Macronit, edhe pas tërheqjes së ngritjes së çmimit të naftës dhe shpesh ka përfunduar me përplasje me autoritetet dhe eskalim të dhunës.
Kryeministri i Spanjës, Pedro Sanchez i ka bërë thirrje Bashkimit Evropian (BE) të mbrojë Bllokun në zgjedhjet për Parlamentin Evropian të caktuara për më 26 maj.
Rezultati i zgjedhjeve do të nxisë ose do të dëmtojë BE-në, tha Sanchez gjatë adresimit në konferencën e mbajtur në Madrid me temë: “Mbroni Idenë e Evropës”.
Sanchez në fjalimin e tij u shpreh për një Evropë “më sociale” e cila si e tillë do të rikuperonte frymën dhe kohezionin evropian, ku asnjë qytetar nuk do të ndihet i përjashtuar.
“Duhet ta mbrojmë Evropën në mënyrë që Evropa të mbrojë qytetarët e saj”, u shpreh ai.
Sanchez kishte tetë propozime politike, të cilat sipas tij, do t’i jepnin një shtytje lëvizjes evropiane, siç janë modernizimi i ekonomisë, mbështetja për monedhën e përbashkët, ruajtjen e kontratës sociale, kompletimin e një “Evrope feministe”, vazhdimin e luftës kundër ndryshimeve klimatike, mbështetjen për emigracionin, ndjekjen e një politike të jashtme që do të jetë e qëndrueshme dhe efektive si dhe një buxhet “ambicioz” evropian.
“Gjithmonë kam besuar se Evropa mbi të gjitha është një bashkësi vlerash, por edhe një bashkësi interesash që duhet të mbrohen, por kjo mund të bëhet vetëm përmes unitetit”, tha Sanchez.
Ai tha se vendi i tij do të ketë një qëndrim konstruktiv për sa i përket Brexit-it, pasi siç tha, nëse Britania e Madhe propozon një shtyrje, atëherë do të duhet të tregojë pse, për çfarë qëllimi dhe për sa kohë.
Komentet e Sanchezit u bënë në prag të takimit të jashtëzakonshëm të cilin sot do ta mbajë Këshilli Evropian për të analizuar skenarët e Brexit-it. aa
Kryeministri i Italisë, Giuseppe Conte u zotua se Italia do t’i bashkohet iniciativës kineze që njihet si “Rruga e Mëndafshit”, pavarësisht kundërshtimeve dhe dyshimeve të SHBA-së si dhe anëtarëve të koalicionit qeverisës Italian.
Kina ka premtuar 124 miliardë dollarë për inciativën e cila synon të lidhë Kinën me Afrikën, Azinë dhe Evropën, përmes një rrjeti portesh, hekurudhash, rrugësh dhe paqeve industriale.
Kryeministri Italian Conte tha se nënshkrimi i Memorandumit të Mirëkuptimit, këtë javë në Romë, me delegacionin e lartë kinez të udhëhequr nga presidenti Xi Jinping, nuk do të rrezikojë pozicionin e Italisë në aleancës transatlantike.
Ai tha se memorandumi nuk është ligjërisht i detyrueshëm dhe se i jep mundësinë eksportuesve italianë të kenë qasje në një treg kinez fitimprurës.
Nënshkrimi nga ana e Italisë konsiderohet një hap i madh drejt legjitimimit të një projekti që parashikon lidhjet tokësore dhe detare midis Kinës dhe Evropës.
Policia holandeze arrestoi një person me origjinë turke, i dyshuar për përfshirje në incidentin me armë në një tramvaj të Utrechtit, ku u vranë tre vetë dhe u plagosën pesë, thanë autoritetet e qytetit.
I dyshuari ishte identifikuar nga policia si 37-vjeçari Gokmen Tanis.
“I dyshuari kryesor është arrestuar,” thanë autoritetet e qytetit në një koment në Twitter.
Të hënën në mëngjes, masat e sigurisë u shtuan përreth shkollave, xhamive dhe metrosë pas të shtënave, ndërsa vendi i ngjarjes u rrethua nga forca të mëdha të sigurisë.
Në një konferencë për shtyp, Prokurori Rutger Jeuken konfirmoi se personi i lindur në Turqi kishte qenë arrestuar edhe më parë.
Pas arrestimit të së hënës, autoritetet holandeze të kundër-terrorizmit e ulën nivelin e kërcënimit për provincën qendrore të Utrechtit në shkallën 4.
Niveli i paralajmërimit u rrit në shkallën më të lartë për disa orë me radhë pas vrasjeve në Tramvaj.
Paris
Që prej 4 muajsh në Francë vazhdojnë protestat e “jelekëve të verdhë” të cilat filluan si reagim ndaj rritjes së çmimit të karburanteve dhe kushteve të këqija ekonomike, por të cilat më vonë u kthyen në protesta kundër presidentit Emmanuel Macron, shkruan Anadolu Agency (AA).
Protestat e “jelekëve të verdhë” që vazhdonë prej kohësh pa ndërprerje që nga fillimi i tyre në Francë, janë bërë protestat me vazhdueshmërinë më të gjatë në vitet e fundit. Nga qeveria “jelekët e verdhë” presin që ajo të përmisojë kushtet dhe të bëjë hapa për zgjidhjen e problemeve ekonomike.
Gjithashtu ka tërhequr vëmendjen ajo se numri i pjesëmarrësve në protesta javët e fundit është ulur, shifër kjo e cila më 17 nëntor 2018 kur filluan protestat ishte rreth 290 mijë njerëz, ndërkohë që javën e kaluar ishte rreth 28 mijë.
Demonstruesit sot do të mbajnë protesta në të gjithë vendin kryesisht në kryeqytetin Paris. Protestuesit synojnë të rrisin numrin e protestuesve dhe të rigjallërojnë lëvizjen në mënyrë që të shprehin reagimet e tyre ndaj Macron-it dhe qeverisë në mënyrë më efektive.
Priscillia Ludosky dhe Jerome Rodrigues nga liderët e “jelekëve të verdhë” bashkë me avokatin e tyre François Boulo kanë dhënë deklarata për AA.
Ludosky, duke bërë të ditur se lëvizja e “jelekëve të verdhë” është rritur dhe se në 4 muaj kanë arritur përparime të rëndësishme tha se “Protestat do të vazhdojnë. Është e rëndësishme të tregojmë se ndodhemi në rrugë”.
“Në protesta ka përdorim të tepruar të gazit lotsjellës dhe dhunës policore. Shumë hetime vazhdojnë. Në veçanti, ka raste kur policia ka përdorur dhunë të tepruar ndaj protestuesve. Prandaj, ne nuk mund të veprojmë lirshëm në protesta. Nëse qeveria ndërmerr hapa të forta, njerëzit mund të luftojnë në mënyra të ndryshme dhe jo duke organizuar protesta. Ka shumë gjëra që qeveria duhet t’i bëjë por të cilat nuk i bën”, tha Ludosky duke shtuar se bashkë me lëvizjen janë formuar shumë shoqata dhe se janë kryer disa punime.
Pasi kujtoi se Franca është paralajmëruar nga Kombet e Bashkuara (OKB) për presionet dhe dhunën kundër protestuesve në demonstrata, ajo tha se “Madje disa vende i kanë thënë presidentit francez “interesohu për problemet e vendit tënd, jo me ato të vendit tonë”. Qëndrimi i Francës ndaj vendeve të tjera tërheq vëmendje. Sytë e komunitetit ndërkombëtar janë tek Franca”.
“Është kryer dhunë në vend që t‘u përgjigjen kërkesave që kemi”
Ndërsa Rodrigues i cili ka humbur një sy pasi është goditur nga një kapsollë e gazit lotsjellës gjatë protestave në Paris tha se “Protestat do të vazhdojnë deri kur qeveria të na dëgjojë. Qeveria në këto 4 muaj në vend që t‘u përgjigjet kërkesave që ne kemi ajo ka bërë edhe më shumë presion ndaj nesh duke përdorur policinë dhe duke u përpjekur që të na bëjë të heshtim”.
Rodrigues ka reaguar edhe ndaj projektligjit i cili u miratua në Asamblenë Kombëtare i cili parashikon dënime të ashpra ndaj protestuesve.
“Bota duhet të shqetësohet për dhunën ndaj ‘jelekëve të verdhë’. Macron i cili përpiqet t’i japë mësime Venezuelës dhe Algjerisë, po vepron më keq me popullin e tij”, tha Rodrigues, duke mbrojtur idenë e tij se qeveria po përpiqet ta paraqesë të ulët shifrën e pjesëmarrësve në protesta dhe se shifrat që ajo publikon nuk janë të drejta.
Avokati i “jelekëve të verdhë” Boulo tha se protestat do të vazhdojnë deri në përmbushjen e kërkesave të popullit. “Ka një qeveri të shurdhër e cila nuk dëshiron të dëgjojë asgjë. Qeveria u përgjigjet kundërshtimeve të popullit vetëm me presion policor dhe ligjor”, tha ai.
Më tej Boulo thekson se shkeljet e të drejtave të njeriut ndaj “jelekëve të verdhë” kanë arritur në përmasa serioze dhe projektiligjin i cili parashikon ndëshkime të ashpra për protestuesit e ka cilësuar atë si një projektligj “fashist” që kufizon liritë e njerëzve.
Një bazë ushtarake e përhershme amerikane në Poloni me emërtimin “Fortesa Trump”, është një hap më afër për t’u bërë realitet.
Kathryn Wheelbarger, ushtruese detyre e ndihmës sekretares së Mbrojtjes për çështjet e sigurisë ndërkombëtare, u tha ligjvënësve në Komisionin për Shërbimet e Armatosura të Dhomës së përfaqësuesve të mërkurën, se negociatat për ngritjen e saj “janë duke u zhvilluar gjatë kësaj jave”.
Komentet e saj u bënë në kohën kur John Rood, zëvendës sekretar i Mbrojtjes u takua me homologun polak për të diskutuar hollësitë e asaj që zoti Rood e quaji “ofertë bujare” nga Polonia.
Varshava ka ofruar një ndihmesë prej të paktën dy miliardë dollarësh për vendosjen e pranisë së përhershme të forcave amerikane në Poloni, në një përpjekje për të penguar çfarëdo agresioni të mundshëm rus.
NATO-ja ka zgjeruar praninë e saj në afërsi të kufijve të Rusisë për të siguruar fqinjët e saj lindor, një grumbullim që Rusia e ka përshkruar si kërcënim për sigurinë e saj.
“Ne kemi arritur, mendojmë, një ofertë shumë serioze e të fuqishme dhe ne jemi duke punuar disa nga teknikalitetet këtë javë,” tha Kathryn Wheelbarger.
Ajo tha se do të duhen gjashtë muaj deri në një vit për përfundimin e marrëveshjes për bazën.
Ushtria amerikane nuk do të duhet të fillojë mbledhje buxheti për bazën për të paktën dy apo tre vjet, sipas gjeneralit të Ushtrisë, Curtis Mike Scaparrotti, shefi i Komandës së trupave amerikane në Evropë.
Negociatat për bazën e propozuar në Poloni, po ndodhin në kohën kur është raportuat se administrata e presidentit Donald Trump, po shqyrton një plan sipas të cilit, kombeve të pasura si Gjermania, Japonia dhe Koreja e Jugut, do t’u kërkohet të paguajnë çmimin e pranisë ushtarake amerikane në territoret e tyre dhe plus 50 për qind më shumë, për privilegjin e mbrojtjes amerikane.
Kathryn Wheelbarger mohoi që ideja “kosto plus 50” po diskutohej për aleatët evropianë.
Përfaqësuesja e lartë e Bashkimit Evropian, Federica Mogherini i tha Këshillit të Sigurimit të OKB-së se “Kosova duhet të heqë tarifën ndaj mallrave serbe dhe të Bosnjës”.
Pasi të ndodhë kjo, Mogherini përsëriti se do të thërrasë menjëherë raundin e ri të dialogut ndërmjet Prishtinës dhe Beogradit në mënyrë që të arrihet marrëveshja ligjërisht obliguese për normalizimin e plotë të raporteve ndërmjet dy vendeve.
“Siç e dini, unë personalisht e lehtësoj dialogun. Por dialogu nuk më përket mua, Bashkimi Evropian apo ndonjë prej nesh rreth kësaj tryeze, ajo i takon dy palëve në dialog. U takon atyre të arrijnë një marrëveshje që do të ishte e pranueshme dhe e përshtatshme për të dyja palët. Në të njëjtën kohë, një marrëveshje përfundimtare duhet të jetë në përputhje me të drejtën ndërkombëtare dhe do të duhet të mbështetet nga Këshilli i Sigurimit i OKB-së”, tha Mogherini, duke shtuar se, për arritjen e këtij qëllimi, është e gatshme të intensifikojë bisedimet me anëtarët e Këshillit të Sigurimit.
Dialogu ndërmjet Prishtinës dhe Beogradit është ndërprerë pasi pala serbe nuk pranon të ulet në tryezën e bisedimeve para se Kosova të heqë tarifën ndaj mallrave serbe të vendosur në nëntor të vitit të kaluar, si kundërpërgjigje të asaj që Prishtina e quan fushatë të shtetit serb ndaj minimit të shtetësisë së Kosovës.
Megjithatë shefja e diplomacisë evropiane, Federica Mogherini tha se një përfundim pozitiv i dialogut Beograd-Prishtinë do të jepte edhe më shumë shpresë për të gjithë rajonin si dhe do të ishte model dhe një frymëzim për Evropën dhe botën.
Bashkimi Evropian dhe Shtetet e Bashkuara po i bëjnë thirrje autoriteteve në Prishtinë që të shfuqizojë ose të paktën të pezullojë për një afat kohor tarifën ndaj mallrave serbe.
Kryeministri Ramush Haradinaj po kundërshton heqjen e saj derisa Serbia të njohë Kosovën.
Haradinaj: Sa të jem unë kryeministër, taksa nuk hiqet
Mbajtja në fuqi e tarifës ka përkeqësuar raportet e Kosovës me Shtetet e Bashkuara. Zyrtarë të lartë amerikanë përmes disa letrave drejtuar institucioneve të Kosovës apo përmes vizitave në Prishtinë kanë thënë se autoritetet kosovare duhet të shfrytëzojnë rastin për të arritur një marrëveshje me Beogradin, gjatë këtij viti.
Hale në Kosovë për “mundësinë historike” të arritjes së marrëveshjes me Serbinë
Përkeqësimin e raporteve me SHBA-në e ka konfirmuar kohë më parë edhe zëvëndëskryeministri, Enver Hoxhaj, i cili përmes një shkrimi në Facebook ka thënë se raportet mes dy vendeve janë në nivelin më të ulët.
“Përgjatë përvojës time pesëmbëdhjetë vjeçare në politikë, fatkeqësisht, ndodhemi në pikën më të ulët të marrëdhënieve Kosovë-SHBA dhe ky duhet të jetë shqetësim për politikën dhe shoqërinë në Kosovë” ka shkruar Hoxhaj.
Ligjëvënësit evropianë janë shumë të shqetësuar për lidhjet mes Rusisë dhe partive të ekstremit te djathtë si dhe disa qeverive evropiane siç është rasti i Hungarisë. Kështu thuhet në një rezolutë të miratuar me shumicë votash nga Parlamenti Evropian.
“Parlamenti Evropian kërkon një mekanizëm të gjerë të BE-së që lejon kontrollin e financimit të partive politike dhe masat që duhet ndërmarrë për të shmangur përdorimin e disa partive dhe lëvizjeve për të destabilizuar projektin evropian nga brenda”, thuhet në rezolutë.
Rezoluta gjithashtu shpreh shqetësim për “potencialisht qindra miliarda euro që pastrohen çdo ditë përmes BE-së nga kompanitë ruse dhe individët që kërkojnë të legjitimojnë të ardhurat e korrupsionit”.
Raporti iu bën thirrje vendeve anëtare të BE-së t’i japin fund programeve të “vizave të arta” .
Programi i “vizave të arta” zbatohet nga disa vende evropiane të cilat sigurojnë viza ose nënshtetësi për të huaj që janë të pasur. Ky program është përballur me kritika nga vëzhguesit pasi vlerësohet se mund të jetë i prekur nga korrupsioni.
Rezoluta e Parlamentit Evropian potencon se Rusia “nuk mund të konsiderohet edhe më tutje partner strategjik” dhe se BE-ja nuk mund të bëj biznes të zakonshëm me Rusinë përderisa Moska nuk i zbaton në tërësi “Marrëveshjet e Minskut” të cilat janë bazë për arritjen e paqes në lindje të Ukrainës, si dhe rivendosjen e integritetit territorial të saj.
Rezoluta e quajtur “Gjendja e raporteve BE-Rusi” nuk është obligativ megjithatë përfaqëson pozicionin e Parlamentit Evropian në raportet me Moskën.
Paris
Asambleja Kombëtare e Francës e ka miratuar marrëveshjen e cila parashikon krijimin e një asambleje të përbashkët parlamentare me qëllim forcimin e bashkëpunimit mes Francës dhe Gjermanisë.
Marrëveshja u pranua me mbështetjen e dhënë nga Lëvizja Republika në Marshim (LREM) e cila është në pushtet dhe themeluesi i së cilës është presidenti Emmanuel Macron, Partia e Republikanëve (LR) e qendrës së djathtë, Partia Socialiste (PS) e qendrës së majtë dhe Lëvizja Demokratike (MoDem).
Pritet që marrëveshja të hyjë në fuqi kur ajo të miratohet edhe nga Asambleja Federale e Gjermanisë dhe në rast se ajo miratohet seanca e parë do të mbahet më 25 mars në Paris.
Në asamblenë e cila do të mblidhet dy herë në vit, do të jenë të pranishëm 100 deputetë, nga 50 për secilin vend. Thuhet se marrëveshja u lejon vendeve të heqin dorë nga rregullat e ligjit kombëtar në rajonet kufitare.
Kryetari i Asamblesë Kombëtare të Francës, Richard Ferrand, në një deklaratë ka shprehur kënaqësinë e miratimit të marrëveshjes dhe ka theksuar se kjo asamble do të sigurojë që ligji i të dy vendeve të punojë në mënyrë harmonike dhe do të thellojë bashkëpunimin e tyre.
Ndërkohë që edhe ministrja për Bashkimin Evropian, Nathalie Loiseau këtë marrëveshje e ka cilësuar si një “zgjidhje e guximshme”.
Lideri i lëvizjes La France Insoumise (LFI), Jean-Luc Melenchon nga ekstremi i majtë i cili ka kundërshtuar marrëveshjen ka pretenduar se kjo marrëveshje nuk është në përputhje me interesat e Francës.
“Me këtë marrëveshje krijohet imazhi tek vendet e tjera se ‘çdo vendim merret mes dy vendeve'”, tha Melenchon duke theksuar se përpara se të nënshkruhen marrëveshje të tilla në Evropë fillimisht duhet të mbahen referendume që të pyetet populli.
Themelet për forcimin e bashkëpunimit mes Francës dhe Gjermanisë u hodhën me Marrëveshjen e Aachen-it të nënshkruar më 22 janar. Marrëveshja synon të fillojë një epokë të re të bashkëpunimit mes dy vendeve, të sjellë partneritetin në një nivel të ri dhe për t’u përgatitur për sfidat me të cilat ballafaqohet Evropa. aa
Ceremonia e zhvarrosjes së trupit të David Dragiçeviq
Në Banjallukë është zhvarrosur trupi i të riut, David Dragiçeviq ,pasi prindërit e tij kanë vendosur të rivarrosin atë në qytezën Wiener Neusta, afër Vjenës.
Rivarrimi i studentit të vdekur në rrethana të pasqaruara, do të bëhet më 15 mars, në njëvjetorin e vdekjes.
Prindërit të tij thanë se e kanë marrë këtë vendim për shkak të mungesës së përparimit në hetimin e rastit nga ana e autoriteteve të Republikës Serbe të Bosnjës.
Suzana Radanoviq dhe Davor Dragiçeviq gjithashtu përmendën “presionin” e ushtruar ndaj tyre nga ana e autoriteteve.
David Dragiqeviq, 21 vjeçar, student i teknologjisë, u zhduk natën e 18 marsit të vitit 2018. Trupi i tij u gjet më 24 mars në lumin Vrbas në Banja Llukë.
Policia tha se Davidi është vrarë pasi është përfshirë në një zënkë në kafiteri dhe ka qenë nën ndikimin e drogës dhe alkoholit.
Por prindërit e tij kundërshtuan këto pretendime. Babai i tij Davor Dragiqeviq, themeloi lëvizjën “Drejtësi dhe Davidin” dhe përmes protestave dhe marsheve në Banja Llukë kërkoi zbardhjen e rastit duke akuzuar për përfshirje në vrasje, përfaqësuesit më të lartë të policisë në Republikën Serbe.
Protesta dhe tubime u mbajtën në shumë vende të Bosnje Hercegovinës por edhe në Beograd dhe Zagreb.
Më pas, autoritetet e rendin ndaluan tubimet më arsyetimin se ato e prishin rendin dhe qetësinë si dhe shpallën në kërkim Davor Dragiqeviq. Ai tashmë ndodhet në arrati dhe askush nuk di për vendndodhjen e tij.
Berlin
Kancelarja gjermane, Angela Merkel, ka shprehur mbështetje për ndërtimin e një aeroplanmbajtëseje të përbashkët evropiane që synon të nxjerr në dritë rolin në rritje të Bashkimin Evropian (BE) si një aktor global.
Duke folur në një konferencë të përbashkët për media me kryeministrin e Letonisë, Krisjanis Karins, kancelarja Merkel theksoi nevojën që BE të rritë aftësitë e saj mbrojtëse, por po ashtu argumentoi se këto përpjekje nuk ishin kundër NATO-s.
“Sigurisht që kemi një angazhim të qartë në NATO”, theksoi Merkel, duke shtuar se qëllimi i Gjermanisë “në asnjë mënyrë nuk është për të zëvendësuar NATO-n, por për të forcuat më tej partneritetin me aleatët e NATO-s”.
E pyetur për propozimin e kohëve të fundit të partisë së saj kristian-demokratike (CDU) për të ndërtuar një aeroplanmbajtëse evropiane, Merkel tha se e mbështet këtë propozim.
“Aeroplanmbajtësja… mendoj se është mirë”, tha Merkel dhe shtoi se ishte e gatshme për të punuar mbi këtë propozim.
Udhëheqësja e partisë CDU, Annegret Kramp-Karrenbauer, theksoi idenë për të ndërtuar një aeroplanmbajtëse të përbashkët evropiane.
“Gjermania dhe Franca tashmë po punojnë së bashku për një projekt të avionëve luftarakë evropianë në të ardhmen dhe vendet tjera janë të ftuara për të marrë pjesë”, tha ajo.
Ajo theksoi se hapi tjetër mund të jetë fillimi i një “projekti simbolik me ndërtimin e një aeroplanmbajtëseje të përbashkët evropian” për të shprehur rolin gobal të BE-së si një fuqi që garanton siguri dhe paqe.
Gjermania dhe Franca nënshkruan një marrëveshje në muajin janar, për të thelluar bashkëpunimin politik, ekonomik dhe atë të mbrojtjes midis dy vendeve, si dhe shprehën synimin e tyre për krijimin e një ushtrie të BE-së, me qëllim për ta bërë bllokun 28-anëtarësh një aktor të fuqishëm botëror. aa
Papa Françesku dënoi antisemitizmin si dhe kërkoi nga të gjitha vendet që të jenë vigjilente kundër tij.
Në komentet e tij para anëtarëve të Komitetit amerikan-hebraik, gjatë një vizite në Vatikan, Papa përsëriti se është mëkat për të krishterët të mbajnë ndjenja anti-semite, pasi ata ndajnë të njëjtën trashëgimi me hebrenjtë.
“Një burim i shqetësimit të madh për mua është përhapja në shumë vende e një klime të ligësisë dhe tërbimit përmes së cilës po zë rrënjë urrejtja” tha Papa Françesku duke vënë në theks valën e re të sulmeve anti-Semite në vende të ndryshme të botës.
Papa nuk emëroi asnjë prej këtyre vendeve mirëpo të dhënat qeveritare të publikuara muajin e kaluar treguan për më shumë se 500 sulme anti-Semite gjatë vitit të kaluar në Francë. Ky vend e ka bashkësinë më të madhe hebraike në Evropë.
Kjo ishte një rritje prej 74 për qind nga viti 2017.
“Për një të krishterë, çdo formë e antisemitizmit është një refuzim i origjinës së tij” tha Françesku.
Një studim i Bashkimit Europian muajin e kaluar tregoi se një në tre hebrenjë evropianë e kanë konsideruar emigrimin në pesë vitet e fundit, sepse ata nuk ndihen më të sigurt.
Episodet e antisemitizmit kanë përkuar me ngritjen e partive populiste apo nacionaliste në vendet me mbizotërim të krishterë, si Italia, Gjermania, Polonia dhe Hungaria.
Bashkimi Europian ka ndërmarrë hapa shtesë për të shfuqizuar llogaritjen e kohës gjatë verës dhe dimrit. Komiteti i Parlamentit Evropian votoi të hënën me 23 vota pro dhe 11 kundër, për ndalimin e ndryshimit të orës që kishte ndodhur për dekada në baza vjetore, në pranverë dhe në vjeshtë, transmeton AP.
Mbetet për deputetët të vendosin se çfarë ore verore apo dimërore do të miratohen në të ardhmen, ndërsa në BE ka diskutime se cila nga këto dy orë duhet të bëhet standard.
Shumë shtete anëtare kanë krijuar një ndryshim në kohë gjatë krizës së naftës në vitet 1970 si një përpjekje për të kursyer energji. Që nga viti 1996, të gjitha vendet e BE-së ndryshojnë orën në të njëjtën kohë. Propozimi tani shkon përpara Parlamentit Evropian dhe parlamenteve të shteteve anëtare të Bashkimit Evropian.
Papa Françesku ka thënë se Vatikani do të hapë plotësisht arkivat e fshehta nga koha e Luftës së Dytë Botërore, kur kishën katolike e drejtonte Papa Pius XII.
Hapja e arkivave është kërkuar nga hebrenjtë për dekada të tëra.
Disa përfaqësues të hebrenjve e kanë akuzuar Papa Pius, i cili ka qenë në krye të Kishës Katolike nga vitit 1939 deri 1958, se gjatë Luftës së Dytë Botërore, nuk e ka kundërshtuar me forcë Holokaustin.
Mbrojtësit e Papa Pius thonë se ai punoi në prapaskenë, duke shpëtuar ata që u persekutuan nga nazistët. Ata po ashtu thonë se Papa Pius hapi dyert e Kishës për strehimin e hebrenjve.
Arkivat do të hapen më 2 mars të vitit 2020, në 81 vjetorin e zgjedhjes së Pius XII si Papë, njoftoi Papa Françesku në një fjalim për anëtarët e Arkivave të Fshehta të Vatikanit.
Ai tha se “Kisha nuk ka frikë nga historia”, duke shtuar se trashëgimia e Pius ishte trajtuar me “disa paragjykime dhe ekzagjerime”.
Lajmi u mirëprit nga Komiteti amerikan-hebraik (AJC), një nga grupet kryesore të hebrenjve në botë.
“Për më shumë se 30 vjet komiteti ka bërë thirrje për hapjen e plotë të arkivave të fshehta të Selisë së Shenjtë nga periudha e Luftës së Dytë Botërore” tha Drejtori Ndërkombëtar i Çështjeve Ndërfetare të AJC-së, Rabini David Rosen.
Në vitet 1930, antisemitizmi i sponsorizuar nga shteti në Gjermaninë naziste, hapi rrugën për Holokaustin, në të cilin u vranë gjashtë milionë hebrenjë.
Partia Reformiste e qendrës së djathtë, fitoi zgjedhjet parlamentare të së dielës në Estoni, por nuk ka vende të mjaftueshme që do t’i siguronin qeverisje pa lidhur koalicion me ndonjërën nga partitë rivale.
Reformistët e udhëhequr nga ish ligjvënësja, Kaja Kallas, fituan 29 për qind të votave, të ndjekur nga partia e Qendrës së kryeministrit Juri Ratas, që fitoi 23 për qind të votave.
Të dyja partitë janë zotuar se do ta mbajnë larg pushtetit Partinë konservative Popullore të Estonisë (EKRE), e cila fitoi 18 për qind të votave.
Në vitin 2007, Estonia u bë një nga vendet e para të botës që u godit nga një sulm kibernetik i Rusisë. Që nga periudha e sulmit, Estonia është shndërruar në një ndër vendet që konsiderohen si më të avancuarit teknologjikisht në botë.
Shtetasit e Estonisë votojnë në mënyrë elektronike dhe komunikojnë në të njëjtën mënyrë me politikanët. Gjithashtu, ligjvënësit mund të iniciojnë projektligje në mënyrë elektronike.
Forca kryesore e këtij avancimi teknologjik është “e-Estonia”, një projekt unik që ndërlidh qeveritarët me qytetarët.
Përgjatë pjesës më të madhe të historisë së tij, ky vend baltik me vetëm 1.3 milionë banorë, është dominuar dhe shfrytëzuar nga vendet fqinje më të mëdha. Analistët thonë se tashmë projekti “e-Estonia” ka ndihmuar estonezët të lënë pas të shkuarën.
Kryepeshkopi Kliment
Zyrtarët e sigurisë së Rusisë kanë arrestuar kreun e Kishës Ortodokse ukrainase në gadishullin e aneksuar të Krimesë, raporton Current Time.
Ende nuk është e qartë arsyeja e arrestimit.
Kryepeshkopi Kliment është arrestuar në një stacion autobusësh në kryeqytetin e Krimesë, Simferopol, raporton rrjeti në gjuhën ruse i REL-it, Current Time.
Kisha Ortodokse ukrainase përmes një komunikate ka thënë se Kliment është dërguar stacionin policor të rajonit të Kyivit.
Vetë Kliment ka konfirmuar arrestimin e tij në një bisedë telefonike me agjencinë AFP. Ai ka thënë se policia nuk i ka treguar se pse e ka ndaluar.
Arrestimi i kreut të Kishës vjen disa javë pasi Kisha Ortodokse në Ukrainë fitoi pavarësi, duke i dhënë fund kontrollit fetar mbi 330-vjeçar nga Rusia.
Flamuri i Kinës.
Bashkimi Evropian është duke tentuar të krijojë një strategji të mbrojtjes ndaj Kinës dhe ka rritur volumin e punëve sa i përket diplomacisë, ashtu që t’i kufizojë Pekinit kapacitetin për të blerë kompani të huaja në bllokun evropian, kanë thënë diplomatë dhe zyrtarë, transmeton Reuters.
Pavarësisht një agjende që ka dominuar largimi i Britanisë nga Bashkimi Evropian, liderët do të shfrytëzojnë samitin e 21 marsit për të diskutuar politikën e Kinës, për herë të parë pas disa vjetëve.
Këto takimeve janë pjesë e përpjekjeve për veprim para se presidenti kinez, Xi Jinping të udhëtojë në Itali dhe Francë, dhe para se BE-ja të realizojë samitin me Kinën më 9 prill.
Optimizmi evropian është kthyer në zemërim për shkak të veprimeve të ngadalësuara të Kinës për të hapur ekonominë, si dhe për shkak të idesë së krijuar në Bruksel se Pekini nuk ka mbajtur premtimin për të ecur drejt tregtisë së lirë dhe globalizimit.
Katër diplomatë evropianë, që kanë kontakte të ngushta me Kinën, kanë thënë se kanë humbur shpresën kur janë në pyetje çështjet biznesore.
“Kinezët gjithmonë thonë fjalë të mirë, mirëpo kur vjen koha për marrjen e vendimit, ata gjithmonë vonohen” ka thënë një zyrtar evropian, duke përmendur afatin e vënë në tetor të viti të kaluar për Kinën, që të finalizojë një marrëveshje, e cila njeh sistemin e BE-së për mbrojtje të emrave të produkteve ushqimore
Zëdhënësi i ministrisë së Jashtme kineze, Lu Kang, u ka thënë gazetarëve të premten se Kina shpreson që Evropa mund të ofrojë “ambient të drejtë dhe jodiskriminues” për kompanitë kineze.
Me më shumë se 1 miliard euro në ditë në tregti të dyanshme, Bashkimi Evropian është partneri kryesor i Kinës në tregti.
Ish-deputetja e Parlamentit Evropian, Doris Pack ka vlerësuar se nuk duhet lejuar ndryshimi i kufijve në Ballkan, marrë parasysh historinë e tij dhe periudhën e viteve të 90-ta.
Në një intervistë për Shërbimin e Ballkanit të Radios Evropa e Lirë, Pack ka thënë se shumë politikanë të sotëm evropianë nuk kanë qenë pjesë e politikës në vitet e 90-ta, prandaj edhe nuk mund ta kuptojnë situatën apo edhe nuk e njohin atë.
“Nëse jeni vërtet të vetëdijshëm se çfarë ka ndodhur viteve të kaluara në ato vende atëherë nuk duhet të lejoni të ketë ndryshim të kufijve. Nëse kjo ndodhë atëherë shënon fillimin e fundit. Ne e dimë se çfarë ka ndodhur në këtë rajon. Shumë politikanë të sotëm evropianë nuk kanë qenë pjesë e politikës në vitet e 90-ta prandaj edhe nuk mund ta kuptojnë situatën apo thjesht nuk e njohin atë. Por ata që kanë njohuri se çfarë ka ndodhur aty, ata që e njohin rajonin dhe mentalitetin e tij, duhet të jenë shumë të kujdesshëm” ka thënë ajo.
Përveç tjerash, Pack ka thënë se për të është e pakuptueshme sesi presidenti i Serbisë Aleksandar Vuçiq dhe presidenti i Kosovës Hashim Thaçi janë pro kësaj politike.
“Ajo që po luhet tani nuk është në interesin e Kosovës, 95 për qind e qytetarëve të Kosovës janë kundër ndryshimit të kufijve. Unë shpresoj se zgjidhja do të gjendet, por jo në ndryshimin e kufirit”, ka shtuar ndër të tjera Pack.
Duke folur për ndikimin e Rusisë në rajon, ish-deputetja Pack, e cila njëherësh ka qenë edhe raportuese e Parlamentit Evropian për Bosnje Hercegovinën, ka thënë se Rusia nuk ka interes për të ndihmuar vendet e rajonit të Ballkanit.
“Rusia ka interesa egoiste, në kuptimin se ajo nuk dëshiron që këto vende të jenë pjesë e NATO-s. Dështoi me Malin e Zi, por nuk do të ketë sukses as me Maqedoninë. Ajo përdor interesin e BE-së në Ballkan për të shkaktuar ndonjë problem” ka vlerësuar ajo.
Në prag të Konferencës së Mynihut për Sigurinë, liderja e re e CDU-së, Annegret Kramp-Karrenbauer flet për politikën e jashtme me BERLIN POLICY JOURNAL dhe thote mes te tjerash se Rusia po kerkon te destabilizoje Evropën.
“Rusia është një fqinj shumë më i madh dhe më i rëndësishëm për Gjermaninë-por dhe një fqinj më problematik. Rusia ka axhendën e saj. Dhe dukshëm kjo axhendë përfshin një përpjekje për të destabilizuar Evropën, dhe për pasojë, Gjermaninë”- thote ajo.
Znj. Kramp-Karrenbauer, si Saarlandeze që jeni, njiheni për qëndrimin tuaj të përkushtuar pro-evropian. Por ju ende duhet të bëni emër në sferën e politikës së jashtme-a është ajo një temë që ju intereson? Është politika e jashtme ajo që fillimisht më shtyu drejt politikës. Në atë kohë ishte pushtimi sovjetik i Afganistanit dhe debatet mbi vendimin e dyanshëm të NATO-s.
Mendoj se sot ka ende akse për të cilat duhet të shqetësohemi. Le ta quajmë të parin aksi evropian. Mbetet në mënyrë të palëkundur në interesin kombëtar të Gjermanisë që Evropa të ketë fuqinë për të vepruar. Megjithatë, për momentin diskutimet midis Shteteve të Bashkuara dhe Evropës, veçanërisht Gjermanisë, janë bërë më të ashpra dhe më të vështira. Për ne është një sfidë e madhe ruajtja e kësaj aleance dhe kësaj miqësie, sepse është më e rëndësishme se kurrë. Është një shenjë vërtetë paralajmëruese kur një sondazh drejtuar shtetasve gjermanë tregon se ata kanë më shumë besim tek presidentët e Rusisë, madje dhe të Kinës, sesa tek Presidenti i Shteteve të Bashkuara.
Por ju vetë keni thënë se ju duket që Trump dhe Putin janë njëlloj të vështirë. A nuk tingëllon kjo pak sikur po i barazoni ata të dy? Jo, nuk është çështje e barazimit të tyre. Nga pikëpamja e qëndrimeve, vlerave dhe solidaritetit historik, unë jam më pranë Shteteve të Bashkuara-pavarësisht diskutimeve aktuale politike. Me atë kam dashur të them se të dy vendet kanë sfidat e tyre në klimën aktuale. Sa i takon ShB, sfida qëndron kryesisht tek fakti se, të paktën për momentin, kemi një administratë politike që është e shkëputur deri diku nga marrëveshjet ndërkombëtare. Kjo rrugë veprimi ka një ndikim të konsiderueshëm në çështjet gjeo-politike.
Në të kundërt, Rusia është një fqinj shumë më i madh dhe më i rëndësishëm për Gjermaninë-por dhe një fqinj më problematik. Rusia ka axhendën e saj. Dhe dukshëm kjo axhendë përfshin një përpjekje për të destabilizuar Evropën, dhe për pasojë, Gjermaninë. Ajo po kërkon të përdorë fqinjët e saj më të dobët për të rritur fuqinë e vet. Kjo shkon kundër interesave të Evropës dhe të Gjermanisë.
Meqë po flasim për këtë temë, duhet të përmend dhe sfidën që paraqet Kina. Kina qeveriset nga një regjim shumë i fuqishëm, vlerat e të cilit ndryshojnë qartazi nga tonat. Ajo kërkon që në terma afatgjatë të zbatojë rregullat e saj në botë.
Le ti hedhim një vështrim më të plotë SHBA-ve. A nuk po mashtrojnë veten gjermanët me skepticizmin e tyre ndaj Trump? Në fund të fundit, tendenca amerikane për tu tërhequr në vetvete ishte e dukshme dhe në kohën e Obamës-ai vetë nuk arriti të ratifikonte siç duhet Marrëveshjen e Parisit për Klimën. Në politikën amerikane ka pasur sigurisht një tendencë drejt introversionit kombëtar, edhe në kohën e Obamës. Gjatë historisë, këto dy orientime-angazhimin ndërkombëtar dhe tërheqjen-i shohim në luftë me njëri-tjetrin. Megjithatë, risia është që nën drejtimin e Trump politika ndërkombëtare shihet si një biznes i madh. E njëjta gjë mund të thuhet për marrëdhënien me Evropën, dhe me NATO-n.
A mendoni se është e mundur të dalim nga kjo? Disa sigurisht do të thonë se ShB janë të sigurta për të vazhduar këtë rrugë. A mendoni se kjo mund të ndreqet? Për momentin unë ende nuk shoh ndonjë debat të gjerë në Shtetet e Bashkuara që mund të tregojë një ndryshim të kursit. Prandaj Gjermania dhe Evropa janë të nevojshme-prandaj ne duhet të marrim përsipër më shumë përgjegjësi. I gjithë debati vërtitet rreth politikës së sigurisë dhe të mbrojtjes. Është një çështje e qëndrimit tonë në një botë që po ndryshon. Duhet të pyesim veten nëse jemi të kënaqur thjesht duke qenë një nga ekonomitë më të fuqishme në botë, apo nëse duam të marrim përsipër më shumë përgjegjësi politike. Ajo me të cilën po përballemi është një diskutim shumë i vështirë për politikën e brendshme.
Pra, sipas mendimit tuaj, Gjermania nuk është thjesht një “Zvicër e madhe”? Jo, Gjermania nuk mund të jetë kurrë një “Zvicër e madhe”. Gjermania duhet të marrë më shumë përgjegjësi. Ne tashmë jemi një qendër shumë e fortë në Evropë, kjo është diçka që e vura re në Bruksel. Gjermania ka kapacitetin që të marrë përsipër edhe interesat e ndryshme të partnerëve të saj më të vegjël evropianë dhe të garantojë një ekuilibër-dhe kjo është ajo çfarë pritet nga ne. Por ne duhet të luajmë një rol më të madh në mbrojtje. Debati i Dy Përqindëshit është më shumë se çështje parash, është edhe çështje cilësie. Duhet të diskutojmë dhe për sigurinë kibernetike, infrastrukturën dhe mbrojtjen e saj, si dhe për pajisjet dhe fuqinë absolute punëtore. Nuk ka aspak kuptim të shtohen trupat e NATO-s, nëse nuk mund ti lëvizim ata nëpër Evropë në rast emergjence, për shkak se rrugët dhe urat e saj nuk janë të përshtatshme për këtë punë.
A nuk tingëllon kjo si një taktikë diversioni, pjesë e qëllimit të 2 përqindëshit që Gjermania nuk e ka arritur? Veçanërisht pasi qeveria gjermane po synon vetëm 1.5 përqind deri në vitin 2024. Ne duam ti përmbahemi synimit të 2 përqindëshit, por vetëm një përqindje e PBB nuk është veçanërisht vendimtare në vetvete, pasi në periudha të recesionit ekonomik duhet ti drejtohesh rritjes së tarifave pa para shtesë. Me rritjen e qëndrueshme të PBB, 1.5 përqind është një përpjekje e konsiderueshme, por e nevojshme. Një qeveri duhet sigurisht të merret me kërkesa të tjera për shpenzime në buxhetin e saj. Por, siç e kam thënë, edhe ne duhet të zhvillojmë një debat mbi cilësinë. Mund të shohim llogaritë e vendeve të tjera: deri diku kjo do të jetë për forca bërthamore, dhe pjesërisht për mirëmbajtjen e bazave të kushtueshme jashtë vendit.
Përse nuk jepni shifra të sakta-a nuk do të ishte kjo një qasje më e ndershme? A nuk është 1.5 përqind e buxhetit për forcat e armatosura federale rreth 60 bilion euro? Nuk e kam aspak problem të jap shifra të qarta. Shifrat jepen më së voni gjatë planifikimit financiar afat-mesëm dhe në buxhet. Megjithatë, në këtë aspekt, më kujtohet përgjegjësia e parlamentit: krahas forcave të armatosura federale kemi dhe një ushtri parlamentare e cila mund të vihet në funksion vetëm pas rezolutave që bëhen nga Bundestagu. Megjithatë, Bundestagu, si ligjvënës buxhetor duhet të garantojë gjithashtu që forcat e armatosura federale të jenë të pajisura mjaftueshëm për tu kthyer nga shërbimi përgjithësisht me shëndet të mirë. Përndryshe, duhet mbajtur një debat i ndershëm dhe duhet bërë thirrje për shpërbërje të forcave të armatosura.
Pse duket që është kaq e vështirë që në Gjermani të kemi një debat të hapur për politikën e jashtme dhe sigurinë? Ndoshta ka të bëjë me historinë tonë. Por kohërat kanë ndryshuar: Evropa dhe Gjermania janë në udhëkryq. A duam të luajmë një rol të pavarur në rrafshin global? Nëse po, duhet të bëjmë përpjekje më të mëdha në këtë aspekt-dhe kjo vlen veçanërisht për Gjermaninë. Veçanërisht që kur ne, ndryshe nga pothuajse çdo vend tjetër, për eksportet tona mbështetemi fuqishëm në një situatë të qëndrueshme ndërkombëtare. Siç e them unë, nuk ekziston më një dallim klasik midis politikës së brendshme nga njëra anë dhe politikës së jashtme nga ana tjetër. Siç e pamë dhe me politikën e emigracionit, destabiliteti në zonën përreth Evropës herët apo vonë do të ndikojë tek politika e brendshme. Kjo është arsyeja pse ajo priret të acarohet kur debatet ndjekin modelin e njohur të njërës anë që mbështet armët dhe anës tjetër që mbështet pensionistët e varfër gjermanë. Ky lloj debati ka pak të bëjë me një politikë gjermane të përgjegjshme.
Ish Ministri i Punëve të Jashtme, Sigmar Gabriel ka paralajmëruar një efekt tjetër: a do të mund të frikësonin shpenzimet e shtuara ushtarake nga ana e Gjermanisë fqinjët e saj të BE-së? Kush është e vërtetë, paralajmërimi i Gabriel, apo fjalët e ish Ministrit të Mbrojtjes, Volker Rühe, i cili ka deklaruar se Forcat e Armatosura Federale duhet të jenë ushtria më e fuqishme në Evropë? Mendoj se kemi ende rrugë për të bërë para se të bëhemi ushtria më e fuqishme në Evropë (qesh). Dhe as që është ky qëllimi im. Paralajmërimi i Gabriel nuk është i saktë për dy arsye, sepse nuk po flasim për konkurrencë mes ushtrive të ndryshme kombëtare. Po flasim për forca të armatosura të përfshira në aleanca si ajo e NATOs, që në shumë mënyra janë të ndërthurura me Evropën. Dhe synimi im i shprehur është që të punojmë që në terma afatgjatë të krijojmë një ushtri tjetër evropiane. Sipas mendimit tim, nuk ka asnjë rrezik që Gjermania të bëhet një kërcënim në vetvete.
A mendoni se integrimi u Evropës do të bëjë që Franca të shtrijë mburojën e saj nukleare mbi Gjermaninë dhe BE-në, sic u sugjerua nga Kryetari i Konferecës për Sigurinë të Mynihut, z. Wolfgang Ischinger? Sigurisht që kemi të bëjmë me një situatë të re … po lidhur me pezullimin e Traktatit të Forcave Nukleare me Reze të Mesme (The Intermediate-Range Nuclear Forces (INF) Treaty)! Të gjitha forcat tona duhet të synojnë, para së gjithash, arritjen e një marrëveshjeje brenda 6 muajve të ardhshëm. Në fakt, ne mund kërkojmë një traktat i cili përfshin jo vetëm Rusinë dhe Shtetet e Bashkuara, por edhe fuqi të tjera si Kina, apo vende të tjera që kanë armë nukleare. Përveç kësaj, nuk do të “lija asnjë variant jashtë tryezës” dhe nuk
Thoni që nuk do linit asnjë variant jashtë tryezës. Doni të thoni që do merrnit në konsideratë edhe armët nukleare për Gjermaninë? Jo, asnjëherë.
Akuzuat Rusinë se po përpiqet të destabilizoje Gjermaninë dhe BE-në. A duhet që Qeveria të ndërmarrë një qasje tërësisht të ndryshme në lidhje me Moskën? Para së gjithash, Rusia është një vend shumë i madh dhe i larmishëm me njerëz të mrekullueshëm dhe potencial të jashtëzakonshëm. Në të njëjtën kohë, kemi një qeveri ruse, e cila ndërmerr veprime drastike e të ngurta në vendin e vet dhe i mohon popujve të tjerë të drejtën e vetëvendosjes – konfliktet në Gjeorgji dhe Ukrainën lindore, si dhe aneksimi i Kriemesë e kanë treguar këtë. Ne duhet të jemi të qartë për këtë. Nëse Rusia po përdor fabrika deklaratash provokative për të udhëhequr fushata keqinformimi në Perëndim apo për të influencuar zgjedhjet, këtë fakt nuk mund ta fshehim.
Shumë po ankohen tani për sanksionet ekonomike të BE-së, Por kritikët duhet t’i gjejnë emrin një alternative tjetër. Ata besojnë se nuk duhet t’i pranojmë veprimet e Rusisë të cilat shkelin ligjin ndërkombëtar, por nuk ofrojnë akoma ide për sanksione të tjera. Meqë e kemi përjashtuar ndërhyrjen ushtarake, unë e mbështes mbajtjen e sanksioneve derisa të dalë një zgjidhje tjetër më e zgjuar se kjo .
Por a nuk është Nord Stream 2 krejtësisht në kundërshtim me këtë? Në pikëpamjen time, Nord Stream 2, paraqet konflikt interesash. Është një projekt ekonomik, që u vu në lëvizje shumë kohë më parë, nga një tjetër qeveri gjermane. Përveç kësaj, ne kemi mbajtur marrëdhënie ekonomike me Rusinë gjatë kulmit të Luftës së Ftohtë, edhe për raste furnizimi me energji. Këto marrëdhënie ishin të qëndrueshme. Pra në të vërtetë, është cështje interesash – të interesave të Gjermanisë, sigurisht, por edhe interesave të Ukrainës dhe popujve të Evropës Lindore. Pastaj, ka partnerë si Shtetet e Bashkuara, që sigurisht po ndjekin interesat e veta ekonomike. Sigurisht është legjitime të shtrohet pyetja nëse Gjermania po varet më shumë se ç’duhet nga gazi rus. Aktualisht po ndërtojmë terminale gazi natyror të lëngshëm (Liquefied Natural Gas Terminals) – potencialisht për gaz amerikan. Në këtë këndvështrim, nuk mendoj se varësia paraqet një rrezik të konsiderueshëm.
Aq i diskutueshëm sa gazsjellësi është, duhet të jemi realistë dhe të pranojmë që është i paevitueshëm. Duhet menduar për kontrata dhe leje. Nuk kam kohë të merrem me një politikë që bën prononcime të fuqishme publike për mënyrën se si duhet vepruar – duke qenë ndërkohë të vetëdijshëm për situatën kontraktuale.
Por SHBA po e rrit presionin për përfundimin e gazsjellësit – madje edhe me kërcënimet për sanksione. Të kërcënosh njëri-tjetrit me sanksione nuk është mënyra më e mirë për t’u sjellë me partnerët dhe miqtë. ShBA ka interesat e veta ekonomike, që janë legjitime. Është e shqetësuar që Gjermania, një nga ekonomitë më të forta të botës, është tepër e varur nga Rusia. Por Uashingtoni duhet ta dëgjojë përgjigjen e Gjermanisë: ne jemi në procesin e diversifikimit dhe kemi burime të tjera furnizimi. Eksperienca nga e shkuara na thotë se Rusia ka qenë gjithmonë një furnizues i besueshëm gazi madje edhe në kulmin e konfliktit.
Por a nuk është Nord Stream një simbolikë e faktit që ju, jo gjithmonë i kushtoni vemendjen e duhur interesave të partnerëve më të vegjel të BE-së, që i përshkruat më parë? Për mua personalisht, dhe shumë të tjerë, Nord Stream 2 nuk është një projekt që e kemi për zemër. Por vendimmarrja e rëndësishme, në zemër të projektit, është marrë në të shkuarën. Nuk është e mundur që projekti thjesht të kthehet mbrapsht. Gjithashtu kemi interesa ekonomike shumë legjitime kur bëhet fjalë për furnizimin me energji. Konsultimet në Bruksel kanë treguar së asnjë nuk është i fiksuar që cështja të zgjidhet sipas mënyrës së tij. Fakti është që të mbajmë në vëmendje interesat e fqinjeve tanë evropianë, dhe zbatimi i këtyre interesave ka qenë dhe do vijojë të jetë një konstante e politikës së jashtme gjermane.
Kina paraqet më shumë një sfidë apo një mundësi? E kemi parë gjithmonë ekonominë e tregut social qoftë si një model ekonomik, qoftë si një model për shoqërinë. Ky model e provoi superioritetin e tij gjatë konfliktit të sistemit të vjetër me shtetet komuniste. Por Kina është një nga konkurrentët tanë, një konkurrent që është ekonomikisht i suksesshëm, por nuk ka sistemin tonë social. Dhe kjo është një tjetër sfidë e re shumë e madhe.
Nuk jam e frikësuar nga Kina. Megjithatë, sigurisht që kemi nevojë për një lloj politike strategjike industriale në këtë konkurrencë mes sistemeve.
Të marrim rastin e rezolutës së BE-së mbi Siemens-Alstrom. Duke pasur parasysh të gjithë ligjet evropiane dhe kombëtare mbi konkurrencën, ju mund ta kuptoni përse Komisionerja e BE-së për Konkurrencën mori atë vendim. Por, është ekzagjerim të thuhet se në 8 apo 10 vitet e ardhshme Kina nuk do të jetë bërë një konkurrues i rëndësishëm në sektorin e hekurudhave në Evropë. Ja përse mendoj se fjalët e Ministrit të Ekonomisë, z. Peter Altmaier, janë një mundësi për reflektim, që është absolutisht i nevojshëm dhe shumë e vonuar. Unë jam thellësisht e bindur se kemi nevojë për një pozicion tjetër strategjik në politikën industriale. Kjo nuk është aspak e lidhur me mbështetjen time për zhvillimin e sipërmarrjeve shtetërore (state owned). Ajo është një cështje mjaft kometuar.
A jeni e shqetësuar se mos evropianët do të ‘përplasen’ mes dy superfuqive, Kinës dhe SHBA-ve – apo do u duhet të zgjedhin anën e kujt të mbajnë? Ne evropianët jemi në udhëkryq. Nëse nuk jemi më në gjendje të mbrojmë politikat dhe vlerat tona, rrezikojmë të mbetemi peng i lojerave të një kombi apo një tjetri, Për ta ndaluar këtë, kemi nevojë për një Evropë të bashkuar e cila ka fuqinë të veprojë.
Një pyetje tjetër për ju: ku e vendosni kufirin gjeografik të Evropës, për rrjedhojë edhe atë të BE-së? Kur shikon dy nga shtetet themeluese të BE, Franca dhe Italia, tek punojnë së bashku, kupton që problemi më shqetësues përqarkon cilësinë e komunitetit tonë, dhe jo cështjet e dimensioneve gjeometrike.
Gregory Zhygalov
Vajza e zëdhënësit të Presidentit të Rusisë, Vladimir Putin, punon si praktikante në Parlamentin Evropian në Bruksel dhe ka qasje të pakufizuar në dokumente të ndryshme të BE-së, ka mësuar Radio Evropa e Lirë.
Yelizaveta Peskova, 21 vjeçare, vajza e zëdhënësit të Kremlinit, Dmitry Peskov, shërben si trajnere së bashku me Aymeric Chauprade, një anëtar francez i Parlamentit Evropian, i cili e kishte përkrahur haptas aneksimin e Krimesë nga ana e Rusisë në vitin 2014.
Emri i Yelizaveta Peskova gjendet në faqen zyrtare të Parlamentit Evropian te pjesa ku shkruhet për anëtarin francez të Parlamentit Aymeric Chauprade.
Politikani francez e ka konfirmuar për Radion Evropa e Lirë se ajo është pjesë e ekipit të tij.
“Sigurisht, zonja Peskova është vajza e një personaliteti të rëndësishëm në Federatën Ruse, por si studente, ajo nuk ka më pak të drejta sesa të rinjtë tjerë për të bërë një praktikë si pjesë e studimeve të saj”, tha Chauprade në një përgjigje të dërguar përmes postës elektronike.
Ai tha se Peskova nuk punon aktualisht në Rusi dhe as për ndonjë shtet ose entitet privat.
“Rrjedhimisht nuk mund të ketë konflikt interesi në ushtrimin e mandatit tim si anëtar i Parlamentit Evropian”, shtoi Chauprade.
Ai është anëtar i Komitetit për Marrëdhënie më Jashtë si dhe anëtar i Nënkomitetit për Siguri dhe Mbrojtje të Parlamentit Evropian.
Gjithashtu, politikani francez, është pjesë e delegacionit të Komitetit të përbashkët BE-RUSI të Parlamentit.
Ai ishte një nga vëzhguesit ndërkombëtar në referendumin e mbështetur nga Moska në Krime. Ushtria ruse e aneksoi gadishullin ukrainas në mars të vitit 2014. Në atë kohë, Chauprade e quajti referendumin “të justifikuar”, një pozicion ky që ishte në kundërshtim me atë të Bashkimit Evropian.
Një rezolutë e Asamblesë së Përgjithshme të OKB-së e mbështetur nga 100 vende e shpalli referendumin të pavlefshëm.
Disa deputetë të Parlamentit Evropian të kontaktuar nga Radio Evropa e Lirë thanë se nuk janë në dijeni se një e afërme e zyrtarit të lartë rus është duke punuar me ata në Parlamentin Evropian.
Sandra Kalniete nga Grupi më i madh Parlamentar, Partia Popullore Evropiane e qendrës së djathtë, e konsideron si “neglizhencë” angazhimin në Parlamentin Evropian të vajzës së zyrtarit të lartë rus.
“Kjo është shkelje e rregullave të përgjithshme të sigurisë të Parlamentit Evropian”, tha Kalniete.
Petras Austrevicius, nga grupi liberal në PE, e quajti angazhimin e Peskovës një “turp të madh në fytyrën e Parlamentit Evropian”.
“Nuk mund të besoja se Kremlini mban duart në xhepat dhe zemrën e institucioneve të BE-së”, i tha Radios Evropa e Lirë, eurodeputeti, Petras Austrevicius.
E pyetur nga Radio Evropa e Lirë një zëdhënëse që flet në emër të vajzës së zyrtarit të lartë rus, tha se nuk mund të konfirmonte punësimin e saj në Parlamentin Evropian.
Si praktikante, Peskova ka qasje të pakufizuar në ndërtesat e Parlamentit Evropian në Bruksel dhe Strasburg si dhe mund të marrë pjesë në të gjitha mbledhjet e komiteteve dhe organeve tjera të Parlamentit Evropian.
Meqenëse kontrollet nganjëherë janë shumë të lehta, ekziston edhe mundësia që ajo të jetë e pranishme në tubimet e grupeve të tjera politike. Ajo gjithashtu ka qasje në rrjetin e brendshëm të Parlamentit Evropian dhe rrjetin e brendshëm të deputetëve të partisë së deputetit francez ku e bën praktikën.
Praktikantët në Parlamentin Evropian paguhen nga buxheti i eurodeputetit përkatës, i cili financohet nga taksapaguesit evropianë.
Ende është e paqartë nëse është duke u paguar dhe sa para merr vajza e zëdhënësit të Kremlinit si pjesë e praktikantëve në Parlamentin Evropian.
Deputeti e përcakton se sa paguhet një praktikant dhe shuma ndahet nga shpërndarja mujore që bën për stafin nga një buxhet prej 25 mijë eurosh.
Pagesa maksimale për një praktikant është rreth 1,600 euro, megjithëse është e mundur që eurodeputetët të punësojnë praktikantë pa pagesë.
Peskova është një nga fëmijët e shumtë të elitës politike të Rusisë që banojnë ose studiojnë në Evropën Perëndimore.
Babai i saj, i cili ka shërbyer si zëdhënës i Putinit për gati dy dekada. Udhëheqësi i opozitës ruse, Aleskei Navalny, disa herë ka folur për të duke vënë në pah pasurinë e tij.
Peskova është shumë aktive në rrjetet sociale ku tregon për jetën glamuroze që bën ndërmjet Brukselit, Parisit dhe Moskës. Ajo ka rreth 80,000 ndjekës në Instagram.
Megjithatë në rrjete sociale ajo nuk ka ndonjë foto të postuar nga Parlamenti Evropian por kryesisht duke vizituar monumente në Bruksel.
Përgatiti: Kestrin Kumnova
“Jemi të vendosur ta ndihmojmë Kosovën dhe këtë ua kemi thënë kolegëve kosovarë javën e kaluar, se ata duhet të besojnë fort në mbështetjen e Gjermanisë”. Kështu ka thënë ministri i Jashtëm i Gjermanisë, Heiko Mas për gazetën gjermane “Stuttgarder Nachrichten”.
“Duam perspektivë evropiane për Kosovën, ndërsa reformat, të cilat janë kryer atje, janë mbresëlënëse dhe duhet të pranohen”, ka thënë Mass, i cili ka konfirmuar mbështetjen e mëtejshme financiare të Gjermanisë për Kosovën.
Gazetës gjermane Shtutgarder Nachrichten, Ministri i jashtëm gjermane Heiko Mass i ka thënë se “Qeveria gjermane e konsideron të gabueshme nëse BE-ja dhe Gjermania heqin dorë nga mbështetja për Kosovën, përfshirë këtu dhe ndihmën financiare. “Po të ndodhë kjo , për një kohë të shkurtër do të shembet e gjitha ajo që është arritur me një mund të madh për një kohë të gjatë”, shkruan RTK.
Në artikullin e gazetarëve Franz Feyder, Christoph Reisinger të botuar në gazetën gjermane “Stuttgarder Nachrichten”, kushtuar Kosovës, gazeta citon ministrin e Jashtëm Heiko Mass, të ketë thënë se “reformat të cilat janë kryer atje, janë mbresëlënëse dhe ato duhet të pranohen”.
Edhe pse kanë kaluar 20 vite pas përfundimi të luftës, në të cilën ishte e angazhuar NATO dhe partnerët e saj në Kosovës, Mass konfirmon edhe më tej vazhdimin e ndihmës financiare të Gjermanisë për këtë vend. I pyetur nga Stuttgarder Nachriten lidhur me këtë çështje, ministri jashtëm gjerman Mas ka thënë se: “Duam perspektivë evropiane për Ballkanin perëndimor dhe për Kosovën. Reformat të cilat janë kryer atje, janë mbreslënmëse dhe ato duhet të pranohen”, ka thënë ai.
Mass ka thënë gjithashtu se “e konsideron të gabueshme nëse BE-ja dhe Gjermania heqin dorë nga mbështetja për Kosovën, përfshirë këtu edhe ndihmën financiare. „Po të ndodh kjo , për një kohë të shkurtër do të shembet e gjithë ajo që është arritur me një mund të madh për një kohë të gjatë”, ka theksuar Mass teksa ka shtuar se “Gjermania është e vendosur të ndihmojë Kosovën – dhe këtë ua kemi thënë kolegëve kosovarë javën e kaluar, se ata duhet të besojnë fort në mbështetjen tonë”.
Qeveria gjermane shkruan tutje Stuttgarder Nachriten, nga viti 2014 deri në vetin 2018, ka mbështetur Kosovën me gjithsej 179,33 milionë euro. Paratë kanë shkuar për zhvillimin e infrastrukturës, ekonomisë dhe reformave në administratë dhe gjyqësi, por edhe për të ndihmuar në luftimin e krimit të organizuar dhe kriminalitetit.
Përveç kësaj ndihme direkte financiare nga Gjermania, Kosova ka marrë brenda periudhës 2014 – 2017 më shumë se 350 milionë euro nga Bashkimi Evropian. Ndërkaq, për periudhën njëvjeçare 2018 – 2019, Bashkimi Evropian ka parashikuar një ndihmë financiare prej 295,3 milionë euro për Kosovën.
Sipas artikullit të gazetës gjermane Stuttgarder Nachrichten, injeksioni financiar nga Bashkimi Evropian për Kosovën përbën pothuaj një të tretën e buxhetit shtetëror të Kosovës.
Ne kryeqendrën belge, në Bruksel, po mbahet “Salon Du Chocolat”, panairi i çokollatës i njohur në mbarë botën si njëri nga eventet kryesore që bën bashkë adhuruesit e kësaj ëmbëlsire.
Panairi në fjalë ka tërhequr vëmendjen e opinionit, por edhe të mediave belge dhe atyre ndërkombëtare, pasi në sallën Tour Taxis që ka tetë mijë metra katrorë, po marrin pjesë 130 prodhues të çokollatës, kryesisht nga Belgjika e cila spikat në prodhimin e saj.
Këtë vit në panair do të prezantohen dhjetëra lloje të ëmbëlsirave dhe çokollatave që prodhohen vetëm në Belgjikë, për çka janë organizuar edhe kënde për degustim të çokollatës dhe ëmbëlsirave tjera që janë të përgatitura në bazë të çokollatës.
Vizitorët e panairit kanë mundësi të shohin prezantime të shumta në lidhje me fillimet e para të prodhimit të çokollatës në botë, por edhe popullaritetin e saj përgjatë historisë.
Panairi i çokollatës do të jetë i hapur deri më 24 shkurt. aa
Bashkimit Evropian i mungojnë rreth 3.8 milion punëtorë, më së shumti nga fusha e mjekësisë, specialistë dhe punëtorë të kualifikuar nga metalurgjia si dhe teknologjia informative, kanë bërë të ditur të dhënat e fundit nga EUROSTAT-i.
Më së shumti, rreth 1 milion e 200 mijë punëtorë i kërkon Gjermania, ku nga janari i vitit 2020-të, do të hyjë në fuqi një mënyrë e thjeshtëzuar e miratimit të vizave gjashtëmujore, për ata që duan të kërkojnë punë. Kjo masë i referohet të gjitha vendeve jashtë BE-së, përfshirë Ballkanin Perëndimor.
Krahas Gjermanisë, rreth 821.000 punëtorë të kualifikuar i kërkon Britania e Madhe pasuar nga Çekia me 271.000, Polonia 156.000, Belgjika 149.000, Austria 126.000, Spanja 125.000, Suedia 103.000 si dhe Hungaria 87.000.
Grupi parlamentar i CDU/CSU ka reaguar mbi situatën politike në vend, pasi deputetët e opozitës dorëzuan mandatet.
Përmes zëdhënësit të saj Florian Hahn, CDU/CSU vlerëson se Shqipëria po humbet shumë kredite në sytë e miqve europianë.
“Shqipëria për momentin është duke luajtur shumë me kredibilitetin tek miqtë evropianë. Në rast se perspektiva për çeljen e negociatave për në BE në mesin e vitit të kaluar ishte ende rozë, tani po shfaqen re të zeza. Protestat e aktuale në Tiranë pengojnë qeverinë, si dhe paralizojnë funksionimin e parlamentit. Protestat dhe demonstratat bëjnë pjesë tek të drejtat e njeriut dhe janë një tipar dallues i demokracisë, në rast se ato zhvillohen në mënyrën e duhur. Por deputetët e partive tona partnere në Shqipëri i bëjnë një shërbim të keq (autogol) qëllimit të tyre, nëse nëpërmjet dorëzimit masiv të mandateve do të shkaktojnë një stanjacion politik dhe do të nxisin protesta të dhunshme. Një qëndrim refuzues nuk i shërben as vendit, as qytetarëve.
Prandaj ju bëj thirrje miqve tanë në Shqipëri për vetëpërmbajtje. Qeveria dhe opozita duhet të zhvillojnë menjëherë bisedime, në mënyrë që të rifillojë funksionimi i parlamentit dhe të rivendosen marrëdhënie të qarta. Perspektiva evropiane është vënë në rrezik.”– deklaron zëdhënësi i CDU/CSU gjermane.
Ish-zëdhënësi i Organizatës së Traktatit të Atlantikut Verior (NATO), gjatë luftës së vitit 1999 në Kosovë, Jamie Shea, ka vlerësuar se arritja e një marrëveshjeje gjithëpërfshirëse dhe ligjërisht të obligueshme ndërmjet Kosovës dhe Serbisë duhet të jetë prioritet për udhëheqjen e ardhshme të Bashkimit Evropian, e cila do të caktohet pas zgjedhjeve të majit të sivjetmë për Parlamentin Evropian.
“Dialogu i ndërmjetësuar nga BE’ja, i cili është nisur nga Përfaqësuesja e Lartë e BE’së, Catherine Ashton, dhe i cili është vazhduar nga pasardhësja e saj, Federica Mogherini, ka sjellë shumë dobi të prekshme, në fusha si menaxhimi i kufirit, tregtia dhe telekomunikacioni”, shkruan Shea, tani profesor i Strategjisë dhe Sigurisë në Universitetin e Ekseterit, në Angli.
“Përtej dallimeve të njohura politike, për çështjet si njohja, dialogu ka përmirësuar jetën e përditshme të popujve në të dyja anët e kufirit. Prandaj, ai duhet të vazhdojë. Por, për të qenë i suksesshëm, duhet të përmbushen obligimet, për shembull në fushën e energjisë, ose në funksionimin e sistemit të gjykatave. Dialogu duhet të bazohet në besim”, vlerëson ish-zëdhënësi i NATO’s, në shkrimin e tij të botuar në Reaction.life, përcjell Gazeta Express.
Sipas Sheas, një përfundim i suksesshëm i dialogut duhet të përfshijë njohjen e pavarësisë së Kosovës nga Serbia, zhbllokimin e rrugës së të dy vendeve drejt anëtarësimit të mundshëm në BE, dhe anëtarësimin e Kosovës në NATO dhe në Organizatën e Kombeve të Bashkuara.
“Për këtë nevojitet vullnet politik, unitet dhe bashkëpunim ndërmjet Britanisë, Bashkimit Evropian dhe Shteteve të Bashkuara, që vazhdon të ketë një rol kyç diplomatik për të luajtur që të sjellë paqe në Ballkanin Perëndimor, siç kemi parë në çdo fazë të konflikteve në ish-Jugosllavi. Nëse kjo s’arrihet, vrulli do të humbet, duke dëmtuar atë që është arritur deri më sot në dialogun e ndërmjetësuar nga BE’ja”, shkruan Shea.
Ish-zëdhënësi i NATO’s thekson se “në muajt e fundit, megjithatë, përparimi ka rrezikuar të ngecë. Sugjerimet për ndryshime kufiri kanë përçarë komunitetin ndërkombëtar, si dhe institucionet e Kosovës, dhe mosmarrëveshjet kanë lindur kryesisht pas reagimit ndaj fushatës që Rusia dhe Serbia po kryejnë për të bllokuar anëtarësimin e Kosovës në organizata ndërkombëtare, më së fundi në Interpol”.
“Përderisa optimizmi mbetet dominues në vend, ekzistojnë shenja të qarta që zhgënjimi po rritet. Në nëntor, Kosova ka vënë një taksë prej 100% ndaj mallrave serbe, si shenjë e zemërimit të saj që Serbia ka bërë fushatë për të bllokuar përpjekjen e saj për anëtarësimin në Interpol”, thekson Shea, në shkrimin e tij.
Shea kujton se në përpjekje për të zbutur krizën, ambasada amerikane në Prishtinë ka bërë thirrje që vendimi të rishikohet, dhe ka lënë të kuptohet se mbështetja e saj për Kosovën mund të mos jetë e pakushtëzuar.
“Habitshëm, për një kryeqytet që ka një statujë të Bill Clintonit, paralajmërimi tërhoqi pak vëmendje në Prishtinë”, shkruan Shea.
“Deklarata e Amerikës përbën një porosi në një kohë vendimtare për Prishtinën: Se ajo duhet t’i zbatojë obligimet ndërkombëtare. Por, më së rëndësishmi, ky incident duhet të shërbejë si alarm për të gjithë miqtë e Kosovës, se bllokadat aktuale nuk mund të vazhdojnë pafundësisht, nëse duan që kosovarët ta ruajnë besimin në Perëndimin dhe në vlerat perëndimore”, vlerëson ish-zëdhënësi i NATO’s.
Ky besim, sipas tij, “është i fuqishëm, por jo i pathyeshëm; dhe siç kemi parë gjetiu në rajon, ka shumë fuqi dhe forca të tjera, me qëllime më pak të mira, që janë të gatshme dhe të afta për të shfrytëzuar zhgënjimet popullore dhe për të zënë një vakum të krijuar nga mungesa e vëmendjes dhe angazhimit perëndimor”.
“Siç kemi parë gjetiu në Ballkanin Perëndimor, edhe udhëheqjet e frymëzuara vendëse vazhdojnë të kenë nevojë për mbështetjen dhe inkurajimin e lojtarëve kyç jashtë rajonit. Frika e regresit dhe prapakthimit është një arsye për më shumë angazhim. Sepse, çështja e Kosovës është një çështje që Perëndimi mund ta zgjidhë; dhe duke e zgjidhur atë, mund të arrijë një tjetër sukses, shumë më të nevojshëm; për rajonin, por edhe për sigurinë e krejt Evropës”. /Express/
Sekretari amerikan i Shtetit, Mike Pompeo, porositi vendet e Evropës Lindore dhe Qëndrore që t’i rezistojnë ndikimit rus dhe kinez.
Pompeo po merr pjesë në manifestimet për 30 vjetorin e rënies së komunizmit.
Ai tha në Bratisllavë të Sllovakisë se Kina dhe Rusia përbëjnë një kërcënim të dyfishtë për përparimin e demokracisë dhe tregun e lirë, që nga rënia e Murit të Berlinit në vitin 1989.
Vendet e Evropës Lindore dhe Qëndrore, sipas tij, janë më të ndjeshme për shkak të “investimeve grabitqare” dhe ndërhyrjeve politike.
Sekretari amerikan i Shtetit, tha se për të luftuar këtë kërcënim, Shtetet e Bashkuara po rrisin angazhimin në rajon përmes një marrëveshjeje mbi bashkëpunimin e mbrojtjes dhe programeve të shkëmbimit.
Sekretari amerikan e filloi turin në Evropë me vizitën në Hungari ndërkaq ndalesa e dytë e tij ishte Sllovakia. Ai gjithashtu do të vizitojë Poloninë, Belgjikën dhe Islandën.
VOAL – Hungaria është konsideruar si një vend gjithnjë e orientuar ndaj interesave të rusëve dhe kinezëve nga kreu i diplomacisë amerikane Mike Pompeo, i cili të hënën në Budapest, pjesa e parë e udhëtimit të tij në Evropën Qendrore, ka shprehur shqetësim mbi ndarjet që po krijohen midis vendeve perëndimore.
“Ne nuk mund ta lejojmë Vladimir Putin të minojë marrëdhëniet midis shteteve miqësore, anëtarë të NATO-s”, tha Pompeo.
Homologu i tij Peter Szijjarto u përgjigj duke përcaktuar se ka një hipokrizi të madhe në kritikat e rezervuara për Kremlinin nga vendet që i përkasin Aleancës Atlantike, por që vazhdojnë biznes me Moskën, në veçanti në sektorin e energjisë. AFP
Demonstruesit iu pёrgjigjёn thirrjes sё sindikatave italiane duke protestuar pёr njё politikё ekonomike mё ambicioze tё qeverisё. Prej vitesh nuk ka pasur protesta tё ngjashme nё Itali.
Nёn moton “Njё e ardhme pёr punёn” demonstruesit kёkruan investime masive publike dhe private dhe reforma tё ambicionuara. Protesta e sё shtunёs (09.02) ishte mё e madhja e kёtij lloji qysh prej katёr vjetёsh.
Pёr protestat sindikatat kishin organizuar dymbёdhjetё trena tё posaҁёm dhe 1300 autobusё, anije dhe avionё me kosto tё ulёt. Nё ditёn plot Diell dhe nё njё atmosferё tё shpenguar demonstruesit marshuan pёrmes kryeqytetit tё Italisё. Edhe pёrfaqёsues tё sipёrmarrjeve si dhe anёtarё tё nivelit tё lartё tё partisё social-liberale demokrate (PD) dhe partive tё tjera tё majta merrnin pjesё nё manifestimin e protestёs.
Sindikatat i konsiderojnё mjaft tё rezervuara planet pёr investime tё qeverisё sё pёrbёrё nga lёvizja populiste “Pesё yjet” dhe partia radikale e djathtё Lega. Po ashtu reforma e pensioneve e planifikuar, sipas sindikatave, nuk ёshtё e mjaftueshme. Me vendosjen e njё page mujore bazё pёr italianёt e varfёr pёrfaqёsuesit e punёtorёve konsiderojnё se mund tё zbutet lufta kundёr varfёrisё dhe papunёsisё.
“Me njё kёmbё drejt recesionit”
“Qeveria duhet ta ndryshojё kursin, ne ndodhemi me njё kёmbё drejt recesionit”, tha Annamaria Furlan, shefe e sindikatёs sё dytё tё madhe nё Itali, CISL. Pёrmes rrjetit Twitter ajo i falenderoi demonstruesit pёr angazhimin e tyre. Ishte njё nismё “e jashtёzakonshme”, shkruan ajo.
Ekonomia e Italisё u tkurr nё tremujorin e fundit tё 2018 pёr shkak tё rёnies sё eksporteve. Kjo i shton problemet gjithёsesi tё mёdha qё ka qeveria me buxhetin.
Ndёrkaq shefat e koaliconit qeverisёs nё Itali komunikuan ristrukturimin nё kryesinё e Bankёs sё Rezervave dhe tё Autoritetit Mbikqyrёs CONSOB. Skandalet e fundit nё banka janё krijuar, sepse nё pozicionet pёrgjegjёse nuk i janё pёrgjigjur detyrimit pёr mbikqyrje, tha Matteo Salvini nga Lega nё Vicenza. Njё zёdhёnёse e Bankёs Qendrore nuk pranoi tё komentojё.
jmw/jj (afp, La Repubblica, rtr)
Mijëra protestues kanë hyrë në javën e trembëdhjetë të protestave në Francë, duke rritur kështu presionin ndaj presidentit Emmanuel Macron.
Protestuesit e njohur si “Jelekët e Verdhë” kanë marshuar të shtunën në Paris ku ndodhën disa përleshje dhe përballje me autoritetet e rendit, si dhe një protestues lëndoi dorën me një eksploziv të vogël.
Protestat masive në Francë filluan në mes të muajit nëntor të vitit të kaluar, kundër ngritjës së cmimit të naftës dhe më pastaj rezultoi me rritjen e pakënaqësisë ndaj qeverisjes së Macronit.
Disa protestues kanë hedhur mjete të forta ndaj forcave të sigurisë, si dhe dogjën një veturë të policisë, e disa xhama të dyqaneve u dëmtuan.
Ministria e Punëve të Brendshme tha se numri total i protestuesve në Francë ka arritur në 12 000, duke përfshirë 4 mijë në Paris.
Në lidhje me sulmin që Edi Rama bëri ndaj deputetes demokrate Albana Vokshi reagoi sot edhe presidentja e EPP-së Doris Pack.
Pasi Vokshi i kërkoi Ramës të heqë nga facebook videon që identifikon prindërit e vajzës së mitur, të abuzuar seksualisht në Kavajë, kryeministri reagoi me ironi ndaj saj.
“Komentet në rrjetet sociale të kryeministrit të Shqipërisë Rama duke ofenduar gratë politikane, nuk janë vetëm degradim dhe ofendim ndaj gruas, por nxitje e dhunës kundër gruas në një vend ku të drejtat e saj janë të kërcënuara dhe të dhunuara çdo ditë”, shkruan Pack.
Qindra agjentë të intelegjentës ruse dhe kineze janë duke operuar në Bruksel, ka raportuar Shërbimi i Veprimit të Jashtëm i Bashkimit Evropian (EEAS).
Sipas raportit të publikuar në gazetën gjermane “Welt am Sonntag”, duke cituar diplomatët e BE-së, thuhet se janë rreth “250 spiunë kinezë dhe 200 spiunë rusë në Bruksel”.
Në raport thuhet se diplomatët e BE-së dhe militantët partiakë këshillohen të qëndrojnë larg nga disa pjesë të Bruskelit, duke përfshirë edhe restaurante dhe kafiteri afër ndërtesës së Komisionit Evropian.
Agjentët e intelegjencës ruse dhe kineze, punojnë në ambasadat e vendeve të tyre ose të dërguar në mision, thuhet në raport.
Ambasadorët e Bashkimit Evropian u pajtuan që t’i ashpërsojnë rregulloret mbi një gazsjellës të diskutueshëm nga Rusia në Gjermani, por vendosën që të mos mbështesin plane që mund të kërcënojnë përfundimin e tij.
Puna në gazsjellësin Rrjedha Nordike 2 – i gjatë 1,225 kilometra dhe që kalon nën Detin Baltik – është në realizim e sipër dhe pritet të përfundojë në fund të vitit 2019.
BE-ja do që t’i fusë gazsjellësit që hyjnë në bllok nën rregullat e saj për energjinë.
Por Gjermania ka pasur frikë se kjo do ta bënte gazsjellësin joekonomik dhe të paarritshëm.
Raportohet se 27 nga 28 ambasadorët e BE-së janë pajtuar me propozimin që Gjermania të mbetet negociatorja kryesore në projektin Rrjedha Nordike 2.
Rusia aktualisht furnizon rreth 40% të BE-së me gaz.
Me vite, blloku ka qenë i shqetësuar për mbeshtetjen në gazin rus.
Polonia ka paralajmëruar se Rusia mund ta përdorë Rrjedhën Nordike 2 për të dëmtuar sigurinë e energjisë në Evropë, ndërsa presidenti i Shteteve të Bashkuara, Donald Trump, e ka cilësuar Gjermaninë si “rob” të Rusisë për shkak të gazit të saj.
Kancelarja gjermane, Angela Merkel, ka bërë përpjekje t’i sigurojë shtetet e Evropës qendrore dhe lindore se tubacioni nuk do ta bëjë Gjermaninë të mbështetet plotësisht te Rusia sa i përket energjisë.
“Gjermania do të zgjerojë rrjetin e terminaleve të gazit. Ne nuk duam të jemi të varur vetëm nga Rusia”, ka thënë Merkel të enjten.
‘Ndryshimet e kufijve në Ballkan, janë ide të rrezikshme.’ – deklarata vjen nga ambasadori gjerman në OKB, Christoph Heusgen. Në fjalën e tij në mbledhjen e Këshillit të Sigurimit, Heusgen gjithashtu ish-këshilltar i kancelares Angela Merkel për politikën e jashtme për 10 vite, thotë se marrëveshja përfundimtare mes Kosovës e Serbisë nuk duhet të përfshijë kufijtë në Ballkan.
“Asnjë marrëveshje në Bruksel nuk flet për ndryshimin e kufijve, ne në Gjermani mendojmë se këto ide nuk i kontribuojmë zgjidhjes. Këto përpjekje janë të rrezikshme dhe e destabilizojnë rajonin”, u shpreh ambasadori Heusgen
Ndër të tjera ai kritikoi Serbinë për lobimin kundër Kosovës, duke thënë se në këtë formë po tregojnë se nuk e duan anëtarësimin në BE. Duke u ndalur në taksën 100 % që Kosova vendosi ndaj Serbisë, Heusgen vlerësoi se vendimi duhet të të tërhiqet, pasi i kontribuon zhvillimit ekonomik në Ballkan.
Zëvendëskryeministri italian, Matteo Salvini.
Qeveria italiane nuk dëshiron të ketë mosmarrëveshje me Francën ka thënë zëvendëskryeministri italian, Matteo Salvini të enjten, duke shtuar se ai do të ishte i lumtur nëse do të takohej me presidentin francez, Emmnauel Macron për të diskutuar tensionet e fundit, transmeton Reuters.
Duke u përgjigjur pas vendimit të Francës për të tërhequr ambasadorin e saj nga Italia, Salvini ka thënë përmes një deklarate se ai dëshiron të rikrijojë lidhjet me Parisin, mirëpo Franca duhet të adresojë tri çështje “thelbësore”.
Sipas tij, policia franceze duhet të ndalojë kthimin e emigrantëve në Itali, si dhe të ndalojë kontrollet e gjata kufitare, që kanë bllokuar trafikun.
Ai po ashtu ka përmendur se ëstë shumë e rëndësishmë që Parisi të lirojë rreth 15 militantë të majtë italianë, që kanë pranuar refugjatë në Francë në dekadat e fundit.
Franca ka kërkuar kthimin e ambasadorit të saj nga Roma të enjten, për shkak të siç kanë thënë autoritetet franceze, sulmeve të vazhdueshme dhe të pabaza nga liderët politikë të Italisë.
Ministria e Jashtme italiane nuk ka komentuar vendimin e Francës, i cili sipas burimeve diplomatike ka qenë i pashembullt nga viti 1945.
Kancelarja gjermane Angela Merkel do të bisedojë në Bratisllavë me kryeministrat e Sllovakisë, Polonisë, Çekisë dhe Hungarisë për të shënuar 30 vjetorin e rënien së “Perdes së Hekurt”.
Qeveria gjermane tha para takimit se ndryshimi politik në këto vende ka ndihmuar procesin e ribashkimit të Gjermanisë.
Merkel fillimisht do të takojë kryeministrin sllovak, Peter Pellegrini për të diskutuar çështjet ekonomike, të politikës së Jashtme dhe ato evropiane.
Megjithatë Merkel ka hasur në kundërshtimin e Polonisë dhe Hungarisë lidhur me politikën e saj të kufijve të hapur për refugjatët.
Polonia, Shtetet e Bashkuara, shtetet baltike dhe disa vende të tjera të BE-së kanë shprehur gjithashtu shqetësime rreth projektit, tubacioni i dytë i gazit që lidh Rusinë drejtpërdrejt me Gjermaninë nën Detin Baltik.
Kjo do të shmangte tubacionet ekzistuese të gazit përmes Ukrainës dhe kritikët thonë se do të rriste varësinë e energjisë nga Rusia.
Kryeministri polak Mateusz Morawieck e ka quajtur tubacionin një armë të luftës hibride që Moska dëshiron të përdorë për të minuar sigurinë evropiane të energjisë dhe solidaritetin e BE-së dhe NATO-s.
BERLIN – Kompania ajrore gjermane “Germania”, ka paraqitur falimentim për arsye të rritjes së çmimeve të karburantit dhe ruajtja e fuqisë së dollarit përballë euros.
Në deklaratën e publikuar nga kompania, është theksuar se të gjithë fluturimet duke filluar nga mbrëmë janë anuluar dhe punonjësit janë njoftuar.
Nga klientët që kanë marrë pako pushim është kërkuar që të kontaktojnë kompanitë turistike, për të bërë rregullime në biletat e tyre.
CEO i kompanisë, Karsten Balke tha se, përpjekjet për të plotësuar nevojat afatshkurtra të likuiditetit të kompanisë kanë qenë të pamjaftueshme. “Nuk kemi zgjidhje tjetër përpos të kërkojmë falimentim”, tha ai.
Germania Airlines që 30 vite shërben duke fluturuar në qendrat e pushimeve në Detin Mesdhe, Afrikën Veriore dhe Lindjen e Mesme. Kompania në vit bart mbi 4 milionë pasagjerë, ndërsa zhvillonte fluturime nga 18 aeroporte në Evropë.
Kjo është kompania e dytë pas Air Berlin e cila kishte njoftuar falimentim në vitin 2017. aa
Testet e para për të studiuar efektet e gravitetit dhe pajisjeve
Ridërgimi i njeriut në Hënë është më shumë se një ëndërr për Evropën, e cila ka filluar të përgatisë astronautët e saj për udhëtimet hënore të ardhshme. Veshur me kostumet hapësinore, simulimet e para për testimin e instrumenteve dhe pajisjeve mbi hirin vullkanik të Lanzarote, në Spanjë, ndërsa në laborator janë duke u përpjekur të provojnë efektet e dobëta të gravitetit hënor, i cili i detyron të kalojnë më shumë se një ecje, shpjegojnë ekspertët e Agjencisë Hapësinore Evropiane (ESA). “Mendojmë se hedhja në Hënë mund të krijojë forca të ngjashme me ato të shkaktuara nga ecja dhe drejtimi në Tokë: kjo mund t’u lejojë astronautëve të mbajnë kockat dhe muskujt në gjendje të mirë përmes lëvizjes ditore”, shpjegon inxhinier Tobias Weber. “Kjo do të zvogëlonte nevojën për pajisje trajnimi si ajo e përdorur në Stacionin Ndërkombëtar Hapësinor“.
Për të minimizuar pajisjet e nevojshme, në simulimet në Lanzarote u provua një tabletë e veçantë (e quajtur Libri Elektronik i Terrenit) që gjeolokalizon astronautin gjatë udhëtimit, katalogon mostrat sipas vendit në të cilin janë mbledhur, integron informacionin që vjen nga mjete të tilla si kamera dhe mikroskopë dhe madje lejon një bisedë zanore me qendrën e kontrollit, të gjitha në sajë të një softueri të zhvilluar nga Leonardo Turchi, një inxhinier i ri konsulent i ESA-s./Dita
Burimi ansa.it
