VOAL

Italia dëbon dy zyrtarë rusë

Roma urdhëroi dëbimin e dy zyrtarëve rusë, nën dyshimet për spiunim.

Policia italiane tha më herët se ka arrestuar një kapiten të Marinës italiane, së bashku me një zyrtar ushtarak rus, në lidhje me rastin e spiunimit.

Ministria e Jashtme e Italisë njoftoi më vonë se ka thirrur në bisedë informative ambasadorin rus, Sergei Razov.

Ministri i Jashtëm i Italisë, Luigi Di Maio, tha se ka informuar ambasadorin për “dëbimin e menjëhershëm të dy zyrtarëve rusë, të përfshirë në këtë incident jashtëzakonisht të rëndë”.

Marrëdhëniet midis Rusisë dhe vendeve anëtare të NATO-s janë tensionuar nga disa skandale të spiunimit në vitet e fundit.

Ambasada e Rusisë në Romë fillimisht tha se një punonjës i zyrës së atasheut të saj ushtarak është arrestuar dhe se “detajet e rastit po sqarohen”.

Reuters më vonë citoi zyrën e presidentit rus, Vladimir Putin, të ketë thënë se shpreson se lidhjet me Italinë do të mbeten konstruktive dhe pozitive, pavarësisht rastit.

Gazeta italiane Corriere della Sera raportoi se zyrtari i ndaluar rus, i cili ka punuar në Ambasadën ruse, është urdhëruar të largohet së bashku me një epror.

Gazeta po ashtu tha se kapiteni italian, i cili është arrestuar duke i dorëzuar dokumente sekrete zyrtarit rus, ka poseduar jo vetëm dosje italiane, por edhe “dokumente shumë sekrete të NATO-s”, duke vënë kështu në rrezik jo vetëm sigurinë e Italisë, por edhe të vendeve të tjera.

Policia tha se oficeri italian është dërguar në paraburgim.

Javën e kaluar, edhe Bullgaria ka dëbuar dy diplomatë rusë për, siç ka thënë, veprimtari “të papajtueshme” me statusin e tyre diplomatik. rel

Një oficer italian kapet duke i shitur sekrete Rusisë

Policia italiane. Foto nga arkivi.

Një oficer i marinës italiane është arrestuar gjatë aktit të dorëzimit të dokumenteve sekrete një zyrtari ushtarak rus, njoftoi policia italiane. Shtetasi italian po i shiste këto dokumente.

Policia ka ndaluar të dy personat, por vetëm shtetasi italian është arrestuar nën dyshimin e krimeve të rënda, përkatësisht të spiunimit dhe cenimit të sigurisë shtetërore.

Shtetasi rus për të cilin thuhet se ka punuar në Ambasadën e Rusisë në Itali, pritet të dëbohet nga vendi. Ai nuk është arrestuar pasi gëzon imunitet diplomatik, tha deklarata e policisë.

Ministria e Jashtme e Italisë ka thirrur në bisedë ambasadorin rus në Itali, Sergei Razov.

Policia ushtarake e zhvilloi aksionin “gjatë një takimi të fshehtë midis këtyre dy personave, duke i kapur menjëherë pas transferimit të një dokumenti nga oficeri italian në këmbim të një shume parash”, thuhet në deklaratën e policisë.

Gazeta italiane “Corriere della Sera” raporton se oficeri italian mund të ketë dorëzuar sekrete të NATO-s, bazuar në dokumentet e konfiskuara në banesën e tij nga ana e policisë.

Arrestimi vjen pas tensioneve të rritura midis Moskës dhe Perëndimit, veçanërisht për burgosjen e kritikut të Kremlinit, Alexei Navalny, një veprim i cili nxiti zyrtarët e BE-së të vendosin sanksione kundër zyrtarëve të lartë rusë.

Përshëndetje, Venecia! Gëzuar 1600 vjetorin e lindjes!

VOAL – Përshëndetje, Venecia! Serenissima mbushi 1600 në 25 Mars 2021. Legjenda thotë se në atë datë, në vitin 421 saktësisht, u vendos guri i parë i kishës së San Giacomo në Rialto, një ditë që edhe autoritetet e konsiderojnë themelin e qytetit në laguna. Venecia ka përjetuar një histori unike, e cila e ka bërë atë protagoniste të jetës evropiane disa herë në fushat ligjore, tregtare, shoqërore, fetare dhe historike.

Festimet kanë filluar dhe do të zgjasin deri në vitin 2022. Sheshet, urat, kanalet dhe rrugët fatkeqësisht janë gjysmë të shkreta për shkak të kufizimeve antikovide, por një ditë Venecia do të kthehet në turmë me turistë dhe shikues, të tërhequr nga monumentet e saj, arkitektura e saj unike dhe e kaluara e saj e lavdishme./rsi-eb

Parlamenti Evropian insiston për liberalizim vizash për Kosovën

Në seancën plenare të Parlamentit Evropian të enjtën, po diskutohet për raportet e progresit për vendet e Ballkanit Perendimor. Për to do të votohet nga i tërë parlamenti gjatë ditës. Më herët, më 23 shkurt, të njëjtat raporte ishin miratuar në Komisionin e politikës së jashtme.

Raportuesja për Kosovën në Parlamentin Evropian, Viola von Cramon, ka thënë në paraqitjen e saj se ky raport shënon edhe sukseset e arritura në Kosovë dhe sfidat e problemet me të cilat Kosova po përballet.

Ajo u është falënderuar kolegëve nga të gjitha grupet e Parlamentit Evropian për mbështetjen e këtij raporti.

“Parlamenti Evropian mbetet i bashkuar fuqishëm krah popullit të Kosovës. Ata janë me shumicë të madhe në favor të BE-së. Në fakt, asnjë popull në rajon nuk shpreh më shumë mbështetje për BE-në sesa populli i Kosovës. Por kjo nuk është diçka që duhet të kuptohet nga ne si e garantuar dhe ne duhet po ashtu të përmbushim obligimet dhe premtimet tona, sidomos për liberalizimin e vizave”, ka thënë raportuesja për Kosovën.

Ajo ka shtuar se “ndan frustrimin me qytetarët e Kosovës për mungesën e liberalizimit të vizave” dhe ka bërë ftesë për vendet anëtare të BE-së që në Këshill të marrin më në fund vendimin për heqjen e vizave për Kosovën.

Von Cramon ka bërë ftesë për BE-në që të ndihmoj sa më shpejt në furnizimin më të madh me vaksina për Kosovën.

Kosova mbetet vendi i vetëm në Evropë që nuk ka nisur procesin e vaksinimit kundër COVID-19, dhe nuk ka ndonjë konfirmim zyrtar se kur mund të arrijë kontigjenti i parë i vaksinave në Kosovë.

Von Cramon ka bërë thirrje që fondet nga IPA të përdoren më shumë në ruajtjen e mjedisit jo vetëm për qytetarët e Kosovës por për tërë Evropën.

“Raporti ynë inkurajon Kosovën të bëj më shumë përpjekje në çështjet e brendshme nga edukimi dhe shëndetësia e deri tek reformat e tjera. “Uroj Kryeministrin Kurti dhe i uroj sukses në përballje me sfidat e mëdha”, ka thënë ajo. Sipas saj, për t’i tejkaluar problemet politike, është e nevojshme një qartësi dhe duhet të zgjidhet presidenti i vendit sa më parë.

Von Cramon ka thënë se Kosova duhet të mbetet e përkushtuar për dialog dhe të mos largohet nga dialogu. Njohja e ndërsjellë mbetet kusht për Serbinë dhe Kosovën për tu anëtarësuar në BE”.

“Të pyetesh se çfarë fiton Kosova nga dialogu është qasje e gabuar. Më shumë duhet menduar se çfarë humbet nëse largohemi nga dialogu. Largimi nga dialogu nuk është opsion as për Serbinë” ka thënë ajo. Sipas saj, Presidenti i Serbisë, Aleksandar Vuçiq, “mundet dhe duhet të shfrytëzoj shumicën që ka ne Kuvend për të arritur marrëveshje me Kosovën në dialog”.

Ajo ka thënë se në Serbi duhet të evitohet edhe keqpërdorimi i pushtetit, sidomos sulmet ndaj atyre që mendojnë ndryshe.

Raporti për Kosovën bën ftesë edhe një herë për shtetet e BE-së të cilat nuk e kanë njohur Kosovën që ta bëjnë një gjë të tillë.

Raportet e Parlamentit Evropian nuk kanë fuqi obliguese për shtetet anëtare të BE-së por janë një mesazh politik.

Në raportet me Shqipërinë dhe Maqedoninë e Veriut, kërkohet që sa më parë BE-ja të nisë me këto dy shtete negociatat për anëtarësim.

Më në fund u firmos njohja reciproke e patentave midis Shqipërisë dhe Italisë

Voal.ch – Ambasada e Italisë në Tiranë lajmëron përmes një tweet në Twitter lajmin e njohjes reciproke të patantave mdis dy vendeve si më poshtë:

“Të lumtur që dje u përfundua hapi i fundit zyrtar për rinovimin e marrëveshjes për njohjen reciproke të lejeve të drejtimit ndërmjet Italisë dhe Shqipërisë.

Një rezultat i rëndësishëm për të lehtësuar jetën e përditshme të mijëra qytetarëve shqiptarë dhe italianë që jetojnë në Itali dhe Shqipëri! /Twitter/eb

Lëvizja për pavarësinë e Katalonjës në kërkim të rrugëve të reja

Lëvizja separatiste e Katalonjës pësoi një goditje këtë muaj kur Parlamenti Evropian, i ndarë thellësisht, i hapi rrugën ekstradimit të udhëheqësit separatist në mërgim, Carles Puigdemont në Spanjë për t’u përballur me akuzat për kryengritje. Korrespondenti i Zërit të Amerikës, Alfonso Beato njofton nga Barcelona se aktivistët katalanas e kanë quajtur këtë veprim një disfatë për demokracinë në Evropë.

Nuk ishte ajo që donin të dëgjonin mbështetësit e përpjekjes për shkëputje të Katalonjës nga Spanja. Parlamenti Evropian votoi për heqjen e imunitetit të udhëheqësit separatist Carles Puigdemont.

“Kërkesa për heqjen e imunitetit të Carles Puigdemont i Casamajo, është miratuar”, tha nënpresidentja e Parlamentit Evropian, Heidi Hautala.

Puigdemont ka jetuar në mërgim në Belgjikë pasi Madridi ngriti akuza ndaj tij dhe të tjerëve për organizimin e referendumit për pavarësi në vitin 2017 që një gjykatë spanjolle e shpalli të paligjshëm. Vendimi i Parlamentit Evropian i hap rrugën ekstradimit e tij në Spanjë, ku ai pritet të përballet me akuzat për nxitje të kryengritjes.

“Është një ditë e trishtuar për Parlamentin Evropian. Ne humbëm imunitetin, por Parlamenti Evropian dhe demokracia evropiane kanë humbur më shumë”, tha ish-presidenti i Katalonjës Carles Puigdemont.

Çështja e Katalonjës ka ndarë thellësisht Parlamentin Evropian. Kjo çështje bëhet edhe më e debatueshme nëse merret parasysh mënyra se si ligji spanjoll e përkufizon kryengritjen dhe rebelimin, që mund të ketë pasoja të ndryshme për zotin Puigdemont.

Krimet e rebelimit dhe nxitjes së kryengritjes nuk konsiderohen në të njëjtën mënyrë nga të gjitha vendet anëtare të BE-së, thonë analistët. Dënimet për nxitje të kryengritjes në Spanjë mund të arrijnë deri në 13 vjet burg, ndërsa në Belgjikë ky lloj krimi nuk njihet.

“Mesazhi për Spanjën është që të veprojë me kujdes sepse këto dënime janë jashtëzakonisht të debatueshme. Mendoj se kjo shpjegon përçarjen në Parlamentin Evropian. Shumë deputetë evropianë i shohin të gjitha procedurat gjyqësore kundër këtyre udhëheqësve si shumë problematike, ndërsa të tjerët në një farë mënyre e mbështesin Spanjën sepse ajo është anëtare e BE-së”, thotë Anna Sofia Cardenal, profesore e shkencave politike në Universitetin e Hapur të Katalonjës.

Aktivisti Jordi Cuixart, i cili nuk shkoi në mërgim si ish-presidenti i Katalonjës Puigdemont dhe separatistët e tjerë katalanas, u burgos dhe po vuan një dënim 9-vjeçar për nxitje të kryengritjes.

Pas dënimit, ai kishte liri të kufizuara dhe në një intervistë për mediat u shpreh se Spanja po zbatonte një ligj të vjetër.

“Në realitet, akuza për nxitje të kryengritjes në fund të shekullit të 19-të dhe në fillim të shekullit të 20-të vuri përballë anëtarët e ushtrisë që u rebeluan kundër pushtetit dhe ligjeve të asaj kohe”, tha Jordi Cuixart, udhëheqës i Lëvizjes për Pavarësinë e Katalonjës.

Autoritetet spanjolle kanë pezulluar masat alternative të paraburgimit dhe udhëheqësit e dënuar separatistë tani janë duke vuajtur dënimin e plotë me burg.

Në zgjedhjet rajonale të shkurtit në Katalonjë, partitë pro-pavarësisë morën më shumë se gjysmën e votave, pavarësisht pjesëmarrjes së ulët të votuesve për shkak të pandemisë.

Alba Kepi rrëzon propagandë: Edi Rama mashtroi, Italia nuk njeh patentat shqiptare

Gazetarja Alba Kepi me aktivitet në Itali shkruan në rrjetin social si më poshtë:

“DOKRRA E HINIT!

Me keqardhjen ndaj dhjetra emigranteve shqiptare qe prej muajsh me shkruajne, per momentin nuk ka rinovim te marreveshjes se njohjes se patentave shqiptare ne Itali!

Mbi postimin rrenacak e plot “gezim” te KM dje, qe shkruante se “sot ministrja shqiptare Xhacka do te mberrinte ne Rome per te nenshkruar kete rinovim” ..

1- Ministrja nuk vjen sot ne Rome.

2- Vizita ka qene e programuar ne rruge institucionale e behet neser date 12 mars 2021. Pra as daten e vizites nuk e ka te shenuar ne axhende qeveria shqiptare.

3- Nuk ka firme rinovimi njohje patentash shqiptare ne axhende e takimit. Xhacka mund ta sjell si kerkese, por nese neser e shesin si dakortesi diheni se genjejne.

Dakortesia eshte arritur qe me 2013-2014 e ka skaduar me 2019 e sipas marreveshjes duhet rinovuar cdo 5 vite.

5- Per rinovimin e kesaj marreveshje ceshtja nuk eshte ne duart as te Di Maios e as Xhackes, por e Ministrive te Transportit te dy vendeve e qe per momentin cdo gje ka mbetur me dhjetor te 2019.

4- Keqardhje per emigrantet qe u vune ne loje e keqardhje dhe per veten qe per jo profesionalitet institicional shqiptar e rrena propagande facebook m’u desh te shfaqesha si jo serioze me kerkesat e mia per te marre lajmin e fundit tek autoritetet me te larta italiane.

5- “Ma brutta figura hai fatto te” i dashur KM … une vazhdoj te jem sherbetore e informacionit te vertete mes dy vendeve… e parashikova gjithcka qe dje… por te dhashe besim se ndoshta kishe ndonje spirale shprese… off records. E ja qe gabova…

6- Neser do ti nisesh nje sms mikut Di Maio per te thene dy fjale ne video se ka shprese per patentat… eh te duhet per fushaten. Por fjalet i merr era ….

E verteta eshte se

NuK KA AS FIRME / AS RINOVIM/ AS PENSIONE/ AS VOTE EMIGRANTESH!

Ka vec dokrra hini!!!

… e perseris kujdes me ata qe bejne propaganden e patentave e te pensioneve ne Shqiperi.. hallet e emigranteve zgjidhen me profesionalitet, seriozitet, qetesi e aftesi institucionale e diplomatike. Duhen ekonomiste te afte te se drejtes ekonomike nderkombetare, te njohur ligjerisht ne Itali e ne nivel europian… e jo zyra italiane sindikatash.

Uroj qe Ministrite e Transportit te dy vendeve ta zgjidhin sa me shpejt kete ngerc se ka familje qe nga kjo patente mbajne femijet me buke e emigrante qe rrezikojne te humbasin vendin e punes.”

Eurodeputeti suedez David Lega: Zgjedhjet në Shqipëri kyçe, shit-blerja e votës, korrupsioni dhe Rasha Nga Erisa Zykaj

Eurodeputeti suedez, David Lega flet eskluzivisht për ABC lidhur me amendamentet për Shqipërinë që do votohen nesër nga komisioni i punëve të jashtme të Parlamentit Europian. Lega shpjegon pse zgjedhjet e 25 prillit janë kaq të rëndësishme për Bashkimin Europian dhe zbërthen amendamentin e grupimit të partive popullore lidhur me shitblerjen e votës. Për reformën në drejtësi, Lega përshëndet hapat e bëra, por tërheq vëmendjen për pavarësinë e SPAK. Sipas tij, asnjë gjyqtar nuk do të guxonte të paraqesë akuzë përsa kohë ka presion nga qeveria. Kjo pavarësi është e rëndësishme për t’u siguruar për çështjet e zyrtarëve të lartë, duke qenë se ish-ministra përballen me akuza për korrupsion dhe drogë. Lega thotë, se grupimet politike kanë dhënë mbështetjen e tyre për një amendament lidhur me vrasjen e Klodian Rashës. Lega gjithashtu thekson, se Shqipëria ka nevojë për një strategji të re dhe plan aksioni të ri për luftën kundër drogës. Sipas tij, një çështje shumë e rëndësishme është krijimi i një stoku të sigurtë para shkatërrimit të lëndëve narkotike. Praktika për të mbajtur vetëm sasi të vogla evidence të kapjes së drogave për çështjet në gjykata, në vend që të mbahet e gjithë sasia e kapur, nuk është kryer ende në Shqipëri.

INTERVISTA DAVID LEGA ERISA

Zoti Lega, ju keni hartuar disa amendamente lidhur me draft-raportin e Isabel Santos për Shqipërinë, të cilat do të votohen nesër. Ato lidhen me demokracinë, shtetin ligjor, gjyqësorin dhe të drejtat themelore. Të hënën, komisioneri për fqinjësinë dhe zgjerimin Oliver Varhelyi deklaroi se zgjedhjet e 25 prillit do të jenë një provë e madhe për një demokraci funksionuese në Shqipëri. A e ndani këtë mendim dhe pse janë kaq të rëndësishme këto zgjedhje?

Faleminderit për ftesën. Mendoj, se zgjedhjet e lira dhe të ndershme janë themelore për integrimin europian. Zgjedhjet e përgjithshme të 25 prillit do të jenë kyçe për konsolidimin demokratik të vendit dhe do të luajnë një rol të rëndësishëm për rinovimin dhe forcimin e strukturave demokratike të vendit dhe shpresojmë që do të kontribuojnë në arritjen e një niveli të lartë të stabilitetit politik. Ashtu siç nënvizuat dhe ju, gjatë Këshillit të stabilizim asocimit të hënën, liderët diskutuan mbi çështjet praktike të organizimit të zgjedhjeve. Në këtë kuadër, Këshilli i Bashkimit Europian ra dakort në nevojën për të vazhduar punën në të gjitha aspektet e trajtuara nga rekomandimet e OSBE/ODHIR, ashtu si dhe rekomandimet e Komisionit të Venecias mbi zgjedhjet. Aty deklarohet, se një dialog konstruktiv dhe gjithpërfshirës midis partive politike në Kuvendin e Shqipërisë do të jetë thelbësor për progres të mëtejshëm në reforma dhe për qëndrueshmërinë e procesit tê integrimit europian. Kjo është pikërisht ajo që kërkojmë. Ndaj ato janë kaq të rëndësishme.

Zoti Lega, do të jeni pjesë e misionit vëzhgues të Bashkimit Europian në Shqipëri apo jo ?

Varet nga situata e pandemisë. Nuk mund të jem prezent në prill për shkak të kufizimeve të vëna si rrjedhojë e pandemisë COVID-19, por unë e kam ndjekur Shqipërinë nga afër dhe vazhdoj ta ndjek.

Amendamentijuaj që mban numrin 96 shpreh shqetësime në lidhje me mosndëshkimin e shitblerjes së votave dhe faktin që çështjet e dyshuara nuk kanë arritur në gjykatë dhe nuk janë bërë ende arrestime. Pse ky amendament zoti Lega ? Ju konsideroni se përgjegjësit e vërtetë tê shitjesblerjes së votave nuk janë dërguar para drejtësië apo shprehni shqetësimin si grup politik së bashku me të tjerët, se kjo situatë mund të përsëritet gjatë zgjedhjeve të 25 prillit?

“Ne ishim natyrshëm të shqetësuar me akuzat për shitblerjen e votes. Ky amendament është një rikujtim që hetimi I këtyre akuzave është pjesë e kushteve që ka vendosur Kêshilli i ministrave të Bashkimit Europian në vendimin e 25 marsit 2020. Gjithashtu vlen për të nënvizuar që të sigurohet, që zgjedhjet e përgjithshme tê zhvillohen në një mënyrë transparente dhe gjithpërfshirëse dhe kjo duhet të jetë e rëndësishme për të gjithë forcat politike, qytetarët, shoqërinë civile, mediat. Të gjithë kemi një detyrë të përbashkët, duke na përfshirë ne, që të sigurojmë që fushata zgjedhore të jetë e besueshme, transparente dhe objektive. Kjo do të thotë që fushata nuk duhet të jetë objekt i dezinformimit, duhet të jetë e çliruar nga presionet dhe akuzat e rreme.

Cili është vlerësimi i grupit tuaj për gjykatën Kushtetuese, të lartë, si dhe organet e reja të drejtësisë si SPAK-un. Po e lufton SPAK korrupsionin e nivelit të lartë? Gjithashtu ç’mendoni për funksionimin e Byrosë Kombëtare të Hetimit?

Gjykata Kushtetuese është krejtêsisht funksionale. Sipas informacionit tê fundit, Gjyakata Kushtetuese ka 7 anëtarë nga 9 që duhen në total. Kjo është gjithashtu e rëndësishme për t’u nënvizuar. Lidhur me SPAK, ne si grupim i partisë popullore, e mirëspresim krijimin e strukturave të specializuara kundër korrupsionit dhe krimit. Por çështja më e rëndësishme është, se ne duhet të shohim rezultate. SPAK duhet të jetë tërësisht operacional dhe proaktiv në goditjen e rasteve të nivelit të lartë të korrupsionit. Ndaj, ne theksojmë se për këtë është e rëndësishme që për këto struktura të jepet buxheti i duhur dhe të ketë bashkëpunim të duhur me entitetet etjera gjyqësore. Ajo që ështê më e rëndësishmja është që SPAK të ruajë pavarësinë e saj. Asnjë gjyqtar nuk do të guzonte të paraqesë akuzë përsa kohë ka presion nga qeveria. Kjo pavarësi është e rëndësishme për t’u siguruar për çështjet e zyrtarëve të lartë, duke qenë se ish-ministra përballen me akuza për korrupsion dhe drogë. Lidhur me BKH, ne jemi të kënaqur me ngritjen e tij dhe faktit që drejtoresha po kryen funksionet e saj dhe që stafi hetues po rekrutohet.

A mund të themi që Shqipëria ka përmbushur kushtet për konferencën e parê ndërqeveritare ?

“Jo të gjitha. Mbeten ende disa kushte të paplotësuara. Shqipëria është në rrugën e duhur, por ne duhet të jemi të vëmendshëm për të ndjekur të gjitha aspektet. Edhe për qytetarët europianë, kjo është e rëndësishme. Ata duhet të shohin progresin gjithashtu”.

Sipas mendimit tuaj, a do të ishin shtetet anëtare të gatshme të hapnin negociatat e anëtarësimit në BE me Shqipërinë pa sinjale të qarta të fillimit të ndjekjes penale dhe dënimit përfundimtar të çështjeve të nivelit të lartë të korrupsionit dhe krimit të organizuar?

Shpresoj që shtetet anëtare t’i përmbahen vendimit të 25 marsit të 2020. Ata kanë përfshirë qartësisht aty luftën kundër korrupsionit dhe krimit të organizuar. Në ato kushte, ata kanë bërë të qartë, që duhen rezultate konkrete, një gjurmë provash për raste të korrupsionit të zyrtarëve të lartë dhe krimit të organizuar në të gjitha nivelit. Shpresoj, që ata t’i përmbahen kësaj, por ata bëjnë zgjedhjen e tyre.

Amendamenti 132 rekomandon që Shqipëria të miratojë një strategji të re dhe një plan veprimi për luftën kundër drogës? A do të thotë kjo se strategjia aktuale dhe plani i veprimit nuk është i suksesshëm?

Nuk është sekret që Shqipëria ka problem me krimin e organizuar dhe trafikun e drogës dhe abuzimin e drogave. Shqipëria është rruga më e madhe e kalimit të kanabisit në Europë dhe përshkruhet që strehon rrjetet transnacionale të përfshira në trafikun e drogës në Europë dhe përtej. Sipas Komisionit Europian, Shqipëria nuk ka ngritur ende një Obsevator Kombëtar për drogat dhe as për një sistem alerte paraprake lidhur me substanca të reja psikoaktive. Një strategji e re dhe një plan aksioni përr drogat duhet të aprovohen. Një çështje shumë e rëndësishme është krijimi i një stoku të sigurtë para shkatërrimit të lëndëve narkotike. Praktika për të mbajtur vetëm sasi të vogla evidence të kapjes së drogave për çështjet në Gjykata, në vend që të mbahet e gjithë sasia e kapur, nuk është kryer ende. Ndaj, e inkurajoj Shqipërinë që të aprovojë një strategji të re dhe një plan të ri aksioni, duke përfshirë edhe trajtimin e hendekut në legjislacion lidhur me shkatërrimin e lëndëve narkotike.

8.Nuk mund të mos ju pyes për ligjin për median, duke qenë se ju ke i qene shumë aktiv për këtë. A jeni i kënaqur me hapat e ndërrmarra apo jeni sërish i shqetësuar për këtë ligj ?

“Ne duhet të presim për të parë që gjithçka të anulohet dhe të hiqet dorë nga forma aktuale, siç u kërkua nga Komisioni i Venecias. Ndërkohë, përpara se të vijë ketë tërheqje, nuk kam parë, që të ketë hapa në përputhje me mënyrën që pritej të bëhej.

Sot, Freedom House ka publikuar një raport ku dënon çështjen e shembjes së Teatrit kombëtar dhe vrasjen e qytetarit Klodian Rasha gjatë shtrëngimit tê msave anti Covid . Grupimi Renew ka paraqitur njê amendament për këtë, ku dënon vrasjen nga policia. A ka kompromis për këtë amendament nga partia popullore dhe të tjera ?

“Mendoj, se është përfshirë në kompromiset politike. Nuk kemi asgjë kundër këtij amendamenti. Eshtê e rëndêsishme që kjo çështje nënvizohet”.

Pra, zoti Lega, si përfundim, Shqipëria ka ende disa hapa për të bërë para hapjes zyrtare tê negociatave.

Po, dhe më lejoni të them, që qëllimi ynë është që ta bëjmë Shqipërinë anëtare tê Bashkimit Europian, por për tê arritur aty, duhen plotêsuar kriteret. Duhet të sigurojmë që ato përmbushen./ABCNEWS

Amendamentet e PE-së, mbi 6 parakushtet për konferencën e parë ndërqeveritare BE-Shqipëri Nga Erisa Zyka, Bruksel

Grupimet politike të Parlamentit Evropian kanë prezantuar 267 amendamentet për draft-raportin e eurodeputetes Isabel Santos mbi vlerësimin e progresit të Shqipërisë në integrimin evropian për vitin 2020.

Amendamente evidentojnë mos përmbushje ose përmbushje të pjesshme të parakushteve për hapjen zyrtare të negociatave të anëtarësimit të Shqipërisë në BE. Amendamentet më të shumta kanë të bëjnë me 6 parakushtet për mbajtjen e konferencës së parë ndërqeveritare BE-Shqipëri.

“Parlamenti mbështet mbajtjen e konferencës së parë ndërqeveritare pa shtyrje të mëtejshme kur të jenë përmbushur të gjitha kushtet e vendosura nga Këshilli i Bashkimit Europian në vijim të aprovimit të kuadrit negociues.”

Parakushti i parë është reforma zgjedhore. Zbatimi i reformës zgjedhore nuk mund të konsiderohet i përmbushur për Parlamentin EVropian pa ndjekur dhe evidentuar procesin e zgjedhjeve të përgjithshme të 25 prillit në Shqipëri. Zgjedhjet e 25 prillit konsiderohen nga të gjitha grupimet politike si një test për pjekurinë politike të vendit. Lidhur me parakushtin e dytë, amendamentet evidentojnë nevojën për funksionimin e plotë dhe eficent të Gjykatës Kushtetuese dhe të Gjykatës Lartë, si dhe funksionimin e qëndrueshëm dhe pa shkëputje të Gjykatave të Apelit.

“Parlamenti inkurajon Shqipërinë të plotësojë procesin e ndërmarrjes së hapave të duhura drejt rifitimit të kapacitetit për funksionimin e plotë dhe eficent të Gjykatës Kushtetuese dhe të sigurojë që Gjykatat e Apelit të mos ndërpresin punën e tyre”.

“Përshëndet arritja e kuorumit minimal të gjykatësve në Gjykatën Kushtetuese për të vendosur mbi pranimin e rasteve”.

“Mirëpritet fakti, që Gjykata e lartë ka rifituar pjesërisht kapacitetin për të funksionuar dhe ka trajtuar me më shumë se 1000 dosje dhe nxitet progresi për emërimin e gjykatësve të tjerë. Nënvizohet nevoja e mbështetjes për funksionimin eficent të këtyre institucioneve përmes burimet të duhura financiare dhe humane”.

Për parakushtin e tretë, bëhet thirrje për përshpejtim të hapave për funksionimin e plotë të organeve të specializuara kundër korrupsionit dhe krimit të organizuar. Bëhet thirrje që të hetohen rastet e korrupsionit të nivelit të lartë, të ruajë pavarësia dhe eficenca në luftën kundër pandëshkueshmërisë. Për byronë kombëtare të hetimit nënvizohet nevoja e vazhdimit të procesit të rekrutimit të stafit të hetimit.

“Mirëpritet ngritja e organeve anti-korrupsion dhe fakti që po kryhen hetime nga struktura speciale kundër korrupsionit dhe krimit të organizuar (SPAK) dhe akuzat që po trajtohen nga Gjykatatat anti-korrupsion dhe anti-krim i organizuar. Nënvizohet nevoja për të ruajtur pavarësinë dhe efiçencën e tyre dhe nevoja për të goditur korrupsionin e nivelit të lartë në të gjitha nivelet e shoqërisë, kryesisht në nivelin e qeverisë shqiptare. Shprehet kënaqësia për ngritjen e byrosë kombëtare të hetimit, që drejtoresha po kryen detyrën e saj dhe që stafi i hetimit është aktualisht në procesin e rekrutimit. Nënvizohet nevoja e ofrimit të rezultateve të prekshme nga hetime të pavarura dhe të paanshme që çojnë në ndjekje penale të suksesshme të krimit të nivelit të lartë përfshirë korrupsionin.”

Amendamente të tjera, shprehet shqetësimi, se policia e shtetit mund të marrë donacione private dhe sponsorizime. Bëhet thirrje për vlerësim adekuat dhe rregullat strikte për të kufizuar rreziqet e korrupsionit dhe konfliktit të interesit. Shqetësime shprehen edhe për dhunën disproporcionale të ushtuar nga forcat e rendit në disa raste.

Lidhur me parakushtin e katërt për forcimin e luftës kundër krimit të organizuar dhe korrupsionit përfshirë goditjen e aseteve të krimit të organizuar, bëhet thirrje për shtimin e hetimeve kundër pastrimit të parave. Amendamenti 125 identifikon problemin e pastrimit të parave në sektorin e ndërtimit dhe shitjes së pronave, ndërkohë që amendamenti 127 rikujton, se Shqipëria që prej marsit të 2020 është përfshirë në listën gri të Task Forcës për Aksionin Financiar. Duke përshëndetur bashkëpunimin me autoritetet italiane për luftën kundër lëndëve narkotike, bëhet thirrje për përpjekje serioze dhe tërësore për të goditur trafikun ndërkombëtar të drogës.

Eurodeputetët kanë paraqitur amendamente edhe për progres të shpejtë në ndalimin e numrit të kërkesave të azilit të pabazuara dhe kthimin e personave në fjalë në Shqipëri, që përbën dhe parakushtin e pestë. Për parakushtin e gjashtë, eurodeputetët shprehin shqetësim të thellë për draftin e medias audiovizive dhe mirëpresin angazhim për të aprovuar amendamente vetëm nëse ato janë në përputhje me rekomandimet e Komisionit te Venecias dhe në proces konsultimi me shoqërinë civile, gazetarët dhe organisatat e mediave. I bëhet thirrje autoriteteve shqiptare që të kryejnë një hetim lidhur me dhunën e kohës së fundit dhe ndalimit të pajustifikuar nga forcat e rendit të gazetarëve dhe t’i përgjigjen akuzave të ngritura nga gazetarët për cënim nga policia, përfshirë edhe gjatë mbajtjes nga forcat e rendit.

“Shprehet shqetësim të thellë për draft-ligjin për mediat, kryesisht të ashtuquajturin “ligji anti- shpifje” dhe i bën thirrje qeverisë që të aprovojë amendamente që janë tërësisht në përputhje me rekomandimet e Komisionit të Venecias.”

Amendamente janë depozituar edhe për procesin e kompensimit për çështjen e pronave, çështjet ekonomike, të mjedisit, të drejtave të njeriut dhe minoriteteve. Javën e ardhshme, raportuesja për Shqipërinë, Isabel Santos do të zhvillojë takime me grupimet politike për të gjetur kompromise për këto amendamente. /abcnews.al/

Vendos gjykata franceze: Dënohet me tri vite burg ish-presidenti Sarkozy

Ish-presidenti i Francës, Nicolas Sarkozy, dhe dy ish-baskëpunëtorët e tij janë dënuar me nga tri vjet burgim për korrupsion, transmeton Gazeta Express.

Sarkozy është shpallur fajtor për shkak se ka tentu t’i ofrojë rryshfet gjyqtarit Gilbert Azibert, duke i ofruar punë prestigjioze në Monako, në këmbim të informacioneve për një hetim kriminal ndaj partisë së tij.

Ish-presidenti frances është dënuar me tri vite burgim, dy nga to mund t’i kryej me kusht.

Spanja, Franca e shtete të tjera e kundërshtojnë njohjen dhe liberalizimin e vizave për Kosovën në PE

Përgjatë mbledhjes së Komisionit për politikë të jashtme të Parlamentit Evropian, ku u votuan amandamente të shumta në raportin për Kosovën të përgatitur nga Viola Von Cramon, Franca, Spanja dhe shtete të tjera dolën kundër proceseve të Kosovës.

Në mesin e shumë amendamenteve të propozuara në raportin për Kosovën, kishte edhe kërkesa që të hiqet paragrafi, përmes së cilit ftohen pesë vendet e BE-së, që nuk e kanë njohur Kosovën, ta bëjnë një gjë të tillë. Një kërkesë të tillë kanë bërë sidomos deputetët nga Spanja dhe shtete të tjera, që ende nuk e kanë njohur pavarësinë e Kosovës, raporton REL.

Kundër thirrjes për liberalizimin e vizave u propozuan disa amendamente nga disa deputetët të ekstremit të djathtë, sidomos nga Franca.

Rezolutat e Parlamentit Evropian shprehin qëndrime politike të këtij institucioni të BE-së, por nuk janë ligjërisht të obligueshme për vendet anëtare. Prandaj, edhe thirrjet e deritanishme të PE-së për njohjen e Kosovës nga pesë shtetet e bllokut evropian si dhe ajo për liberalizimin e vizave, nuk kanë pasur ndonjë efekt.

Merkel: Gjermania është në valën e tretë të koronavirusit

Gjermania është në valën e tretë të pandemisë së koronavirusit, u tha kacelarja gjermane, Angela Merkel, ligjvënësve të partisë së saj konservatore, raporton agjencia e lajmeve Reuters.

“Tani jemi në valën e tretë”, tha Merkel, për të shtuar se çdo lehtësim i masave të izolimit, të ndërmarra në fund të vitit të kaluar, do të duhej të bëhej me kujdes dhe gradualisht.

Mbyllja e të gjitha bizneseve jothelbësore dhe kontrollet kufitare me Austrinë dhe Republikën Çeke – ku ka pasur shpërthime të rasteve me një variant më infektues të koronavirusit – thuhet se e kanë ndihmuar Gjermaninë që të zvogëlojë normën e infeksioneve ditore.

Por, fushata e ngadalshme e vaksinimit dhe rreziku i shpërthimeve të varianteve të reja mund ta bëjnë më të vështirë lehtësimin e masave kufizuese.

“Ne nuk mund të përballojmë ulje dhe ngritje”, tha Merkel, duke sugjeruar se ajo do të donte që kthimi në jetën normale të bëhet me kujdes, për të shmangur rivendosjen e masave të bllokimit.

Ajo shtoi se rritja e kapaciteteve të testimit mund ta bëjë kthimin në normalitet më të qëndrueshëm.

Që nga fillimi i pandemisë në pranverën e vitit të kaluar, Gjermania ka regjistuar mbi 2.3 milionë të infektuar me koronavirus dhe mbi 68,000 viktima. rel

Spanjë, vandalizmi dhe dhuna sërish shoqërojnë protestat për lirimin e reperit të burgosur

Madrid

Vandalizmi dhe dhuna sërish kanë shoqëruar protestat në Spanjë që u organizuan për natën e katërt radhazi me kërkesën për lirimin e reperit të burgosur Pablo Hasel më 16 shkurt, raporton Anadolu Agency (AA).

Studentë dhe të rinj të lidhur me grupet e ekstremit të majtë morën pjesë në demonstratat e paautorizuara që u intensifikuan në qytetet si Barcelona, Lleida, Girona, Tarragona dhe Valencia.

Disa grupe u vunë flakën koshave të plehrave dhe ndërprenë rrugët, si dhe dëmtuan dyqanet, bankat dhe automjetet, ndërsa po ashtu sulmuan policinë duke hedhur gurë dhe shishe.

Burimet e policisë njoftuan se tre persona janë arrestuar në Barcelonë dhe dy në Girona, kurse gjatë incidenteve kishte gjithashtu të plagosur.

Parashikohet që protestat e organizuara nga organizatat e ekstremit të majtë, do të vazhdojnë me pjesëmarrje më të lartë gjatë fundjavës.

Rreth 95 njerëz janë ndaluar nga policia dhe gati 100 janë plagosur në katër ditët e fundit.

Hasel, i cili u dënua me nëntë muaj burg për glorifikim të terrorizmit dhe fyerjen ndaj monarkisë dhe institucioneve shtetërore për shkak të disa shprehjeve që ai përdori në Twitter dhe në këngët e tij, u vendos në burg nga policia më 16 shkurt.

Ndaj tij doli edhe një vendim i ri i gjykatës, i cili përfshin dy vite e gjysmë burg për shkak të një akuze tjetër.

Burgosja e reperit spanjoll ka nxitur debate në Spanjë në lidhje me demokracinë dhe lirinë e shprehjes.

Grupet radikale të krahut të majtë në gjithë vendin, veçanërisht Unidos Podemos, partneri i vogël i qeverisë së koalicionit të majtë, kërkojnë që Hasel të falet dhe të lirohet.

Kryediplomati gjerman: Kosova është kusht për hyrjen e Serbisë në BE

Ministri i Jashtëm i Gjermanisë, Heiko Mass ka thënë se zgjidhja e problemit mes Kosovës dhe Serbisë është një nga kushtet kryesore për këtë të fundit që të bëhet anëtare e Bashkimit Evropian.

“Rregullimi i marrëdhnieve të pazgjidhura mes Beogradit dhe Prishtinës është një nga kushtet për anëtarësimin e Serbisë në Bashkimin Evropian. Afatet ose disa dinamika të paracaktuara për anëtarësim në Bashkim nuk ekzistojnë, por do të ishte mirë nëse negociatat me Serbinë janë më dinamike. Fakti që Qeveria e Serbisë ka njohur domosdoshmërinë e reformave është një fakt që na bën të lumtur. Kur bëhet fjalë për zbutjen e pasojave të pandemisë së koronavirusit, BE do të jetë një partner me vendet e Ballkanit Perëndimor dhe do t’i sigurojë rajonit një ndihmë prej rreth 12 miliardë euro”, ka thënë kryediplomati gjerman në një intervistë për mediumin serb Kurir, transmeton Gazeta Express.

I pyetur se çfarë zgjidhje për Kosovën është e pranueshme nga Gjermania, status-quo, konflikt i ngrirë, ndarje e Kosovës apo njohja e pavarësisë së Kosovës nga Beogradi, ministri i Jashtëm gjerman, Heiko Mass ka thënë se një marrëveshje gjithëpërfshirëse mes dy shteteve është një nga kushtet kryesore për Serbinë që të futet në BE.

“Marrëdhëniet e pazgjidhura midis Serbisë dhe Kosovës kushtojnë shumë, për të dy palët. Një situatë e tillë, mbi të gjitha, ngadalëson zhvillimin ekonomik të të dy vendeve dhe kështu përfaqëson një frenim për të gjithë rajonin. Për të mirën e njerëzve, do të ishte jashtëzakonisht e rëndësishme të arrijmë një zgjidhje së bashku. Kjo përfshin vënien në dukje të avantazheve për njerëzit, në mënyrë që të inkurajojë guximin kolektiv për të pranuar sfidën e pajtimit të ndërsjellë. Rregullimi i këtyre marrëdhënieve të pazgjidhura, në fund të fundit, është një nga kushtet kryesore për anëtarësimin e Serbisë në Bashkimin Evropian, i cili do të bëhej kështu shumë më afër për Serbinë. Ne mbështesim fuqimisht dialogun e ndërmjetësuar nga BE me të Dërguarin Special Miroslav Lajçak. Për fat të mirë, heshtja që ka mbizotëruar në komunikimin midis Serbisë dhe Kosovës që nga vera e kaluar është kapërcyer. Kjo tani hap një mundësi të mirë për t’u përdorur për të gjetur një zgjidhje në formën e një marrëveshjeje gjithëpërfshirëse. Një marrëveshje e tillë do të mundësonte anëtarësimin në BE në të ardhmen, por më e rëndësishmja – do të ishte me rëndësi të madhe për të ardhmen e njerëzve në Serbi dhe Kosovë”, ka thënë Mass.

Tre operacione në një jave, Antimafia sekuestron 260 milionë euro kokainë Nga Alba Kepi

Një mega sekuestrim kokaine, për llogari të mafias kalabreze Ndrangheta, është kryer në rajonin e Kalabrisë në Itali.

Autoritetet e Antimafias, Antidrogës e të Financës italiane kanë sekuestruar në portin Gioia Tauro të Reggio Calabrias, 1300 kg kokainë e cilësisë mjaft të pastër me vlerë tregu 260 milionë euro.

Sekuestrimi i drogës është bërë në tre operacione të ndara brenda një jave.

Kokaina ka mbërritur në portin kalabrez në 3 kontenjer që transportonin kafe, mish dhe fruta ekzotike.

Dy kontenierë vinin nga Brazili ndërsa i treti nga Ekuadori.

Sipas Autoriteteve policore italiane, kokaina trafikohej për llogari të mafias kalabreze Ndrangheta e ishte e një cilësie mjaft të pastër, e që do të sillte në treg një përfitim prej 260 milionë euro, raporton Ora News.

“Mënyrat e fshehejes së drogë në kontajerat që mbërrijnë nga Amerika e Jugut shfaqen çdo herë në evolucion“, informon antidroga italiane , gjë që bën që ekspertët e tyre të përdorin metoda hetimi gjithnjë e më të sofistikuara./Ora News

Lajçak nuk pret marrëveshje të shpejtë mes Kosovës dhe Serbisë

I dërguari i posaçëm i Bashkimit Evropian për dialogun mes Kosovës dhe Serbisë, Miroslav Lajçak, u ka thënë përfaqësuesve të vendeve anëtare të bllokut, se nuk pret ndonjë marrëveshje të shpejtë për normalizimin e raporteve mes Prishtinës dhe Beogradit. Ai po ashtu u ka thënë shteteve anëtare se nuk do të organizojë ndonjë raund të ri të bisedimeve, derisa në Kosovë të mos formohen institucionet e reja, që pritet të dalin pas zgjedhjeve të 14 shkurtit.

Lajçak ka folur para ambasadorëve në Komitetin për politikë dhe siguri, ku ka prezantuar punën e tij të deritashme, kur po afrohet fundi i mandatit të tij njëvjeçar. Ky mandat skadon në fund të muajt të ardhshëm dhe sipas burimeve diplomatike, ai pret që Këshilli i BE-së t’ia vazhdojë mandatin.

Sipas burimeve, që janë në dijeni të diskutimeve në komitetin përkatës, Lajçak ka thënë se nuk mund të flasë më për afatet kohore se kur mund të pritet ndonjë marrëveshje mes Kosovës dhe Serbisë. Këtë, ai e ka arsyetuar me situatën politike në Kosovë dhe nevojën që të pritet formimi i institucioneve të reja. Lajçak, sipas këtyre burimeve, ka thënë se duhet pritur po ashtu që edhe Prishtina e Beogradi t’u tregojnë qytetarëve të vetë se çfarë kompromisesh janë të nevojshëm për një marrëveshje eventuale.

Paraqitja e Lajçakut para përfaqësuesve të 27 vendeve anëtare duket krejt e ndryshme nga ajo që ai thoshte në vit më parë, në fillim të mandatit. Në atë kohë ai thoshte se nuk ka kohë për të humbur dhe se do të punojë për arritjen e një marrëveshjeje sa më shpejtë që të jetë e mundur.

“Është çështje muajsh e jo vitesh”, thoshin atëbotë nga Bashkimi Evropian.

Çka mendojnë në Kosovë dhe Serbi për dialogun?

Lajçak ka folur edhe për nevojën e bashkëpunimit mes BE-së dhe Shteteve të Bashkuara të Amerikës dhe ka konfirmuar se pret mbështetje për punën e tij nga administrata e re amerikane e presidentit, Joe Biden.

Në këtë diskutim thuhet se shumë përfaqësues të vendeve anëtare të bllokut evropian, e kanë konsideruar si lehtësim të madh faktin se tash do të ketë një mbështetje amerikane për dialog. Madje disa burime thonë se Lajçak ka përmendur edhe termin “sabotim”, duke thënë se “tash nuk pret më sabotime nga Uashingtoni”, duke iu referuar aktiviteteve të ish-ambasadorit Richard Grenell, i cili ishte emëruar si i dërguar i posaçëm i ish-presidentit, Donald Trump për dialogun Kosovë-Serbi.

Kështu, viti i parë i mandatit të Miroslav Lajçakut dhe ekipit të tij ka mjaftuar vetëm për ta quajtur si sukses të madh faktin se dialogu ka rifilluar.

Që nga muaji shtator i vitit 2020, nuk ka pasur më takime të nivelit të lartë, në kuadër të dialogut. Edhe pasi ai kishte rifilluar në korrikun e kaluar, palët kanë pasur qëndrime të kundërta për shumë pika, sidomos rreth krijimit të Asociacionit të komunave me shumicë serbe. Kosova ka refuzuar që të bisedohet për këtë temë, ndërkaq Serbia ka insistuar që Asociacioni të formohet, pasi ka argumentuar se ky është obligim që del nga Marrëveshja e Brukselit.

Bashkimi Evropian vazhdimisht i ka bërë thirrje Kosovës që ta zbatojë Marrëveshjen për Asociacionin, duke rikujtuar se Kosova “ka marrë obligim për këtë edhe përmes miratimit të sajë në Kuvendin e Kosovës”.

I dërguari i posaçëm i BE-së, Miroslav Lajçak ka thënë në këtë takim, sipas burimeve diplomatike evropiane, se ai nuk do të rifillojë nga zeroja, por do të vazhdojë aty ku kanë mbetur me dialogun dhe kjo do të ndodhë pasi të krijohen institucionet e reja në Kosovë.

Sa i përket bashkëpunimit me Shtetet e Bashkuara të Amerikës, në BE i gëzohen këtij bashkëpunimi, por nuk janë në gjendje të thonë nëse edhe BE-ja e ndan qëndrimin se qëllimi i dialogut duhet të jetë njohja e ndërsjellë mes Kosovës dhe Serbisë, ashtu siç ka kërkuar presidenti amerikan, Joe Biden në një letër dërguar presidentit të Serbisë, Aleksandar Vuçiq.

E pyetur se çfarë marrëveshje pret që të arrihet mes Kosovës dhe Serbisë, BE-ja thotë se “pret marrëveshje për normalizim gjithëpërfshirës të raporteve, ligjërisht obliguese, në përputhje me të drejtën ndërkombëtare, standardet evropiane dhe të pranueshme për të gjitha vendet e Bashkimit Evropian”.

Nën ndërmjetësimin e BE-së, dialogu midis Kosovës dhe Serbisë ka nisur më 2011. Pas një pauze 20-mujore, dialogu rinisi në korrikun e vitit 2020.

Takimi i fundit i udhëheqësve të Kosovës dhe Serbisë u zhvillua në shtatorin e vitit të kaluar.

Deri në zgjedhjen e Qeverisë së re të Kosovës, Brukseli zyrtar ka paralajmëruar se nuk do të ketë takime në kuadër të dialogut.

Zgjedhjet e parakohshme parlamentare në Kosovë do të mbahen më 14 shkurt.

Estonia do të drejtohet për herë të parë nga një kryeministre

Dy partitë më të mëdha politike në Estoni, kanë arritur marrëveshje për të formuar qeverinë e re, e cila do të drejtohet nga një kryeministre grua për herë të parë në historinë e këtij shteti.

Këshilli i partisë së qendrës së djathtë, Partia e Reformës dhe këshilli i Partisë së Qendrës, kanë votuar të dielën në të mirë të bashkimit në një kabinet të udhëhequr nga Kaja Kallas, e cila drejton edhe Partinë e Reformës.

Të dyja partitë “do të formojnë qeverinë, e cila do të vazhdojë të përballet me krizën e pandemisë, do ta çojë përpara Estoninë dhe do të zhvillojë të gjitha zonat dhe rajonet e shtetit tonë”, kanë thënë këto parti përmes një deklarate.

Qeveria e re do të zëvendësojë kabinetin paraprak, i cili ka dështuar si pasojë e një skandali të korrupsionit më herët gjatë këtij muaji.

Kryeministri Juri Ratas, ka dhënë dorëheqje më 13 janar, për shkak të skandalit, mirëpo ka insistuar se ai personalisht nuk ka bërë asgjë të keqe.

Dorëheqje e tij ka rezultuar me shpërbërje të koalicionit qeveritar, andaj presidentja Kersti Kaljulaid i ka kërkuar lideres Kallas që të formojë qeverinë e re.

Kaljulaid është po ashtu presidentja e parë grua e këtij shteti.

Kaja Kallas, avokate dhe ish-ligjvënëse e Parlamentit Evropian, ka udhëhequr Partinë e Reformës prej vitit 2018.

Pjesë e kabinetit të saj do të jenë gra në pozita kyçe në Ministrinë e Drejtësisë dhe Ministrinë e Jashtme. rel

Armin Laschet zgjidhet në vend të zonjës Angela Merkel në krye të CDU-së

Partia e qendrës së djathtë të kancelares Angela Merkel, zgjodhi të shtunën zotin Armin Laschet, guvernatorin pragmatik të shtetit më të populluar të Gjermanisë, si udhëheqësin e saj të ri, duke dërguar një sinjal të vazhdimësisë disa muaj para zgjedhjeve, në të cilat votuesit do të vendosin se kush do të jetë kancelari i ri.

Armin Laschet, 59 vjeçar, kryeministër i shtetit perëndimor Rhine-Westphalia, doli fitues përballë zotit Friedrich Merz, duke siguruar 521 vota të 1 mijë e një delegatëve të partisë.

Në krye të CDU-së (Unioni Kristian-Demokrat), ai zëvendëson politikanen mbizotëruese të Evropës dhe një fituese të vazhdueshme të votës gjermane që nga marrja e detyrës në vitin 2005, e cila ka thënë se nuk do të kandidojë përsëri për kancelare.

“Dua të bëj gjithçka në mënyrë që të qëndrojmë të bashkuar gjatë këtij viti … dhe pastaj të sigurohemi që kancelari i ri në zgjedhjet federale të jetë nga unioni (CDU / CSU),” tha zoti Laschet në fjalimin e tij të fitores.

Votimi i së shtunës nuk është vendimtar se kush do të jetë kandidat i qendrës së djathtë për kancelar në zgjedhjet e Gjermanisë më 26 shtator, por zoti Laschet ose do të kandidojë, ose do të ketë fjalën e fundit se kush do të jetë kandidati.

Papa Françesku: Bota ka nevojë për unitet e vëllazërim, që ta kapërcejë krizën

Intervista e Papës në TG5, prek problemet e mëdha të kohës: nga pandemia, tek mbrojtja e jetës; nga njerëzit e pambrojtur e vlera e unitetit, tek politika e Kisha… Françesku ndalet tek temat e mëdha të aktualitetit në këtë fillimviti. E i fton të gjithë të vaksinohen e ta rizbulojnë vlerën e fesë, si dhuratë e Zotit.

R. SH. -Vatikan

“Ta ndjejmë veten më të bashkuar, më pranë njeriut që vuan, vëllezër, që të mund ta kapërcejmë krizën botërore shkaktuar nga pandemia”. Në fillim të intervistës dhënë TG5, Françesku ripohon se “nga kriza nuk mund të dalim kurrë si më parë, kurrë! Mund të dalim më të mirë, ose më të këqij”. Për Papën “duhet rishikuar gjithçka”. Vlerat e mëdha janë gjithnjë të pranishme në jetë, por këto vlera duhet të gjejnë shprehjen e vet në jetën e këtij çasti”. Numëron, më pas, një sërë situatash dramatike, duke nisur nga fëmijët që vuajnë nga uria e nuk mund të shkojnë në shkollë, për të vijuar me luftërat, që trondisin shumë zona të planetit. “Statistikat e Kombeve të Bashkuara lidhur me këtë – nënvizon – janë të frikshme”. Kujton se po të dalim nga kriza “pa i shikuar mirë këto gjëra, dalja do të jetë një disfatë e re”. E do të jetë edhe më e keqe. T’i shikojmë – kujton – vetem këto dy probleme: fëmijët e luftërat.

Vaksinimi është aksion etik, jo opcion

Papa i përgjigjet, pastaj, pyetjes së gazetarit Fabio Marchese- lidhur me vaksinat. “Unë – pohon – besoj se etikisht të gjithë duhet ta bëjnë vaksinën. Nuk është opcion, është aksion etik. Sepse ti luan me shëndetin tënd, luan me jetën tënde, por luan edhe me jetën e të tjerëve”. Këtë mendim jep Papa për vaksinat, për të shpjeguar, më pas, se ditët e ardhshme në Vatikan do të nisë vaksinimi e edhe se është regjistruar për këtë. “Po, duhet bërë” – përsërit – “nëse mjekët e paraqesin si një gjë që mund të bëjë mirë e që nuk ka asnjë rrezik të veçantë, pse të mos e bëjmë. Vërehet një mohim vrasës lidhur me këtë, e unë nuk arrijë ta shpjegoj psenë”. Për Papën , kjo është kohë “kur duhet menduar për ne e kur duhet shlyer për një farë kohe fjala unë, që duhet vënë ndër kllapa. O do të shpëtojmë të gjithë “ne”, ose nuk do të shpëtoj as unë e askush! Mbi këtë argument Papa foli gjërë e gjatë, duke u ndaluar posaçërsisht tek reflektimi, që i pëlqen aq shumë: ai mbi vëllazërimin. “Kjo – vërejti – është sfida: të bëhem i afërt me tjetrin, i afërm me situatat, i afërt me probelemet, të bëhem i afërt me njerëzit”. Armike e afërsisë është “kultura e indiferencës”. Flitet – konstaton – “për një menefregizëm të drejtë ndaj problemeve, por menefregizmi nuk është asapak e asnjëherë i drejtë. Kultura e indiferencës është shkarrimtare, sepse më largon nga tjetri”

Është “koha e fjalës ne”, për ta kaluar krizën

“Indiferenca – vijon – vret, sepse largon. Ndërsa fjala kyçe, kur mendojmë për rrugëdaljet nga kriza, është “afërsi”. Nëse nuk ka unitet, afërsia – kujton qortueshëm Papa – “mund të kriojojë tensione shoqërore edhe brenda Shteteve”. Flet, kështu, për klasën drejtuese “në Kishë, ashtu si në jetën politike”. Në këtë çast krize – nxit – edhe e gjithë klasa drejtuese nuk ka të drejtë të thotë unë, duhet të thotë ne e të kërkojë unitetin përballë krizës. Në këtë çast – ripohon me forcë, “politikani, pastori, i krishteri, katoliku, edhe ipeshkvi e meshtari, që nuk ka aftësi të thotë “ne”, në vend të “unë”, nuk është në naltësinë e duhur të situatës”. E shton se “konfliktet në jetë janë të nevojshme, por në këtë kohë kaq të shqetë, duhet të shkojnë “me pushime” për t’i lëshuar rrugë unitetit “të vendit, të Kishës, të shoqërisë”.

Aborti, para se të jetë çështje fetare, është njerëzore

Françesku nënvizoi përsëri se kriza, pasojë e pandemisë, po e nxjerr edhe më në pah “kulturën e hedhurinës”, në dëm të njerëzve të ligshtë, qofshin të varfër, migrantë a pleq. E më pas u ndalua tek drama e abortit, që i flak fëmijët e padëshiruar. “Aborti – nënvizoi – është problem njerëzor, para se fetar, problem i etikës njerëzore, e pastaj edhe fetare. “Është problem, të cilin edhe ateisti duhet ta zgjidhë në ndërgjgjen e vet. A është e drejtë – pyeti Papa – ta shkatërrosh jetën njerëzore, për të zgjidhur një problem, çfarëdolloj problemi qoftë? A është e drejtë të paguash një vrasës për ta zgjidhur këtë problem?”.

Capitol Hill, të mësohet nga historia: kurrë dhunë!

Papa kujtoi edhe faktet dramatike të 6 janarit të kaluar në Capitol Hill. Pohoi se mbeti i habitur, duke pasur parasysh disiplinën e popullit të SHBA-ve dhe pjekurinë e demokracisë së tyre. Gjithsesi – vijoi – edhe në realitetet që kanë arritur kulmin e pjekurisë, ka gjithnjë diçka që nuk shkon, ka njerëz që marrin rrugën e cila të çon kundër bashkësisë, kundër demokracisë, kundër së mirës së përbashkët. Tani që shpërtheu revolta, vijoi, u bë e mundur të “shihet mirë” fenomeni e edhe mundësia për zgjidhjen e tij. Françesku e dënon dhunën: “Duhet të reflektojmë e ta kuptojmë mirë e, për të mos u përsëritur, ta nxëmë mirë edhe mësimin e historisë”. Këto grupe të parregullta, që nuk e kanë gjetur ende vendin e tyre në gjirin e shoqërisë, heret a vonë do t’i krijojnë këto situata dhune” – pohoi.

Feja, dhuratë për t’u kërkuar nga Zoti

Papa kujtoi, në fund, se edhe ai po i jeton personalisht shtrëngimet e shkaktuara nga pandemia. Pohoi se e ndjen veten “si në kafaz”, kujtoi shtegtimet e anuluara për të shmangur grumbullimin e turmave, shprehu besimin se do ta vizitojë Irakun. Në këto kushte pohoi se i kushton më shumë kohë lutjes dhe bisedave telefonike, për të kujtuar, më pas, sa të rëndësishme ishin për të disa çaste, si Statio Orbis, në Shën Pjetër, më 27 marsin e kaluar, parë si “shprehje e dashurisë për gjithë njerëzit”, që të bën “të shikosh rrugë të reja për të ndihmuar njëri-tjetrin”. Reflektoi, kështu, për besimin në Zotin që – kujtoi – është mbi të gjitha, dhuratë. Për mua – nënvizoi – feja është dhuratë. “As ti, as unë e asnjëri nuk mund ta ketë fenë me forcat e veta: është dhuratë, që na e fal vetë Zoti” e që nuk mund të shitet as të blihet. E, duke kujtuar një fragment nga Libri i Ligjit të Përtërirë, Papa i nxiti të gjithë të kërkojnë “afërsinë e Zotit”. Kjo afërsi në fe, është dhuratë, të cilën duhet ta kërkojmë!

Intervista përfundon me urimin që në vitin 2021 “të mos ketë hedhurina, të mos ketë as sjellje egoiste e uniteti të ketë epërsi mbi konfliktet”./RSH Vatikan

E djathta ekstreme në Evropën Lindore dhe Ballkan përkrah dhunën në SHBA

Vëzhguesit në mbarë botën u shokuan kur panë protestuesit e dhunshëm teksa sulmuan ndërtesën e Kongresit amerikan, në një përpjekje të dëshpëruar dhe të dhunshme për të përmbysur rezultatin e zgjedhjeve legjitime presidenciale, me qëllim që t’i japin edhe një mandat të dytë presidentit aktual, Donald Trump.

Por komentuesit nga e djathta ekstreme e spektrit politik në Evropën Lindore dhe në Ballkan, në shumë raste, u inkurajuan nga ajo që panë. Shumë nga ta ndanë kohën nga festimet për Krishtlindjen Ortodokse më 7 janar, për të treguar solidaritetin e tyre me protestuesit në SHBA, shumë prej të cilëve gjatë protestës valëvitën flamurin e Konfederatës amerikane, një simbol racist.

Një protestues mban flamurin e Konfederatës, pasi ka hyrë në Kongresin amerikan. Uashington, 6 janar, 2021.

Andreas Umland, që shkruan ekskluzivisht mbi ekstremizmin politik në mbarë botën, shkroi në Facebook, se Trump nuk është i ndikuar ideologjikisht siç janë figurat djathtiste në mbarë botën.

“Termat e tillë si ‘fashist’ nuk tingëllojnë aq mirë për të, pasi terma të tillë kanë në vete një shkallë minimale të informacionit ideologjik, i cili, Trumpit thjesht i mungon”, tha ai.

“Megjithatë, ai pëlqehet nga e djathta ekstreme – jo vetëm në SHBA, por në mbarë botën”, shkroi Umland.

Anton Shekhovtsov, ligjërues në Universitetin e Vjenës, që është ekspert në neo-nazizëm dhe lëvizje të tjera ekstremiste në Rusi dhe gjetkë, pajtohet me këtë, duke thënë se Trumpi bën pjesë në mesin e “populizmave bashkëkohorë të djathtë në Evropë” që “bazohen në kombinimin e një nativizmi, autoritarizmi dhe populizmi”.

“Jo vetëm që ata operojnë brenda kornizave të demokracisë”, shkroi ai në një ese për ueb-faqen Eurozine, por “ata gjithashtu pretendojnë se janë demokratë më të mirë – një ide anti-establishment që rezonon te shumë votues të pakënaqur”.

Një numër i madh i figurave të së djathtës ekstreme në Evropën Lindore dhe në Ballkan, gjetën mbështetje për pikëpamjet e tyre gjatë ngjarjeve të dhunshme që u panë në Shtetet e Bashkuara.

Në Ukrainë, Serhiy Korotkikh, lider i Lëvizjes Azov e së djathtës ekstreme, që nga Departamenti Amerikan i Shtetit është cilësuar si “grup nacionalist i urrejtjes”, ka mirëpritur trazirat në SHBA, duke përdorur terma racist.

“Të bardhët më në fund vendosën të veprojnë dhe të marrin nën kontroll ndërtesën e Kongresit”, shkroi ai në rrjetin Telegram.

“Kjo është gjë e mirë edhe pse kësaj here mund të mos çojë askund. Por, mendoj se na jep neve një shans. Të bardhët janë ende këtu dhe ne e dimë çfarë të bëjmë”, tha ai.

Gjithashtu në Ukrainë, Andriy Portnov, ish-ligjvënës dhe zëvendësshef i stafit i presidentit pro-rus, Viktor Yanukovych – që u largua nga pushteti përmes protestave më 2014 – shkroi në telegram se “kryengritja” në Uashington “ishte turpi i një banana republike”.

“Çdo glorifikim i mëtejmë i gusht-shtetit tonë lokal duket edhe më qesharak dhe më margjinal (se më parë)”, shkroi ai.

Në Bjellorusi –ku po mbahen protesta që prej zgjedhjeve presidenciale të gushtit të vitit të kaluar, ku Alyaksandr Lukashenka pretendon se ka fituar mandatin e gjashtë – një kanal pro Lukashenkës në rrjetin Telegram, tentoi të paraqiste një standard të dyfishtë ndërmjet protestave bjelloruse dhe trazirave në Uashington.

“Le t’i emërojmë gjërat ashtu siç e kanë emrin. Nuk ishte kryengritje, por ‘një protestë paqësore, e mbrojtur nga amendamenti i dytë i Kushtetutës”, u shkrua në këtë kanal, duke iu referuar amendamentit të Kushtetutës amerikane, ku garantohet e drejta për të mbajtur armë.

“Ata nuk ishin protestues të dhunshëm, por ‘luftëtarë të vlerave demokratike’. Nuk kishte masakër në Kongres, por ‘një ekskursion arsimor me elemente interaktive’”.

Esenca e shumë postimeve të këtij kanali ishte mbi temën se Bjellorusia është më mirë nën dorën e hekurt, me të cilën autoritari Lukashenka ka udhëhequr me vendin që prej vitit 1994, sesa që të ndjekë shembullin e demokracive liberale të Perëndimit.

Kreu i Lëvizjes për ndryshim në Mal të Zi, Nebojsha Medojviq, i cili është pro-serb dhe pro-rus – po ashtu një entuziast i madh i Trumpit dhe i teorive konspirative që e përshkruajnë COVID-19 si një mashtrim nga ‘satanistët botërorë’ – në postime në Twitter e ka përshkruar Trumpin si “presidentin e parë amerikan, që prej Kennedyt, që ka kundërshtuar anarkinë dhe nga personat që sundojnë nga prapaskenat”.

“Ata duhej që të organizonin një vjedhje të madhe zgjedhore dhe të shkatërronin demokracinë në mënyrë që ta ndalonin atë”, shkroi Medojeviq, duke përkrahur pretendimet për mashtrime në zgjedhjet presidenciale amerikane të nëntorit të vitit të kaluar.

Ngjarjet në Uashington rezonancën më të fortë e gjetën në figurat e së djathtës dhe nacionalistët në Serbi. Nikola Sanduloviq, kreu i Partisë Nacionaliste Republikane, postoi në Twitter një fotografi të një mbështetësi të Trumpit, që përdhoste statujën e ish-presidentit amerikan, Gerald Ford, që gjendet brenda Kongresit, dhe me shkronja të mëdha shkroi: “Era e lirisë, drejtësisë dhe së vërtetës”.

Ai, po ashtu, postoi një dokument të ish-avokates së fushatës së Trumpit, Sindey Powell, dhe pretendonte se ajo përmbante dëshmi për ndërhyrjen e SHBA-së në zgjedhjet serbe përmes kompanisë që ofron shërbime për zgjedhje, Dominion. Këto pretendime të Powell se kompania Dominion ka qenë e përfshirë në mashtrime zgjedhore, janë diskredituar.

Një llogari e nacionalistëve serbë në Twitter, e quajtur “Slobodni Boem” ka shkruar: “Nuk ka rëndësi nëse Amerika bie tani apo pas 100 a 500 vjetësh. Serbia do të jetë këtu për ta parë këtë gjë”.

Njësoj edhe llogaria në Twitter, e quajtur “Srbski Info Shtab” ka mbështetur dhunën në Uashington dhe ka thënë se ka demonstruar se “diktatorët botërorë” duhet të ndryshojnë menjëherë gjërat në Amerikë “duke instaluar një sistem diktatorial”.

“Por, kjo gjithashtu do të thotë se ka rezistencë”, thuhet tutje në postim. “Një lëvizje të rezistencës”.

Nacionalisti serb, Dejan Beriq, që ka luftuar përkrah mercenarëve rusë në lindje të Ukrainës, ka postuar një video në YouTube, duke i bërë thirrje zyrtarëve të rendit në SHBA, që të mos përdorin dhunë ndaj “protestuesve paqësorë” ose të mos “shkelin të drejtën e tyre për të shprehur pakënaqësitë ndaj qeverisë”.

Ai, po ashtu, përdori sarkazëm duke thënë se refuzon që ta njohë presidentin e zgjedhur amerikan, Joe Biden, dhe bëri thirrje që të vendosen sanksione ndaj personave që e njohin Bidenin si president të zgjedhur të SHBA-së.

Përgatiti: Mimoza Sadiku

Merkel: E zemëruar dhe e trishtuar me ngjarjet në Kongresin amerikan

Kancelarja gjermane Angela Merkel tha se ishte e “zemëruar dhe e trishtuar” nga protestat e dhunshme në Kongresin amerikan.

“Rregull thelbësor në demokraci është që, pas zgjedhjeve, ka fitues dhe humbës. Që të dyja palët duhet të luajnë rolin e tyre me mirësjellje dhe përgjegjësi, në mënyrë që demokracia të fitojë. Presidenti (aktual amerikan, Donald) Trump fatkeqësisht nuk ka pranuar humbjen që prej zgjedhjeve të nëntorit, e as dje (më 6 janar) nuk e bëri një gjë të tillë”, tha Merkel para ligjvënësve gjermanë.

Kancelarja Merkel, megjithatë tha se inaugurimi i Joe Biden, si president i SHBA-së më 20 janar, do të hapë “një kapitull të ri” në demokracinë amerikane.

“Është tragjike humbja e jetës së njerëzve gjatë ngjarjeve të kësaj nate. Por, për mua ka shpresë sepse Kongresi e vazhdoi punën. Kongresi konfirmoi fitoren në zgjedhje të Joe Bidenit dhe Kamala Harrisit. Shtetet e Bashkuara do të hapin një kapitull të ri në demokracinë e tyre për më pak se dy javë”, tha kancelarja gjermane.

Më 6 janar, teksa nisi punimet Kongresi amerikan, protestues të dhunshëm, mbështetës të Trumpit, hynë në ambientet e Kongresit. Autoritetet thanë se gjatë protestave të dhunshme kanë vdekur katër persona.

Pasi nga Kongresi u larguan protestuesit, ligjvënësit certifikuan fitoren e Joe Bidenit në zgjedhjet e 3 nëntorit të vitit 2020. rel

Politikani italian vritet nga i biri, dhunohet barbarisht me gurë pas konfliktit për biznesin familjar

Një ngjarje e rëndë ka ndodhur dje në Itali.

Është gjetur i vrarë një politikan në zonën e Bergamos.

Politikani Franco Colleoni, 68 vjeç u gjet i vrarë përballë shtëpisë së tij dhe restorantit që kishte në pronësi.

Ngjarja ka ndodhur pas një konflikti me të birin Francesco, 34 vjeç, me të cilin kishte konflikte të shpeshta për shkak të restorantit në pronësi të familjes së tyre.

Një nga fëmijët e viktimës, Francesco 34 vjeç, pas një sherri me Franco Colleonin për rihapjen e restorantit të tyre “Il Carroccio” degjeneroi në përdorimin e dhunës barbare nga 34-vjeçari, i cili në fund i gjuajti të atit disa herë në një gur në kokë.

Sipas mediave italiane motivi i ngjarjes janë marrëdhëniet e këqija familjare dhe në ato që lidhen me menaxhimin e restorantit familjar.

Gjatë natës, i arrestuari pranoi konfliktet me babanë e tij, por shprehej se nuk mbante mend asgjë për ngjarjen.

Franco Colleoni, 68 vjeç u gjet i vrarë përballë shtëpisë së tij dhe restorantit që kishte në pronësi. 68-vjeçari ishte sekretar i “Lega Nord” në Bergamo për 5 vite.

Papa Françesku mban lutjet ‘Urbi et Orbi’ për Krishtlindje: Përballë sfidës pa kufij mos ngremë mure

Papa Françesku ka mbajtur lutjet ‘Urbi et Orbi’ në Vatikan në ditën e Krishtlindjes. Papa ka bërë thirrje për ndërgjegjësim nga bashkësia ndërkombëtare që të garantojnë shpërnadrjen e vaksinës si shpëtim për të gjithë.

Ai deklaroi se përballë pandemisë që nuk ka kufij, qeveritë e vendeve duhet të punojnë që të ketë një bashkëpunim ndërkombëtar për vaksinën që të gjithë ta kenë atë.

Papa vazhdimisht ka kritikuar ashpër nacionalizmin për vaksinën.

“U bëftë që biri i Zotit të ripërtërijë në drejtuesit politikë dhe qeveritarë një frymë bashkëpunimi ndërkombëtar, duke filluar me kujdesin shëndetësor, në mënyrë që të gjithë të sigurohen aksesi në vaksina dhe trajtim. Përballë një sfide që nuk njeh kufij, ne nuk mund të ngremë mure. Të gjithë jemi në të njëjtën varkë, ”-tha Papa.

Gazetari spanjoll: Mafia shqiptare po mbjell malet tona me kanabis

Ferran Barber, gazetar spanjoll, në një lidhje me Skype në Syri Tv, tha se mafia shqiptare po i mbjell malet e Spanjës me kanabis.

“Mafia e madhe shqiptare ka gjetur mënyrën se si të kultivojë sasi të mëdha kanabisi në thellësi të territoreve të zbrazëta në Pirenej. E kam fjalën për malet që janë përpara vargmalit që ndan Spanjën nga Franca. Të gjitha këto parcela gjenden në këto vargmale”.

“Bëhet fjalë për plantacione shumë të mëdha. Ato ruhen nga shqiptarë, rumunë, libanezë, etj. Ka edhe plantacione në ambiente të brendshme”.

“Këtu bëhet fjalë për një fenomen të ri. Hetuesit janë të qartë se ka një model të përsëritur që konsolidon idenë se mafia shqiptare po shfrytëzon këto male për të zgjeruar biznesin e tyre.

Keni dëgjuar për Frankon, për diktatorin tonë. Ai ishte Enver Hoxha ynë. Ai pëlqente të ndërtonte diga. Ai vetëm vendoste gishtin në hartë dhe thoshte do ndërtohet këtu. Kjo do të thotë se ka disa zona të egra në veri të vendit, ku nuk banon askush, por është interesante se këto sipërfaqe në mal kanë të njëjtin mot dhe karakteristika mesdhetare si Shqipëria. Pra mafias nuk i duhet të marrë një farë të veçantë. Merr atë që është në Shqipëri. As nuk i duhet të zhvendosë biznesin në Europën Perëndimore sepse Spanja është në Europën Perëndimore.

Forcat spanjolle kanë gjetur plantacione të mëdha me mijëra bimë të fshehura në këto zona. Kjo është një deja-vu e asaj që po ndodhte në Shqipëri,” u shpreh ai.

Aktiviteti i tyre ka nisur në vitet ’90. Fillimisht ata janë marrë me grabitje dhe me trafikim të qenieve njerëzore. Ndërsa tashmë, gjithçka ka avancuar. Shqiptarët dhe rumunët kanë rol të rëndëishëm në trafikun e drogës në Spanjë. Një pjesë të biznesit të tyre, ata e kanë transferuar në Pirenej. Ka pasur sasi të vogla nga banorët e zonës, ndërsa tani bëhet fjalë për një biznes më të madh e më të rrezikshëm. Janë plantacione të mëdha, shumë shqiptarë janë vënë në pranga.

Diçka e tillë nuk është vënë re kurrë më parë. Një gazetar shqiptar më ka thënë se këtu po bëjnë pikërisht atë që po bëjnë më parë edhe në Itali. Ka vende në Spanjë që janë të virgjëra dhe të pabanueshme nga vendasit dhe për këtë arsye, ata e kanë të lëhtë të shkojnë drejt tyre dhe ta pushtojnë atë vend. Rojet e tyre zakonisht mbajnë thika edhe armë zjarri ndonjëherë. Para gjashtë mujash madje kanë qëlluar edhe ndaj policisë vendase. Por ata nuk ruhen vetëm nga autoritetet por edhe nga hajdutët.

Ata ndërtojnë magazina dhe mund të jetojnë në kampe prej muajsh, pa dalë prej aty që të mos ekspozohen. Në operacione të ndryshme që zhvilluara nga policia gjithçka është filmuar dhe aty është vënë re edhe përfshirja e mafias shqiptare. Shqiptarët nuk kanë nevojë as për bashkëpunimin e vendasve. Janë vende që nuk i njohin as spanjollët. Nuk i imagjinoni dot se si i gjejnë dhe se si i kamuflojnë parcelat me kanabis,”- tha Barber.

Kryeministri spanjoll në karantinë pasi Macron rezultoi pozitiv ndaj COVID-19

Madrid

Kryeministri i Spanjës, Pedro Sanchez është në karantinë për shkak të kontaktit të tij kohët e fundit me presidentin e Francës, Emmanuel Macron, i cili sot rezultoi pozitiv me koronavirus, transmeton Anadolu Agency (AA).

Sanchez dhe Macron darkuan së bashku në Pallatin Elysee të hënën, së bashku me presidentin e Këshillit Evropian, Charles Michel dhe Sekretarin e Përgjithshëm të Organizatës për Bashkëpunim Ekonomik dhe Zhvillim (OCDE), Angel Gurria.

Dreka private ishte në festimin e 60-vjetorit të OCDE-së.

Mediat spanjolle njoftuan se sapo u njoftua rezultati pozitiv i Macronit, Sanchez i tha mbretit se ai nuk do të merrte pjesë në ndonjë ngjarje zyrtare dhe se do të hyjë në vetëkarantinë për një javë.

Sanchez ishte vendosur të merrte pjesë në një ngjarje me Mbretin Felipe VI në mesditën e sotme por nuk do të paraqitet aty.

Kryeministri duket të jetë pa simptoma për momentin dhe do të bëjë një test PCR, sipas protokollit shëndetësor spanjoll.

Kjo nuk është hera e parë që Sanchez vjen në kontakt të ngushtë me virusin.

Në mes të marsit, gruaja e tij dhe ministra të ndryshëm të kabinetit dolën pozitivë me koronavirusin, por kryeministri spanjoll nuk hyri në karantinë të rreptë dhe mori pjesë në një seri takimesh.

Në atë kohë, krye-epidemiologu spanjoll, Fernando Simon arsyetoi veprimet e Sanchezit, duke thënë se ka “përjashtime” nga karantinat në situata të caktuara.

Sulmi në zyrat e revistës Charlie Hebdo në Paris, 14 persona shpallen fajtorë

Një gjykatë në Paris ka shpallur fajtorë 14 persona për bashkëpunim në një seri të sulmeve vdekjeprurëse islamiste. Në janar të vitit 2015, si pasojë e sulmeve në zyrat e revistës, Charlie Hebdo dhe një dyqani hebre, kanë lënë të vdekur 17 persona. Njëmbëdhjetë të pandehurit janë paraqitur para gjykatës për të marrë vendimin të mërkurën, derisa tre janë në arrati.

Një prej të pandehurve që nuk ka qenë në gjykatë është Hayat Boumeddiene, partneri i Amedy Coulibaly, i cili është vrarë gjatë sulmit në dyqanin hebre. Boumeddiene, i cili ka ikur në Siri një javë para sulmeve, është shpallur fajtor për financim të terrorizmit dhe anëtarësimit në një rrjet kriminal terrorist. I pandehuri kryesor në gjykatë ishte Ali Riza Polat, i cili është shpallur fajtor për bashkëpunim në krim.

Të gjithë 14 të dënuarit janë shpallur fajtorë për një mori akuzash, përfshirë pjesëmarrjen në rrjet kriminal, e deri në bashkëpunim për sulmet e janarit të vitit 2015. Akuzat për terrorizëm janë hedhur poshtë për gjashtë prej 11 të pandehurve në gjykatë, të cilët janë shpallur fajtorë për krime më të vogla.

Kjo seancë gjyqësore, që është shtyrë vazhdimisht për shkak të pandemisë së koronavirusit, është zhvilluar në një periudhë kur Franca po përballet me një seri të sulmeve islamiste, si dhe me rikthim të debatit për karikaturat që shpërfaqin Profetin Muhamed. Më 2020, mësuesit Samuel Paty i është prerë koka afër shkollës ku punonte, nga një çeçen, disa ditë pasi ai u kishte ligjëruar nxënësve të tij për rëndësinë e fjalës së lirë.

Kryeministri i Bavarisë Markus Söder (53, CSU): Në Gjermani po aplikohet një lloj triage – Bergamo është më afër se mendon njëri apo tjetri !

Voal. ch – A kërcënohet me shembje sistemi shëndetësor gjerman?

Pas takimit të Koronës, Kryeministri i Bavarisë Markus Söder (53, CSU) paralajmëroi urgjentisht për mbingarkesë dhe të ashtuquajturin triazh.

“Ka tashmë njëfarë triage në Gjermani,” tha Söder.

Kjo do të thotë: Pacientët kategorizohen sipas ashpërsisë së sëmundjes së tyre –

kushdo që ka shansin më të madh për të mbijetuar trajtohet,

të gjithë të tjerët jo.

Në Bergamo, Itali, kjo ishte pikërisht ajo që ndodhi në pranverë.

Söder dje: “Bergamo është më afër sesa mendon njëri ose tjetri”.bild.de/EB/

Gjermania e gjitha në Lockdown – Merkel: Jemi të detyruar të veprojmë – Çdo tre minuta vdes një njeri nga korona në Gjermani

Nga 16 dhjetori deri më 10 janar Gjermania kalon në një mbyllje të dytë, përjashtim të pjesshëm do të ketë vetëm për tri ditët e festave të Krishtlindjeve.

Nga 16 dhjetori e deri më 10 janar Gjermania do të mbyllet sërish: Jemi të detyruar të veprojmë” tha Kancelarja gjermane Angela Merkel në një konferencë shtypi të dielën, më 13 dhjetor, në Berlin. Mbyllja e lehtë që kemi filluar qysh në 2 nëntor ka arritur një sukses të pjesshëm. “Arritëm ta ndalnim për ca kohë rritjen eksponenciale”, tha kancelarja, “por prej disa ditësh kemi sërish një rritje eksponenciale.”

Çfarë mbyllet, çfarë qëndron e hapur?

Do të mbylljen dyqanet e tregtisë me pakicë, me përjashtim të dyqaneve për nevojat e përditshme. Restorantet mbeten të mbyllura dhe do të kenë të drejtë të shesin vetëm gjellë për t’u konsumuar në shtëpi. Po ashtu nuk do të lejohet konsumimi i alkoolit në vende publike. Gjithashtu mbyllen edhe floktoret, studiot e kozmetikës, tatuazhit, masazheve etj.

Shkollat, kopshtet, dhe institucionet e kujdesit ditor. Përjashtim do të ketë, sikurse në verë, vetëm për fëmijët, prindërit e të cilëve nuk kanë mundësi të kujdesen vetë për ta, sepse janë në punë ku nevojitet prania fizike. Mësimi shkollor për këtë periudhë, ose do të ndërpritet, ose do të kalohet në distancë. Këtë e vendos secili land më vete.

Kontaktet reduktohen

Kontaktet duhet të reduktohen në maksimum, kërkoi kancelarja. Deri tani lejohen vetëm tubime me pesë vete, me anëtarë nga maksimumi dy familje, mundësisht gjithmonë të njëjtat. Përjashtim do të ketë nga data 24 deri në 26 dhjetor. Përveç familjes mund të ftohen edhe katër të afërm të gradës së parë, plus fëmijë deri në 14 vjeç. Por jo të tjerë. “Nëse ftoni të tjerë mundësisht t’i reduktoni të gjitha kontaktet për një jave”, tha kancelarja.

Kancelarja gjermane u bëri thirrje punëdhënësve që ose t’i lejojnë punonjësit të punojnë nga shtëpia, ose t’u japin leje, në mënyrë që të reduktohen sa më shumë kontaktet.

Veç të tjerash kancelarja u kërkoi qytetarëve që mundësisht të mos udhëtojnë gjatë Krishtlindjeve. Meshat dhe shërbesat fetare do të mbeten të hapura. “Jemi duke biseduar me kishat për konceptet higjenike”, tha kancelarja. Për të reduktuar

kontaktet do të ndalohet përdorimi i fishekzjarrëve, dhe po ashtu edhe pirja e pijeve alkoolike në publik.

Që tani po përdoret sistemi triazhë

Kryeministri i Bavarisë, Markus Söder tha në drejtim të kundërshtarëve të masave të qeverisë se “korona është katastrofë”. Çdo tre minuta vdes një njeri nga korona në Gjermani, tha ai. Në Bavari, ku numri i incidencës shtatëditëshe është mbi 200 në çdo 100 mijë banorë në shtatë ditët e fundit, në disa vende po përdoret që tani sistemi triazhë. Pra, mjekët vendosin se kush do të intubohet e kush jo”, tha Soeder, Bergamo është shumë më afër se sa mendon ndokush, tha politikani kristiansocial.

Söder tha edhe se parashikon që kjo mbyllje nuk do të mbetet me kaq, por do të zgjasë edhe pas datës 16 janar. “Përvoja tregon se vala e dytë dhe e tretë e pandemisë është edhe më e fortë se e para”, tha politikani kristiansocial.
Ndihma për ekonominë

Ministri i Financave, Olaf Scholz, tha se qeveria sërish do t’u vijë në ndihmë bizneseve që do të kenë humbje për shkak të mbylljes. Ai tha se janë parashikuar ndihma ekonomike deri në 500 mijë euro për sipërmarrje. Korona do t’i kushtojë taksapaguesit gjerman 11 miliardë euro në muaj.

“Dhe kjo është në rregull, sepse kemi të bëjmë me gra dhe burra që kanë punuar gjithë jetën e tyre për të ngritur këto biznese dhe me shumë njerëz që janë të punësuar në to”, tha ministri socialdemokrat. Scholz tha më tej, se shifrat e larta tregojnë gjithashtu se sa seriozisht duhen marrë këto masa nga qytetarët. Në buxhetin vjetor të vitit të ardhshëm, i cili u miratua të premten në Bundestag, janë vënë në dispozicion 39,5 miliardë euro shtesë ndihma ekonomike për sipërmarrjet, plus 25 miliardë për masat për luftimin e pandemisë.

Vaksina vjen në janar

E pyetur se kur do të mbërrijë vaksina në Gjermani dhe sa e sigurt është, kancelarja gjermane, Angela Merkel, tha se pret që deri më 29 dhjetor Autoriteti Evropian për Licencimin e Barnave Farmaceutike, EMA, do të ketë marrë një vendim. “Pastaj vaksina do të shpërndahet menjëherë në të gjitha vendet e BE-së”, tha kancelarja.

Ajo tha se nuk duam të ushtrojmë presion politik ndaj Autoritetit, në mënyrë që të licencojë një vaksinë të sigurt. Merkel tha se ka besim te ky autoritet dhe se EMA merr në konsideratë edhe ekspertizat e autoriteteve kombëtare të vendeve anëtare, siç është instituti Paul Ehrlich në Gjermani.

Shifrat në rritje

Instituti Robert Koch (RKI) në Berlin lajmëroi se të dielën është rritur numri i infeksioneve të reja: 20.200 raste të reja dhe 321 vdekje të tjera u numëruan brenda 24 orëve. Në total, numri i infektimeve ka shkuar në mbi 1,3 milionë, dhe deri tani korona u ka marrë jetën 21. 787 vetëve.

Sipas RKI-së, e ashtuquajtura incidencë shtatë ditore është rritur deri në 169,1. Incidenca tregon se sa infektime të reja ka pasur në shtatë ditët e fundit në 100 000 banorë. Për RKI-në, situata është e menaxhueshme vetëm nëse numri infektimeve të reja është deri në 50 për 100 mijë banorë. Vetëm në këtë nivel mund të gjurmohet zinxhiri i infektimeve dhe të parandalohet përhapja.

Modestia e kancelares

Kancelarja Angela Merkel mbajti të mërkurën një fjalim emocional në parlamentin gjerman, ku kërkoi sërish mbyllje më të ashpër për të gjithë Gjermaninë. Më parë kërkesat e saj kishin dështuar prej kundërshtimit të kryeministrave të disa landeve federale, të cilat nuk i pranonin kufizimet. Vendimet e marra sot në Berlin u diktuan nga shifrat, dhe përkonin me kërkesat që bëri kancelarja të mërkurën në Bundestag.

Një gazetar donte të dinte, se a mendonte kancelarja që kishte pasur të drejtë? Përgjigja e 66-vjeçares vërtetoi edhe njëherë një nga vetitë e saj karakteristike, shmangien e lavdërimit per veten: “Nuk është sot koha për të parë se ç’ka qenë në të kaluarën”, tha ajo./DW

Helga Schmid emërohet Sekretare e Përgjithshme në OSBE

Vjenë

Katër drejtues të lartë u emëruan të premten në Organizatën për Siguri dhe Bashkëpunim në Evropë (OSBE), duke përfshirë Sekretaren e re të Përgjithshme Helga Schmid, raporton Anadolu Agency (AA).

Schmid, Sekretarja e Përgjithshme gjermane e Shërbimit Evropian të Veprimit të Jashtëm, krahu diplomatik i BE-së, është e njohur për aftësitë e saj diplomatike, veçanërisht nënshkrimin e marrëveshjes bërthamore me Iranin në vitin 2015.

Gjithashtu, Sekretarja e Shtetit e Portugalisë për Punët e Jashtme Maria Teresa Ribeiro u emërua si përfaqësuese për lirinë e medias.

Ish-ministri i Jashtëm i Kazakistanit Kairat Abdrakhmanov u emërua komisioner i lartë për pakicat kombëtare dhe politikani italian Matteo Mecaci tani është drejtori i zyrës për institucionet demokratike dhe të drejtat e njeriut.

Zyrtarët e lartë u emëruan unanimisht nga 57 shtete anëtare gjatë takimit të 27-të të Këshillit Ministror të OSBE-së në Tiranë të Shqipërisë.

Kryeministri shqiptar dhe kryesuesi i OSBE-së Edi Rama tha se ishte shumë e rëndësishme që vendet të merrnin angazhime të reja në drejtim të parandalimit të torturave si dhe për të forcuar luftën kundër krimit të organizuar dhe korrupsionit. Ai e përshkroi mbledhjen si takimin më të frytshëm në vitet e fundit.

Rama vuri në dukje se grupi është i gatshëm të sigurojë mbështetje për Suedinë e cila do të marrë presidencën e OSBE-së më 1 janar.

Shkrimtari italo-shqiptar Eltjon Bida me romanin e tij midis 20 finalistëve për Çmimin Ndërkombëtar Distojevski

voal.ch – Shkrimtari italo-shqiptar Eltjon Bida është i lumtur dhe këtë gjendje emocionale e lajmëron edhe në rrjetin social sepse libri i tij i shkruar në italisht ! “C’era una volta un clandestino” – “Ishte një herë një klandestin” është rendidur në 20 librat më të mirë finalistë për Çmimin Ndërkombëtar Distojevski – Premio Internazionale Dostoevskij. Romani i tij është edhe fitues i dy çmimeve të tjerë po prestigjiozë.

Romani tregon aventurën e një djali të vogël që largohet nga Shqipëria si klandestin dhe sot ai është pjesë e jetës letrare italiane. voal.ch i uron që të jetë fituesi dhe suksese të mëtutjeshme!

Nga viti 2022, Gjermania ndalon përdorimin e qeseve plastike

Berlin

Që nga janari i vitit 2022, Gjermania ka vendosur të ndalojë qeset plastike njëpërdorimëshe, transmeton Anadolu Agency (AA).

Sipas një ligji të miratuar në Bundestag, ndalimi përfshin qeset plastike me trashësi prej 15 deri në 50 mikrometra dhe qeset e holla plastike që gjenden në seksionet e frutave dhe perimeve.

Ministrja e Mjedisit, Svenja Schulze, deklaroi se në vend të qeseve plastike, shportat e pazarit dhe torbat e pëlhurës që mund të lahen janë alternativa të mira.

Fondi Botëror i Kafshëve të Egra (WWF) mbron pikëpamjen se ndalimi i qeseve plastike ka një kuptim simbolik. WWF kërkon që qeset plastike të përdorura gjatë bërjes pazar në Gjermani të zvogëlohen në të gjitha fushat, pasi përbëjnë një për qind të të gjithë përdorimit të plastikës në vend.

Pasi qeset plastike u bënë të pagueshme në vitin 2015 në Gjermani, përdorimi i qeseve u ul me 64 për qind.

Një person në vend përdor mesatarisht 24 qese plastike në vit. Plastika mund të tretet për 400 vjet në ujë dhe 800 vjet në tokë.

Hagë: Mandati i Gjykatës së Posaçme për Kosovën – deri në njoftimin e Këshillit të BE-së

Dhoma e Specializuar e Gjykatës Kushtetuese në Hagë, tha të enjten se mandati i Gjykatës së Posaçme të Kosovës do të zgjasë deri në një njoftim të Këshillit të Bashkimit Evropian.

Vendimi i saj pasoi kërkesën e ish presidentit të Kosovës, Hashim Thaçi, të bërë më 24 gusht që parlamenti i Kosovës të amendamentojë nenin 162 të Kushtetutës në bazë të të cilit është themeluar Gjykata e Posaçme, në gusht të vitit 2015, e cila trajton pretendimet për krime të luftës dhe të pasluftës në Kosovë.

Në propozimin e presidentit Thaçi dërguar kryesisë së parlamentit kërkohej ndryshimi i pikës 13 të këtij neni të Kushtetutës në të cilin thuhet se mandati i gjykatës “do të zgjasë për një periudhë pesëvjeçare”. Ai kërkoi që të përcaktohet se mandati “do të zgjasë deri kur njoftimi i përfundimit të mandatit të bëhet nga Këshilli i Bashkimit Evropian, në konsultim me qeverinë e Republikës së Kosovës”.

Në komentet e ish presidentit Thaçi dërguar Dhomës së Specializuar të Gjykatës Kushtetuese, thuhej se “sipas formulimeve të paragrafëve 13 dhe 14 të Nenit 162 të Kushtetutës, në opinionin kosovar është shpërfaqur mendimi dhe përhapur bindja që mandati i Dhomave të Specializuara dhe Zyrës së Prokurorit të Specializuar do të zgjasë në një periudhë më së shumti pesëvjeçare (5) nga koha e aprovimit të amandamentimit të Kushtetutës së Republikës së Kosovës. Kjo ka ngjallur jo rrallëherë reagime të shumta tek akterë të ndryshëm”, thuhej në sqarimet e zyrës së ish presidentit Thaçi.

Kërkesa e zotit Thaçi ishte kundërshtuar nga Prokuroria e Posaçme e cila e cilësoi atë jo kushtetuese.

Propozimi i tij u dërgua në Gjykatën e Posaçme nga kryetarja e parlamentit Vjosa Osmani dhe më pas Dhoma e Posaçme e Gjykatës Kushtetuese në Hagë, e cila pasi shqyrtoi komentet e palëve, të enjten tha se “në pajtim me nenin 162 të Kushtetutës së Kosovës, pikat 13 dhe 14, mandati i Dhomave të Specializuara dhe i Zyrës së Prokurorit të Specializuar ka vazhduar dhe do të vazhdojë deri sa Këshilli i Bashkimit Evropian të njoftojë për përfundimin e mandatit të tyre”.

Gjykata e Posaçme për Kosovën e njohur me emrin Dhomat e Specializuara u themelua para pesë vjetësh, në vitin 2015 dhe vepron në bazë të ligjeve të Kosovës, por me personel ndërkombëtar. Ngritja e saj pasoi pretendimet për krime lufte kundër pjesëtarëve të ish Ushtrisë Çlirimtare të Kosovës që dolën në raportin e vitit 2011 të hartuar nga i dërguari i Këshillit të Evropës, Dick Martty, i cili ngriti dyshimet për përfshirjen e ish kryengritësve në vrasjen e civilëve serbë dhe kundërshtarëve politik shqiptarë.

Mbi 200 ish-pjesëtarë të Ushtrisë Çlirimtare të Kosovës janë marrë në pyetje që nga fillimi i vitit 2019 nga prokurorët e Dhomave të Specializuara ndërsa pese veta, në mesin e të cilëve edhe ish presidenti Thaçi ndodhen në Hagë nën akuzat për krime lufte dhe krime kundër njerëzimit.

Akuzat kanë nxitur shumë reagime në Kosovë ku organizatat e dala nga lufta pohojnë se Gjykata është një etnike dhe nuk trajton mizoritë e forcave serbe gjatë luftës së viteve 1998 – 1999.

zëri i amerikës

Sarkozy përballë akuzave për korrupsion

Ish-presidenti francez Nicolas Sarkozy u paraqit në gjyq të enjten për t’u përballur me akuza për korrupsion. Ai akuzohet se është përpjekur për të korruptuar një gjykatës me qëllim që të merrte informacion në lidhje me një hetim rreth fushatës së tij presidenciale të vitit 2007. Ish-kreu i shtetit këmbëngul se është i pafajshëm.

Është e pazakontë të shohësh një ish-president duke hyrë në sallën e gjyqit me avokatët e tij për t’u gjykuar. Kjo skenë po ndodh në Paris, ku Nicolas Sarkozy përballet me akuza për rryshfet dhe përdorim të influencës.

Jean-Claude Beaujour, avokat i shoqatës Francë-Amerikë, komentoi për Zërin e Amerikës.

“Është shumë e pazakontë që një ish-kryetar shteti në Francë të ndiqet penalisht për korrupsion,” tha Beaujour. “Ish-presidenti Sarkozy dyshohet se është përpjekur për të korruptuar një gjykatës të rangut të lartë në këmbim të informacionit mbi një çështje gjyqësore që lidhet me vetë Nicolas Sarkozy-në”.

Prokurorët thonë se Sarkozy i premtoi një punë të paguar mirë në Monako një gjykatësi, në këmbim të informacionit të brendshëm mbi një hetim rreth pretendimeve se ai pranoi pagesa të paligjshme nga trashëgimia e trashëgimtares së firmës L’Oreal, Liliane Bettencourt gjatë fushatës së tij presidenciale në vitin 2007.

Sarkozy vazhdimisht i ka mohuar akuzat.

Gjyqtarët po e mbështesin çështjen e tyre në provat e regjistruara nga përgjimet e bisedave telefonike midis zotit Sarkozy dhe avokatit të tij. Të dy ata janë objekt i një hetimi tjetër për financimin e dyshuar nga Libia të fushatës së zotit Sarkozy në vitin 2007.

Ish-presidenti francez e ka kundërshtuar ligjshmërinë e përgjimit. Ai e mbrojti veten në fillim të këtij muaji në një intervistë për kanalin francez BFMTV.

Sarkozy tha se i vjen keq që e gjithë jeta e tij private ka qenë përgjuar. Sipas tij, është skandaloze që privilegji avokat-klient nuk u respektua pasi bisedat telefonike mbrohen sipas dispozitave të Gjykatës Evropiane të të Drejtave të Njeriut. “Unë nuk jam mashtrues dhe kjo që po kaloj është skandal,” këmbënguli Sarkozy.

Gjyqi pritet të zgjasë tre javë. Nëse shpallet fajtor, ish-presidenti mund të përballet me deri në 10 vjet burgim dhe një gjobë 1.2 milion dollarë.

BE-ja pret vaksinimin e parë kundër COVID-19 para fundvitit

Bruksel

Presidentja e Komisionit të Bashkimit Evropian (BE), Ursula von der Leyen, njoftoi se vaksinimi mund të fillojë para fundit të vitit, transmeton Anadolu Agency (AA).

“Shohim dritë në fund të tunelit. Qytetari i parë i BE-së mund të vaksinohet para fundit të dhjetorit”, tha von der Leyen në llogarinë e saj në median sociale.

Duke theksuar që vendet anëtare të BE-së duhet t’i përfundojnë përgatitjet për shpërndarjen e vaksinave, von der Leyen deklaroi se vaksina është “biletë” për të dalë nga pandemia.

Javën e kaluar, presidentja e Komisionit Evropian tha se “Nëse gjithçka shkon mirë, Agjencia Evropiane e Barnave (EMA) mund të lëshojë autorizim të kushtëzuar të tregut për vaksinat e BionTech dhe Moderna në gjysmën e dytë të dhjetorit”.

Presidentja e EMA-së Emer Cooke gjithashtu njoftoi se mund të japin mendim pozitiv mbi vaksinat kundër COVID-19 përpara Krishtlindjeve.

Ndryshe, BE-ja ka rënë dakord të marrë 400 milionë doza vaksine me AstraZeneca, 300 milionë me Sanofi-GSK, 400 milionë me Johnson and Johnson, 300 milionë me Pfizer dhe BioNTech, 405 milionë me CureVac dhe 160 milionë me Moderna.

Shtyhet gjyqi i ish-presidentit francez Sarkozy

Ish presidenti francez Nicolas Sarkozy u paraqit të hënën për pak minuta në gjykatë për t’u përballur me akuzat për korrupsion, por gjyqtarët i pezulluan seancat deri më 26 nëntor për të vlerësuar shëndetin e njërit prej të pandehurve të tjerë.

Prokurorët e akuzojnë ish-presidentin se i kishte ofruar një punë të paguar mirë në Monako gjyqtarit Gilbert Azibert në këmbim të informacioneve konfidenciale rreth një hetimi për aludimet se zoti Sarkozy kishte pranuar pagesa të paligjshme nga Liliane Bettencourt trashëgimtare e firmës L’Oreal për fushatën e tij presidenciale të vitit 2007.

Një avokat i zotit Azibert kërkoi që gjyqi të pezullohej, sepse klienti i tij ishte në rrezik të lartë për t’u infektuar me COVID, për shkak të sëmundjes së zemrës.

Gjyqtarët urdhëruan një vlerësim të pavarur mjekësor deri të enjten, përpara se të vendosin nëse do ta vazhdojnë apo pezullojnë gjyqin.

Zoti Sarkozy, i cili ishte president nga viti 2007 deri në 2012 por ka ndikim mes konservatorëve, ka mohuar çdo shkelje në hetimet kundër tij dhe është përpjekur fuqimisht për pushimin e çështjeve gjyqësore.

Duke filluar nga viti 2013, hetuesit kanë përgjuar bisedat midis ish presidentit dhe avokatit të tij Thierry Herzog, për të hetuar aludimet.

Gjatë përgjimeve, ata mësuan se zoti Sarkozy dhe avokati i tij komunikonin duke përdorur celularë të regjistruar nën emra të rremë.

Sipas prokurorëve, nga përgjimet doli se zoti Sarkozy dhe avokati Herzog kishin diskutuar në shumë raste për të kontaktuar gjyqtarin Azibert, që shërbente në gjykatën e lartë të apelit dhe që ishte i mirinformuar për hetimin.

Herzog dhe Azibert janë që të dy në gjyq me ish presidentin Sarkozy, të akuzuar për korrupsion. Ata akuzohen gjithashtu për “shkelje të sekretit profesional”. Të tre përballen me deri në 10 vjet burg dhe gjoba të rënda nëse dënohen.

Zoti Sarkozy dhe partia e tij e qendrës së djathtë Les Republicains kanë thënë prej vitesh se hetimet kundër tij janë të motivuara politikisht.

Zbulohet në Spanjë nekropoli i famshëm islam i shekullit VIII, historiania: Është e rrallë të gërmosh dhe të gjesh 400 varre

Në qytetin spanjoll të Taustes, pranë Saragozës, u zbuluar një nekropol islam që daton që prej shekullit VIII me 400 varre dhe mbetjet e mbi 4 500 trupave në një hapësirë prej rreth pesë hektarë, theksoi për CNN Eva Gimenez, një arkeologe që po gërmon aktualisht në zonë me kompaninë “Paleoym”.

Në vitin 711 forcat arabe filluan pushtimin e Gadishullit Iberik, ku ata qëndruan për shtatë shekujt e ardhshëm deri në vitin 1492, datë kur zona u mor totalisht nga mbretëritë e krishtera.

“Pushtimi mysliman i Taustes u konsiderua si i rastësishëm dhe madje joekzistues nga disa burime, por shoqata kulturore e rajonit ka dyshuar prej kohësh se zona strehonte një koloni të madhe islame për shkak të të dhënave arkitektonike dhe mbetjeve njerëzore gjetur në qytet”, theksoi për CNN Miriam Pina Pardos, drejtoreshë e Observatorit Antropologjik të Nekropolit Islamik të Taustes me shoqatën kulturore “El Patiaz”.

“Është e rrallë të gërmosh dhe të gjesh 400 varre. Është e pabesueshme”, theksoi Pardos. Të gjithë skeletet ishin varrosur sipas zakoneve islame, të pozicionuar në të djathtë dhe të kthyer nga juglindja, drejt Mekës.

Gjyqi i Nurembergut i shërbeu së drejtës – Më 20 nëntor 1945 filloi Gjyqi i Nurembergut mbi krimet e Nazizmit

Voal.ch – Më 20 Nëntor 1945 filluan gjyqet e Nurembergut kundër oficerëve nazistë. Me nota tepër të qarta, gjatë punimeve të këtyre gjyqeve në Bavari, u dëgjuan tmerret e shkaktuara nga oficerë si Herman Gering, Rudolf Hes apo Albert Spir ndaj miliona hebrenjve, homoseksualëve dhe të burgosurve politikë e fetarë në kampet e vdekjes.

Nuremberg ishte qyteti ku Adolf Hitler organizoi së pari tubimet e partisë naziste me pishtarë dhe shpalli ligjet raciste të vitit 1935 që hapën rrugën për Holokaustin.

Gjyqet e Nurembergut u përpoqën të vënë në vend drejtësinë për tmerret e përjetuara dhe për miliona jetë të fikura nëpër krematoriumet dhe burgjet e vuajtjeve.

Pamjet e xhiruara në kampet e vdekjes tronditën botën. Regjistrime lajmesh, që u publikuan në atë kohë, nxorrën në dritë se ç’kishte ndodhur në kampet e përqëndrimit.

“Kampi më i tmerrshëm ishte Bukenvali, ku vetëm 20 mijë nga 80 mijë të burgosurit e dërguar u gjetën gjallë. Pjesa më e madhe e atyre që ende jetonin kur kampin e morën nën kontroll amerikanët, ishin në gjendje të pa shpresë”.

Gjermanët këmbëngulnin se nuk kishin pasur dijeni dhe se ishin po aq të tronditur sa kushdo tjetër kur mësuan për tmerret e nazizmit. Por jo të gjithë janë të bindur për pafajësinë e tyre. George Bria ishte gazetar për agjencinë e lajmeve Associated Press:

“Kampi Dakau ishte jo larg Mynihut, por të gjithë thonë se nuk dinin gjë! Jo larg tyre ishin furrat e djegies. Askush nuk e beson se ata nuk kishin dijeni”.

Tronditja publike nga pamjet dhe rrëfimet e të mbijetuarve çoi në thirrje masive për drejtësi dhe shpagim. Zgjidhja që u gjet ishte organizimi i gjyqeve për krime lufte në Nuremberg:

“Në qytetin e shkatërruar të Nurembergut, të rrënuar nga tonelatat e bombave të trupave aleate, gjykata qëndron si një monument ogurzi i shpresave të fundit të nazistëve për të dominuar botën”.

Vendet aleate: Shtetet e Bashkuara, Franca, Britania dhe Rusia dërguan prokurorë. Sistemi ligjor në bazë të të cilit do të zhvilloheshin gjyqet, ishte një ndërthurje e sistemeve të këtyre vendeve.

Babai i senatorit amerikan Kris Dod, Thomas Dod ishte një ndër prokurorët amerikanë në gjykime. Ai ishte një jurist i ri në vitin 1945 kur shkoi në Gjermani për të marrë në pyetje figura famëkeqe si Herman Goring, Albert Spir apo Rudolf Hes.

Në vitin 2007, Senatori Dod publikoi një libër bazuar në letrat që i kishte dërguar familjes babai i tij, gjatë kohës kur vazhdonte gjyqi:

“30 mijë vetë ende ishin të varrosur nën rrënojat e Nurembergut, kur filluan gjykimet. 30 mijë vetë – veç ta imagjinosh erën e rëndë. 8 milion trupa ishin djegur, 6 milionë prej tyre hebrenj, të tjerët si rezultat i orientimit seksual, besimit fetar apo bindjeve politike”.

21 oficerë të lartë gjermanë, përfshirë Joakim von Ribentrop dhe Albert Spir, të dy bashkëpunëtorë të afërt të Hitlerit, u gjykuan dhe u shpallën fajtorë për krime lufte në gjyqet e Nurembergut.

Thomas Dod, në kujtimet e tij e analizon procesin si triumfi i sundimit të ligjit, ku vendet e qytetëruara realizuan një proces të drejtë për autorët e masakrave që kishin vepruar pa asnjë përfillje për ligjin.

Gjyqet e Nurembergut krijuan një praktikë të re të nxjerrjes para drejtësisë të udhëheqësve qeveritarë dhe mbajtjen e tyre përgjegjës në mënyrë individuale për krime të kryera kundër masave të pafajshme.

Këto gjyqe krijuan edhe konceptin e krimeve kundër paqes, e aktit penal të agresionit, krimeve të luftës dhe krimeve kundër njerëzimit.

plot njerëz që e dënuan procesin si një farsë politike, por gazetari George Bria i agjencisë Associated Press, thotë se duke pasur parasysh rrethanat dhe momentin e procesit, gjykimet mund të konsiderohen të drejta.

Historiani gjerman Hans Kristian Taeubrich thotë se gjyqet ishin shumë të rëndësishme për opinionin gjerman, pasi i ndihmuan gjermanët të ballafaqohen me krimet e kryera në emër të tyre:

“Gjyqet e Nurembergut janë të rëndësishme për 3 arsye:

së pari ato sollën para drejtësisë figura të larta të regjimit nazist, të cilat ishin përgjegjëse për krime të paimagjinueshme lufte. Vetëm disfata e plotë dhe gjykimi ndërkombëtar arriti t’u japë atyre ndëshkimin e duhur.

Së dyti, si rezultat i gjyqeve, bota dëgjoi për herët të parë çfarë kishte ndodhur gjatë 12 vjetëve të regjimit nazist.

Gjyqet ndihmuan gjithashtu Gjermaninë të ballafaqohet me aktet që ishin kryer. Ky proces ballafaqimi ende vazhdon”.

Gjyqet e Nurembergut u zhvilluan nga data 20 nëntor 1945 deri më 1 tetor 1946. Prokuror i kësaj gjykate ishte amerikani Robert Jackson.

Raphael Lemkin, një avokat i lindur në Poloni, i cili shërbeu si këshilltar i Jackson, ka meritën e krijimit të termit “gjenocid” në 1944 për të përshkruar shfarosjen e planifikuar që nazistët u bënë hebrejve.

Fjala është një bashkim i “genos”, fjala greke për “fis” ose “racë” dhe “-cide”, latinisht për “vrasje”.

Lemkin, i cili humbi gati 50 të afërm në Holokaust, e përcaktoi gjenocidin si “një plan të koordinuar të veprimeve të ndryshme që synojnë shkatërrimin e bazave thelbësore të jetës së grupeve kombëtare, me qëllim asgjësimin e vetë grupeve”. Gjyqet e Nurembergut shënuan proceset e para për gjenocidin.

Raphael Lemkin

Proceset gjyqësore të Nurembergut, në të cilat dolën para gjyqit udhëheqësit nazistë ushtruan ndikim të madh në të drejtën ndërkombëtare. Ato bazohen në Kartën e Londrës, e cila u nënshkrua nga aleatët në 8 gusht 1945.

Si bazë për proceset gjyqësore të Nurembergut shërbeu një marrëveshje vizionare e së drejtës ndërkombëtare (Karta e Londrës), e cila përcaktoi rregulloren e procesit për gjykatat ushtarake ndërkombëtare dhe amerikane, të ngritura posaçërisht për proceset e Nurembergut. Karta e Londrës u nënshkrua në 8 gusht 1945.

Më 20 nëntor 1945, në Nuremberg, një qytet që pak muaj më parë qe shpallur si “90 përqind i vdekur”, 22 burra hynë në Pallatin e Drejtësisë. Ata i kishin nxjerrë para gjyqit për krime, të cilat nuk qenë kryer kurrë më parë. Burrat ishin pjesë e asaj e klike drejtuese që kishte mbetur nga udhëheqja naziste dhe i patën kaluar muajt e mëparshëm të burgosur në një kështjellë në Luksemburg. Ata nuk e dinin se çfarë i priste.

Kreu i kopesë midis tyre ishte Hermann Göring, ish- Presidenti i Rajshtagut, kryekomandant i Flotës Luftarake Ajrore gjermane dhe pasardhës i mundshëm në post i Adolf Hitlerit. Në korrik 1945, në një konferencë shtypi, kur e pyetën, nëse e dinte që ndodhej në listën e kriminelëve të luftës, Göringu u përgjigj:”Jo. Kjo pyetje më habit, sepse nuk e marr dot me mend se pse mund të ndodhesha në një listë të tillë.”

Göringu nuk kishte idenë për procesin e jashtëzakonshëm e të komplikuar gjyqësor, pjesë e të cilit do të bëhej. Për procesin gjyqësor do të ishte e nevojshme që të hartoheshin nga e para bazat, pikat e aktakuzës dhe dënimet. Ndërtimi i tyre i ngjante pak ndërtimit të një rrjeti të energjisë, ujit dhe ujërave të zeza në Gjermani, punë të cilën aleatët duhet ta nisnin nga zero. Diçka të ngjashme me këto procese gjyqësore nuk kishte pasur kurrë.

Proceset e Nurembergut dhe Karta e Londrës qenë me rëndësi të madhe vizionare, thotë Lauri Mäksoo, profesore e së drejtës ndërkombëtare në Universitetin e Tartu-së në Estoni. “Nuk ekziston gjë më e rëndësishme në këtë fushë”, i tha Mäksoo DW. “Ndikimi për mënyrën si përkufizohen krimet ndërkombëtare ishte gjigand – këtu praktikisht u shpik për herë të parë koncepti “krime kundër njerëzimit”./VOA/DW/history.com

Gazsjellësi Trans Adriatik fillon funksionimin komercial

Stamboll

Gazsjellësi Trans Adriatik (TAP) i gjatë 878 kilometra filloi operacionet tregtare për të transportuar çdo vit 10 miliardë metra kub gaz nga Azerbajxhani në Evropën Perëndimore, transmeton Anadolu Agency (AA).

TAP transporton gaz natyror nga fusha Shah Deniz në pjesën azerbajxhanase të Detit Kaspik për në pjesën perëndimore të Evropës. Gazsjellësi përfaqëson pjesën evropiane të Korridorit Jugor të Gazit dhe lidhet me gazsjellësin Trans Anatolian (TANAP) në kufirin turko-grek në Kipoi, duke kaluar Greqinë, Shqipërinë dhe Detin Adriatik, për të arritur në bregdetin e Italisë jugore.

Në kumtesën e kompanisë thuhet se operacionet tregtare kanë filluar tani, katër vjet e gjysmë pas përurimit të punimeve në Selanik të Greqisë.

Projekti, i cili do të luajë një rol të rëndësishëm në sigurinë e energjisë dhe diversifikimin energjetik të Evropës, siguroi financim prej 3,9 miliardë dollarësh nga institucionet financiare ndërkombëtare.

Aksionarët përfshijnë BP, SOCAR dhe Snam me nga 20 për qind të aksioneve, së bashku me Fluxys (19 për qind), Enagas (16) dhe Axpo (5). Të gjitha kompanitë ranë dakord për një rezolutë mbi zhvillimin dhe ndërtimin e projektit në fund të vitit 2013.

“Sot, një vizion afatgjatë është bërë realitet. Si një operator i ri i sistemit të transmetimit, i zhvilluar dhe i ndërtuar në përputhje me praktikat dhe standardet më të mira të industrisë, TAP mundëson diversifikim të dyfishtë duke përfshirë një rrugë të re, të besueshme dhe të qëndrueshme të energjisë dhe burimeve të gazit që arrijnë miliona përdorues evropianë, për dekada që vijnë”, citohet të ketë thënë Luca Schieppati, drejtori menaxhues i TAP-it.

Murad Heydarov, kryetar i bordit të drejtorëve të TAP-it, tha: “Korridori Jugor i Gazit është bartësi pionier i gazit natyror nga Azerbajxhani në Evropë dhe një nga sistemet më moderne dhe të besueshme aktualisht në dispozicion për transportimin e energjisë. Si një komponent kryesor i Korridorit Jugor të Gazit prej 3.500 kilometrash, TAP kombinon tiparet strategjike dhe konkurruese të tregut”.

Ai shtoi se tubacioni siguron që Evropa të mund të marrë furnizime nga një burim tjetër ndërsa mbështet objektivat kryesore të BE-së për arritjen e një tregu të integruar të energjisë dhe një përbërje të qëndrueshme, të sigurt dhe të larmishme të energjisë, duke kontribuar në rrjedhat e vazhdueshme drejt një tranzicioni të energjisë së pastër.

Rreth 55 mijë pjesë të tubacionit me peshë totale prej 520 mijë tonë u përdorën për projektin, për përfundimin e të cilit u deshën mbi 50 milionë orë pune.

“Sistemi TAP operon në përputhje me standardet e njohura ndërkombëtarisht të cilësisë, shëndetit, sigurisë dhe mjedisit dhe është projektuar me potencialin për të dyfishuar kapacitetin e tij përçues në 20 miliardë metra kub në vit”, thuhet në deklaratë.

Makina fluturuese holandeze merr patentën rrugore në Evropë

Pas fillimit të provave për fluturim dhe ngarje në vitin 2012, firma holandeze Pal-V tani thotë se makina e saj fluturuese “Liberty” ka marrë miratimin në Bashkimin Evropian për përdorim në rrugë.

Robert Dingemanse, themelues i kompanisë, thotë se është dashur shumë punë për të përshtatur mjetin fluturues që paloset, për të marrë miratimin e përdorimit në rrugë. Mjeti është çertifikuar për frenat, zhurmën dhe ndotjen.

“Nuk ka patur asnjëherë rregullore të përbashkëta mbi funksionimin ajror dhe rrugor për një mjet. Kemi arritur të ndërtojmë një mjet që u përshtatet të gjitha rregulloreve, që janë rreth 5 mijë këkesa që duhen përmbushur.”

Kompania Pal-V ka patur një qasje më tradicionale në ndërtimin e makinës fluturuese dy vendëshe dhe me tre rrota për ngarje në rrugë. Drejtuesit duhet të kenë liçensën e pilotit për ta fluturuar atë.

Kompania thotë se mjeti mund të arrijë shpejtësi deri 160 kilometra në orë në rrugë. “Liberty” mund të përshkojë distanca ajrore prej 500 kilometrash me një shpejtësi deri 180 kilometra në orë me një serbarator.

Nëse je duke e ngarë makinën dhe paraqitet nevoja për të fluturuar, do të duhen vetëm dhjetë minuta që ta përshtatësh mjetin, thotë kompania.

Zoti Robert Dingemanse thotë se 90mjetet e para, që do të jenë me porosi, do të kushtojnë rreth 500 mijë euro, dhe do të jenë gati në vitin 2022. Më pas, variantet standarde do të kushtojnë rreth 400 mijë euro.

Këngëtari Bruce Dickinson i grupit “Iron Maiden” është një prej klientëve të parë të kompanisë. Firma nuk ka bërë të ditur se sa porosi janë marrë deri tani, ndërsa thotë se ka mjaftueshëm që fabrika e vogël holandeze të vazhdojnë punën për rreth 30 muaj. Pandemia, thotë zoti Robert Dingemanse, nuk ka ndikuar negativisht tek firma e tij.

“Është rritur interesi dhe kërkesa për makinën fluturuese si rezultat i pandemisë sepse mjeti të ofron distancim dhe aftësitë për të shkuar kudo nga toka apo ajri pa rrezikuar infektimin.”

Analistët vlerësojnë qasjen e kompanisë Pal-V në prodhimin e makinës fluturuese. David Gleave ëshë hulumtues për sigurinë e aviacionit.

“Çfarë qasje do të kenë kompanitë e tjera? Kemi parë shumë kompani që kanë bërë bujë dhe pastaj janë zhdukur, kryesisht në fushën e dronëve. Ndryshe me këtë mjet që është shumë praktik për të fluturuar dhe ngarë në rrugë.”

Firma Pal-V po shpreson që të marrë lejen e fluturimit me Agjencinë Evropiane të Sigurisë së Aviacionit (EASA), një proces i filluar në vitin 2015. Ata shpresojnë që kjo të arrihet në kohë për të filluar dërgesat e para në vitin 2022.

zëri i amerikës

Faqja 46 prej 98« Fillimi ‹ Prapa 42 43 44 454647 48 49 50 Para ›Fundi »

Madrid

Çka mendojnë në Kosovë dhe Serbi për dialogun?

Vaksinimi është aksion etik, jo opcion

Është “koha e fjalës ne”, për ta kaluar krizën

Aborti, para se të jetë çështje fetare, është njerëzore

Capitol Hill, të mësohet nga historia: kurrë dhunë!

Feja, dhuratë për t’u kërkuar nga Zoti

Uashingtoni nën dry

Përgatiti: Mimoza Sadiku

Madrid

Vjenë

Berlin

Bruksel

Stamboll

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL