VOAL

VOAL

Copyright © 2022

VOAL

Sot ka ditëlindjen Zlatan Ibrahimoviç, një ndër emrat më të shquar të futbollit botëror

October 3, 2016
Zlatan Ibrahimović
Ibrahimović në një konferencë për shtyp në Doha
Të dhënat personale
Emri i plotë Zlatan Ibrahimović[1]
Data e lindjes 3 Tetor 1981 (35 vjeç)
Vendi i lindjes Malmö, Suedi
Gjatësia 1.95 m (6 ft 5 in)[2]
Pozita ne fushë Sulmues
Informacionet për klubin
Klubi aktual
Manchester United
Numri 10
Kariera në rini
Malmö BI
1991–1995 FBK Balkan
1995–1999 Malmö
Kariera profesioniste*
Vitet Klubi Ndesh.† (Gls)†
1999–2001 Malmö FF 40 (16)
2001–2004 Ajax 74 (35)
2004–2006 Juventus 70 (23)
2006–2009 Internazionale 88 (57)
2009–2011 Barcelona 29 (16)
2010–2011 → Milan (Huazim) 29 (14)
2011–2012 Milan 32 (28)
2012– Paris Saint-Germain 102 (87)
Ekipi kombëtar‡
1999 Suedia U–18[3] 4 (1)
2001 Suedia U–21 7 (6)
2001– Suedia 103 (54)
* Ndeshjet dhe golat në nivelin profesionist, vetëm në ligën vendase deri në daten 15:57, 21 Prill 2015 (UTC).† Ndeshje (Gola).

‡ Ndeshjet dhe golat në kombëtare deri më 15:57, 21 Prill 2015 (UTC)

Zlatan Ibrahimović (Suedisht: [ˈslaːtan ɪbraˈhiːmɔvɪtɕ], Boshnjakisht: [zlǎtan ibraxǐːmoʋit͡ɕ]; lindur më 3 Tetor 1981) është një futbollistë suedez i cili luan si sulmues për klubin anglez Manchester United.

Ibrahimović filloi karrierën e tij te Malmö FF vonë në vitet 1990′ përpara se të blihej nga Ajax, ku ai krijoi një emër për veten e tiij nën drejtimin e Ronald Koeman. Ai më pas firmosi me Juventusin për 16 milion €, ku fitoi famë në Serie A duke përfituar nga bashkpunimi i tij në sulm sëbashku me francezin David Trezeguet. Në vitin 2006 ai firmosi me rivalët e Interit, ku fitoi disa çmime individuale si Oscar del Calcio italian dhe Topin e Artë (Guldbollen) suedez, duke u shpallur edhe në UEFA Skuadrën e Vitit në vitet 2007 dhe 2009, duke shtuar edhe fitimin e çmimit si golashënuesi më i mirë në sezonin 2008–09 dhe fitimin e tre Skudetove rresht. Në verën e vitit 2009, ai u transferua te Barcelona. Periudha e qëndrimit të tij në klub ishte e shkurtër, duke bërë që në seznin e ardhshëm të rikthehej në Itali tek Milani, në një marrëveshje që e bëri një nga futbollistët më të paguar në botë,[5] duke i kushtuar klubit italian 24 milion €. Ai firmosi me klubin francez Paris Saint-Germain në Korrik 2012.

Ibrahimović është një nga dhjetë lojtarët që ka zhvilluar 100 ose më shumë paraqitje për kombëtaren suedeze, dhe është golashënuesi më i mirë i të gjitha kohërave me 54 gola. Ai ka përfaqsuar Suedinë në edicionet 2002 dhe 2006 të Kupës së Botës dhe në edicionet 2004, 2008 dhe 2012 të Kampionatit Europian.

Stili i tij i lojës është i krahasuar me atë të legjendës hollandeze Marco van Basten, duke bërë që Ibrahimović jetë një nga finalizuesit më të mirë dhe është cilësuar si një nga lojtarët më të mirë të gjeneratës së tij.[6][7][8][9] Goli i tij spektakolar me rrofeshatë për Suedinë kundër Anglisë bëri që të fitonte FIFA Çmimin Puskás për Golin e Vitit në vitin 2013.[10] Në Dhjetor 2013, ai u rendit nga The Guardian si lojtari i tretë më i mirë i botës.[11] In Dhjetor 2014, gazeta suedeze Dagens Nyheter e emëroi atë si sportistin e dytë më të mirë suedez të të gjitha kohërave, pas Björn Borg.[12]

Jeta e hershme

Ibrahimović ka lindur në Suedi nga një baba Boshnjak e mysliman që quhet Šefik Ibrahimović,[13] i cili emigroi në Suedi në vitin 1977, dhe një mama kroatoshqiptare e katolike, Jurka Gravić,[14] e cila gjithashtu kishte emigruar në Suedi e ishin njohur bashkë për herë të parë. Babai i tij ka lindur në Bijeljina dhe mamaja e tij në fshatin e Prkos afër Škabrnja në shtetin kroat të Zadarit.[15]

Pasi mori një palë këpucë futbolli, ai filloi të luajë që në moshën gjashtë vjeçare, duke u alternuarar ndërmjet klubeve lokale të Malmö BI dhe FBK Balkan.[16][17] Në adoleshencën e tij të hershme, ai ishte titullar për klubin e tij të qytetit Malmö FF.[17] Në moshën 15 vjeçare, Ibrahimović ishte gati për të hequr dorë nga futbolli, për të punuar në portet e Malmös, por trajneri e tij e bindi që të vazhdonte të luante.[18] Idhulli i tij i fëmijërisë ishte ylli brazilian Ronaldo.[19]

Karriera

Malmö FF

Ibrahimović firmosi kontratën e parë me Malmön në vitin 1996, dhe u bashkua me skuadrën e parë në sezonin 1999 të Allsvenskan, elita e futbollit suedez. Malmö e mbylli e 13-ta në atë sezon duke u rrëzuar në divizionin e dytë, por u rikthye sërisht në elitë një sezon më pas. Ai nuk u bind dot nga trajneri Arsène Wenger për t’u transferuar te klubi anglez Arsenal, kurse Leo Beenhakker kishte shprehur interes për lojtarin pasi e kishte parë të luaj në një ndeshje stërvitore kundër skuadrës norvegjeze Moss FK.[20] Më 22 Mars 2001, një marrëveshje ndërmjet Ajaxit dhe Malmös për transferimin e suedezit në Amsterdam u bë zyrtare, dhe në Korrik, Ibrahimović zyrtarisht u bashkua me klubin hollandez për 80 milion korona suedeze (8.7 milion €).[21]

Ajax

Ibrahimović luajti pak nën drejtimin e trajnerit Co Adriaanse, por kur ai u shkarkua më 21 Nëntor 2001, trajneri i ri Ronald Koeman e vendosi atë në formacionin titullar me Ajaxin që fitoi titullin e Eredivizies në sezonin 2001–02. Në sezonin tjetër, Ibrahimović shënoi dy gola në fitoren 2–1 kundër kampionëve francez Lyon në debutimin e tij në Ligën e Kampioneve më 17 Shtator 2002. Ai shënoi pesë gola në Ligën e Kampioneve në atë sezon me Ajaxin e cila u eleminua në çerek-finale nga Milani.[22][23] Në sezonin e tij të fundit me klubin, profili i tij u rrit pasi shënoi një gol kundër NAC Bredës më 22 Gusht 2004 që në fund u votua si “Goli i Vitit” nga shikuesit e kanalit sportiv Eurosport.[24]

Më 18 Gusht 2004, gjatë një ndeshjeje ndërkombëtare ndërmjet Hollandës, Ibrahimović dëmtoi shokun e tij të skuadrës Rafael van der Vaart, i cili më vonë e akuzoi suedezin se e dëmtoi qëllimisht. Kjo gjë bëri që Ibrahimović të shitej tek Juventusi papritmas më 31 Gusht.[25]

Juventus

Ibrahimović kaloi nga Ajaxi tek Juventusi për 16 milion €.[26] Ai u vendos menjëherë në formacionin e parë për shkak të problemeve të dëmtimeve të golashënuesit më të mirë David Trezeguet, duke mundur të shënojë gjashtëmbëdhjetë gola. Afër fundit të sezonit, u raportua se Juventusi kishte refuzuar një ofertë 70 milion € për të nga Real Madridi, e cila më vonë doli se ishte një gënjeshtër e sajuar nga agjenti i tij Mino Raiola me qëllim për t’i rritur vlerën e kartonit.[24] Më 14 Nëntor 2005, ai u nderua me çmimin Guldbollen, një çmim që i jepet futbollistit më të mirë suedez të vitit.[27]

Sezoni i tij i ardhshëm ishte më i dobët krahasuar me të parin; roli i tij në sulmuin e Juventusit ndryshoi, duke u bërë më pak golashënues pasi kaloi në krahët e sulmit, duke marrë më shumë pjesë në ndërtimin e lojës, duke dhuruar më shumë pasime për gol. Në sezonin 2005–06, tifozët e Juventusit shpesh janë acaruar me të për shkak të lojës së tij të dobët në ndeshje të rëndësisht në Ligën e Kampioneve si humbja kundër Arsenalit. Juventusit j’u hoqën dy Skedetot e fundit si pjesë e vendimit përfundimtar nga skandali i Kalçiopolit, duke u rrëzuar në Serie B. Stafi i ri drejtues u përpoqën ta bindnin atë dhe yjet e tjerë të skuadrës që të qëndronin, por ai dhe agjenti i tij që ishin të bindur për t’u larguar, me Raiolën i cili kërcënoi se do të merrte veprime ligjore për të shkëputur sulmuesin suedez nga kontrata me klubin.[28]

Inter

Më 10 Gusht 2006, Ibrahimović u transferua për 24.8 milion € te Interi, duke firmosur një kontratë 4 vjeçare.[29], duke ardhur disa më vonë se mesfushori 30 vjeçar Patrick Vieira i cili gjithashtu kishte kompletuar transferimin e tij nga Juve te Interi.[30] Ai në prezantimin e tij tha se ka qënë tifoz i skuadrës që në fëmijëri.[31]

Në sezonin e tij të parë me klubin, Ibrahimović ishte golashënuesi më i mirë i Interit në Serie A me 15 gola, me skuadrën e cila fitoi Skudeton me një rekord prej 97 pikësh.[32]

Ibrahimović luajti ndeshjen e tij të 100 në Serie A më 16 Shtator 2007. Kontrata e tij që u rinovua në vitin 2007, do të skadonte në vitin 2013.[33] U raportua se kjo kontratë e kishte bërë atë futbollistin më të paguar të botës.[34]

Më 18 Maj 2008, Ibrahimović shënoi të dy golat në fitoren 2–0 kundër Parmës në ndeshjen e javës së fundit të sezonit 2007–08, duke i dhënë Interit Skudeton e dytë rresht.[35] Gjithsej, ai kishte shënuar 17 gola në 26 ndeshje, duke u shpallur Serie A Futbollisti i Vitit dhe Serie A Futbollisti më i mirë i Huaj.[35]

Ibrahimović e mbylli sezonin 2008–09 Serie A si golashënuesi më i mirë i ligës me 25 gola, duke ndihmuar Interin të fitonte një tjetër titull. Ai gjithashtu u shpall “Futbollisti i Vitit” dhe “Futbollisti i Huaj i Vitit” për të dytin sezon rresht. Goli i tij kundër Bolonjës u votua si “Goli i Vitit”. Ai e shënoi atë me takën e ngritur lart pa lëvizur fare duke e dërguar menjëherë në rrjetë pas një krosimi të Adrianos.[36]

Barcelona

Ibrahimović në debutimin e tij në La Liga me Barcelonën në ndeshjen kundër Sporting Gijón në vitin 2009 ku dhe shenoi.

Pasi Maxwell u transferua tek Barcelona, presidenti Joan Laporta konfirmoi se nuk kishte një marrëvezhje midis Barcelonës dhe Interit për të trasnferuar Ibrën tek Barça sepse klubi Italian kërkonte Samuel Eto’o + një shumë parash [37]. Ai e la Interin gjatë turneut World Football Challenge ku Interi u ndesh me Chelsean. Kjo ndeshje ishte ndeshja e fundit e Ibrës me Interin. Ibrahimoviç filloi negociatat me Barcelonën më 23 Korrik 2009. Interi arriti marrëveshjen me Eto’o dhe Barcelona me Zlatan Ibrahimoviç. Klubi Blaugrana konfirmoi se Ibra do te mbërrinte në Camp Nou më 26 Korrik dhe 1 ditë më vonë do të bënte vizitat mjekësore. Ibrahimoviç kaloi me sukses vizitat mjekësore dhe gjatë prezantimit të tij në Camp Nou kishte më shumë se 60,000 tifozë. Ai firmosi një kontratë 5 vjeçare dhe Barça i dhuroi Interit 46 Milion € sëbashku me sulmuesin Eto’o i cili vlerësohej 20 Milion € + një kredi për huazimin e Alexander Hleb i cili versohej 10 Milion €. Gjithashtu klauzola e lirimit të Ibrahimoviç nga Barça ishte 250 Milion €. Kostoja e transferimit te suedezit kushtoi 66 Milion € duke u bërë lojtari më i shtrenjtë i historisë së Barcelonës. Marreveshja me Hleb u prish dhe në total kostoja e transferimit të Ibrahimoviç ishte 69.884.000 Milion €.

Zlatan Ibrahimoviç debutoi në sezonin 2009–10 më 23 Gusht 2009 duke assistuar një Gol për Lionel Messin duke fituar Superkupën e Spanjës. Në ndeshjen e dytë, Ibrahimoviç fitoi Superkupën e Europës dhe trofeun e tij të dytë me Barçën. Në ndeshjen e tij të tretë me Barçën dhe në ndeshjen e tij të parë në ligë, Ibrahimoviç shënoi Golin e tij të parë në La Liga në fitoren 3–0 kundër Sporting Gijón. Ibrahimoviç shënoi në 3 ndeshjet e tjera në La Ligas duke u bërë lojtari i parë në historinë e Barcelonës që shënon 4 Gola në 4 ndeshje.

Më 20 Tetor, Ibrahimoviç shënoi Golin e tij të parë me Barcelonën në Champions League në ndeshjen e fazës së grupeve kundër rusëve të Rubin Kazan. 5 dite më vonë, ai shënoi 2 Gola të tjerë në fitoren e Barçs kundër Real Zaragoza. Barcelona fitoi me rezultatin 6–1 dhe njërin nga Golat, Ibrahimoviç e shënoi me një goditje spektakolare dënimi nga 35 metra. Më 7 Nëntor, Ibra pësoi një demtim që do ta mbante jashtë fushave të lojes për 3 javë. Ai u rikthye në javën e 12 të La Ligas në ndeshjen kundër rivalëve të Real Madrid ku hyri si zëvëndesues për Thierry Henry dhe shënoi Golin e tij të tetë dhe të parin në El Clásico. Goli erdhi nga krosimi i Daniel Alves dhe ai mposhti Iker Casillas me lehtesi. Ibrahimoviç fitoi me trofeun e tretë me Barçën, Botërorin e Klubeve. Në finale, Katalanasit u ndeshën me Estudiantes ku fituan me rezultatin 2–1. Ky ishte trofeu i parë ndërkombëtarë për të.

Ibrahimoviç shënoi Golin e vetëm në humbjen e Barcelonës kundër Sevillas raundin e 16 të Copa del Rey më 5 Janar 2010. Më 20 Janar, ai ishte pjestar në formacionin më të mirë të zgjedhur nga UEFA. Shoket e tij të Barcelonës ishin: Lionel Messi, Andrés Iniesta, Xavi, Carles Puyol dhe Daniel Alves. Goli i tij i parë në La Liga për vitin 2010 erdhi më 14 Shkurt kundër Atlético Madrid. Në ndeshjen tjetër të UEFA Champions Leagues kundër VfB Stuttgart, Ibrahimoviç shënoi Golin e vetëm në barazimin 1–1 të Barcelonës. Më 6 Mars në ndeshjen e Barcelonës kundër UD Almería, Ibrahimoviç u ndëshkua me karton të kuq dhe u pezullua vetëm me 1 ndeshje. Ai nuk luajti në ndeshjen kundër Athletic Bilbao për shkak se ishte pezulluar. Në ndeshjen e parë kundër Arsenalit për cerek-finalen e Champions Leagues në Stadiumin Emirates, Ibrahimoviç shënoi 2 Gola në fitoren 2–0 të Barçs, kurse në ndeshjen e kthimit që u mbyll me fitoren 4–1 fale 4 Golave ttë Messit, ai nuk luajti. Ibrahimoviç nuk luajti në ndeshjen e dytë të kthimit në El Clásico kundër Real Madrid ku Barcelona fitoi me rezultatin 2–0, gjithashtu nuk luajti edhe kundër Deportivo La Coruña. Ibrahimoviç bëri rikthimin e tij në fushat e lojes kundër rivalëve katalanas të RCD Espanyol në minuten e 82.

Gjithsej në La Liga, Ibrahimoviç luajti në 29 ndeshje dhe shënoi 16 Gola dhe Barcelona fitoi La Ligan me 99 Pikë. Ai shënoi Golin e tij të fundit me Barçën në ndeshjen e parë të Superkupës së Spanjës. Në ndeshjen e kthimit në Camp Nou, Barcelona fitoi me rezultatin 4–1 dhe ky ishte trofeu i pestë i Ibrës me fanellen katalanase. Ibrahimoviç luajti ndeshjen e tij të fundit me fanellen e Barcelonës kundër AC Milan në trofeun Joan Gamper. Më pas Ibrahimoviç pohoi për mediat raportet e këqija me tranjerin Pep Guardiola ishin përkeqësuar pasi ata kishin që në muajin Mars që nuk flisnin.

Milan

Më 28 Gusht 2010, AC Milan lajmëroi në faqen e saj zyrtare në internet që kishte arritur marrëveshjen me sulmuesin e Barcelonës, Zlatan Ibrahimoviç. AC Milan e mori Ibrën në formë huazimi për sezonin 2010–11 dhe me të drejtë blerjeje në sezonin 2011–12 për 24 Milion €.

Sezoni 2010–11

Ibrahimoviç debutoi për Milanin më 11 Shtator në humbjen 2–0 kundër Cesenës, ku Ibrahimoviç humbi edhe një penallti. Ibrahimoviç shënoi Golin e tij të parë me AC Milan 4 dite më vonë, më 15 Shtator në ndeshjen e UEFA Champions League kundër Auxerre në minuten e 66. Ibrahimoviç pas 3 minutash shënoi edhe Golin e dytë. Më 14 Nëntor, Ibrahimoviç shënoi Golin e fitores së Milanit kundër ish-klubit të tij Inter. Ai shënoi me penallti në minutën e pestë duke i dhënë Milanit fitoren 1–0. Më 20 Nëntor 2011, Ibrahimoviç shënoi Golin e tij të shtatë me Milanin kundër Fiorentinës me një gjysmë–rrafishat në minuten e 45. Ibrahimoviç me Golin kundër Fiorentinës kaloi Alexandre Paton duke u bërë golashenuesi më i mirë i klubit për sezonin 2010–11. Më 4 Dhjetor 2010, në një ndeshje kundër Bresciës, Ibrahimoviç dhuroi një assis për Kevin-Prince Boateng në Golin e parë dhe shënoi Golin e tretë me një goditje shumë të fuqishme në minutën e 30. Më 12 Dhjetor, Ibrahimoviç bëri atë që bëri 8 ditë më përpara duke dhuruar një assis për Kevin-Prince Boateng në Golin e parë dhe duke shënuar Golin e tretë kundër Bolognës. Pas Golit dhe assistit kundër Bolognës, Ibrahimoviç regjistronte 13 Gola dhe 8 Assis në 21 ndeshje dhe e krahasoi veten me legjendën e Milanit, Marco van Basten.

Ibrahimoviç mori kartonin e tij të parë të kuq me skuadrën e Milanit në Kupën e Italisë kundër Barit që përfundoi në barazim 1–1 në San Siro në Mars të 2011. Ibrahimoviç u ndeshkua me karton të kuq sepse goditi në stomak mbrojtësin Marco Rossi me tak. Për këtë ndërhyrje të rëndë, Ibrahimoviç u ndëshkua me 3 ndeshje pezullim. Ai u rikthye pas 3 ndeshjeve pezullim në Shkurt të vitit 2011 në humbjen e Milanit 2–1 kundër Fiorentinës. Albitri i ndeshjes akuzoi Ibrën se e kishte ofenduar në fund të ndeshjes, por Ibrahimoviç mohoi gjithcka duke thënë se ai ishte i nervozuar nga humbja. Ibrahimoviç fitoi Serie A me Milanin duke fituar kampionatin e tij të 8 në karrierë. Ai i bë lojtari i parë në historinë e futbollit që fiton 8 kampionate në 3 shtete të ndryshme dhe me 5 skuadra të ndryshme. AC Milan dhe FC Barcelona ranë dakort për shitjen e tij më 18 Qershor 2011.

Sezoni 2011–12

Në ndeshjen e parë të sezonit 2011–12, Ibrahimoviç shënoi në finalen e Supercoppa Italia kundër rivalëve të qytetit Inter. Ndeshja përfundoi me rezultatin 2–1 për Milanin dhe Ibrahimoviç fitoi trofeun e tij të dytë me kuqezinjt. Ibrahimoviç gjithashtu shënoi Gol në javën e parë të Serie A në barazimin e Milanit kundër Lazios në San Siro me rezultatin 2–2. Ibrahimoviç shënoi Golin e trete në ndeshjen e dytë të Milanit në UEFA Champions League në fitoren 2–0 kundër Viktoria Plzeň. Ai shënoi me penallti në minutën e 53. Ibra vazhdoi të shënonte në Champions League në ndeshjen tjetër kundër BATE Borisov, një Gol në fitoren 4–1 kundër Parmës dhe dy Gola të tjerë kundër Romës duke e bërë muajin Tetor shumë të suksesshëm. Nëntori ishte gjithashtu një muaj shumë i suksesshem për Ibrën pasi shënoi sërisht kundër BATE Borisov në Champions League dhe Catanias në Serie A. Në superndeshjen midis Milanit dhe Barcelonës në Champions League, Ibrahimoviç e nisi ndeshjen si titullar dhe në minutën e 20 të ndeshjes, ai mori një pasim nga Clarence Seedorf dhe duke shënuar kundër ish–klubit të tij. Milan e humbi këtë ndeshje me rezultatin 2–3. Ai e mbylli muajin Nëntor me dy Gola të shënuar kundër Chievos. Me këtë dygolësh, Ibrahimoviç arriti kuotën e 100 Golave në Serie A. Ibrahimoviç vazhdoi formën e tij fantastike në Dhjetor duke shënuar nga një Gol në pesë Ndeshje rradhazi në Serie A. Viti 2012 startoi me një notë të lartë për Ibrën i cili shënoi një Gol me penallti kundër Atalantës. Ai ishte golashënuesi më i mirë i Serie A me 14 Gola në 16 ndeshje pas 2 Golave të shënuar kundër Novarës. Golin e dytë kunder Novarës, Ibrahimoviç e shënoi pas një kthese me tak. Më 5 Janar 2012, në një ndeshje në San Siro midis Milanit dhe Napolit, Ibra u ndëshkua me karton të kuq sepse goditi me shuplak mbrojtësin e Napolit, Salvatore Aronica. Për këtë ndërhyrje, Ibrahimoviç u ndëshkua me tre ndeshje pezullim. Më 15 Shkurt në Champions League, Milan u përball në San Siro kundër Arsenalit ku Ibrahimoviç assistoi Golat e Robinhos dhe shënoi një Gol me penallti duke ndihmuar Milanin që të fitoj me rezultatin 4–0. Në Mars, Ibrahimoviç shënoi një hat-trick kundër Palermos në Stadio Renzo Barbera, dy Golat e parë u assistuan nga Robinho kurse Goli i tretë u assistua nga Urby Emanuelson. Në tre ndeshjet e tjera, Ibrahimoviç shënoi katër Gola, dy kundër Romës dhe dy kundër Sienës. Në ndeshjen e fundit të Serie A, Milan u përball kundër Interit ku skuadra humbi me rezultatin 4–2. Të dy Golat e Milanit u shënuan nga Ibrahimoviç. Ai fitoi titullin e golashënuesit me 28 Gola në 32 ndeshje. Ibra e fitoi këtë trofe për herë të dytë pasi e kishte fituar edhe më Interin në sezonin 2008–09. Në total, Ibrahimoviç luajti 85 ndeshje me Milanin duke arritur të shënojë 56 Gola dhe dhuruar 27 assista.

Paris Saint–Germain

Ibrahimović gjatë prezantimit të tij me PSG.

Më 17 Korrik 2012, klubi francez Paris Saint-Germain konfirmoi se kishte bërë një marëveshje me Milan për blerjen e Ibrahimoviç dhe Thiago Silvës. Për Ibrahimoviç, PSG pagoi 20 milion €. Ai firmosi një kontratë tre vjeçare me një pagë vjetore 14 milion € + 2 milion që ju dhanë nga PSG qe u largua nga AC Milan. Me pagën momentale që kishte Ibrahimoviç, ishte futbollisti i dytë në botë më i paguar pas Samuel Eto’o që në atë kohë merrte 20 milion € në sezon [38][39][40]. Më 17 Korrik 2012, ditën që PSG kishte konfirmuar që kishte blerë Ibrahimoviç për 20 Milion € [41], ky i fundit firmosi kontratën dhe në prezantimin e tij tha: “Ky është një hap i madhë në karrierën time dhe një tjetër ëndërr që u bë realitet. Unë jam shumë i lumtur, sepse projekti që ka klubi më pëlqen dhe gjithashtu më pëlqen që edhe une jam pjesë e saj. Unë dua të hyj në historinë e klubit. Jam ketu për të fituar dhe asgje më shumë.” [42]

Ai doli në rrugët e qytetit të Parisit me top me ngjyrat e Parisit, dhe doli për të përshëndetur tifozat që e mirëpritën, ai shfaqi aftësitë e tij teknike duke argëtuar të pranishmit.

Sezoni 2012–13

“Ne nuk kemi pasur një golashënues të tillë në Francë për një kohë të gjatë. Ai është nga një planet tjetër si askush tjetër”

Ibrahimoviç shënoi dy herë në pjesën e dytë për PSG duke kthyer disavantazhin prej dy Golave dhe duke ndihmuar në barazimin 2–2 kundër Lorient në ndeshjen hapëse të 2012–13 Ligue 1 [43]. Ai shënoi gjithashtu dhe dy Gola të tjerë në ndeshjen tjetër të PSG kundër Lille OSC në pjesë e parë të ndeshjes duke i dhënë PSG-së fitoren e tretë pas tre barazimeve të marra në tre javët e para. Golin e parë kundër Lille, Ibrahimoviç e shënoi pas 18 sekondave që është edhe Goli me i shpejtë në karrierën e Ibrahimoviç dhe me i shpejti në këtë sezon në Ligue 1.

Në ndeshjen hapëse të UEFA Champions League për sezonin 2012–13, Ibrahimoviç shënoi Golin e tij të gjashtë në ndeshjen e tij të pestë me panallti. Ibrahimoviç shënoi me penallti në pjesën e parë kundër Dynamo Kyiv, ndeshje e Grupit A. Ibrahimoviç pas Golit të tij kundër Dynamo Kyiv u bë lojtari i parë në historinë e futbollit që shënon për gjashtë skuadra të ndryshme në Champions League. Më 8 Tetor 2012, Ibrahimoviç u bë lojtari i tretë në historinë e futbollit pas Laurent Blanc dhe Ronaldinho që luan një ndeshje në El Clásico në Spanjë, në Derby della Madonnina në Itali dhe në Le Classique në Francë. Ibrahimoviç shënoi dy Gola kundër Marseilles. Golin e dytë kundër Marseilles e shënoi me goditje dënimi. Ndeshja përfundoi me rezultatin 2–2. Më 11 Dhjetor 2012, Ibrahimoviç shënoi një hat-trick kundër Valenciennes, ndeshja përfundoi 3–0 dhe ky ishte hat-trick i parë në këtë sezon.

Në Janar 2013, Ibrahimoviç morri fanellën me numrin 10 pas largimit të brazilianit Nenê. Ibrahimoviç u bë assistuesi më i mirë i UEFA Champions League pas përfundimit të sezonit me 7 assista. Më 12 Maj 2013, Ibrahimoviç fitoi trofeun e tij të parë me PSG pas një fitore jashtë fushe kundër Lyon duke i dhënë titullin e tretë PSG-së pasi titulli i fundit që kishte marrë ishte i sezonit 1993–94.

Sezoni 2013–14

Ibrahimoviç duke u përgatitur për një ndeshje në Champions League.

Ibrahimoviç e filloi sezonin 2013–14 me fitimin e Trophée des Champions kundër Bordeaux, ai e filloi ndeshjen si titullar duke luajtur 90 minuta, ai shënoi një Gol në minutën e 78, por që anullua për pozicion jashë loje, tre minuta më vonë, Ibra dhuroi një assist që u shëndrua në Gol nga Ongenda, pastaj Alex shënoi Golin e fitores në minutën e 93 me kokë. Më 9 Gusht, në ndeshjen e parë në Ligue 1, Ibra assistoi në Golin e Maxwell në barazimin 1–1 kundër Montpellier. Më 26 Gusht, Ibra dhuroi një tjetër Assis për Cavanin në fitoren 1–2 kundër Nantes. Ai shënoi Golin e parë në Ligue 1 për sezonin 2013–14 më 31 Gusht për ti dhënë fitoren 2–0 skuadrës së tij kundër Guingamp. Në ndeshjen e parë të Parisit në Champions League për sezonin e ri, Ibra humbi një penallti në fitoren 1–4 të skuadrës së tij, ishte hera e parë që nga viti 2010 që Ibra humbte penallti në një ndeshje zyrtare.

Më 24 Shtator 2013, Ibrahimoviç rinovoi kontratën e tij me Paris Saint–Germain deri në vitin 2016 [44]. Më 19 Tetor 2013, ai shënoi dy Gola në fitoren 4–0 kundër Bastias [45]. Ai tregoi një formë fantastike ku më 23 Tetor i impresioni të gjithë duke shënuar katër Gola në fitoren 0–5 të Paris Saint-Germain kundër Anderlecht në ndeshjen e fazës së grupeve të Champions League, ai shënoi hat-trickun e tetë me të shpejtë dhe u bë lojtari i 11 që arrin të shënoj katër Gola ose më shumë në një të Champions Leagues [46].

Ibrahimoviç ishte një nga 23 lojtarët e përzgjedhur për të fituar çmimin “Topi i artë” [47], gjithashtu edhe Goli i tij në miqësoren kundër Anglisë më 14 Nëntor 2012, u nominua për Çmimin FIFA Puskás. Më 9 Nëntor, Ibra dhuroi një tjetër performancë fantastike duke shënuar edhe tre Gola të tjerë në fitoren 3–1 kundër OGC Nice në Parc de Princes [48][49]. Më 2 Dhjetor, Ibra shënoi dy Gola me penallti në fitoren 4–0 kundër Olympique Lyon duke u bërë dhe golashënuesi më i mirë në Ligue 1 për momentin [50].

Më 8 Janar 2014, Ibrahimoviç shënoi hat-trickun e tretë këtë sezon në 2–5 kundër Brest në raundin e 64 të Kupës së Francës [51]. Më 13 Janar 2014, në ceremominë në Zyrih për çmimin 2013 FIFA Topi i Artë, Ibrahimoviç përfundoi në vendin e katërt me 257 pikë mbrapa Franck Ribéry, Lionel Messi dhe Cristiano Ronaldos që ishte fituesi. Ibrahimoviç u shpall fitues i Çmimit Puskás për Golin e tij kundër Anglisë [52], pasi mori 48,7% të votave, përveç kësaj, Ibra ishte edhe në formacionin më të mirë të vitit sëbashku me shokun e skuadrës Thiago Silva [53]. Më 19 Janar 2014, Ibrahimoviç shënoi edhe dy Gola të tjerë dhe dhuroi një assis për Golin e Edinson Cavanit në fitoren 5–0 kundër Nantes [54]. Më 4 Shkurt, ai shënoi dy Gola kundër Nantes për të dërguar Les Parisiens në finalen e Kupës së Ligës kundër Olympique Lyon. Golin e parë, ai e shënoi pas një gabimi të portierit Riou i cili e gjuajtin topin gabim, topi përfundoi tek Ibra i cili goditi menjëherë nga 30 metra distancë për ta dërguar topin lart duarve të portierit, ky ishte Goli i tij i 31 për sezonin 2013–14 [55].

Më 18 Shkurt, në ndeshjen e parë të raundit të 16 të UEFA Champions Leagues kundër skuadrës gjermane Bayer Leverkusen, Ibrahimoviç shënoi dy Gola duke ndihmuar skuadrën të fitonte me rezultatin 0–4 dhe praktikisht të sigurojë kualifikimin në çerek–finale; Goli i dytë i tij erdhi nga jashtë zonës me këmbën e majtë dhe kapi shpejtësinë 103 km/h [56]. Në ndeshjen e rradhës më 23 Shkurt, Ibrahimoviç shënoi një tjetër hat-trick në fitoren 2–4 në Stadiumin Municipal kundër Toulouse FC, këto Gola e çuan në 37 numrin e Golave të shënuar në sezonin 2013–14 për të, më shumë se çdo sezon tjetër [57]. Më 8 Mars 2014, Ibra shënoi një Gol dhe dhuroi assistat e Golave të Ezequiel Lavezzit, me Paris Saint–Germain që mposhti me rezultatin 0–3 Bastian [58]. Vetëm nëntë ditë më vonë, ai shënoi Golin e 24 dhe 25 në Ligue 1 në fitoren 2–0 kundër Saint-Étienne duke thyer rekodin e Carlos Bianchi për numrin e Golave të shënuar në 1 sezon me Paris Saint-Germain [59].

Më 2 Prill, Paris Saint-Germain mposhti Chelsean me rezultatin 3–1 në ndeshjen e parë të çerek–finales së Champions Leagues, megjithatë, Ibrahimoviç doli i dëmtuar nga fusha në minutën e 68 pas një përplasje me David Luiz [60]. Pas ekzaminimeve, u zbulia se Ibrahimoviç do të mungonte për një muaj duke humbur kështu ndeshjen e kthimit kundër Chelseas në Stamford Bridge ku Parisi humbi me rezultatin 2–0 duke u eleminuar me rregullin e Golit jashtë fushe [61][62]. Më 7 Maj, pavarësisht humbjes kundër Rennes me rezultatin 2–1, PSG u shpall kampione e Francës për të dytin sezon rresht pas barazimit të Monacos 1–1 Guingamp [63]. Ibrahimoviç vendosi rekord pasi ky ishte titulli i tij i 11 në sezonin e 13 si futbollist profesionist [64] Ibrahimoviç u shpall golashënuesi më i mirë i Ligue 1 me 25 Gola gjithashtu u shpall edhe lojtari i sezonit për të dytin vit rradhazi [65].

Sezoni 2014–15

Në ndeshjen e parë zyrtare të sezonit 2014–15, Ibrahimoviç shënoi dy Gola me Paris Saint-Germain që mposhti me rezultatin 2–0 Guingamp në 2014 Trophée des Champions, për të siguruar trofeun e parë për sezonin e ri [66]. Në ndeshjen e parë të ligës për sezonin e ri, Ibrahimoviç shënoi dy Gola por gjithashtu humbi një rast me portën e boshatisur dhe gjithashtu një penallti që u prit nga portieri me Paris Sanit-German që barazoi me rezultatin 2–2 kundër Stade de Reims.[67]. Në ndeshjen e dytë në ligë kundër Bastias, Ibrahimoviç doli nga fusha i dëmtuar, por megjithatë Paris Saint-Germain fitoi 2–0 duke marrë fitoren e parë të sezonit në ligë [68]. Pas ekzaminimeve u konfirmua se Ibrahimoviç do të qëndronte jashtë fushave për gjashtëve javë [69].

Kombëtarja

Edhe pse Ibrahimoviç kishte të drejtën të luante për Suedinë dhe Kroacinë ai vendosi të luante për Kombëtaren e vendit ku kishte lindur [70].

Ai bëri debutimin e tij për Suedinë më 31 Janar 2011 kundër Ishujve Faroe përpara se të fillonte 2000–01 Nordic Football Championship. Më 7 Tetor 2001, Zlatan Ibrahimoviç luajti ndeshjen e tij të parë për kualifikuet e një Kupë Bote. Ibrahimoviç ishte pjesë e Suedisë në Kupen e Botës 2002 ku Suedia u eleminua nga Senegali në raundin e 16. Ibrahimoviç në Kupën e Botës 2002 hyri 2 herë si zëvëndesim: 1 herë kundër Argjentinës në minutën e 88 dhe në minutën e 76 kundër Senegalit.

Ibrahimoviç ishte në formacionin e parë në UEFA Euro 2004. Ai shënoi një penallti në fitoren e Suedisë 5–0 kundër Bullgarisë dhe një Gol tjetër në barazimin 1–1 kundër Italisë dhe humbi edhe një penallti në gjuajtjet e penalltive në çerek–finalen kundër Hollandës.

Gjatë Kualifikueseve për Kupën e Botës 2006, Zlatan Ibrahimoviç shenoi 4 Gola në fitoren 7–0 të Suedisë kundër Maltës. Ai shënoi sërisht kundër Maltës në fitoren 6–0 të Suedisë. Gjithashtu shënoi edhe në ndeshjet kundër Bullgarisë, Hungarisë dhe Islandës. Në total, Ibrahimoviç shënoi 8 Gola. Në Kupën e Botës 2006, Ibrahimoviç nuk arriti dot të shënoi asnjë Gol.

Ibrahimoviç u thirr nga Suedia për kualifikueset e UEFA Euro 2008, por 2 ditë përpara ndeshjes së parë në kualifikuese, ai theu rregullat e kombëtares pasi sëbashku me Christian Wilhelmsson dhe Olof Mellberg lanë hotelin ku po qëndronte kombëtarja dhe shkuan në një klub nate. Edhe pse asnjë nuk kishte pirë alkol, trajneri Lars Lagerbäck i përjashtoi ata nga ndeshjet kualfikuese. Mellberg dhe Wilhelmsson nuk e pranuan vendimin dhe e tranjerit dhe nuk luajtën vetem në 3 ndeshje, kurse Zlatan Ibrahimoviç mendoi se vendimi i trajnerit ishte i padrejtë dhe kështu refozoi të luante në ndeshjet kundër Islandës dhe Spanjës. Gjithashtu Ibrahimoviç refuzoi të merrte pjesë edhe ne miqësoren kundër Egjiptit më 7 Shkurt 2007, por e përfundoi bojkotin e tij duke u rikthyer më 28 Mars kundër Irlandes së Veriut.

Zlatan Ibrahimoviç ndaloi rekordin për mos–shënimin e Golit pas 2 viteve duke shënuar në UEFA Euro 2008 kundër Greqisë më 10 Qershor 2008. Gjithashtu Ibrahimoviç shënoi sërisht 4 ditë më vonë kundër Spanjës. Ai e përfundoi turnamentin me 2 Gola në 3 ndeshje pasi Suedia u eleminua që në fazën e grupeve.

Në kualfikueset për Kupën e Botes 2010, Ibrahimoviç arriti të shënoj vetem 2 Gola kundër Maltës më 10 Qershor 2009 dhe kundër Hungarisë në fitoren 2ë1 të Suedisë [71][72].

Përpara se të fillonin Kualifikueset e UEFA Euro 2012, Zlatan Ibrahimoviç u emërua Kapiten i skuadrës në rikthimin e tij në kombëtare. Ai shënoi Golat e tij të parë në Kualfikuese kundër San Marinos pasi shënoi Golin e parë dhe të pestë në fitoren 6–0 të Suedisë. Golat e tij të tjerë në kualifikuese erdhën kundër Finlandës, ku Ibrahimoviç shënoi një Hat–trick në fitoren 5–0.

Në UEFA Euro 2012, Zlatan Ibrahimoviç shënoi Golin e parë në humbjen e kundër Ukrainës në humbjen 2–1 [73]. Ai më pas shënoi një supergol në fitoren e vetme të Suedisë në Grupin D kundër Finlandës në fitoren 2–0 [74]. Suedia edhe pse fitoi, e përfundoi Grupin në vendin e tretë duke u eleminuar që në fazën e grupeve. Zlatan Ibrahimoviç ishte një nga 23 lojtaret më të mirë të UEFA Euro 2012 dhe në total shënoi 2 Gola.

Në Tetor 2012, Zlatan Ibrahimoviç shënoi Golin e parë e përmbysjes së Suedisë kundër Gjermanisë për kualifikueset e Kupës së Botës 2014. Suedia ktheu rezultatin nga 4–0 në 4–4 për 35 minuta [75][76].

Më 14 Nëntor 2012, Zlatan Ibrahimoviç shënoi 4 Gola në fitoren 4–2 të Suedisë kundër Anglisë. Ishte hera e dytë në histori që një futbollist arrin të shënojë 4 Gola kundër Anglisë, hera e fundit ishte në vitin 1915. Goli i katërt i tij ishte me një rrofeshat nga 30 metra. Shumë kritikë e cilësuan ketë Gol si Golin e shekullit dhe vunë në pah teknikën dhe aftesinë e jashtëzakoneshme të Zlatan Ibrahimoviç [77][78][79].

Më 14 Gusht 2013, Ibrahimoviç shënoi një tjetër Hat–trick kundër rivalëve skandinav të Norvegjisë në një ndeshje miqësore në Friends Arena, ndeshja përfundoi me rezultatin 4–2 për Suedinë [80].

Më 10 Shtator 2013, Ibrahimoviç shënoi Golin e dytë më të shpejtë në historinë e kombëtares suedeze në fitoren 0–1 kundër Kazakistanit më kualifikueset e Botëriorit 2014, ai e shënoi Golin që në sekondën e 27, rekordi mbahet nga Hjalmar Loriksit në vitin 1912 me 12 sekonda, ai shënoi në një ndeshje miqësore kundër Finlandës.

Ai e mbylli fazën kualifikuese të Kupës së Botës 2014 me 8 Gola të shënuar, përfshirë 2 Gola të shënuar në Play–Off në humbjen 2–3 kundër Portugalisë, skuadra dështoi të kualifikohej për në botëror.

Më 4 Shtator 2014, Ibrahimoviç shënoi dy Golat e fitores 2–0 kundër Estonisë në një ndeshje miqësore duke u bërë golashënuesi më i mirë i të gjitha kohërave me 50 Gola, duke thyer legjendën Sven Rydell i cili ka qënë golashënuesi më i mirë i kombëtares që nga viti 1932; pasi shënoi Golin e dytë, Ibrahimoviç nxorri një fanellë për tifozët ku shkruhej “Ni gjorde det mojligt” (Ju e bëtë të mundur këtë) [81][82].

Stili i lojës

Ibrahimoviç njihet për një aftesi të jashtzakonshme për të shenuar Gol, gjithashtu ka eksperiencën për të qënë udhëhequr skuadrën dhe shpesh herë di të nxjerr skuadrën nga problemet. Ai njihet për aftesinë e tij për të shënuar Gola me kokë për shkak të gjatesisë së tij dhe gjithashtu ka një kontroll fantastik të topit dhe njihet si lojtar vendimtar i ndeshjeve me rendesi të madhe. Ibrahimoviç e ka quajtur stilin e tij të lojës “Zlatan Style” (Stili i Zlatanit).

Ai është i vetmi lojtar që ka shënuar të paktën një Gol në Derbin e Madonninës kundër Milan & Inter, në El Clasico kundër Real Madrid dhe në Le Clasique kundër Marseille, gjithashtu është i vetmi lojtar që ka shenuar të paktën një Gol për gjashtë klube të ndryshme në UEFA Champions League [83][84][85][86][87].

Jeta personale

Zlatan Ibrahimoviç është martuar me Helena Seger e cila është 11 vjet më e vjetër se Zlatan Ibrahimoviç. Me Helena Seger, Zlatan Ibrahimoviç ka 2 fëmije: Maximilian (22 Shtator 2006) dhe Vincent (6 Mars 2008). Zlatan Ibrahimoviç jeton për momentin në Paris, por ka një shtëpi në Malmö ku Zlatan shkon për pushime verore.

Në vitin 2012 krijoi një libër biografik me emrin “My name is Zlatan” (Emri im është Zlatan) [88].

Zlatan Ibrahimović në shtepinë e tij ka një pikturë sa faqja e murit ku në të cilën është pikturuar këmba e tij e djathtë. Kur gazetari e pyeti ate çdomethenie ka piktura ai u pergjigj: “Domethenia e piktures është se nga këmba lindi e gjithe kjo (karriera e tij).”

Konfliktet

Ibrahimović ka qenë i përfshirë në disa incidente të dhunshme me shokët e tij, disa prej të cilave kanë shkuar menjëherë në internet. Në vitin 2011, Ibrahimović i gjuajti me këmbë në kokë shokut të tij Antonio Cassano, pasi ky i fundit ishte duke folur me gazetarët, kjo gjë ndodhi pasi Milan kishte siguruar kampionatin.[89] Ibrahimović gjithashtu ka goditur me këmbë shokët e tij Christian Wilhelmsson dhe Rodney Strasser respektivisht në stërvitjet e Suedisë dhe Milanit.[90][91]

Në 2004, gjatë një ndeshje miqësore kundër Hollandës, shoku i skuadrës tek Ajax Rafael van der Vaart e akuzoi Ibrën publikisht se e kishte dëmtuar me qëllim atë gjatë ndeshjes. Ai ju kundërpërgjigj duke i thënë se do t’ja thyej të dyja këmbët.[92] Ibrahimović gjithashtu ka qëlluar shokun e skuadrës Mido në dhomat e zhveshjes.

Ibrahimoviç ka pasur një mosmarrëveshje të madhe me trajnerin Pep Guardiola gjatë kohës së qëndrimit të tij te Barcelona. Kjo mosmarrëveshje erdhi në dhomat e zhveshjes ku Ibra shkaktoi një incident duke hedhur një fanellë stërvitje dhe duke ofenduar Guardiolën me të bërtitura. Guardiola në fund nuk pranoi të flasë për huazimin e suedezit te Milani.[93] Pas rikthimit të tij në Itali, Ibra zbuloi se nuk fliste me trajnerin që nga muaji Mars.[94]

Në 2010, Ibrahimović u përfshi në një luftë me grushta në stërvitjen e Milanit me shokun e skuadrës Oguchi Onyewu, pasi suedezi bëri dy ndërhyrje të gabuara në stërvitje kundër tij. Në autobiografinë e tij me titullin Jag är Zlatan, ai e kishte përshkurar këtë situatë duke thënë: “Onyewu është një kafshë, ai më theu dy brinjë gjatë grindjes”. Seanca e stërvitjes u ndërpre pasi grindja u ndalua. Onyewu kishte akuzuar Ibrën duke thënë se ai e kishte ofenduar.[95]

Në Mars 2011, Ibrahimović u pezullua për tre ndeshje sepse goditi në stomak mbrojtësin e Barit Marco Rossi gjatë një dyluftimi.[96] Ai mori sërisht tre ndeshje pezullim në Shkurt 2012 pasi goditi me shuplakë mbrojtësin Salvatore Aronica gjatë një ndeshje kundër Napolit.[97]

Pas fitores 1–0 të Suedisë kundër Ishujve Faroe në Tetor 2012, kapiteni i faroetëve Frodi Benjaminsen akuzoi Ibën për lojë të keqe dhe e përshkroi atë si “arrogant”, “injorant” dhe një “lojtar i pisët”.[98]

Në Nëntor 2012, Ibrahimović u ndëshkua me dy ndeshje pezullim pasi goditi portierin e St Etienne Stéphane Ruffier në stomak.[99][100] Në Dhjetor 2012, Ibrahimović u akuzua nga presidenti Jean-Michel Aulas dhe mbrojtësi i Lyon, Dejan Lovren për shkeljen që Ibra i bëri në kokë mbrojtësit kroat.[101] Në Shkurt 2013, UEFA dënoi Ibrën me dy ndeshje pezullim pas kartonit të kuq të marrë në fundin e ndeshjes pas ndërhyrjes së gabuar kundër anësorit Andrés Guardado në ndeshjen kundër Valencias.[102][103] Në Mars 2013, Lucas Moura pohoi se Ibrahimović vazhdimisht i ofendon shokët e skuadrës, duke deklaruar: “Ai gjithmonë kërkon topin dhe ofendon shumë. Ai është ndonjëherë pak arrogant dhe të ankohet”.[104] Në Maj 2013, Ibrahimoviç u filmua duke i bërtitur drejtorit sportiv Leonardo pas fitores së titullit.[105]

Në Dhjetor 2013, Ibrahimović shkaktoi polemika në shtetin e tij, pasi ai citohet të ketë sygjeruar se futbollistet femra të shtetit të tij duhej të shpërbleheshin me biçikleta në vend të makinave.[106]

Statistikat

Klubet

Redaktuar më 19 Shkurt 2014 [107].

Klubi Sezoni Liga Kupa Europa1 Tjetër2 Total
Ndeshje Gola Ndeshje Gola Ndeshje Gola Ndeshje Gola Ndeshje Gola
Malmö FF 1999 6 1 — — — 6 1
2000 26 12 — — — 26 12
2001 8 3 — — — 8 3
Total 40 16 — — — 40 16
Ajax 2001–02 24 6 3 1 6 2 — 33 9
2002–03 25 13 3 3 13 5 1 0 42 21
2003–04 22 13 1 0 8 2 — 31 15
2004–05 3 3 — — 1 0 4 3
Total 74 35 7 4 27 9 2 0 110 48
Juventus 2004–05 35 16 0 0 10 0 — 45 16
2005–06 35 7 2 0 9 3 1 0 47 10
Total 70 23 2 0 19 3 1 0 92 26
Internazionale 2006–07 27 15 1 0 7 0 1 0 36 15
2007–08 26 17 0 0 7 5 1 0 34 22
2008–09 35 25 3 3 8 1 1 0 47 29
Total 88 57 4 3 6 5 3 0 117 66
Barcelona 2009–10 29 16 2 1 10 4 4 0 45 21
2010–11 — — — 1 1 1 1
Total 29 16 2 1 10 4 5 1 46 22
Milan 2010–11 29 14 4 3 8 4 — 41 21
2011–12 32 28 3 1 8 5 1 1 44 35
Total 61 42 7 4 16 9 1 1 85 56
Paris Saint-Germain 2012–13 34 30 3 2 9 3 0 0 46 35
2013–14 32 25 4 5 7 10 1 0 44 40
Total 66 55 7 7 16 13 1 0 90 75
Karriera në total 428 244 29 19 110 44 13 2 580 309

1 Përfshirë dhe ndeshjet e UEFA Champions Leagus dhe Kupës UEFA/Europa Leagues.

2 Përfshirë dhe ndeshjet e Johan Cruijff Shield, Superkupa Italiane, Supercopa de España, Trophée des Champions, Superkupës Evropiane dhe FIFA Kupës së Botës për Klube.

[108][109][110][111][112][113][114]

Kombëtarja

Kombëtarja Suedeze U–21
Viti Ndeshje Gola
2001 7 6
Total 7 6
Kombëtarja Suedeze
Viti Ndeshje Gola
2001 5 1
2002 10 2
2003 4 3
2004 12 8
2005 5 4
2006 6 0
2007 7 0
2008 7 2
2009 6 2
2010 4 3
2011 11 3
2012 8 11
2013 11 9
Total 96 48

Golat me kombëtaren U–21

Lista e Golave dhe rezulatet me Suedinë U–21.

Golat me kombëtaren Suedeze

Lista e Golave dhe rezulatet me Suedinë.

Trofe

Ajax

Juventus

Internazionale

Barcelona

AC Milan

PSG

Çmime personale

  • Këpuca e Artë (1): 2012
  • Skuadra e UEFA Euro 2012 (1): 2012
  • UEFA Skuadra e Vitit (2): 2007, 2009
  • UEFA Euro 2012 Lojtari i ndeshjes: Suedi vs Francë
  • UEFA Euro 2008 Lojtari i ndeshjes: Greqi vs Suedi
  • UEFA Euro 2004 Lojtari i ndeshjes: Itali vs Suedi
  • Serie A – Golashenuesi më i mirë (2): 2009, 2012
  • Golashenuesi më i mirë: 2012–13, 2013–14
  • Ligue 1 Lojtari i vitit.
  • Ligue 1 Skuadra e vitit: 2012–13
  • Serie A Futbollisti i jashtëm i vitit (4): 2005, 2008, 2009, 2011
  • Serie A Futbollisti i vitit (3): 2008, 2009, 2011
  • Superkupa e Italisë 2011: Lojtari i ndeshjes.
  • Serie A Lojtari i muajit: Janar 2012
  • 2012–13 Champions League Assistuesi me i mire (1): 7 Assista
  • Guldbollen (8): 2005, 2007, 2008, 2009, 2010, 2011, 2012, 2013
  • Jerringpriset (1): 2007
  • Atleti Suedez mashkull me i mire (2): 2007, 2010

Rekorde Personale

  • I vetmi lojtar që ka fituar dhjetë kampionate në njëmbëdhjetë sezone.
  • I vetmi lojtar që ka fituar dhjetë kampionate me katër skuadra të ndryshme.
  • I vetmi lojtar që ka shënuar me gjashtë skuadra të ndryshme në Ligën e Kampioneve.
  • I vetmi lojtar që ka shënuar dy ose me shumë gola në tre edicione të Kampionatit Europian me Suedinë.
  • I vetmi lojtar suedez që ka fituar Këpucën e Artë për golin më të bukur të vitit.
  • I vetmi lojtar që është shpalluar lojtari më i mirë i Serie A në tre vite.

Referenca

  1. ^ “FIFA Club World Cup UAE 2009 presented by Toyota: List of Players” (PDF). FIFA. 1 Dhjetor 2009: 1. Retrieved 28 Mars 2014. 
  2. ^ “Ibrahimovic Zlatan”. Paris Saint-Germain. Retrieved 18 Korrik 2012. 
  3. ^ “Spelprogram – P18 Träningslandskamp”. Svenskfotboll (Suedisht). Retrieved 27 Gusht 2014. 
  4. ^ “Zlatan Ibrahimovic”. ESPN FC. Retrieved 5 Maj 2014. 
  5. ^ “World’s Highest Paid Footballer’s Revealed”. talksport.co.uk. Retrieved 6 Nëntor 2011. 
  6. ^ “Zlatan Ibrahimovic Biography”. ESPN. Marrë më 15 Nëntor 2013
  7. ^ “Zlatan Ibrahimovic: From teenage outcast to world great”. BBC Sport. Marrë më 17 Maj 2014
  8. ^ “Papin: Ibrahimovic is like Van Basten”. FIFA.com. Marrë më 15 Nëntor 2013
  9. ^ “Mourinho: Ibrahimovic is better than Ronaldo”. ESPN. Marrë më 17 Maj 2014
  10. ^ “Zlatan wins FIFA’s goal of the year award for unbelievable bicycle kick against England”. Daily Mail. Marrë më 14 Janar 2014
  11. ^ “The 100 best footballers in the world 2013 – interactive”. The Guardian. 20 Dhjetor 2013. Retrieved 1 Janar 2014. 
  12. ^ “Zlatan Ibrahimovic: Striker fumes as Borg is top sporting Swede”. BBC. 23 Dhjetor 2014. Retrieved 23 Dhjetor 2014. 
  13. ^ Burton, Fred (2 Tetor 2014). “Under Fire”. Icon Books: 224. Retrieved 12 Mars 2015. 
  14. ^ Gabim referencash: Etiketë <ref> e pavlefshme; asnjë tekst nuk u dha për refs e quajtura Hawkey
  15. ^ “Uzbudljiva autobiografije svjetske zvijezde od subote u prodaji! ‘Bio sam problematičan tinejdžer iz kvarta, krao bicikle i uživao u tome'”. Dražen Krušelj (Kroacisht). 
  16. ^ “Zlatan Ibrahimović”. Evolvia (Suedisht). Retrieved 28 Maj 2009. 
  17. ^ a b “Rosenberg – för mig är han högerback”. Sydsvenskan (Suedisht). Retrieved 28 Maj 2009. 
  18. ^ Jönsson, Jan (23 Qershor 2001). “Så blev Zlatan stor”. Sydsvenskan (Suedisht). Retrieved 28 Maj 2009. 
  19. ^ “Zlatan Ibrahimovic hails Ronaldo as best player he has ever played against”. Daily Mail. Marrë më 3 Gusht 2014
  20. ^ “How Zlatan Ibrahimovic nearly joined Arsenal”. thespoiler.co.uk. Retrieved 24 Prill 2009. 
  21. ^ “Historien om MFF”. mff.se (Suedisht). 
  22. ^ “Group stage”. UEFA. Marrë më 12 Janar 2015
  23. ^ “Second group stage”. UEFA. Marrë më 12 Janar 2015
  24. ^ a b Career – Zlatanibrahimovic.net. Marrë 7 Dhjetor 2008
  25. ^ Player Profile: Rafael van der Vaart – realmadridzone.blogspot.com. Marrë më 7 Dhjetor 2008
  26. ^ “Operations concerning Zlatan Ibrahimovic and Fabrizio Miccoli registration rights”. Juventus. 31 Gusht 2004. Retrieved 26 Korrik 2009. 
  27. ^ “Guldbollen 2005 till Zlatan Ibrahimovic”. – svenskfotboll.se. Marrë më 7 Dhjetor 2008
  28. ^ “Ibrahimovic set to take legal action to escape from Juve”. The independent. Marrë më 7 Dhjetor 2008
  29. ^ “Ibra in Inter”. inter.it. Retrieved 6 Shkurt 2014. 
  30. ^ “Agreement with F.C. Internazionale S.p.A.”. Juventus. 10 Gusht 2006. Retrieved 26 Korrik 2009. 
  31. ^ “IBRAHIMOVIC: “INTER, MY TEAM AS A BOY””. inter.it. Retrieved 6 Shkurt 2014. 
  32. ^ “INTER’S HISTORIC 2006/07 SERIE A SEASON”. F.C. Internazionale Milano. 28 Maj 2007. Retrieved 18 Maj 2014. 
  33. ^ “Ibrahimovic: “We’re still top””. Internazionale. 26 Tetor 2008. Retrieved 26 Korrik 2009. 
  34. ^ Rory Smith (6 Shkurt 2009). “Zlatan Ibrahimovic and Kaka pip Premier League stars in football wages list”. The Daily Telegraph (Londër). Retrieved 21 Tetor 2010. 
  35. ^ a b “Inter’s blushes spared as Ibrahimovic earns his redemption”. The Guardian. 19 Maj 2008. Retrieved 18 Maj 2014. 
  36. ^ “Allsvenskan lockar inte Zlatan”. Aftonbladet (Suedisht). 16 Nëntor 2008. Retrieved 17 Nëntor 2008. 
  37. ^ Laporta announces agreement in principle with Inter. Aftonbladet. Vizituar në 19 Shkurt 2014.
  38. ^ Ibrahimovic au PSG, c’est fait!. Eurosport. Vizituar në 18 Korrik 2012.
  39. ^ “Zlatan Ibrahimovic presented as PSG player”. The Times Of India. Retrieved 18 Korrik 2012. 
  40. ^ Que les gros salaires lèvent le doigt. Eurosport. Vizituar në 19 Korrik 2012.
  41. ^ Zlatan Ibrahimovic joins Paris St-Germain from AC Milan. Vizituar në 19 Korrik 2012.
  42. ^ PSG prise Ibrahimović away from Milan. UEFA. Vizituar në 19 Korrik 2012.
  43. ^ Zlatan Ibrahimovic helps PSG draw. Associated Press. Retrieved 15 Gusht 2012. 
  44. ^ Ibrahimovic extends PSG contract until 2016. Goal.com. 24 Shtator 2013. Retrieved 26 Shtator 2013. 
  45. ^ Ibra e Cavani i sjellin pikë të reja PSG-së. Telegrafi.com. 19 Tetor 2013. Retrieved 19 Tetor 2013. 
  46. ^ PSG e Ibras fundos Anderlechtin. Telegrafi.com. 23 Tetor 2013. Retrieved 23 Tetor 2013. 
  47. ^ FIFA Topi i Artë: Lista prej 23 kandidatëve. Telegrafi.com. Vizituar në 29 Tetor 2013.
  48. ^ Ibra triumfues ndaj Nice. Telegrafi.com. Vizituar në 9 Nëntor 2013.
  49. ^ Paris Saint-Germain 3-1 Nice: Ibrahimovic hat-trick sees champions pull clear of Monaco. Goal.com. Vizituar në 9 Nëntor 2013.
  50. ^ PSG shkel Lyonin. Telegrafi.com. Vizituar në 2 Dhjetor 2013.
  51. ^ Ibra i pandalshëm në triumfin e PSG. Telegrafi.com. Vizituar në 9 Janar 2014.
  52. ^ Ibra, realizues i golit më të bukur (Video). Telegrafi.com. Vizituar në 13 Janar 2014.
  53. ^ Formacioni i vitit 2013 nga FIFA. Telegrafi.com. Vizituar në 13 Janar 2014.
  54. ^ Pesë gola nga PSG. Telegrafi.com. Vizituar në 19 Janar 2014.
  55. ^ Ibra, ndalo së shënuari gola fantastikë. Telegrafi.com. Vizituar në 6 Shkurt 2014.
  56. ^ PSG në çerekfinale. Telegrafi.com. Vizituar në 18 Shkurt 2014.
  57. ^ Het-trik nga Ibra. Telegrafi.com. Vizituar në 23 Shkurt 2014.
  58. ^ PSG e ka titullin në duar. Telegrafi.com (9 mars). Vizituar në 9 mars.
  59. ^ Ibra nuk ndalet së shënuari. Telegrafi.com (17 mars). Vizituar në 18 mars.
  60. ^ PSG trondit Çelsin, Pastore tremb Moun. Panorama Sport (3 Prill 2014). Vizituar në 12 Maj 2014.
  61. ^ Ibra mungon një muaj, humb Çelsin. Panorama Sport (3 Prill 2014). Vizituar në 12 Maj 2014.
  62. ^ Zllatan dhe Champions s’janë bërë për njëri-tjetrin. Panorama Sport (10 Prill 2014). Vizituar në 12 Maj 2014.
  63. ^ PSG-ja shpallet kampione e Francës. Panorama Sport (8 Maj 2014). Vizituar në 13 Maj 2014.
  64. ^ Rekordmeni Ibrahimoviç, 11 tituj në 13 sezone. Panorama Sport (9 Maj 2014). Vizituar në 13 Maj 2014.
  65. ^ Zlatan Ibrahimovic: PSG striker wins player of year award. BBC Sport (12 Maj 2014). Vizituar në 13 Maj 2014.
  66. ^ Ibrahimoviç i jep Superkupën PSG-së. Panorama Sport. Retrieved 2 Gusht 2014. 
  67. ^ Zlatan Ibrahimovic hero and villain. ESPNFC (8 Gusht 2014). Vizituar në 8 Gusht 2014.
  68. ^ UNE GRANDE PREMIÈRE RÉUSSIE !. psg.fr. Retrieved 31 Gusht 2014. 
  69. ^ Ibra do t’i mungojë PSG-së për 6 javë. Panorama Sport. Retrieved 31 Gusht 2014. 
  70. ^ Croatia: We wanted Zlatan as well. Aftonbladet. Vizituar në 18 Gusht 2009.
  71. ^ Report: Sweden vs Malta. ESPN (10 qershor 2008). Vizituar në 5 shtator 2009.
  72. ^ Sweden defeats Hungary 2–1 in World Cup Qualifier. Fox Soccer (5 shtator 2008). Vizituar në 5 shtator 2009.
  73. ^ Ukraine 2 Sweden 1. BBC Sport (11 Qershor 2012). Vizituar në 11 Qershor2012.
  74. ^ Euro 2012: France get quarterfinal with 2–0 Sweden loss. 20June 2012. 
  75. ^ nternational round-up: Germany lose four-goal lead as Ibrahimovic inspires Sweden fightback. The Independent. 17 October 2012. 
  76. ^ German press bemoan ‘daft’ draw after Zlatan Ibrahimovic inspires Sweden’s comeback from 4-0 down. The Telegraph. 17 October 2012. 
  77. ^ Zlatan Ibrahimovic: taekwondo blackbelt key to Swedish striker’s goalscoring prowess. The Daily Telegraph (15 nëntor 2012). Vizituar në 15 Nëntor 2012.
  78. ^ Zlatan Ibrahimovic: I liked the first goal more because it was history. Guardian UK (15 nëntor 2012). Vizituar në 15 Nëntor 2012.
  79. ^ Zlatan Ibrahimovic goal like ‘a video game’, says Sweden coach. BBC Sport. 14 Nëntor 2012. Retrieved 15 Nëntor 2012. 
  80. ^ “Ibrahimovic scores hat-trick as Sweden beat Norway”. Eurosport. 14 Gusht 2013. 
  81. ^ “Ibrahimoviç, rekordmen ndaj Estonisë”. Panorama Sport. Retrieved 5 Shtator 2014. 
  82. ^ “Zlatan Ibrahimovic breaks all-time goal scoring record for Sweden after brace against Estonia”. Eurosport. Retrieved 4 Shtator 2014. 
  83. ^ Richard Williams at San Siro (16 Shkurt 2012): Zlatan Ibrahimovic comes back to haunt Arsenal on a painful night. The Guardian. Vizituar në 19 Korrik 2012.
  84. ^ Phil McNulty (1 prill): Football – Arsenal 2–2 Barcelona. BBC News. Vizituar në 21 Dhjetor 2014.
  85. ^ Ibrahimovic helps Barcelona upset Madrid. sportsnet.ca (29 Nëntor 2009). Vizituar në 21 Dhjetor 2014.
  86. ^ Ibrahimovic silences doubters – The National. Thenational.ae (18 Gusht 2012). Vizituar në 21 Dhjetor 2014.
  87. ^ Sabrina Mao: Milan edge out Inter in Super Cup | Reuters. Vizituar në 21 Dhjetor 2014.
  88. ^ Here is a song about Zlatan Ibrahimović. inside World Soccer. 21 Dhjetor 2012. 
  89. ^ “Ibrahimovic putting boot to Cassano’s head goes viral on YouTube twice: viral video spotlight”. The Independent. Retrieved 19 Shkurt 2014. 
  90. ^ “Zlatan Ibrahimovic kicks Sweden team-mate up the bum over bad tackle”. Metro News. Retrieved 19 Shkurt 2014. 
  91. ^ “Soccer: Zlatan Ibrahimovic’s latest antics”. ESPN FC. Retrieved 19 Shkurt 2014. 
  92. ^ “Zlatan Ibrahimovic: I threatened to break Rafael van der Vaart’s legs”. Mail Online. Retrieved 19 Shkurt 2014. 
  93. ^ “Zlatan Ibrahimovic blames Lionel Messi and Pep Guardiola for Barcelona flop”. Mail Online. Retrieved 19 Shkurt 2014. 
  94. ^ “Zlatan Ibrahimovic threatened to beat Pep Guardiola up”. ESPN FC. Retrieved 19 Shkurt 2014. 
  95. ^ “Ibrahimovic and Onyewu brawl during AC Milan practice”. ESPN FC. Retrieved 19 Shkurt 2014. 
  96. ^ “AC Milan’s Zlatan Ibrahimovic banned 3 matches for punch”. USATODAY.com. Retrieved 18 Shkurt 2014. 
  97. ^ “Serie A – Ibrahimovic banned for three games”. Eurosport. Retrieved 19 Shkurt 2014. 
  98. ^ “Zlatan Ibrahimovic branded arrogant, dirty and childish by Faroes captain”. The Guardian. Retrieved 19 Shkurt 2014. 
  99. ^ “Ibrahimovic sent off for karate kick against Saint Etienne”. Marca. Retrieved 19 Shkurt 2014. 
  100. ^ “Paris Saint-Germain’s Zlatan Ibrahimovic has ban extended”. ESPN FC. Retrieved 19 Shkurt 2014. 
  101. ^ “Zlatan Ibrahimovic accused of stamping on opponent: Video”. Mail Online. Retrieved 19 Shkurt 2014. 
  102. ^ “Valencia 1 Paris Saint-Germain 2: Ezequiel Lavezzi and Javier Pastore score before Zlatan Ibrahimovic is sent off”. Mail Online. Retrieved 22 Shkurt 2014. 
  103. ^ “UEFA hand Zlatan Ibrahimovic two-match ban following Valencia red card”. Sky Sports. Retrieved 22 Shkurt 2014. 
  104. ^ “Lucas: Ibrahimovic insults us a lot”. Yahoo Sports. Retrieved 22 Shkurt 2014. 
  105. ^ “Zlatan Ibrahimovic clashes with Leonardo in PSG dressing room – video”. Metro News. Retrieved 22 Shkurt 2014. 
  106. ^ “Zlatan Ibrahimović embroiled in sexism row”. inside World Soccer. Retrieved 28 Dhjetor 2013. 
  107. ^ ‘Pichichi’ y centenario. ESPN Soccernet. Retrieved 20 Prill 2010. 
  108. ^ “U21: 2–0 mot Makedonien”. Svenskfotboll (Suedisht). 23 Mars 2001. Retrieved 7 Qershor 2012. 
  109. ^ “U21 herr: Svensk seger i snömodd”. Svenskfotboll (Suedisht). 28 Mars 2001. Retrieved 7 Qershor 2012. 
  110. ^ “U21 herr: Svenskt målfyrverkeri mot Slovakien”. Svenskfotboll (Suedisht). 1 Qershor 2001. Retrieved 7 Qershor 2012. 
  111. ^ “U21 herr: Ny stabil svensk seger”. Svenskfotboll (Suedisht). 5 Qershor 2001. Retrieved 7 Qershor 2012. 
  112. ^ “U21 herr: Håglös insats gav 1–1”. Svenskfotboll (Suedisht). 1 Shtator 2001. Retrieved 7 Qershor 2012. 
  113. ^ U21 herr: Turkisk utspelning i en halvlek (Swedish). Svenskfotboll.se. 4 September 2001. Retrieved 7 June 2012. 
  114. ^ U21 herr: Inget EM-avancemang för Sverige (Suedisht). Svenskfotboll.se. 13 Nëntor 2001. Retrieved 7 Qershor 2012. 

Lidhje të jashtme

  • www.soccerfanatics.net
  • Fansite
  • www.zlatanmovie.tk
  • Pwww.footballdatabase.com
  • Zlatan Ibrahimović statistics – ESPNsoccernet
  • twitter
  • facebook
  • linkedin
Fjalë kyçe: , , , ,

Komentet

Lajme të ngjashëm

“Betejë kundër racizmit dhe diskriminimit”, Federata e Kosovës: Vendimi i UEFA-s tregon se vepruam si duhet, kemi prova të mjaftueshme për CAS

Federata e Futbollit të Kosovës ka reaguar në Website-n zyrtar, pas humbjes së ndeshjes 3-0 në tavolinë ndaj Rumanisë. FFK shkruan se pavarësisht vendimit të UEFA-s, ekzistojnë provat e mjaftueshme që çështja të fitohet në CAS.

REAGIMI I FFK:

Sot, pas ankesës sonë të bazuar në fakte për përdorimin e thirrjeve raciste, ksenofobe dhe gjuhës së urrejtjes nga tifozët rumun gjatë ndeshjes ndërmjet Rumanisë dhe Kosovës, UEFA ka marrë vendimin për të dënuar Federatën Rumune të Futbollit me një gjobë prej 128,000 eurosh dhe një ndeshje pa shikues.

Për FFK-në dhe lojtarët e Kombëtares tonë ky vendim është një konfirmim i arsyeshmërisë së veprimeve tona kundër thirrjeve raciste dhe mesazheve provokative politike kundër Kosovës. Për këtë, Rumania është dënuar me një vlerë totale prej 80,000 eurove. Ky vendim arsyeton në plotni veprimet tona, dhe jemi krenarë që Kombëtarja jonë e vlerësoi saktë situatën kur vendosi të lërë fushën në shenjë proteste ndaj këtyre thirrjeve raciste, mesazheve provokuese politike dhe sjelljeve të tjera diskriminuese. Ky vendim konfirmon se Kosova ka ngritur një standard të ri për mbrojtjen e dinjitetit dhe respektit në futbollin ndërkombëtar.

Pavarësisht kësaj, ne nuk jemi dakord me vendimin për t’i hequr Kosovës tri pikë në tavolinë dhe për ta shpallur rezultatin 3-0 në favor të Rumanisë. Për këtë vendim, FFK do të bëjë ankesa dhe do të apelojë rastin në Gjykatën e Arbitrazhit Sportiv (CAS) në Lozanë, duke vazhduar të mbrojë të drejtën dhe integritetin e Kombëtares sonë.

FFK tashmë ka dorëzuar një kërkesë formale për të marrë vendimin e plotë nga UEFA, për të patur qasje të plotë në të gjitha detajet dhe arsyetimet ligjore që kanë çuar në këtë vendim dhe pas pranimit të vendimit të plotë, ne do të përdorim çdo shkallë tjetër të apelimit që kemi në dispozicion për të kundërshtuar heqjen e pikëve, e cila nuk reflekton drejtësinë dhe nuk pasqyron përpjekjet tona për të mbrojtur vlerat sportive.

Ky rast nuk është thjesht një sfidë për futbollin kosovar, por një betejë kundër racizmit dhe diskriminimit në të gjitha format e tij. Lojtarët tanë treguan një guxim të jashtëzakonshëm dhe qëndrim shembullor duke refuzuar të luajnë në kushte të padenja, dhe ky vendim i UEFA-s është një dëshmi e qartë që gjuha e urrejtjes, racizmi dhe mesazhet provokuese politike nuk kanë vend në futboll.

FFK mbetet e përkushtuar të mbrojë interesat e lojtarëve dhe të komunitetit tonë sportiv, duke vendosur standarde të reja për drejtësi dhe respekt në sport. Ne falënderojmë të gjithë ata që na kanë mbështetur në këtë rrugëtim dhe ftojmë të gjithë dashamirët e futbollit të na bashkohen në këtë betejë për barazi dhe dinjitet. bw

“Jo Europian me Serbinë, mos harroni masakrat”, mesazhi i Tifozave Kuqezi me pankarta në “Stadiumin Kombëtar”

Organizimi i Kampionatit Europian të Futbollit U21 më 2027 nga Shqipëria dhe Serbia ka sjellë reagimin e radhës të Tifozave Kuqezi, që nëpërmjet pankartave në ndeshjen ndaj Ukrainës, dhanë mesazhe të rëndësishme në “Arenën Kombëtare”.

Tifozat Kuqezi e cilësojnë këtë bashkëpunim si të papranueshëm, duke kujtuar masakrat e bëra në Kosovë.

Postimi:

Mbrëmë, jo për të përmbyllur, por për të vazhduar edhe më, me reagime ndaj organizimit të përbashkët me shkijet të EURO’27 për kategorinë U-21.

Si një reagim ndaj FSHF-së si bashkëorganizatore dhe mbrojtëse e madhe e idesë së këtij bashkëpunimi, kemi shkruar disa nga të bëmat e shkijeve ndaj popullit shqiptar që konsiderojmë se janë të mjaftueshme, që bashkëpunime të tilla të konsiderohen TRADHTI.

– 15 mijë të vrarë vetëm në luftën e fundit dhe dhjetëra mijëra të vrarë e masakruar nëpër histori.
– 20 mijë gra shqiptare të dhunuara
– 1 milion shqiptarë të dëbuar nga shtëpitë e tyre
– 650 shkolla të shkatërruara
– 30 masakra të kryera mbi civilë shqiptarë të pambrojtur për më pak se 6 muaj.
– 14.10.2014, kur një stadium i tërë në prani të gjithë krerëve shtetëror këndonte për vrasjen e shqiptarëve në kor. Këto thirrje vazhdojnë edhe sot në çdo ndeshje të tyre.
– Afrim Bunjaku, heroi më i ri, i cili u vra nga shkijet pak kohë më parë
– Përparim Thaçi, futbollist, i cili u vra nga shkijet në luftën e fundit

Këto ishin vetëm disa nga pankartat tona që u shfaqën në këtë ndeshje, por jo për të përmbyllur ciklin e reagimeve nga ana e jonë në lidhje me këtë organizim të turpshëm.

Reagimet tona, do të vijojnë, e do të radikalizon deri në dhënien fund të kësaj marrëzie që në emër të kozmopolitizmit po fyhen viktimat dhe e kaluara jonë e dhimbshme. bw

Kosova e humb me rezultat zyrtar ndeshjen e braktisur me Rumaninë

Lojtarët e Kombëtares së Kosovës në futboll duke u larguar nga ndeshja me Rumaninë në Bukuresht më 15 nëntor 2024.

 

Shtëpia evropiane e futbollit, UEFA, vendosi se Kosova është përgjegjëse për braktisjen e ndeshjes kundër Rumanisë, duke e humbur atë me rezultat zyrtar 3:0.

UEFA tha se Kosova humbi lojën në tavolinë për shkak se ishte përgjegjëse për ta luajtur atë deri në fund dhe me braktisjen e saj, ajo shkeli nenin 25.01 të Rregullores së Ligës së Kombeve të UEFA-s.

“Federata e Futbollit e Kosovës të dënohet me 6.000 euro për sjellje të pahijshme të ekipit të saj”, tha UEFA.

Në ndeshjen futbolliste në kuadër të Ligës së Kombeve, lojtarët e Kosovës u larguan nga fusha në minutën e 92-të, pasi u ankuan për thirrje raciste nga tifozët rumunë në Arenën Kombëtare në Bukuresht.

UEFA shqiptoi 50.000 euro gjobë për Federatën rumune të Futbollit dhe e dënoi me një ndeshje pa prani të tifozëve “për sjelljen raciste apo diskriminuese të mbështetësve të tij [sa i përket brohoritjeve ksenofokike dhe antihungareze]”.

Kjo federatë u dënua edhe me 30.000 euro për transmetim të mesazheve provokuese politike “që nuk janë të përshtatshme për ngjarje sportive”.

Federata rumune u dënua me 9.000 euro për hedhje të gjësendeve, me 4.500 euro për ndezje të fishekzjarrëve, 8.000 euro për përdorimin e laserëve, 12.500 euro për pengim gjatë antonimeve të himneve kombëtare dhe 14.000 dollarë për bllokim të korridorit në stadium.

Në minutën e 92-të të ndeshjes mes Rumanisë dhe Kosovës, kapiteni i Kosovës, Amir Rrahmani, udhëzoi ekipin që të largohej nga fusha.

Ai tha se në stadium kishte thirrje “Serbia, Serbia” dhe “Kosova është Serbi” nga tifozët vendës. Rrahmani deklaroi se e kishte njoftuar gjyqtarin e ndeshjes “së paku tri herë” para se ekipi i Kosovës ta braktiste fushën.

Rrahmani dhe shtabi teknik e ekipit verdhekaltër i udhëzuan futbollistët të largohen nga fusha dy minuta pa përfunduar ndeshja në Arena Bukuresht, kur rezultati ishte 0:0, derisa lojtarët e Rumanisë qëndruan në fushë.

Pas diskutimeve për rreth një orë mes gjyqtarit të ndeshjes dhe përfaqësuesve të të dyja kombëtareve, lojtarët e Kosovës nuk pranuan të ktheheshin në fushë edhe pse u ishte thënë se kushtet ishin përmirësuar për vazhdimin e ndeshjes së ndërprerë në minutën e 92-të.

Gjyqtari danez Morten Krogh u kthye në fushë dhe i kërkoi ekipit rumun ta rinisë lojën dhe e pezulloi atë më pas, sipas rregullores së UEFA-s.

Pas kësaj, UEFA hapi procedurë disiplinore ndaj dy kombëtareve.

Kombëtarja rumune në futboll një ditë pas ndeshjes kishte falënderuar tifozët e saj për “mbështetjen” dhe “sjelljen” gjatë lojës me Kosovën.

“Është për keqardhje gjesti i ekipit mysafir, që zgjodhi të largohej nga fusha pa pajtimin e referit, refuzoi ta përfundonte ndeshjen në fushë në frymën e lojës fer, që reflekton mungesë të respektit jo vetëm për futbollin, por edhe për ata si futbollistë profesionistë”, tha Kombëtarja e Rumanisë, shtetit që nuk e njeh pavarësinë e Kosovës.

Ndërkaq, Federata e Futbollit të Kosovës më 16 nëntor dënoi ashpër “provokimet dhe sjelljet raciste” gjatë ndeshjes në Bukuresht.

“Thirrjet si ‘Kosovo is Serbia’ dhe ‘Serbia, Serbia’, fishkëllimat gjatë intonimit të himnit kombëtar të Kosovës, hedhja e gjësendeve të forta në stadium dhe veprime të tjera ofenduese e provokuese ishin të pranishme gjatë gjithë ndeshjes, duke krijuar një atmosferë të papranueshme dhe jo të sigurt për lojtarët tanë”, u tha në reagimin e FFK-së.

Paraprakisht, FFK-ja la të kuptohet se do të ankohet në Gjykatën e Arbitrazhit Sportiv në Zvicër (CAS), nëse UEFA vendos ia jep fitoren Rumanisë

CAS-i ka rrëzuar shpesh vendimet e UEFA-s apo të shtëpisë botërore të futbollit, FIFA.

Kjo është hera e dytë në dy vizitat e fundit të Kosovës në Bukuresht brenda një viti që ndeshja është ndërprerë për shkak të thirrjeve të tifozëve vendës kundër Kosovës.

UEFA e gjobiti Federatën e Futbollit të Rumanisë me 52.000 euro, si dhe e dënoi me një ndeshje pa tifozë, pas një hetimi për disa shkelje gjatë ndeshjes kualifikuese për Euro 2024 kundër Kosovës në shtator 2023.

Atëbotë, ndeshja mes Rumanisë dhe Kosovës në Bukuresht ishte ndërprerë për rreth një orë, pasi tifozët vendës kishin bërë thirrje dhe e kishin shpalosur një pankartë “Kosova është Serbi”, para se të rifillonte pas qetësimit të situatës dhe heqjes së pankartës. REL

Çfarë e pret Kosovën pas braktisjes së ndeshjes kundër Rumanisë?

Futbollistët e Kosovës (me fanella të zeza) gjatë një kacafytjeje me futbollistët e Rumanisë, para se ta braktisnin lojën e Ligës së Kombeve në Bukuresht, 15 nëntor 2024.

 

Tema më e diskutuar e ditëve të fundit ka qenë vendimi i futbollistëve të Kombëtares së Kosovës për ta braktisur një ndeshje të Ligës së Kombeve kundër Rumanisë në Bukuresht. Cilat pritet të jenë pasojat e këtij veprimi?

Kosova argumenton se futbollistët e saj kishin të drejtë ta braktisnin njëanshëm ndeshjen e Ligës së Kombeve në futboll kundër Rumanisë në Bukuresht javën e kaluar, pas ankesave për thirrje raciste nga tifozët rumunë.

Por për këtë Federata e Futbollit të Kosovës (FFK) tani duhet ta bindë Federatën Evropiane të Futbollit (UEFA), e cila pritet të vendosë për epilogun e ndeshjes së zhvilluar më 15 nëntor.

Disa ekspertë ligjorë me të cilët bisedoi Radio Evropa e Lirë, megjithatë, thanë se ka pak mundësi që vendimi i shtëpisë qeverisëse të futbollit evropian të shkojë në dobi të Kosovës, duke parë mënyrën se si rrodhi ndeshja, e cila nxiti reagime madje edhe përtej futbollit, edhe nga krerët e të dyja vendeve.

Futbollistët e Kosovës e lanë fushën e lojës kur kishin mbetur pak sekonda para vërshëllimës së fundit të gjyqtarit, teksa rezultati ishte 0:0. Ndeshja fillimisht u pezullua, para se të braktisej një orë më vonë, sepse kosovarët nuk pranuan të ktheheshin në barin e gjelbër.

Kjo ndodhi pasi disa tifozë rumunë brohoritën “Serbia! Serbia!”, gjatë një kacafytjeje mes kapitenit të Kosovës, Amir Rrahmani, dhe sulmuesit rumun, Denis Alibec.

FFK-ja i akuzoi tifozët e Rumanisë për “sjellje të papërgjegjshme dhe diskriminuese”, dhe tha se futbollistët e saj u larguan nga fusha për shkak të “mungesës së dinjitetit dhe sigurisë”.

Tifozët rumunë mbajnë flamuj dhe ndezin flakadanë gjatë ndeshjes mes Rumanisë dhe Kosovës në Ligën e Kombeve, e cila u braktis nga kosovarët që i akuzuan rumunët për thirrje raciste dhe anti-Kosovë.

Tifozët rumunë mbajnë flamuj dhe ndezin flakadanë gjatë ndeshjes mes Rumanisë dhe Kosovës në Ligën e Kombeve, e cila u braktis nga kosovarët që i akuzuan rumunët për thirrje raciste dhe anti-Kosovë.

Pohimet e saj u hodhën poshtë nga Federata e Futbollit e Rumanisë (FRF), e cila tha se “nuk kishte thirrje raciste gjatë ndeshjes”, dhe shprehu keqardhje që Kosova mori vendim për ta braktisur ndeshjen.

UEFA njoftoi më 16 nëntor për hapjen e procedurave disiplinore ndaj të dyja federatave, dhe tha se do ta kumtojë vendimin rreth procedurave “kur të jetë koha e përshtatshme”.

Avokati sportiv italian, Claudio Monteleone, tha për Radion Evropa e Lirë se, megjithëse është herët të thuhet se cili do të jetë vendimi, në rastet kur një ekip e braktis lojën njëanshëm, ai e humb ndeshjen me rezultat zyrtar si pasojë.

“Në shikim të parë, faktet duket se thonë që këtu vlen rregullorja e UEFA-s, e cila përcakton se ekipi që e ka braktisur lojën konsiderohet ta ketë humbur atë me rezultat 3:0”, tha Monteleone.

Sipas rregullores së UEFA-s për siguri dhe mbrojtje, ndeshja braktiset në rast të incidenteve të rënda racizmi dhe ajo, në parim, duhet të bëhet me pajtimin e të gjitha palëve të përfshira.

Procedura me tre hapa kërkon që gjyqtari i ndeshjes të kërkojë thirrje publike për ndaljen e sjelljeve raciste, ta ndërpresë ndeshjen derisa të ndalen ato dhe, si zgjidhje e fundit, ta ndërpresë ndeshjen përfundimisht.

Gjyqtari danez, Morten Krogh, e ndërpreu ndeshjen në Arenën Kombëtare në Bukuresht për rreth 50 minuta, dhe më pas u kërkoi futbollistëve të Kosovës të ktheheshin në fushë për vazhdimin e saj. Por, ata nuk pranuan.

Futbollistët e Kosovës duke shkuar drejt zhveshtores pasi e braktisën ndeshjen e Ligës së Kombeve me Rumaninë në Bukuresht, pak sekonda pa përfunduar ajo, duke u ankuar se kishte thirrje raciste nga ana e vendësve.

Futbollistët e Kosovës duke shkuar drejt zhveshtores pasi e braktisën ndeshjen e Ligës së Kombeve me Rumaninë në Bukuresht, pak sekonda pa përfunduar ajo, duke u ankuar se kishte thirrje raciste nga ana e vendësve.

Avokati Sabin Gherdan, i cili përfaqësoi Rumaninë në Gjykatën e Arbitrazhit Sportiv (CAS) në rastin e medaljes së bronztë të fituar nga gjimnastja Ana Barbosu pas Lojërave Olimpike, tha se në ndeshjen Rumani-Kosovë argumentet për një vendim të favorshëm janë në anën e rumunëve.

“Sa i përket asaj që ndodhi, nuk shoh ndonjë tjetër zgjidhje, përveç një ndeshjeje të fituar nga Rumania 3:0, në tavolinë”, u shpreh avokati për Radion Evropa e Lirë.

Por, jo gjithçka është shumë e qartë. Organi për kontroll, etikë dhe disiplinë i UEFA-s pritet të marrë kohë për të vendosur për këtë ndeshje, e cila ishte pothuajse një përsëritje e ndeshjes së para një viti në stadiumin e njëjtë ndërmjet dy kombëtareve të njëjta.

Kosova u ankua se tifozët rumunë të premten e kaluar brohoritën “Kosova është Serbi” dhe “Serbia” – nga e cila Kosova shpalli pavarësinë më 2008 – që ishte përsëritje e thirrjeve të bëra gjatë vizitës së fundit të Kosovës në Bukuresht në shtatorin e 2023-tës, për çka UEFA e kishte dënuar dhe gjobitur Rumaninë.

Kapiteni i Kosovës, Rrahmani, tha pak pas ndeshjes se e kishte njoftuar gjyqtarin “së paku tri herë” për thirrjet, të cilat u bënë pasi ai u përfshi në një incident me lojtarin kundërshtar, Alibec.

Menaxheri i ekipit kombëtar të Kosovës, Bajram Shala, tha më 17 nëntor se ekipi ligjor i FFK-së i ka dorëzuar të gjitha dëshmitë e saj, dhe se është duke “punuar fort për të sjellë drejtësinë në vend”.

Monteleone, ndërkaq, beson se është e vështirë të përcaktohet në këtë fazë nëse Kosova është fajtorja e vetme për mosvazhdimin e ndeshjes më 15 nëntor.

“Nuk kemi qasje në dokumente zyrtare të asaj ndeshjeje, siç është raporti i gjyqtarit, që mund të merret për referencë specifike”, tha Monteleone, duke shtuar se shumë do të varet nga raporti i delegatit të ndeshjes.

Një arbitër në Këshillin e Arbitrazhit Sportiv në Kosovë dhe në Gjykatën Evropiane të Arbitrazhit (ECA), Fisnik Salihu, tha se pret që UEFA t’i dënojë të dyja federatat. Raporti i gjyqtarit të ndeshjes, i delegatit zyrtar të ndeshjes, si dhe dëshmitë e të dyja federatave do të jenë vendimtare, sipas tij.

Futbollistët e Kosovës u panë duke e bërë me duar simbolin e shqiponjës dykrenore përballë tifozëve të Rumanisë derisa po largoheshin nga fusha, duke i zemëruar ata. Ky gjest është imitim i shqiponjës në flamurin kombëtar të Shqipërisë.

Edhe Kosova ishte gjobitur muajin e kaluar për shkak të ndërprerjeve në ndeshjen e parë me Rumaninë në shtator, kur tifozët kishin hedhur flakadanë, ishin futur në fushë dhe e kishin fishkëllyer himnin kombëtar rumun.

“Në veçanti janë të rëndësishme deklaratat e gjyqtarit dhe delegatit të ndeshjes, pasi në situata të tilla janë protokolle të caktuara të sigurisë që duhet të administrohen dhe aplikohen. Lidhur me këtë ndeshje, pres që të ketë dënime të ashpra nga organet përgjegjëse për të dyja palët. Nuk pres që palët të arrijnë ato që pretendojnë”, tha Salihu.

Ai shtoi se është interesant të shihet se si UEFA do ta interpretojë ankesën e Kosovës për racizmin dhe për sjelljet e publikut, dhe nëse përsëritja e këtyre veprimeve arrin standardin e mjaftueshëm për moszhvillim të ndeshjes.

Federata kosovare ka lënë të kuptohet se do të ankohet në Gjykatën e Arbitrazhit Sportiv në Zvicër, nëse UEFA vendos përfundimisht t’ia japë fitoren Rumanisë.

CAS-i ka rrëzuar shpesh vendimet e UEFA-s apo të shtëpisë botërore të futbollit, FIFA, por do të ishte e vështirë të mendohej çfarë do të kishte qenë vendimi i kësaj gjykate në një fazë kaq të hershme.

“Është herët të flitet për CAS, pa pasur vendimet e shkallës së parë dhe dytë të UEFA-së. Varësisht, këtyre vendimeve, pres që palët t’i drejtohen CAS-it për një vendim final”, tha Salihu.

Reagime përtej fushës së futbollit

Incidenti i 15 nëntorit në Bukuresht nxiti reagime edhe përtej fushës së futbollit, me kryeministrin e Kosovës, Albin Kurti, që e mbrojti vendimin e lojtarëve të vendit të tij për ta braktisur fushën, duke e nxitur homologun e vet rumun, Marcel Ciolacu, ta kritikojë atë për “përzierjen e sportit me politikë”.

Kurti i takoi futbollistët e Kosovës pas kthimit të tyre në Prishtinë, një ditë pas ndeshjes në Rumani, dhe i përgëzoi për vendimin.

“Ai është qëndrim parimor, i drejtë e dobishëm edhe për Kosovën, për futbollin e për secilin qytetar të vendit tonë, që është ndier i përfaqësuar me deklaratën dhe qëndrimin e kapitenit Amir Rrahmani”, u shpreh Kurti.

Ai i bëri thirrje UEFA-s dhe FIFA-s që të “mos lejojnë këto gjëra”.

“Kosova ka pasur të kaluar të vështirë, luftë, masakra e gjithçka. Nuk ka qenë e lehtë të arrihet këtu, andaj meritojmë respekt. Të gjithë duhet të dinë se Kosova është Kosovë, ose se Kosova është Shqipëri, kaq, këtu mbaron”, tha Kurti.

Rumania është njëra nga pesë vendet e Bashkimit Evropian, bashkë me Spanjën, Qipron, Greqinë dhe Sllovakinë, që nuk e njohin pavarësinë e Kosovës.

Kryeministri i Rumanisë tha se homologu i tij kosovar po përpiqet ta shndërrojë “viktimën në agresor”.

Çfarë do të nënkuptonte për Kosovën fitorja apo humbja?

Kosova dhe Rumania i fituan ndeshjet e tyre të mbetura në Grupin 2 të Ligës C në Ligën e Kombeve, të hënën e 18 nëntorit, që nënkupton se as fitorja jashtë fushës nuk do t’i kryente punë Kosovës për ta fituar grupin.

Rumania i prin grupit me 15 pikë, ndërsa Kosova ka 12 pikë, në vendin e dytë, pra pa llogaritur pikët nga ndeshja e braktisur më 15 nëntor.

Nëse Kosovës i jepet fitore 3:0 për ndeshjen e braktisur, atëherë ajo do ta barazonte Rumaninë në krye të grupit, me nga 15 pikë secila.

Gjëja e parë që do të shikoheshin janë ballafaqimet kokë më kokë, dhe meqë Kosova e humbi ndeshjen e parë në Prishtinë 3:0, do të duhej të vendoste goldallimi, pra cila skuadër ka shënuar dhe pranuar më pak gola.

Edhe në këtë rast, të dyja skuadrat do të kishin goldallim të ngjashëm, +9, gjë që dërgon te një kriter tjetër: kush ka shënuar më së shumti gola.

Rumania i ka shënuar 15 gola në këtë fushatë, ndërsa Kosova 10, dhe sikur t’i shtoheshin tri gola nga fitorja e mundshme 3:0 nga ndeshja e braktisur, ato nuk do t’i mjaftonin.

Pra, Rumania e ka fituar grupin dhe është ngritur në Ligën B.

Vrasja e 14-vjeçarit Martin Cani, një minutë heshtje në ‘Air Albania’ në sfidën Shqipëri-Ukrainë

Shqipëria do të mbyllë rrugëtimin në Nations League këtë mbrëmje, në përballjen ndaj Ukrainës.

Para këtij takimi, në “Stadiumin Kombëtar” do të mbahet një minutë heshtje, për 14-vjeçarin Martin Cani, i cili ndërroi jetë të hënën pas një sherri me bashkëmoshatarë.

Cani, së fundmi ka qenë pjesë e Dinamo U-15, ndërsa është impenjuar me Akademinë e klubit Partizani për dy vite, në ekipet e moshave U-13 dhe U-14. sn

Gazetari rumun kritikon tifozët: Nuk mund të bërtasësh Serbi në stadium, përballë një populli të masakruar

Narcis Drejan është një gazetar dhe komentator sportiv rumun. Ai komentet e tij i shkruan në gazetën GSP (Gazeta Sporturiol), ndërsa së fundmi ai ka komentuar edhe për ndeshjen Rumani – Kosovë.

Drejan është i njohur për analizat e tij të detajuara dhe për opinionet e tij të hapura mbi ndryshime dhe ngjarje në botën sportive.

Image

Shkrimi i tij nis me kritika ndaj UEFA-s dhe presidentit Aleksandar Ceferin, duke e cilësuar atë si fajtorin kryesor për të gjitha rrëshqitjet e motivuara politikisht në ndeshjet e futbollit.

“Është shumë e lehtë të shkosh përpara me paramendim, t’u hidhesh në qafë kosovarëve. Kur UEFA dhe FIFA miratuan që Kombëtarja e Kosovës nuk mund të luante kundër vendeve si Bosnja dhe Hercegovina, Serbia dhe Rusia, ishte qartësisht një problem”, shkroi fillimisht Drejan për GSP.

Ai theksoi po ashtu se janë të ndaluara edhe ndeshjet Spanjë – Gjibraltar, Ukrainë – Rusi dhe Armeni – Azerbajxhan.

Me përjashtim të Spanjës dhe Gjibraltarit, të gjithë të tjerët janë në lindje dhe UEFA beson se ky nuk është problem.

Gazetari është futur në ndeshjet mes Kosovës dhe Rumanisë, duke nxjerrë edhe analiza politike, që datojnë para 25 vitesh, kur president i Rumanisë në atë kohë ishte Emil Constantinescu, i cili nuk e lejoi NATO-n në hapësirën ajrore rumune për kryerjen e operacioneve të forcave aleate, të cilat bombarduan ish-Jugosllavinë.

“Dhe meqë ra fjala, le të kuptojmë pak historinë, nuk mund të bërtasësh Serbi, Serbi në një stadium përballë një populli të masakruar nga serbët, po ashtu 25 vjet me parë. Nuk po flasim për vitet 1940, e vërteta është se ne jemi ende të traumatizuar sot për shkak të Revolucionit të 89-ës, ku rumunët qëlluan rumunët”, shkruan Drejan.

Ai ka shkruar për masakrat e shumta të vitit 1999 në vende si Lipjan, Gjakovë, Vushtri, Korishë, Prizen dhe Pejë, ku serbët vranë shqiptarët kosovarë në stilin mesjetar.

Drejan i kritikon rumunët, pasi sipas tij sillen si një popull i pashkolluar, një popull që nuk ka kaluar luftën, që nuk e ka empatizuar në jetë dhimbjen e të tjerëve.

“Dhe pse? Sepse një bandë banditësh, shumë me precedentë penalë, e kuptojnë se është mirë në stadium prekësh një vend që kaloi tmerret e luftës. Nëse të nesërmen do t’i gjenit prindërit tuaj të varur në pragun tuaj dhe do të zbulonit se ata ishin serbë gjakatarë, a do të bërtisnit ndonjëherë, “Serbi, Serbi!”? Apo i keni harruar ndeshjet Serbi-Rumani kur na quanin “ciganët”? Por ne harrojmë shpejt se gjithmonë e zëmë kohën tonë me gjithçka tjetër”, shkruan ai në analizën e tij.

Në fund ai shkroi për UEFA-n, duke e cilësuar si organizatë të korruptuar që ende punon me paratë e Gazprom. sn

Kosova e mbyll me fitore rrugëtimin në Nations League, Jashari nderon “Dardanët” (VIDEO)

Kosova mundi 1-0 Lituaninë në shtëpi, në ndeshjen e fundit të Nations League.

“Dardanët” e nisën ndeshjen në mënyrën më të mirë të mundshme, teksa kaluan në epërsi që në minutën e pestë. Presioni i skuadrës së Fodas u shpërblye më së miri, teksa kombinimi Muriqi-Jashari u finalizua në mënyrë perfekte. Jashari nuk fali, duke dërguar topin në rrjetë.
Jashari u shndërrua në protagonist negativ në të 45-tën, teksa u ndëshkua me karton të kuq, duke lënë skuadrën me një lojtar më pak.

Pavarësisht rasteve, në pjesën e dytë nuk pati gol. Kosova renditet në vendin e dytë në League C me 12 pikë, ndërkohë që ende nuk është mësuar fati i sfidës së ndërprerë me Rumaninë. bw

FOTOT- Zgjerohet skandali i Bukureshtit, arbitri i ndeshjes Rumani-Kosovë komunikon në…celular

Ndeshja mes Kosovës dhe Rumanisë, e vlefshme për Nations League, vazhdon të bëjë bujë. “Dardanët” u larguan nga fusha e Bukureshtit pak sekonda para fundit të ndeshjes, pas thirrjeve raciste.

Skandalet nuk kanë të ndalur, pasi së fundmi, gazetari i njohur Arlind Sadiku ka siguruar një fotografi të arbitrit të ndeshjes, Krogh M, duke komunikuar në telefon.

Pamje me të vërtetë e rrallë e gjyqtarit danez, pasi dihet që gjëra të tilla janë rreptësisht të ndaluara në një sfidë të nivelit të lartë. Mediat në Kosovë shkruajnë se ende nuk dihet se me kë ka komunikuar Krogh, në ato momente.

Vlen të theksojmë se UEFA po merr në shqyrtim rastin dhe shumë shpejt do të dalë vendimi zyrtar për këtë ndeshje. Deri të martën, të dyja palët duhet të dorëzojnë të gjitha provat materiale. bw

Turpo

De

VIDEO/ Skandali gjatë Rumani-Kosovë, policia largon flamurin shqiptar nga stadiumi dhe nxjerr jashtë tifozët

Thellohet skandali në ndeshjen Rumani-Kosovë. Thirrjet raciste në shkallët e stadiumit nga tifozët të cilët në kor lëshuan mesazhe antishqiptare dhe në mbështetje të Serbisë u shoqëruan edhe nga sjellja brutale e policisë rumune.

Një grup i vogël i tifozëve që mbështesnin përfaqësuesen e Kosovës shpalosën në stadium flamurin kombëtar.

Siç duket nga pamjet që ka siguruar BalkanWeb, policia rumune ka ndërhyrë duke larguar flamurin kuqezi, ndërsa ka nxjerrë jashtë stadiumit me dhunë edhe tifozët.


Ndeshja Rumani-Kosovë u shoqërua me incidente të forta si në shkallët e stadiumit ashtu edhe në fushën e blertë. Tensioni që vinte nga ana e tifozerisë përmes thirrjeve të tyre raciste u reflektua në lojën e ekipeve teksa nuk munguan as përplasjet fizike. Duhet të vinte minuta e ’93-të e shtesës kur ndeshja do të ndërpritej pasi koret antishqiptare ishin intensifikuar. Kapiteni i Kosovës, Amir Rrahmani u përplas fizikisht me një lojtar rumun në fundin e ndeshjes.

Ekpi i Kosovës braktis fushën dhe i drejtohet dhomave të zhveshjes.

Disa minuta më pas arbitri kërkon rikthimin e lojtarëve në fushë për të zhvilluar minutat e mbetura, por futbollistët e përfaqësueses së Kosovës refuzojnë vazhdimin e lojës dhe për rrjedhojë ndeshja u ndërpre përfundimisht.

“Shqiponjat janë të uritura”, kryevepër kuqezi me banderolën në tribuna

Ata e fitojnë gjithmonë “betejën” e tyre në shkallët e stadiumit. Tifozët Kuqezi kanë shpalosur një banderolë mjaft interesante për ndeshje Shqipëri-Çeki në Stadiumin Kombëtar.

“Shqiponjat janë të uritura”, shkruhej në banderolën goditëse të mbështetësve të përfaqësueses tonë. Kujtojmë që ky takim shkon për llogari të ndeshjet së pestë në Nations League. bw

 

0c08d6a9 22ff 4724 Aaa9 7e550da5bbac

Nations League- Shqipëria pret Çekinë, njihuni me titullarët

E gjithë vëmendja është e spostuar në Stadiumin Kombëtar, aty ku Shqipëria pret Çekinë në ndeshjen e vlefshme për Nations League. Pak më parë janë publikuar edhe formacionet zyrtare, me trajnerin Sylvinho dhe homologu Hasek kanë shuar të gjitha dilemat, duke zgjedhur titullarët për skuadrat respektive.

Kuqezinjtë janë në vendin e katërt në grup1 të League B, me 6 pikë të grumbulluara. Në krahun tjetër, çekët kryesues nuk janë larg, pasi kanë vetëm një pikë më shumë se përfaqësuesja jonë. Arbitër kryesor për këtë  takim është zvicerani Scharer. bw

Ggg

Federata e Futbollit e Kosovës thotë se e ka paralajmëruar UEFA-n për provokimet nga tifozët rumunë

VOA, REUTERS

Federata e Futbollit të Kosovës (FFK) tha se kishte paralajmëruar vazhdimisht organin qeverisës të futbollit evropian UEFA për provokimet e mundshme nga tifozët e Rumanisë, përpara ndeshjes së të premtes në Ligën e Kombeve, e cila u braktis nga futbollistët e Kosovës.

Ndëshja ndërmjet Rumanisë dhe Kosovës u braktis pasi lojtarët vizitorë u larguan nga fusha ku po luhej me rezultat zero me zero, kur dëgjuan brohoritjet pro Serbisë nga tifozët vendas.

Ndeshja fillimisht u ndërpre përpara se të braktisej nga skuadra e Kosovës e cila refuzoi të kthehej në fushë. UEFA tha se do të jap “informacione të mëtejshme në kohën e duhur”.

Thirrjet si “Kosova është Serbi” dhe “Serbia, Serbia”, fishkëllimat gjatë intonimit të himnit kombëtar të Kosovës, hedhja e gjësendeve të forta në stadium dhe veprime të tjera ofenduese e provokuese, ishin të pranishme gjatë gjithë ndeshjes, duke krijuar një atmosferë të papranueshme dhe jo të sigurt për lojtarët tanë”, thuhet në një deklaratë të Federatës së Futbollit të Kosovës.

“FFK-ja kishte paralajmëruar më shumë se dy herë me shkrim organet përkatëse të UEFA-s për mundësinë e veprimeve të tilla, një herë disa ditë para ndeshjes dhe më pas disa minuta përpara fillimit të saj. Përkundër këtyre paralajmërimeve, tifozët rumunë vazhduan me sjellje të papërgjegjshme dhe diskriminuese, duke detyruar Kombëtaren e Kosovës të lërë fushën për shkak të mungesës së sigurisë dhe dinjitetit”, thuhet në deklaratë.

FFK-ja gjithashtu pretendoi se një zyrtar i Rumanisë “kërcënoi dhe sulmoi” një lojtar të Kosovës në korridoret e stadiumit.

“Për të gjitha këto shkelje të rënda, FFK ka raportuar menjëherë incidentet tek delegati i ndeshjes dhe ka nisur përgatitjen e një ankese të plotë me fakte dhe prova që do t’i dorëzohen organeve disiplinore të UEFA-s”.

Federata Rumune e Futbollit (FRF) tha se ishte zhgënjyer nga sjellja e delegacionit dhe lojtarëve të Kosovës, duke i cilësuar akuzat e tyre si të pabaza, ndërsa pretendon se veprimet e tyre ishin të paramenduara.

“Është e rëndësishme të theksohet se gjatë ndeshjes nuk ka pasur thirrje raciste dhe as edhe një herë nuk është brohoritur parulla ‘Kosova është Serbi’”, tha kjo federatë

“Për më tepër, dëshirojmë t’u kujtojmë të gjithëve vendimin Komitetit Disiplinor të UEFA-s lidhur me një incident të ngjashëm gjatë një ndeshjeje të vitit të kaluar, kur Kosova ka vepruar në të njëjtën mënyrë. Vendimi thoshte qartë se parulla “Kosova është Serbi” nuk mund të klasifikohet si raciste dhe për rrjedhojë, nuk mund të nxisë procedurën prej tre hapash”, thuhet në deklaratën e federatës rumune.

Procedura me tre hapa, nënkupton që arbitri të kërkojnë një njoftim publik për të bërë thirrje për ndërprerjen e sjelljeve raciste, pezullimin e ndeshjes derisa të ndërpriten sjelljet e tilla dhe braktisjen e plotë të ndeshjes.

“Kjo cështje u ritheksua edhe nga delegati i UEFA-s gjatë takimit teknik para ndeshjes së mbfremshme”, thuhet në deklaratë në të cilën theksohet “keqardhja … që një ekip futbolli do të zgjidhte të largohej nga fusha dhe të tërhiqej në dhomën e zhveshjes vetëm dy minuta para fishkëllimës së fundit, duke qenë se rezultati nuk ishte i favorshëm për të”.

Federata Rumune e Futbollit u gjobit nga UEFA vitin e kaluar për shkak të thirrjeve pro Serbisë deh shpalosjes së një një mbishkrimi “Kosova është Sërbi” nga tifozët gjatë një ndeshjeje kualifikuese për Kampionatin Evropian 2024 kundër Kosovës.

Kosova gjithashtu u gjobit muajin e kaluar për ndërprerjen e një ndeshjeje mes dy palëve në shtator, kur tifozët e saj ndezën dhe hodhën fishekzjarrë, hynë në fushë dhe fishkëllyen gjatë himnit kombëtar rumun.

Kosova shpalli pavarësinë nga Serbia në vitin 2008 dhe është njohur nga më shumë se 100 vende të botës, por jo nga Rumania.

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend