Unë nuk jam si ajo Muza

e frymëzuar për poezinë nga bukuritë bajate,

që ka si ornament qiellin vetë

dhe çdo bukuri e krahason me shkëlqimin e saja,

duke u rigrupuar në shembuj solemnë

diell, hënë, tokë dhe margaritarët e deteve,

lulet e para të prillit dhe gjithsa vlera

ndryn në vete kupa qiellore në këtë rrotullim të tmerrshëm.

I ndershëm në dashuri, lejon që unë të shkruaj të vërtetën

e pastaj besomëni, dashuria ime është e bukur sa edhe

biri i çdo nëne, edhe pse nuk llamburit

si ato drita të floririt fiksuar në kupën e qiejve:

lereni ta teprojë ai që dashuron frazat me shumë efekte;

unë nuk lavdëroj ato që t’i shes nuk kam qëllim.