Papa Françesku më 21 shtator 2014 vizitoi Tiranën si vendin e parë evropian.

Ati i Shenjtë përqafoi popullin e sprovuar nga diktatura komuniste dhe përforcoi në fe bashkësinë katolike, inkurajoi forcën e dialogut ndërmjet feve, në perspektivën e së mirës së përbashkët.

Në 21 shtatori të vitit 2014, Papa Françesku vendosi të shkojë në Shqipëri, në vizitën e tij të parë evropiane që nga fillimi i papnisë.

Papa Bergoglio erdhi në Shqipëri 21 vite pas Papës shenjt Gjon Pali II, i cili, më 25 prill 1993, rivendosi hierarkinë e Kishës katolike të dalë nga vitet e tmerrshme të persekutimit ateisto-komunist.

Fjalët e Papës Françesku ishin krejt të qarta. “Askush – tha Ati i Shenjtë – të mos e mendojë se mund ta përdorë Zotin si mburojë, ndërsa planifikon e kryen akte dhune! Askush të mos e përdorë fenë si pretekst për vepra kundër dinjitetit të njeriut dhe të drejtave të tij”. E, më pas, gjatë takimit me krerët fetarë në Universitetin Katolik, shtoi: “Të vrasësh në emër të Zotit është sakrilegj i madh!”. Shqipëria, përsëriti disa herë, “dëshmon se bashkëjetesa është e mundur”.

Papa i nxiti të rinjtë të mësojnë nga shembulli i martirëve. Martirët! Shumë më tepër se 40 të parët, fytyrat e të cilëve mbushnin rrugën kryesore të Tiranës, Bulevardin “Dëshmorët e Kombit”.

“Shqipëria – tha Papa Françesku gjatë meshës në sheshin Nënë Tereza – është tokë martirësh: shumë e kanë paguar me jetë besnikërinë e tyre. Nuk kanë munguar sprova guximi të madh e koherence në dëshminë e fesë”.

10-vjetori i vizitës së Papës Françeskut në Tiranë, më 21 shtator 2014 u përkujtua edhe në takimin Mesdhetar “Med24”, i cili u mbajt në Tiranë nga 15 deri më 21 shtator.

Në një klimë entuziazmi rinor dhe bashkimi kishtar, u përkujtua 10 vjetori i vizitës së Papa Françeskut në vendin tonë. Në Katedralen e Shën Palit, në Tiranë, ku njëkohësisht po zhvillohet edhe takimi Mesdhetarë, Med.24, Mesha e shenjtë u kremtua nga Kardinali E.T. Kardinali Cristobal Lopez Romero. Kjo Meshë gjeti të bashkuar mbarë hierarkinë kishtare të vendit tonë dhe një numër të madh ipeshkvinjsh nga vende të ndryshme të Detit Mesdhe.

Në përshëndetjen e tij Sh. T. Imzot Arjan Dodaj, kryeipeshkëv i Tiranë Durrësit, e cilësoi si historike dhe të bekuar ditën që Ati Shenjtë Françesku shkeli në tokën arbnore. Porositë e tij janë aktuale edhe sot nënvizoi Imzot Dodaj. Duke shprehur gëzimin e tij personal që dhjetë vite më vonë, Tirana pret një takim si ky i Med.24, ai pohoi se sot, më shumë së asnjëherë nga kjo Katedrale duhet të jehojë lutja por edhe impenjimi për paqe dhe vëllazëri.

Gjithçka mund të realizohet nga një brezni e prekur nga dashuria e Zotit theksoi Imzot Dodaj. Në homelinë e tij, Kardinali Cristobal Lopez Romero, duke folur për pasurinë e jashtëzakonshme të qytetërimeve të pranishme në Mesdhe, evidentoi pasurinë njerëzore që buron prej kësaj pranie. Para të rinjve të pranishëm, ai ofroi Marin si model për tu ndjekur dhe imituar në jetën njerëzore. Ajo është modeli i shërbimit, shpresës dhe mbretërisë së Zotit pohoi ai.

Në këtë dimension, pavarësisht diferencave të prejardhjes apo besimit, angazhimi në këto tre aspekte është e vetmja rrugë për një Mesdhe në paqe dhe një botë pa luftëra. Kështu që secili prej jush duhet të jetë pelegrin, dishepull dhe misionar i paqes, nën shembullin e Maris dritë e popujve, përfundoi Kardinali Cristobal Romero. Në përfundim të Meshës u zhvillua edhe një aktivitet artistko-kulturorë në përkujtim të kësaj dite, ku u shfaqen disa prej elementeve identitarë të kulturës tonë shqiptare.

Gjatë vizitë së tij, Papa Françesku u takua me krerët më të lartë të vendit.bw

Kryeministri i Kosovës, Albin Kurti, e ka akuzuar Perëndimin të enjten se po e “përkëdhel” Serbinë për shkak të frikës dhe shqetësimeve për destabilizim, duke shtuar se ajo nuk po “shpaguhet” dhe se Kosova po “paguan” për këtë.

Qeveria e Kurtit është kritikuar nga disa vende të Perëndimit dhe BE-ja për një sërë vendimesh në veriun e vendit të banuar me shumicë serbe gjatë këtij viti, ku ai ka thënë se dëshiron të vendosë rënd dhe ligj.

Ai tha se Perëndimi, duke qenë “shumë i kujdesshëm” me Serbinë, po bën që edhe Kosova “të paguajë për këtë dhe kjo nuk është e drejtë”.

Duke folur në një intervistë për agjencinë e lajmeve Reuters të premten, Kurti tha: “Mendoj se përkëdhelja e Serbisë [nga Perëndimi] gjatë dy vjetëve e gjysmë prej se ka nisur agresioni rus në Ukrainë nuk po shpaguhet, prandaj dikush duhet të thotë mjaft”.

“Lidhjet e fuqishme të Serbisë me Federatën Ruse dhe lidhjet e thella historike, ekonomike dhe kulturore mes tyre, po e bëjnë Perëndimit të jetë shumë i kujdesshëm me Serbinë”, tha Kurti.

Serbia, për dallim nga vendet e BE-se dhe vendet e tjera të Perëndimit, nuk pranon të vendosë sanksione ndaj Rusisë për pushtimin e Ukrainës nga Moska.

Ajo vazhdon të mbajë lidhje të ngrohta me Rusinë, edhe pse ka thënë se e mbështet integritetin territorial të Ukrainës.

Ndërkohë, muajt e fundit Serbia ka nënshkruar një marrëveshje me Francën për blerjen e avionëve luftarakë në vlerë rreth 2.7 miliardë euro, si një memorandum mirëkuptimi për litium me BE-në.

“Ajo [Serbia] ka gjetur partnerë edhe në Perëndim për shkak të frikës dhe shqetësimeve që disa diplomatë i kanë se mund të ndodhë destabilizimi përsëri. Para luftës në Ukrainës kam parë disa diplomatë perëndimorë shumë të relaksuar, tani të njëjtit janë shumë të frikësuar. Mendoj se ata e kanë pasur gabim atëherë dhe e kanë gabim tani”, shtoi ai.

“Brukseli t’i bëjë trysni Serbisë”

Kurti e kritikoi Bashkimin Evropian, të cilit të dyja vendet fqinje synojnë t’i bashkohen dikur, se nuk ka reaguar ndaj “shkelje” që ka bërë Serbia.

“Brukseli duhet ta luajë rolin e gjyqtarit që i bie bilbilit kurdo herë që ka shkelje të Marrëveshjes”, tha Kurti, duke iu referuar Marrëveshjes Bazë që Kosova dhe Serbia e arritën nën ndërmjetësimin e BE-së në fillim të vitit 2023 për normalizimin e marrëdhënieve.

Bashkimi Evropian vazhdimisht ka kritikuar palët për moszbatimin e kësaj marrëveshjeje.

Kurti ka ngulur këmbë që marrëveshja të nënshkruhet dhe që Serbia ta tërheqë një letër që kryeministrja e atëhershme, Ana Bërnabiq, i dërgoi BE-së vitin e kaluar, ku shprehu rezerva për marrëveshjen, si dhe t’ia dorëzojë Kosovës Millan Radoiçiqin dhe grupin e tij, të dyshuar për sulmin e armatosur në Banjskë.

“Çfarë kemi parë këto dy vjet është se Brukseli nuk ka reaguar kur Beogradi e ka shkelur marrëveshjen. Ne duam që Brukseli t’i bëjë trysni Serbinë ta respektojë marrëveshjen dhe të angazhohet me vullnet të mirë dhe në mënyrë konstruktive në zbatimin e plotë të saj”, tha Kurti.

Qeveria e Kurtit e ndaloi dinarin serb, mbylli disa degë të postës serbe, si institucione paralele serbe në një sërë vendimesh gjatë këtij viti, ndërsa synon ta hapë edhe urën mbi lumin Ibër, për çfarë është kritikuar se rrezikon trazira dhe destabilitet.

Në lidhje me urën mbi Ibër, e cila ndan Mitrovicën në jug me shumicë shqiptare dhe në veri me shumicë serbe, Kurti e akuzoi Serbinë se dëshiron ta mbajë të mbyllur.

“Serbia dëshiron ta mbajë të mbyllur urën në Mitrovicë sepse dëshiron ta mbajë të gjallë ëndrrën për ndarjen e Kosovës. Ajo dëshiron ta shndërrojë urën mbi Ibër në një kufi të ri. Kjo nuk do të ndodhë”, tha ai.

Tani ura është e hapur vetëm për këmbësorë dhe ushtarët italianë të KFOR-it ndodhen në të. Pjesëtarët e Policisë së Kosovës ndodhen afër saj gjithashtu./ REL

Përse ATSH nuk e jep burimin dhe të plotë titullin e artikullit me porosi të Forbes.it (16 Shtator, 2024),  të autorit Mirko Crocoli “Tirana kryeqyteti i kulturës më 2025: ndërtimi dhe transformimi financiar i një vendi në zhvillim” të plotë, por e mbështjell atë me propagandë? 

Por thuhet se revista “Forbes” ka publikuar një artikull për Tiranën me titull: “Qëndrueshmëri, turizëm dhe kulturë” (në fakt një nëntitull), në të cilin shpaloset qëllimi i pikëpyetjes së 2025-ës; “Një udhëkryq jo vetëm i historisë, kulturës dhe modernitetit, por edhe i rinisjes dhe zhvillimit për milionerët e rinj ndërkombëtarë. Nën drejtimin e kryebashkiakut Erion Veliaj, qyteti ka përjetuar një transformim të thellë, i cili e ka bërë atë të shfaqet si një model urban pionier, me rëndësi në rritje si në nivel kombëtar ashtu edhe ndërkombëtar”. Kjo synon të shitet nën mbështjelljen e vitit zgjedhor 2025, si Tirana “Kryeqytet mesdhetar i kulturës dhe dialogut.

Tirana, kryeqyteti tashmë i rreth 1 milion banorëve i mbipopulluar kryesisht për shkak të lëvizjes së lirë dhe përqendrimit të administratës dhe biznesit konsiderohet tani vendndodhja e  zhvillimit të milionerëve ndërkombëtarë?! Ky trajtim i shprehur jashtë përmbajtjes që ka kuptimi i menaxhimit dhe administrimit të kryeqytetit si i tillë jashtë interesave të banorëve që zhvillimet i shohin përmes zgjedhjeve duke ushtruar votën e tyre, na bën të kuptojmë se pushteti vendor dhe politikat e qeverisë janë tërësisht klienteliste, parcelizuese dhe me projekte të gatshme që shpërthejnë papritur. Shpërthejnë papritur ose kur kushtet e investitorëve strategjikë dhe Partneriteti Publik Privat janë pjekur për ofertat koncesionare. 

Pra asgjë për banorët e saj të vjetër dhe të rinj të cilët mund të konsiderohen të ardhur dhe pa prona të paluajtshme nga trashëgimia, djersa e biznesit të tyre në kushtet e ekonomisë së tregut të lirë dhe të goditur ashpër nga regjimi i taksave.

Duke ju kthyer përmbajtjes së këtij shkrimi që gjendet i plotë në faqet e ATSH-s dhe mban nënkuptimin se sa mediat e huaja interesohen për realitetin e kryeqytetit ku kryebashkiaku i Tiranës Erion Veliaj është protagonisti i transformimit financiar , gazetaria profesioniste shqiptare mund të reagojë. Të bëjë pyetjet e duhura në kohë dhe jo kur situatat e bartura të shndërrohen si në rastet e zbulimeve të përmasave të korrupsionit bashkiak me pastrimin, gjelbërimin, përpunimin e mbetjeve urbane, infrastrukturën që përmbytet pas shirave, furnizimin me ujë dhe energji elektrike 24 orë. Termi i transformim financiar është një togfjalësh që duhet lexuar dhe kuptuar si shumë para, euro/dollarë që hidhen dhe përdoren për t’i shërbyer mbajtjes së pushtetit me korrupsion.

A nuk duket me kushtet e sotme të Tiranës se me këtë term; ‘transformim financiar’ autori i ka rënë në kokë problemit se ku shtrihen interesat e kapjes dhe mbajtjes pushtetit? 

Fund e krye ky shkrim propagandë tregon për fasadën dhe synon të shuaj morinë e skandaleve. Fare thjeshtë këtë trajtim mund ta bënte çdo media e blerë apo zyrtare e kapur prej partisë shtet. Por ato janë më së shumti të përqendruara në frontin zhurmues kundër opozitës dhe sillen e rrotullohen mes numrit të miliona turistëve që vizitojnë vendin. Shtyjnë projektet mbi ndërtimin infrastrukturor rrugor dhe ajror që ka shpenzuar qindra milionë euro nga taksat e shqiptarëve dhe nuk kujdesen për mjedisin dhe cilësinë e ujit dhe të ajrit në vijën bregdetare shqiptare që asfiksohet gjatë verës nga ndotja e pluhurit të ndërtimeve dhe tymi i zjarreve  në fushat e mbetjeve urbane, në sipërfaqet pyjore, lënë më një anë përpunimin e ujërave të zeza dhe natyrën e dëmtuar nga trafiku i mbetjeve toksike. 

Me të njëjtën agjendë si të Rilindjes Socialiste pas 11-12 vitesh edhe Veliaj në 9 vite nuk shqetësohet nga protestat (e 26-a javë në pritje), por vazhdon si mashtrues dhe të shet Piramidën, Pyllin Orbital, Pedonalen e Sheshit Skënderbej, Shatërvanet të cilat tinëzisht cilësohen se janë:”...një pikë referimi dhe vend tubimi shoqëror për komunitetin, si dhe pikëmbështetje e ngjarjeve kulturore e demonstratave publike”. Të ndalesh me vëmendje në këtë fragment duhet të kuptosh se taksa, shërbimet dhe varfëria bashkë me protestat popullore kundër korrupsionit qënkan normale sepse ky pushtet nuk ka ndërmend kurrë të largohet dhe të dorëzohet përpara gjesh jetë dhe korrupsionit. Pra Tirana ka një kryebashkiak që si jep kurrkujt llogari pasi ua ka marrë votën qytetarëve është kopjoja e plotfuqishme e kryeqytetit sikurse kryeministri Rama mentori i tij sillet dhe kështu bën me parcelizimin dhe klientelizmin në të gjithë Shqipërinë.

18 Shtator, 2024

Unioni i Gazetarëve Shqiptarë Profesionistë të Diasporës (UGSHPD)

Verband Albanischer Berufsjournalisten der Diaspora (VABD)

Union of Professional Albanian Journalists of Diaspora (UPAJD)

L’Union des journalistes professionnels albanais de la diaspora (UJPAD)

Unione dei Giornalisti Professionisti Albanesi della Diaspora (UGPAD)

Presidenti Bajram Begaj ka marrë pjesë në homazhet në nder të ish-deputetit të PD-së, Gerti Bogdani, i cili u nda papritur nga jeta nj⌂ ditë më parë, në moshën 44-vjeçare për shkak të një arresti kardiak.

Ai u shpreh për mediat në ambientet e jashtme të Parlamentit, ku edhe po zhvillohen homazhet për ish-deputetin e ndjerë, se Gerti Bogdani ishte njeri me vlerë të jashtëzakonshme morale dhe politike.

“Një njeri me vlerë të jashtëzakonshme morale dhe politike. Ishte një njeri i cili pati një jetë të mbushur aktive qoftë publike, qoftë politike. Ngushëllime familjes”, u shpreh Begaj.gsh

Prej orës 10:00 kanë nisur në hyrjen e Kuvendit homazhet për Gerti Bogdanin, ish-deputetin e Partisë Demokratike, i cili u nda nga jeta ditën e djeshme në moshën 44-vjeçare.

Përfaqësues nga Partia Demokratike, por edhe eksponentë të Partisë Socialiste kanë mbërritur për të shprehur ngushëllimet e tyre për të afërmit e Bogdanit.

Grupi Parlamentar i PD ka mbërritur fillimisht në ambientet e Kuvendit, ndërsa më pas përfaqësues socialistë si Elisa Spiropali dhe Taulant Balla janë paraqitur në homazhe.

Po ashtu Presidenti i Republikës Bajram Begaj ka marrë pjesë në ceremoninë e homazheve, ndërsa nuk kanë munguar as figura si ish-kryeparlamentarja Jozefina Topalli, Lulzim Basha apo Enkelejd Alibeaj.

“Kishte një jetë aktive politike dhe publike. Ngushëllime familjes”, u shpreh Begaj.

Gerti Bogdani do të përcillet ditën e sotme drejt banesës së fundit pasi humbi jetën në mënyrë tragjike ditën e djeshme, në moshën 44-vjeçare.

Figura dhe personaliteti i tij do të nderohen ditën e sotme në Kuvendin e Shqipërisë, pjesë e të cilit ai ishte për 2 mandate duke ardhur nga radhët e Partisë Demokratike.bw

Parlamenti ukrainas votoi të mërkurën për të ndarë 495.3 miliardë hryvnias shtesë (rreth 11.96 miliardë dollarë amerikanë) për mbrojtjen, tha Ministria e Financave e vendit.

Votimi u mbështet me 298 vota pro, duke tejkaluar minimumin e kërkuar prej 226, tha ligjvënësi Jaroslav Zheleznyak.

Me këtë shumë, shpenzimet e Ukrainës për mbrojtjen do të arrijnë në 3.73 trilion hryvnia (rreth 90 miliardë dollarë) në vitin 2024, shkroi Zheleznyak në Telegram.

Ukraina do të marrë fonde shtesë për nevojat ushtarake nga taksat e rritura dhe vendosja shtesë e obligacioneve të borxhit të qeverisë vendase, mes burimeve të tjera, sipas ligjvënësit Rolsolana Pidlasa.

Vitin e kaluar, Ukraina shpenzoi rreth 64 miliardë dollarë, ose rreth 40.5 për qind të prodhimit të saj të brendshëm bruto për mbrojtjen.bw

Presidenti ukrainas Volodymyr Zelenskyy vlerësoi ushtrinë ukrainase për sulmin në depon ushtarake ruse në Toropets, një qytet që shtrihet rreth 500 kilometra nga kufiri me Ukrainën.

Sulmi në magazinë ushtarake, ku ruheshin raketa dhe municione, thuhet se u krye nga Shërbimi i Sigurisë së Ukrainës, së bashku me Inteligjencën e Mbrojtjes dhe Forcat Speciale.

“Së pari, sot dua të falënderoj luftëtarët tanë që sigurojnë aftësinë tonë të Ukrainës me rreze të gjatë. Ka një rezultat domethënës nga mbrëmë në territorin e Rusisë dhe ky është lloji i veprimit që dobëson armikun,” tha Zelenskyy në fjalimin e tij të mërkurën.

Zelenskyy gjithashtu përshëndeti përpjekjet ushtarake në rajonin e Kurskut dhe tha se trupat “performuan në mënyrë të mrekullueshme” në përgjigjen e tyre ndaj ndryshimeve në situatën në zonë.

“Ne po e menaxhojmë situatën në bazën tonë brenda kufijve të pritjeve tona. Vëmendje maksimale i kushtohet gjithashtu drejtimeve në rajonet e Kharkiv dhe Donetsk – gjithë lindja jonë, Pokrovsk, Toretsk, Kurakhove. Ne po punojmë për përforcime, si në aspektin të armëve dhe personelit”, shtoi ai.

Presidenti ukrainas tha më parë se inkursioni në Kursk të Rusisë ishte pjesë e Planit të Fitores së Ukrainës. Zelenskyy tani thotë se Plani i Fitores së Ukrainës është plotësisht i përfunduar dhe se gjëja më e rëndësishme tani është vendosmëria për ta zbatuar atë.bw