Gazetari Genc Burimi e ka cilësuara mbledhjen e Ramës me punonjësit e administratës së Bashkisë së Tiranës, krim zgjedhor në flagrancë, për të cilën duhet të mbajë përgjegjësi me patjetër.

I ftuar në emisionin Task Force, Burimi tha se Rama me këtë shfaqje, tregoi se jemi në fashizëm, pasi të gjitha pushtet i ka përqendruar ndaj vetes.

Sipas Burimit, OSBE, Prokuroria dhe SPAK duhet të ishin aty për të mbajtur shënim, pë rkëtë krim të hapur zgjedhor, pasi Rama po mban miting politik me paratë e taksapaguesve të Tiranës.

Për Burimit, SPAK ka të gjithë të drejtën për t’i thënë ‘Stop’ kësaj shfaqjeje kriminale zgjedhore.

Jemi në një situatë tipike të konsumit të veprës penale të  krimit zgjedhor në flagrancë. Ky është fashizëm, ky është përqendrim i të gjitha pushteteve, ku nuk pyet për asgjë. Unë do të doja që me të gjithë ata punonjës, të ishin edhe SPAK, Prokuroria, KQZ e të mbajnë shënim, edhe SPAK. Kështu shkohet në zgjedhje? Është e padrejtë, për shumë më pak se kaq, në Bosnje e Hercegovinë u shpall non grata dhe u arrestua, vetëm pse u çoi një letër pensionistëve.

Paguan për miting me paratë e taksapaguesve për të sharë opozitën, ky është krim zgjedhor. Për çfarë shërben SPAK, sot ai ka të drejtë të thotë STOP. Sepse që në mëngjes po i thoshte SPAK mos ndërhyj te partitë politike, pikërisht për të nisur fushatën me paratë e taksapaguesve, të njëjtën gjë që bëri në Athinë, në Londër. Ky quhet krim zgjedhor, financim ilegal i partive politike, quhet përdorim i mjeteve buxhetore. Këtë ka bërë Rama në çdo zgjedhje, e tashmë duhet thënë stop.