Bashkëshortja e kryebashkiakut të Tiranës, Ajola Xoxa ka ankimuar vendimin e Gjykatës së Posaçme për ushtrimin e kontrollit, lëvizje që erdhi pas kërkesës së SPAK.

Avokati mbrojtës i saj dorëzoi ankimimin në Apelin e Posaçëm, ndërkohë që ankim bëri edhe vëllai i Erion Veliajt, Arbër Veliaj.

Të dy avokatët pretendojnë që kontrollet janë bërë në shkelje të ligjit procedural për mungesë shkaku të ligjshëm.

Kontrollet u ushtruan ditën e premte me urdhër të prokurorit të SPAK, ku agjentët e BKH-së sekuestruan celularin e Ajola Xoxës, si dhe ushtruan kontrolle në qendrën “Harabel”, ku Xoxa ështe bashkëthemeluese. Media dhe opozita deklaruan se aty janë sekuestruar një shumë e madhe parash. sn