15 Tetor 2024

Mbrëmë me 14 Tetor 2024, rreth 150 republikanë dhe konservatorë shqiptarë të Michiganit u takuan me ambasadorin Richard Grenell, i cili aktualisht po drejton fushatën e për zgjedhjen e Presidentit Trump.

Takimin e moderoi gazetari Arjan Konomi.

Takimi ishte i qetë dhe shumë informues. Grenell foli për situatën se fushates elektorale por u zgjat edhe ne gjendjen aktuale Kosovë -Serbi, dhe rolin e tij politik dhe negociues në të kaluarën. Nder te tjera ai tha se në këto bisedime ai ishte një djalë i ri, i rritur në Muskegon të Michiganit, u kishte thënë miqve të tij shqiptarë dhe serbë se nuk e dinte te kaluarën e tyre por dinte te ardhmen e tyre. “… e ardhmja juaj është Amerika, e ardhmja juaj është liria, prospereti ekonomik dhe një Kosovë që është pjesë e Kombeve të Bashkuara…E vetmja arsye që Kosova nuk është anëtare e Kombeve të Bashkuara është politika… Ekspertët evropianë kanë bërë një gabim të madh që për 20 vite janë perqëndruar vetem në njohjen reciproke midis Serbisë dhe Kosovës dhe jo në zhvillimin dhe bashkëpunimin ekonomik në mes tyre”. Ai mori si shembull Indinë dhe Pakistanin që nuk e njohin njëri tjetrin, por janë anëtarë të Kombeve të Bashkuara.

Pyetjes nga avokati Ervin Tinaj për mardhëniet e ngurta me Kryeministrin Kurti, ai iu pergjigj se Kurti nuk ka perkrahur asnjë administratë presidenciale Amerikane në qendrimet e tyre ndaj Kosovës që nga Bush, Obama, Trump apo Biden. Nuk jam vetëm une, tha ai, por është edhe administrata Biden, edhe Franca, edhe Gjermania, edhe Nato që ankojnë se Kurti është një person problematik. Megjthatë Grenell tha se i mbeshtet deklarimet e Kurtit per anti-korrupsionin, por pret të shohë rezultate.

Në vazhdim pati një bashkëbisedim me pyetje-përgjigje dhe në fund ai u takua dhe u pershendet me pjesemarresit dhe bënë fotografi.

Une dua te zgjatem pak per një fare presioni që aktualisht disa shqiptaro amerikanë ne Miçigan po bëjnë për të mos takuar ambasadorin Grenell. Nga naiviteti apo qellimshëm, kjo ështe një pyetje që vetëm ata mund t’i përgjigjen.

Pa dashur që të bëj “avokatin e djallit”, unë kam mendimet e mija të qarta në lidhje me Grenell dhe pozicionin e tij ndaj Kosovës dhe fushatës së Trump.

1. Takimi i mbrëmshëm ishte i nevojshëm dhe i suksesshëm dhe përveç mbështetjes për Trump i shërben edhe lobimit të çështjes shqiptare.

2. Unë jam një shqiptar patriot, e dua Shqiperinë, e dua Kosovën por e dua edhe Amerikën që na dha bukë e strehë.

3. Rick Grenell ka deklaruar se ka miq në Kosovë dhe miq në Serbi. Kjo shkon përshtat me politikën amerikane.

4. Grenell e ka deklaruar publikisht se në asnjë rast nuk ka biseduar apo kërkuar ndarje apo shkëmbim territoresh mes Serbisë dhe Kosovës.

5. Sado të takohet Richard Grenell me serbët, ne nuk duhet të bëhemi xhelozë dhe të distancohemi, por duhet të punojmë edhe më shumë që ta afrojmë dhe ta rrisim miqësinë më të, aq më tëpër në rast të fitores së presidentit Trump, Grenell mund të ketë pozitë të lartë drejtuese në administratë.

6. Marrëveshja Serbi-Kosovë që është arritur në 2020, me protagonist Grenell ka qenë një marrëveshje e mirë që i vendoste dy vendet në mardhënie badhkëpunimi dhe progresi ekonomik. Biden nuk dërgoi as edhe një emisar në ballkan dhe nuk bëri asgjë për implementimin e kësaj marrëveshje.

7. Rick Grenell është lindur dhe rritur në Michigan dhe po drejton Fushatën e presidentit Trump. Grenell është njeri i besueshëm i Trump.

8. Përveç se jemi shqiptarë, ne tashmë jemi amerikanë, duhet të flasim, shkruajmë dhe të veprojmë si amerikanë dhe duhet të jemi luajalë më sparit ndaj Amerikës

9. Momentalisht jemi në mes të fushatës për zgjedhjen e presidentit të Amerikës, vendit ku jetojmë, aspirojme dhe duam që të rrisim fëmijët tanë.

10. Në Miçigan, fushata është aq e nxehtë sa diferenca e votave mund të jetë shumë e ngushtë. Prandaj çdo sulm apo sabotim ndaj Grenell është një thikë mbas shpine ndaj Trump.

11. Republikanët shqiptarë duhet që të bashkohen në këtë fushatë, pa paragjykime në shërbim të fitores së presidentit Trump. Të rregullojmë shtëpinë tonë, Amerikën dhe pastaj të mendojmë për vendlindjet tona.

12. Edhe ata që janë dyshyes ndaj Grenell, le ti mbajnë dyshimet, por sot duhet të bashkohen për një qëllim tjetër, fitoren e Presientit Trump. “Armiku i armikut tim është miku im” thotë një fjalë e urtë e hershme.

13. Ka disa shqiptarë nga njëra anë bëjnë takime të selektuara me Edi Ramën dhe mbrojnë politikën e tij, i cili ka propozuar Ballkanin e Hapur, ka miqësi me Vuçiç më shumë se me cdo udhëheqës politik të Kosovës, por nga ana tjetër, këta shqiptarë bëjnë thirrje për të bojkotuar amerikanin Grenell. Ku është boshti i tyre politik dhe atdhetar këtu?

14. Për demokratët shqiptarë në Miçigan, ‘gurët” që po hedhin ndaj Grenell kam frigë se do t’ju bien kokës. Prandaj hapini sytë dhe mendjen sepse po dëmtoni mardhëniet më miqtë amerikanë, po krijoni armiq dhe distanca të panevojshme. Kosova ka nëvojë për miq në çdo kohë.

15. Të mërkurën në Imperial House do të jetë takimi i madh i Donald Trump Jr. dhe përfaqësues të lartë të Partisë Republikane me komunitetin republikan shqiptar. Asnjë perfaqësues i lartë demokrat nuk ka kërkuar të takojë komunitetin shqiptar. Ata nuk mendojnë për ju e as për Kosovën. Presidenti Trump po kërkon votën tonë dhe ne duhet tja japim, për të mirën tonë, për të mirën e Amerikës, të Shqipërisë dhe të Kosovës.