GJITHMONË ME ATDHEUN- Nga ATDHE GECI

October 4, 2024

Fragment nga poemi për Gjergj Kastriotin

Princa të nderuar të Shqipërisë  dhe  të  Epirit

Gjergji, qëllimin e kam te lufta  dhe  te fitorja

të mundurit nëpër burgje  trajtoni me drejtësi

mizorinë  ndaj  të  mundurve  mos e përdorni

shkrimtarët, historianët, ata që shkruajnë për

ne, ju duhet t´u jepni lapsa, letra  dhe ngjyrë

përmes shkrimeve  të  tyre  të  ardhshmit  do

ta njohin kohën tonë dhe luftën që  po bëjmë.

Trima të luftës, në  mua  luftojnë gjitha flakët

e  jetës, duart  tona prush, gishtërijtë, guximi

dhe mendja, të tëra betejat që na shoqërojnë,

janë jeta jonë me diell, me hënë, dhe me yje.

Një zë në Parlament të Krujës  pyet  Gjergjin:

I nderuari  Gjergj Kastriot! I  nderuari  prijës!

Ti je  babai  ynë  pas  Zeusit, Pirros  e  Thotit

pas  Apollonit ,  Aleksandrit  dhe  Ptolemejve,

ti je mendja e luftëtarit dhe  strateg i kombit,

sa është fuqia jonë për  t´i dalë zot Arbërisë?

Trim, fuqia jonë  s´ është  e  vogël! Ne  kemi

aq gjak në trup sa t´i  mbrojmë  kufijtë  tanë

dhe aq gjak në trup sa për t´i dalë zot vendit.

Gjergj, je gjak  pellazg  prej  Shqipërisë  Ilire,

dhe, gjak pellazg  prej  Dardanisë  dhe  Epirit

si t´ia ruajmë Shqipërisë  emrin  e diellit, Iliri

Gjergji, e sotmja do forcën tuaj  dhe guximin

ne po mbrojmë veten  si  në kohët Homerike,

Princa të nderuar të arbërit  dhe  ju  luftëtarë

të lirisë, ne e dimë si ngrihet dielli  me  duar!

Rroftë Shqipëria! Dhe Rroftë flamuri Kuq e zi!…

Atdhe Geci – Fragment nga poemi pë Gjergj kastriotin

• twitter

  Follow
• facebook
• linkedin

Fjalë kyçe: ATDHE GECI