Sot çifti i shquar i Artistëve Dhimitër Anagnosti dhe Roza Anagnosti dy Diamante të Kulturës Kombëtare Shqiptare kremtojnë 60 vjetorin e martesës.

Këtë fakt e bën me dije vajza e tyre Juna Anagnosti në rrjetin social e cila iu ka dedikuar një poezi.

Botuesit e Voal.ch bashkë me lexuesit kanë nderin t’iu urojnë çiftit të artistëve që kanë bërë histori me artin e tyre edhe shumë kremtime të tilla.

Më poshtë po sjellim dedikimin e së bijës Juna Anagnosti bashkë me poezinë dhe fotot:

“Sot 60 vjetori i martesës 💎 i prindërve të mi të shtrenjtë, Dhimitër e Roza ❤️❤️

I lidhët duart, i lidhët zemrat,
i lidhët shpirtrat me nyje të artë,
në një ditë fillimvjeshte, ditë shtatori
…..data gjashtë.

U bëtë një trup, u bëtë një shpirt
që 60 vjet sot po i mbush.
U bëtë një ëndërr e bekuar
nga Zoti vetë shenjtëruar.

Kalin e jetës bashkë e ngatë
me dashuri, me mund, me art.

Floku zbardhon, mendja vallzon
Magjia e jetës tek ju ndriçon
Te nyja e artë që ju bashkon
Te vello e bardhë👰🏼‍♀️kostumi i zi🤵‍♂️
Te një “pirat” e një “hyjni” 🩵🩷🧄

Tiranë 6 shtator 2024”