Gjendje e mjerueshme e lirisë së shtypit në atdheun e gjyshërve të mi – katastrofë. Kushtet e mjerueshme të lirisë së shtypit në trojet shqiptare (Shqipëri, Kosovë, “Maqedoni”…), kalohen në një heshtje ogurzezë-kërcënuese.

Mediat (TV, portalet…) me disa përjashtime të nderuara – mbizotërohen nga gjysmë analfabetë të zhytur në konflikt interesash: janë amatorë, servilë, mercenarë, mafiozë, antikombëtarë – nuk i sqarojnë gjërat ashtu siç janë por i fshehin ato, nuk i botojnë shkrimet e intelektualëve të vërtetë sepse nuk u konvenojnë, manipulojnë, dominon belbëzimi, shkarravitjet, gjysmë të vërtetat… janë arsyeja pse njerëzit janë në terrin informativ. Dhe si rrjedhojë e kësaj ata nuk reagojnë ndaj padrejtësive për të fituar lirinë, për të përmirësuar mirëqenien e tyre… Janë të hutuar, nuk dinë cilin hajdutë ta hedhin në koshin e plehrave dhe cilin në tualet. Ata kanë humbur shpresat, po ikin nga atdheu, vendi po zbrazet, trojet tkurren në favor të Serbisë, Greqisë, FYROM-it, Malit të Zi … Kjo tregon gjendjen e mjerueshme të lirisë së shtypit në të gjitha vendet shqiptare. Por si mund të jetë ndryshe kur 98% e pronarëve të mediave shqipfolëse nuk kanë mbaruar as shkollën fillore? Për të tillët, paratë e pista janë gjithçka…

PS: Respekt pa kufi për ato pak media kombëtare, themeluesit e të cilave kanë dhënë për dekada një kontribut të pakufizuar për të mirën e kombit që i përkasin…Shqipërisë.

Bojkotoni mediumet antikombëtare…

Aurel Dasareti