Policia e Maqedonisë së Veliut  ka kallëzuar penalisht, shefin e sigurimit të kryeparlamentarit Afrim Gashi, pas incidentit në aeroportin e Shkupit me presidenten e Kosovës, Vjosa Osmani dhe policisë kufitare të kontrollit të sigurisë.

Polici është pezulluar nga puna dhe ndaj tij rëndojnë akuzat,  për ‘cënim të sigurisë’ dhe ‘pengim i personit zyrtar’, ka njoftuar Ministria e Punëve të Brendshme të Maqedonisë së Veriut. Procedurë disiplinore është ngritur edhe ndaj dy policëve të tjerë.

“I denoncuari ka ardhur në Aeroportin e Shkupit me veturë në parkingun e sektorit VIP. Ka dal nga vetura dhe ke nxjerr armën, e ka përgatitur dhe përsëri e ka kthyer në bel. Policit që ka qenë i sistemuar tek dera i është qasur me zë të lartë dhe i është kërcënuar. Polici është dërguar në Aeroport nga kryetari i Kuvendit me qëllim tejkalimin e mosmarrëveshjes së krijuar me presidenten e Kosovës. Ai bashkërisht me dy policë të tjerë, duke lëvizur nëpër pjesën ku nuk e kanë të lejuar të lëvizin, i janë kërcënuar me jetë  të punësuarve në TAV dhe policëve duke kërkuar që presidenten ta dërgojnë me veturë deri te aeroplani”, thuhet në komunikatën e MPB-së.

Kryeministri Hirstijan Mickoski në një konferencë për mediat tha se askush nuk do të jetë mbi ligjin dhe do të ketë përgjegjësi penale, derisa vërtetohet vepra.

“Derisa institucionet konstatojnë tejkalim të procedurave apo kryerje të veprës penale, të jeni të sigurt se ai person do të dalë para përgjegjësisë. Askush nuk do të mund të jetë mbi ligjin. Derisa jam unë kryeministër, njerëz mbi ligjin nuk ka dhe nuk do të ketë”, tha Mickoski.

Për cënim të sigurisë i dyshuari rrezikon më së shumti 6 muaj burg ose gjobë, ndërsa për pengim të personit zyrtar,  rrezikon dënim me burg nga 1 deri në 3 vjet. sn