Avokati i njohur Genc Gjokutaj është pyetur sot mbi intervistën ekskluzive që dha dje në SYRI TV, ish-Zëvendëskryeministri Arben Ahmetaj, tashmë i larguar nga vendi.

“Si ishte për ju intervista e Arben Ahmetajt dhe çfarë pamë?” qe pyetja që i drejtoi sot avokatit dhe analistit politik, Flavio Qarri, moderatori i emisionit të mëngjesit “Kafe Shqeto”.

Gjokutaj tha: “Të gjitha aferat që z. Ahmetaj përmendi janë përmendur edhe nga portalet, një pjesë e mirë e tyre, por në gojën e zotit Ahmetaj kanë një tjetër peshë specifike. Deri këtu jemi në rregull. Unë nuk ka arsye të dyshoj në vërtetësinë e atyre thënieve të zotit Ahmetaj, për më tepër në pozitën e tij procedurale, sepse pjesa e parë e intervistës ishte mbrojtja që zoti Ahmetaj i bëri vetes për çështjen që ai ka në vijim; ishte denoncimi i procesit të parregullt ligjor dhe këtë e kemi konstatuar edhe në raste të tjera dhe unë besoj fort tek kjo pjesë, por ajo që mbetet pjesa më e errët e gjithë kësaj historie është kapja e SPAK-ut, e cila i kthen në nul të gjitha këto dëshmi dhe ne e kemi provuar në shumë procese.

Ky SPAK nuk ka denjuar të regjistrojë procedime për denoncime që janë bërë drejtpërdrejt nga parti politike, nga grupe interesi, nga persona , individë që kanë denoncuar në SPAK dhe çështjet kanë mbetur në sirtar.

Unë mendoj që gjithë kjo dijeni e zotit Ahmetaj duhet ta shtyjë, po kë?! SPAK-un?!

E pra, edhe dëshmia dje e zotit Ahmetaj që fillonte nga akuzat drejtpërdrejt për Kryeministrin si të lidhur me aferat korruptive e deri më poshtë pastaj në piramidën shtetërore, nuk i prek kush me dorë.

Ju jeni dëshmitarë që denoncimet aty kanë qenë dhe ky SPAK nuk i kap. Merr çështjen McGonigal. Po ka dhe çështje të tjera për kryeministrin, për Zv.kryeministren, për Kryetarin e Bashkisë, për tokat në bregdet dhe nuk ka lëvizur askush gishtin. Dhe këtu, e gjithë dëshira jonë, e gjithë kërshëria jonë për një shtet juridik dhe për një shtet, i cili ka vullnetin dhe dëshirën për t’i hetuar sepse aty, filloi dhe mbaroi mbrëmë zoti Ahmetaj, të gjithë dokumentet ishin në një kuti. Po kjo “kuti” duhet hapur dhe aty brenda ne duhet të shohim dokumentet autentikë.”

Me thënë të vërtetën unë dje prisja që zoti Ahmetaj të ekspozonte ndonjë dokument, jo të gjitha, por ndonjë dokument, për t’i dhënë më tonus, seriozitetit të intervistës, por edhe për t’i tërhequr vëmendjen SPAK-ut që këtu nuk flitet për fjalë dhe për çështje të stisura, por këtu flitet për afera të tmerrshme korruptive dhe afera që i referohen njerëzve që sot janë në pushtet.

Ky është rreziku që ne sot diskutojmë për figurat më të larta shtetërore të përfshirë në afera të rënda korruptive dhe ne nuk kemi instrumentin njerëzor, burimin njerëzor, sepse ne ligjin penal dhe procedural e kemi të plotë, por kuadri ligjor kërkon vullnetin e SPAK-ut si njesi e posaçme për ta hetuar. Deri më sot ne e kemi provuar që SPAK-u jo vetëm s’ka vullnet, por SPAK-u është kthyer në një mburojë, e cila është kthyer në një pengesë serioze për hetimin e këtyre çështjeve dhe vazhdimin e aferave korruptive sepse siç e përmendi edhe mbrëmë zoti Ahmetaj, ai thoshte që “duhet të ndërpriteshin që sonte” këto afera, ndërkohë që ato vazhdojnë të paprekura dhe të pashqetësuara nga agjencia ligjzbatuese e ngarkuar për këtë punë.

Nëpërmjet kësaj, po të bësh një rezume të të gjithë asaj që zoti Ahmetaj e parashtroi, mbrëmë është një puzzle e formuar tashmë dhe një kapje totale e pushtetit.

Instrumenti juridik është.

Nëse ky SPAK kërkon që të shtyhet më tutje, ta marrë seriozisht këtë punë, t’i hyjë, në fund të fundit të kryejë detyrën që i takon me ligj, ai menjëherë i afron një bashkëpunim zotit Ahmetaj dhe merr dëshminë e tij nëpërmjet bashkëpunimit, e kthen atë në dëshmi, në akt proceduarial. Plus dokumentacionin dhe pas pyetjes së zotit Peka mbrëmë që “po të vijë zoti Dumani këtu ku jeni ju”, ai ia hodhi dorashkën dhe i tha: “Pyeteni, vjen dot këtu ai përballë meje?!’

Kjo është vetëm çështje vullneti, por unë jam pesimist. Nuk mund të jem optimist pa objekt duke pasur parasysh këtë SPAK që ka sabotuar dhe ka mbajtur në sirtar shumë çështje të tjera që janë denoncuar, por nuk janë proceduar.”/SYRI.NET