LËVIZJA PËR ZHVILLIM KOMBËTAR

Tiranë, më 31.05.2024

Deklaratë për mediat

“Lëvizja për Zhvillim Kombëtar” ka zhvilluar takimin e parë kombëtar më 24.05.2025 në kuadrin e përgatitjeve për zgjedhjet politike të vitit 2025.

LZHK është një forcë politike por jo si një parti sipas konceptit klasik të fjalës. LZHK është krijuar 20 vite më parë nga Mbreti Leka I me frymën e një lirie dhe pluralizmi të brendshëm, ku ka vend për të gjithë ata të cilët mendojnë në të mirë të vendit.

Në këtë kontekst, ne jemi bashkuar me mbretërorët shqiptarë duke u rikthyer në formatin e krijimit të LZHK, ku zotërinjtë Dashamir Shehi dhe Ekrem Spahiu kanë qenë bashkëdrejtues të kësaj lëvizje dhe drejtuan fushatën elektorale të vitit 2005.

Sigurisht që ideja jonë e bashkëpunimit shkon edhe më tej, për të bashkëpunuar dhe me parti të tjera, të cilat janë në opozitë me qeverinë. Ky bashkëpunim do të varet shumë nga ligji i ri zgjedhor por edhe nga pozicioni që do të marrin ato vetë gjatë periudhës parazgjedhore.

Situata në Shqipëri është tejet e rëndë dhe është domosdoshmëri për ndryshim radikal, jo thjeshtë për të ndryshuar një qeveri me një tjetër por për të ndryshuar të gjithë çasjen e qeverisë në raport me qytetarin dhe shtetit.

Platforma jonë është!

LZHK, prezantohet me një alternativë të re që merr në konsideratë dhe ka në thelb të saj problemet reale të shqiptarëve dhe të Shqipërisë. Sllogani ynë është: “Ne dimë të bëjmë shtet”.

Ne, i propozojmë shqiptarëve alternativën si më poshtë:

Në aspektin politik
Pjesëmarrje dhe jetë aktive parlamentare
Reforma zgjedhore
Mbështetje të sistemit të drejtësisë
Përmirësim i raportit me ndërkombëtarët
Luftë pa kompromis kundër korrupsionit dhe krimit të organizuar
Reforma Zgjedhore
Shqipëria me sistem proporcional kombëtar ose 4 zona elektorale
Lista të hapura
Votim dhe numërim elektronik
Vota e diasporës

Drejtësia
Mbështetje për Reformën në Drejtësi dhe organet e dala prej saj.
Mbështetje pavarësisë absolute të organeve të drejtësisë nga subjektet politike.

Politika e Jashtme
Rindërtim i marrëdhënieve ndërkombëtare
Marrëdhënie të ngushta me Aleatët strategjikë SHBA dhe BE

Projeksioni politik 2025
Pjesë e pandarë e moralit tonë
Familja
Prona dhe të përndjekurit
Aspekti ekonomik
Rindërtimi i sektorit industrial
Investim masiv në sektorin bujqësor
Aspekti social
Arsimi dhe shëndetësia
Rritje të pagave dhe pensioneve

Projeksioni politik pas 2025
Ndryshim i Kushtetutës të Shqipërisë
Reformë e re administrative

Lëvizja për Zhvillim Kombëtar

Dashamir Shehi Ekrem Spahiu