Programi kombëtar i kërkimit ka dhënë një kontribut konstruktiv për të kuptuar pandeminë në Zvicër – Por mund të ishte bërë më shumë

VOAL- Gjatë pandemisë së koronavirusit nuk ka pasur bashkëpunim të mjaftueshëm midis shkencës dhe politikës. Ky është përfundimi i arritur nga studiuesit në raportin përmbledhës të Programit Kombëtar të Kërkimit “Covid-19”.

Partneriteti mes komunitetit shkencor dhe institucioneve shtetërore nuk u zhvillua aq sa duhet për të përballuar presionin e madh të një krize pandemike, thuhet në raportin përfundimtar të publikuar sot (e martë).

Megjithatë, studiuesit nxjerrin një bilanc pozitiv: programi i kërkimit ka dhënë një kontribut konstruktiv në kuptimin shkencor të pandemisë në Zvicër, tregon raporti.

Programi i kërkimit, i financuar me 20 milionë franga, u lançua në prill 2020 me qëllim përvetësimin e njohurive të reja mbi Covid-19, zhvillimin e rekomandimeve për menaxhimin klinik dhe sistemin e kujdesit shëndetësor dhe përshpejtimin e zhvillimit të vaksinave, trajtimeve dhe diagnostikimeve. rsi-eb