e kam ngjitur

më sheh vjedhurazi

vjedhurazi e shoh dhe unë

i çuditshçm ky flirt në tren

femra vjedh mashkullin

mashkulli femrën vjedh

unë i marr asaj një tipar të bukur; hundën

e ka si të skalitur nga mikelanxhelo

një femër bionde pa hundë 

në linjen 42 street times square – woodhaven boulevard

kushedi ç’më ka marrë ajo mua

po s’është ndonjë skandal i madh

se të gjithë udhëtarët mungesa tiparesh kanë

po sikur të më vënë prangat

ata të luvrit

ngaqë venusit të mikelanxhelos i mungon hunda?

në nju jork do të bëhet gjyqi

po dhe unë do të kërkoj tiparin tim të munguar

e di që dhe gjyqtarët të njëjtin shqetësim kanë

ah, kjo hunda!