Më poshtë intervista me PhD Taulant Bino kryetar i SHSHO (Shoqata Shqiptare e Orintologjisë) dhënë UGSHPD mbi lëvizjen dhe ndërgjegjësimin mjedisor në Shqipëri. Projektet ndërtimore ndërtohen në zemër të zonave të mbrojtura të natyrës.

100% e anëtarëve të qeverisë kanë patur rastin të fluturojnë me avionë trans-oqeanikë shpesh gjatë karrierës dhe e kanë gëzuar privilegjin e fluturimeve edhe me çartera privatë kur ua ka lypur nevoja të shpejtojnë drejt shteteve të ndryshme për të nënshkruar marrëveshje dhe kontrata koncesionesh, me plot përkushtim për zhvillimin e ekonomisë, energjisë, infrastrukturës, turizmit, mjedisit etj… 

Por 0% e pushtetarëve, pra askush prej tyre nuk është kërcënuar mbi çatinë e apartamentit, shtëpisë apo vilës ku jetojnë  dhe t’u ketë fluturuar mbi krye një trans-oqeanik aq sa me dhjetëra të tillë do të fluturojnë mbi foletë e shpendëve të Zonës së Mbrojtur të Nartës.

Kjo është një thirrje e qytetarëve shqiptarë, për qeverinë e shurdhuar tashmë nga propaganda twiter dhe facebook e suksesit e cila nuk shquan dot një cicërimë të natyrës.

Narta Zonë e Mbrojtur!

Jo Aeroportit Ndërkombëtar të Vlorës!