Ministria britanike e Mbrojtjes publikoi vlerësimet e reja për ecurinë e pushtimit rus të Ukrainës.

Siç u tha, Rusia vazhdon përpjekjet e saj në disa drejtime sulmuese në lindje të Ukrainës, drejt qyteteve Vuhledar, Kremina dhe Bakhmut.

“Numri i viktimave raportohet se është ende i lartë, veçanërisht në Bakhmut dhe Vuhledar. Në veçanti, brigadat elitë të këmbësorisë detare 155 dhe 40 pësuan humbje shumë të rënda në Vuhledar, dhe ka të ngjarë të jenë të paefektshme në aspektin luftarak”, thuhet në vlerësimin e inteligjencës britanike.

Ministria britanike e Mbrojtjes shtoi se forcat ruse ka të ngjarë të jenë nën presion politik në rritje, ndërsa afrohet përvjetori i pushtimit.

“Rusia ka të ngjarë të pretendojë se Bakhmuti është i okupuar për të përkuar me përvjetorin, pavarësisht nga realiteti në terren. Nëse ofensiva pranverore e Rusisë nuk arrin asgjë, atëherë tensionet brenda udhëheqjes ruse do të rriten”, u tha ndër tjera në raport. syri.net