Presidenti francez Emmanuel Macron dhe kryeministrja italiane Giorgia Meloni

Presidenti francez Macron është lideri i parë që takohet me kryeministrin e ri italian Meloni: në tryezë energjia, mbështetja për Ukrainën, situata ekonomike, menaxhimi i flukseve emigratore

VOAL- Takim, që zgjati mbi një orë, të dielën në Romë, mes kryeministres italiane, Giorgia Meloni dhe presidentit francez Emmanuel Macron. Gjatë takimit, edhe pse informal, u diskutuan të gjitha dosjet kryesore evropiane: nevoja për të dhënë përgjigje të shpejta dhe të përbashkëta për energjinë e shtrenjtë, mbështetjen për Ukrainën, situatën e vështirë ekonomike, menaxhimin e flukseve emigratore.

Meloni dhe Macron ranë dakord për dëshirën për të vazhduar me një bashkëpunim për sfidat e mëdha të përbashkëta në nivel evropian dhe në respekt të interesave të përbashkëta kombëtare, shkruhet në një shënim nga Palazzo Chigi.

“Si evropianë, si vende fqinje, si popuj miq, me Italinë duhet të vazhdojmë të gjithë punën që kemi filluar. Për të pasur sukses së bashku, me dialog dhe ambicie, ua detyrojmë të rinjve tanë dhe popujve tanë. Takimi ynë i parë në Romë me Giorgia Meloni, shkon në këtë drejtim”.- Emmanuel Macron e ka shkruar në Twitter në fund të takimit në Romë me Giorgia Melonin. rsi-eb