Berisha: Negociatat nuk u hapën për shkak të grabitjes së mandatit të tretë dhe regresit të demokracisë

June 24, 2022

Berisha: Negociatat nuk u hapën për shkak të grabitjes së mandatit të tretë dhe regresit të demokracisë

Kryetari demokrat, Sali Berisha, tha në konferencën për shtyp se negociatat për Shqipërinë nuk u hapën për shkak të situatës së demokracisë në vend.

“Ky ishte udhëtimi më skandaloz në historinë 30-vjeçare të Shqipërisë nga një përfaqësues i saj.

Ky ishte udhëtimi që dëshmoi përfundimisht se Edi Ramës nuk i hapen negociatat. Nuk e pranojnë për intelokutor dhe se në mënyrë absolute, shkaqet themelore nuk janë te Bullgaria.

Por siç ia dha edhe vetë padroni i tij, Aleksandër Vuçiç, janë disa vende të BE, të cilat nuk janë dakord me hapjen e negociatave me Shqipërinë.

Kjo sepse Shqipëria nuk ka plotësuar kushtet e vendosura nga BE, përkundrazi Shqipëria në drejtim të lirive, votës së lirë dhe medias, ka shënuar rrokullisje të mëdha.

Pra, nuk është vetoja e Bullgarisë, por është regresi i demokracisë dhe grabitja e mandatit të tretë. Rrokullisja në lirinë e medias, evidentimi i lidhjeve me bandat dhe krimin të eksponentëve kryesorë politikë të PS, duke nisur nga Edi Rama dhe poshtë. Me asgjë, askush nuk mund t’i mbulojë këto,” tha Berisha.

Berisha: Rama u shfaq në Bruksel si vasal i Vuçiçit! Formati i konferencës ishte skandaloz

Kryetari demokrat, Sali Berisha, e quajti skandaloze daljen e Edi Ramës dje në Bruksel në prani të Aleksandër Vuçiçit.

“Një shkak tjetër po kaq madhor i refuzimit nga BE dhe mosveçimit nga Maqedonia lidhet me faktin e paprecedentë në historinë e Brukselit, as edhe në historinë e Shqipërisë. Nëse lexoni të gjitha deklaratat para samitit dhe gjatë samitit të Edi Ramës, ato faktojnë katërcipërisht se ky zotëri shkoi në Bruksel jo si përfaqësues i Shqipërisë, por si vasal i Vuçiçit. U soll atje sikur të ishte Milorad Dodik, president i serbëve të Bosnjes dhe jo si kryeministër i Shqipërisë.

Po ju rikujtoj këtu, momentet kur vetëm 2 apo 3 orë pasi padroni i tij në Beograd do mblidhte qeverinë për të marrë vendimin, vasali i tij në Tiranë shpalli menjëherë se nuk do udhëtojë pas konsultimeve me padronin dhe u nis për udhëtim privat, në karshillëk ndaj çdo shqiptari, për Paris. Por sapo padroni i tij ndryshoi qëndrim, dhe ju e kuptoni se qëndrimet e padronit nuk kanë lidhje me veton bullgare sepse Serbia i ka hapur negociatat, vasali ndryshoi qëndrim dhe shkoi në Bruksel.

Në Bruksel ai faktoi se ishte përfaqësues i aleancës së serbomadhit Vuçiç. Edi Rama dëshmoi qartë se ai është i rreshtuar, jo me Ballkanin e Berlinit apo Brukselit, por me Ballkanin e Beogradit dhe Putinit.

Pikërisht në emër të këtij rreshtimi, ai u shfaq në konferencë shtypi me trojkën famëzezë, padronin Vuçiç dhe vasalët Rama dhe Kovaçiç. Asgjë nuk mund të lidhte kryeministrin e Shqipërisë në një konferencë për shtyp të përbashkët me presidentin e Serbisë, përveç faktit se duhej të dëshmonte se mes BE-së dhe Putinit dhe Serbisë, ka bërë zgjedhjen e tij. Brukseli nuk ishte takim trelateral i udhëheqësve të Ballkanit Perëndimor. Ishte takim mes udhëheqësve të BE me liderët e Ballkanit Perëndimor.

Në konferencë shtypi ishte vetëm trojka e aleancës trelaterale. Nuk u shfaq në atë konferencë as presidentja e Kosovës, as presidenti i Malit të Zi, as përfaqësuesi i Bosnjes. Pra, me paraqitjen në këtë format në konferencë shtypi, Edi Rama faktoi se në cilën anë është i rreshtuar.

Mos harroni se ky samit ishte samit historik. Ishte historik sepse BE në kushte që ndonjëherë nuk mund të imagjinoheshin, u ofroi statusin kandidat dy vendeve të kërcënuara dhe sulmuara nga Putini. Vendi i Shqipërisë nuk mund të ishte në një pozicion tjetër përveçse në krahun e BE.

Statusi nuk iu dha Shqipërisë, pasi hokatari i shpifur që kalon nga samiti në samit me atlete të kuqe dhe benevrekë, për të përqeshur protokollet zyrtare, bëri vetëm avokatinë e Serbisë dhe nuk u mor me Shqipërinë. Qortonte liderët e BE-së pse i kërkojnë Serbisë të zbatojë sanksione ndaj Rusisë, me argumentin e një spekulanti se 80 përqind e serbëve e quajnë Putinin hero.

Por nëse 80 përqind e quajnë kështu, shkaku është se ata qeverisen nga një Putin i vogël. Dhe kjo u dashka marrë në konsideratë nga BE? Që paskan një Putin të vogël në Ballkan dhe të mos i bien në qafë, kur ai është potencialisht i rrezikshëm për vendin e tij dhe rajonin,” tha Berisha.

Berisha i kërkon falje Bullgarisë për sulmet e Ramës: Skandal! Ky nuk është qëndrimi i shqiptarëve

Kryetari demokrat, Sali Berisha, i kërkoi ndjesë Bullgarisë për sulmet dhe fyerjet skandaloze të kryeministrit Edi Rama.

“Do e quaja një skandal shumë të rëndë sulmin ndaj një vendi mik, Bullgarisë. Dua t’u them shqiptarëve që në mënyrë absolute në 32 vitet e fundit, ky vend ka të regjistruar në marrëdhëniet bilaterale me qindra e qindra akte dhe vendime miqësore me shqiptarët.

Turpi të mbulojë Edi Ramën, që i jep një vendi mik në publik, turpin si një ordiner. Bullgaria është një vend mik dhe çdo kryeministër dhe president i këtij vendi ka gjetur në atë komb vetëm miq. Bullgaria u bashkua me NATO në betejën kundër Serbisë në Kosovë. Ajo ka qenë një avokate e Shqipërisë për aq sa ka pasur zërin e saj.

Tani del ky vasal i Vuçiçit dhe i jep turpin këtij vendi. Në emër të opozitës shqiptare u kërkoj ndjesë popullit bullgar dhe qeverisë së tij. I garantoj se nuk është ky vendimi i shqiptarëve, por është vendimi i një aventurieri, një njeriu që nuk njeh asnjë parim. Që nuk di se çfarë është miqësia mes vendeve.

Bullgaria është një vend sllav, por të mos harrojmë se kemi pasur një degë të rilindjes atje, shumë të fuqishme. Nuk mund të ketë kurrë një arsye që kryeministri i vendit, t’u tregojë turpin bullgarëve, përveçse një njeri që turpëron çdo shqiptar me qëndrimet e tij,” tha Berisha.

“Dënoj fyerjen që ai i bëri Bullgarisë. Bullgaria është një mik i çmuar dhe ka dëshmuar veten që nga përmbysja e Shirkov deri më sot. Po kaq ai ka fyer edhe vendet e BE që i ka konsideruar si të marra peng nga Bullgaria. Në fund të fundit po ta zhveshë nuk del gjë tjetër veçse një Spartak Ngjelë më i rrjedhur se ai”.

Berisha: Më 7 korrik i japim përgjigje Ballkanit të Putinit! Protesta nuk ndalet deri në realizimin e qëllimit

Kryetari demokrat, Sali Berisha, tha në konferencën e të premtes, se protesta e 7 korrikut nuk do ndalet deri në realizimin e qëllimit.

“Le t’i japim me datën 7 korrik përgjigjen më të merituar Ballkanit të Hapur apo Ballkanit të Putinit.

Të dëshmojmë bashkërisht besnikërinë tonë ndaj orientimit perëndimor. Të dëshmojmë se për shqiptarët, anëtarësimi në BE është ëndrra më e bukur, e ardhmja më e shkëlqyer për ta,” tha Berisha.

“Protesta duhet të jetë e atillë që nuk duhet të ndalet gjer në realizimin e qëllimit. Se cila do jetë kjo protestë, do e përcaktojë vetë protesta.

Mos harroni një gjë, një parim: ky është një front. Fronti për Shpëtimin e Shqipërisë.

Në një lëvizje, suksesi përcaktohet kur pranon që njëherë udhëheq ti, njëherë të udhëheqin.

Vetëm në këtë mënyrë arrihet te suksesi. Unë jam i gatshëm që të udhëheq dhe të më udhëheqin,” theksoi lideri demokrat.

7 korriku- Berisha: Deputetët të rreshtohen me shumicën! Vendimet do i marrë fronti i protestës

Kryetari demokrat, Sali Berisha tha sot se deputetët janë të ftuar të bëhen pjesë e protestës së 7 korrikut.

“Deputetët janë të ftuar të rreshtohen me shumicën. Janë të ftuar të japin kontributin e tyre dhe të rreshtohen me shumicën.

Të shkëputen nga Ali-Basha i cili është varianti bis i Lulzim Bashës në raportet me Edi Ramën.

Vetëm një ndryshim mund të ketë se Bashës i bënte ndonjë telefonatë Rama, kurse për këta ka ngarkuar Taulant Bego Yaris apo Taulant Sharrën,” tha Berisha.

“Qëllimi i protestës është të ngrejë qytetarët në këmbë kundër këtij regjimi armiqësor. Çdo njeri që i thotë vetes shqiptar, e konstaton këtë. T’i ngremë shqiptarët në këmbë kundër një regjimi që ka futur duart në xhepat e tyre dhe po i varfëron çdo ditë”.

I pyetur se çfarë do të ndodhë nëse qytetarët do të kërkojnë të futen te kryeministria ose parlamenti, Berisha tha: “Edi Rama është i vetmi kryeministër që ia mbath para se të fillojnë protestat. Kjo është e vërtetë. Ndiqeni atë ditë, nga tunelet e Skraparit deri në galeritë e Klosit, në asnjë protestë ai nuk ka qëndruar në zyrë. Kemi të bëjmë me një front në këtë protestë. Vendimet merren nga koalicioni, nga fronti”.

Berisha: Do të protestojmë edhe kundër Sorosit! Mirëpres kontributin e Metës dhe të LSI-së

Kryetari demokrat, Sali Berisha, tha sot se më 7 korrik do të protestohet jo vetëm kundër krizës së rëndë ekonomike dhe projektit Ballkani i Hapur, por edhe kundër miliarderit ultramajtist George Soros.

“E konsideroj atë një armik të stabilitetit dhe të demokracisë në Shqipëri. Me mbështetjen e projekteve në sinkron me Lavrovin dhe Putin, Soros fakton se është një faktor i rrezikshëm për paqen në Ballkan,” tha Berisha.

Berisha u shpreh edhe njëherë i hapur për një bashkëpunim me presidentin Ilir Meta pasi të lërë mandatin në krye të shtetit. Në konferencën e përjavshme me gazetarët, Berisha tha se Meta dhe LSI-ja janë të mirëpritura për t’iu bashkuar opozitarizmit kundër Edi Ramës.

“Disa herë jemi takuar në Baku me presidentin Meta. Ai i mbyll këtë javë detyrimet. Mirëpritet kontributi i tij dhe i LSI-së në opozitarizmin kundër Edi Ramës. Do bashkohemi me të gjitha forcat politike që besoj se ky regjim është armiqësor ndaj shqiptarëve,” tha Berisha.

Sipas tij, në krye të protestës do jetë një front i gjerë. Ai ftoi qytetarët, intelektualët dhe këdo që të bëhet pjesë e saj.

“Ideja ime është një front opozitar, me një udhëheqje kolektive, ku rol kryesor ka PD. Kontributi i çdo force politike, apo faktori tjetër, organizata të shoqërisë civile, individ i shquar është i mirëpritur. Ne jemi të hapur. Rama duhet të përballet me frontin për shpëtimin e Shqipërisë”.

syri.net

twitter
Follow
facebook
linkedin

Fjalë kyçe: Kryetari demokrat, negociatat, Sali Berisha

Komentet

Cancel reply

Lajme të ngjashëm

‘Më 1991, ishim vendi më i varfër në botë’, Berisha: Ja dy pengjet e mia në politikë

Në bisedën me Alice Taylor në Podkastin e saj “Inside Albania”, në Euro News, Kryetari i Partisë Demokratike Sali Berisha ka folur edhe per pengjet e tij ne politikë.

Më tregoni! Vlerësimi dhe kritika për veten janë të rëndësishme.

Berisha: Një nga problemet e mia më kryesore me diktaturën, edhe pse nuk isha i përndjekur, ishte se ata e shpallën veten të pagabueshëm. E përçmoja këtë gjë. Nuk ka njerëz të pagabueshëm. Çdo ditë vlerësoja ku kisha gabuar në aktivitetin tim të përditshëm dhe si duhet ta korrigjoja. Kur lexova Ronald Reagan që shkruante se “Qeveria është problemi”, kjo më frymëzoi. Më ndihmoi shumë. Kur qeveris, bën gabime, por gabimi më i madh ishte ligji i pronës. Ne nuk jua kthyem pronarëve tokat e tyre. Pse? Unë isha i bindur se ajo ishte mënyra e vetme. Zonat rurale ishin shndërruar në rezervuare të mëdha njerëzish. Kudo që shkoja, më thoshin se nëse zgjidhja atë rrugë, askush nuk do të më votonte. Çfarë do të bëja nëse njerëzit do jetonin në qiell të hapur dhe me asgjë në duar? Zbatuam parimin e Jefferson, se toka i përkiste atyre që e punonin dhe jetonin.

Së dyti ishin skemat piramidale, që filluan në vitin ’91, kur ne nuk ishim në pushtet. Institucionet ndërkombëtare na thanë të mos shqetësoheshim, se ishin fenomen i ekonomive në rritje. Ishim vendi më i varfër në botë, por me ekonominë që po rritej më shpejt. Kjo ndodhi asokohe. Imagjinojeni. Guvernatori erdhi tek unë në janarin e vitit 1996 me një memo ku më kërkonte ose t’i mbyllja, ose t’i shndërroja në banka. Nuk pranova kurrsesi t’i shndërroja në banka. Nisëm të hartonim ligjin për të kontrolluar skemat piramidale. Pasi u miratua ligji, ne krijuam një komision dhe i mbyllëm një nga një. Por kjo i zemëroi njerëzit. Socialistët ju thanë se qeveria ju kishte marrë të gjitha lekët qytetarëve. Qeveria nuk kishte prekur asnjë qindarkë. E kundërta është e vërtetë. Ju bëra thirrje qytetarëve që paratë t’i fusnin në banka. Asokohe, bankat tona kishin norma të larta interesi për kursimet, për t’i mbrojtur njerëzit nga inflacioni. Kjo ishte politika e kohës. Sidoqoftë, nisi rebelimi. Socialistët i armatosën njerëzit e tyre. Unë propozova një zgjidhje politike. Për sa kohë qytetarët mendonin se kjo parti ju kishte vjedhur paratë, ne nuk mund të qeverisnim. Duhet të kalonim në opozitë, të provonim që nuk i kishim prekur lekët e tyre, përndryshe do shpërbëhej partia. Shkuam në zgjedhje. Gjatë fushatës, Fatos Nano ju premtoi qytetarëve se do t’ju paguante çdo qindarkë që kishin humbur në skemat piramidale. Unë deklarova se nuk mund t’i paguaja sepse një borxh që nuk huazohet, nuk mund të njihet. Njerëzit votuan për Nanon dhe nuk morën asnjë qindarkë. Nëse do kisha dhënë premtim, kisha mundësi t’jua ktheja, por kurrë nuk kam pranuar të përziej paranë e pastër me atë të pisët.

Berisha: Partia Demokratike forcon bashkëpunimin me Republikanët amerikanë dhe konservatorët britanikë

Përmes një postimi në Facebook, kreu i Partisë Demokratike, Sali Berisha ka ndarë pamjet nga takimi i zhvilluar ditën e sotme me përfaqësuesit të Leadership Institute, Ron Nehring dhe Peter Smallwood.

Berisha shkruan se Partia Demokratike ka nisur një epokë të re të bashkëpunimit ndërkombëtar, duke zgjedhur që fushata për zgjedhjet parlamentare të 11 majit 2025 të udhëhiqet nga ekspertiza e miqve amerikanë republikanë dhe konservatorëve britanikë

Postimi i plotë:

Partia Demokratike forcon bashkëpunimin me Republikanët amerikanë dhe konservatorët britanikë për zgjedhjet e 11 majit 2025

Partia Demokratike ka nisur një epokë të re të bashkëpunimit ndërkombëtar, duke zgjedhur që fushata për zgjedhjet parlamentare të 11 majit 2025 të udhëhiqet nga ekspertiza e miqve amerikanë republikanë dhe konservatorëve britanikë. Ky angazhim u konkretizua sot gjatë një takimi të rëndësishëm mes kryetarit të PD-së, Sali Berisha, dhe përfaqësuesve të Leadership Institute, Ron Nehring dhe Peter Smallëood.

Gjatë takimit, kryetari Berisha ndau një analizë të plotë të situatës politike në Shqipëri, duke theksuar ndërhyrjet e paligjshme të shtetit në procesin zgjedhor, keqpërdorimin e të dhënave personale dhe presionin ndaj votuesve nga pushteti qendror. Ai vlerësoi mbështetjen e vazhdueshme të aleatëve amerikanë dhe britanikë si jetike për të ndërtuar një fushatë të fuqishme dhe të drejtë, duke rikthyer shpresën te shqiptarët për një të ardhme më të mirë.

Mbështetja e miqve tanë republikanë dhe konservatorëve britanikë është kyçe për të ndërtuar një fushatë moderne dhe të bazuar në vlera demokratike, deklaroi Berisha. Ai nënvizoi se të rinjtë dhe gratë do të jenë në ballë të kësaj përpjekjeje, duke ofruar një alternativë të re përballë një qeverie që, sipas tij, ka dështuar në tre mandate duke varfëruar shqiptarët dhe keqqeverisur.

Ky bashkëpunim është vazhim i mbështetjeve të rezolutave të miratuara nga IDU dhe EPP, të cilat nxisin përkrahjen për Partinë Demokratike si një partner i besueshëm dhe bsimin që ata kanë se PD ëshë forcë qeverisëse dhe partnere.

Zgjedhja për të udhëhequr fushatën me ekspertizën e republikanëve amerikanë dhe konservatorëve britanikë tregon përkushtimin e Partisë Demokratike për të ndërtuar një strategji elektorale të fokusuar te qytetarët dhe mirëqenia e tyre. sn

PD fillon përgatitjet për fushatën elektorale me amerikanët: Presim të shohim Berishën kryeministër

Partia Demokratike fillon përgatitjet për fushatën e zgjedhjeve të vitit që vjen me ekspertë amerikanë dhe britanikë.

Këta ekspertë të Institutit për Lidershipin, një think-tank i rëndësishëm konservator me qendër në SHBA, po marrin pjesë në trajnimin e të rinjve të Forumit Rinor Demokrat.

Ron Nehring, drejtues i Institutit të Lidershipit dhe një nga ekspertët më të mirë të republikanëve amerikanë për fushatat zgjedhore, e vuri theksin tek nevoja për të takuar njerëzit, ashtu siç ka kërkuar vazhdimisht lideri i PD, Sali Berisha.

“Duhet të keni një mentalitet shumice dhe jo një mentalitet pakice. Zgjedhjet kanë të bëjnë me besimin dhe të ardhmen. Pra, e ardhmja dhe besimi. Ne e krijojmë besimin duke investuar tek marrëdhëniet,” tha ai.

Kurse Peter Smallwood, ekspert i Partisë Konservatore britanike, tha se të rinjtë duhet të luftojnë për idetë.

Ekspertët amerikanë dhe britanikë nënvizuan se presin të shohin Sali Berishën si kryeministër pas zgjedhjeve.

“Nëse ju takoni njerëzit në Shqipëri, ata të sigurt do votojnë për ju. Njerëzit kanë shumë gjasa që të votojnë për ju vetëm se i keni takuar. Shumica e njerëzve nuk mendojnë gjithë kohën për politikën. Kështu që në momentin që arrini t’i kapni, të bëni përshtypje tek ata, të jepni një ide, një vlerë, ky është një moment shumë i rëndësishëm. E dyta, duhet të luftoni për idetë tuaja në vendet ku punoni. Uroj që ta realizoni këtë dhe ju uroj gjithë të mirat. Me kënaqësi do kthehesha dhe të shoh zotin Berisha si kryeministër,” tha Smallwood. sn

“Nëse ju dilni në skenë kundërshtari shkatërrohet”- Berisha thirrje të rinjve: Ta vazhdojmë këtë betejë me bindje të plotë në fitoren që na pret më 11 Maj!

Kryetari i PD, Sali Berisha, gjatë fjalës së tij në trajnimin dy-ditor për Forumin Rinor të Partisë Demokratike të Shqipërisë, tha se rinia ka rol thelbësor në zgjedhjet parlamentare të 11 Majit 2025.

Berisha theksoi se misioni i PD-së është fitorja e zgjedhjeve, duke theksuar se të rinjtë duhet të dalin në skenë për të shkatërruar kundërshtarin politik.

“Energjia juaj, përkushtimi juaj, por edhe imazhi juaj, janë të një rëndësie themelore për këtë fitore. Në qoftë se ju bëheni imazhi i kësaj fushate, kundërshtari shkatërrohet”, u shpreh kreu i PD-së.

Sali Berisha: Sot, ne nuk kemi një diktaturë komuniste përpara, kemi një narkodiktaturë përpara.

Çfarë do të thotë se nuk kemi një zgjedhje përpara, por kemi një mision përpara. Kemi një mision për të përmbushur. Dhe ky mision është fitorja e zgjedhjeve të 11 majit. Kjo fitore, e them me bindjen time më të thellë se rol vendimtar keni ju.

Energjia juaj, përkushtimi juaj, por edhe imazhi juaj, janë të një rëndësie themelore për këtë fitore. Në qoftë se ju bëheni imazhi i kësaj fushate, kundërshtari shkatërrohet.

Po të dilni ju në skenë dhe ta dominoni imazhin, ata nuk ka njeri dëshirë t’i shohë, le të lustrohen të bëjnë ç’të duan, nuk kanë krahasim me ju. Energjia juaj është e pashtershme. Sapo u takova me zotërinjtë e nderuar, çfarë po flisnim, ua kanë thënë edhe ju. Të regjistrojmë çdo ditë në sa dyer trokitëm, të regjistrojmë çdo ditë sa duar shtrënguam, çfarë mesazhi dhamë.

Pra, e shihni ju se fitorja është në duart tona? Kështu që ju ftoj të frymëzuar edhe nga këto leksione dhe mësime që morët, ta vazhdojmë këtë betejë me bindje të plotë në fitoren që na pret. gsh

Berisha: Vetingu u bë për të kaluar nga demokracia në diktaturë, për të seleksionuar një grup mercenarësh të cilët nuk hetojnë krimin elektoral

Gjatë konferencës për media, kryetari i Partisë Demokratike, Sali Berisha, ka theksuar se kostoja e vetingut për qytetarët është shumë më e lartë se sa do të duhej, duke përmendur rrogën e Altin Dumanit si një shembull të abuzimit me burimet publike.

Berisha ka akuzuar këta individë për krijimin e një piramide të korrupsionit dhe ka argumentuar se këto shpenzime janë shumë më të mëdha sesa ato të periudhës 2008-2009. Ai ka kritikuar gjithashtu përdorimin e vetingut si mjet për të përzgjedhur individë të korruptuar dhe ka përmendur krimin elektoral si një nga problemet më të mëdha që ndikon në drejtësinë shqiptare.

Sipas tij, procesi i vetingut ka pasur një qëllim të gabuar, duke çuar në seleksionimin e njerëzve të papërshtatshëm për drejtësi. Berisha premtoi se, kur të vijë në pushtet, do të mundësojë një reformë të drejtësisë që do të përmbushë nevojat e qytetarëve shqiptarë.

FJALA E BERISHËS:

Kostoja për qytetarët do të jetë të paktën minimumi, 4 herë më e vogël se kjo që është sot. Mos harroni Altin Dumani merr 100 mln lekë në vit, ç’ka nuk ndodh në të gjithë Europën, mos harroni.
Kur mendon që aventurierë të korruptuar kanë përcaktuar standarde të tilla për këtë popull, këtë vend, ju garantoj se këto janë akte të turpshme të cilat marrin fund dhe do të ketë një kursim shumë të madh të parave. Pra një njeri rroga 100 milionë. A mund të imagjinoni ju.
Për të mos thënë që i gjithë ekipi i tyre. E dëgjuat raportin e tij dje. Raporti thoshte, në 5 vite janë hetuar 1035 qytetarë. Në vitin 2008-2009 u hetuan nga Task Forca e luftës kundër korrupsionit 1430 qytetarë. Pra, në 5 vite i takon të kenë hetuar 206 qytetarë ne vit, kurse në 2008 ishin hetuar 700 qytetarë në vit. Dhe këta 700 qytetarë në vit ishin hetuar me të paktën 1/7 e shpenzimeve të sotme, mos edhe më pak.
Ai është piramida më e shëmtuar e abuzivitetit dhe korrupsionit që është ngritur në ndonjë vend. Kështu që jo vetëm nuk do të kushtojë, por do të lehtësojë shqiptarët nga një barrë e madhe. Nuk është pak të paguash një njeri 100 milionë. Një njeri që fle mbi dosje krimi. Njeri që fle mbi dosje krimi, një kriminel që nuk amniston krimin elektoral, që është krim kushtetues.
Përkundrazi do të përmbushim një mision dhe qytetarët do të kenë të gjithë të drejtën të gëzojë procesin ligjor të duhur.
Çështja e reformës në drejtësi e patë. Çfarë tregon ky dokumenti i gjyqtarëve Europiane. Tregon se në Shqipëri u përdor vetingu jo për të kaluar nga diktatura në demokraci, por nga demokracia në diktaturë, për të seleksionuar një grup mercenarësh të cilët refuzojnë hetimin e krimit elektoral. Siç është Dumani.
I faktuar me dosjet e mëparshme të denoncuara botërisht nga Bild dhe mediat botërore. Të gjitha dosjet e metamorfozës mbi 50 për qind janë elektorale. U kam premtuar se do të ua sjell.
Krimi më i shëmtuar i Skapit të partisë është krimi elektoral, sepse me atë krim vrasin votën e qindra mijërave shqiptarëve dhe tregon veten se është një mercenar dhe fanatik i partisë së krimit dhe asgjë më shumë. sn

“Ndaluan himnin për Adem Jasharin”, Berisha: Pse nuk shkova në mbledhjen e kuvendeve Shqipëri-Kosovë në Prishtinë

Kryetari i PD, Sali Berisha nuk mori pjesë në mbledhjen e dy kuvendeve në Prishtinë, mes Kosovës dhe Shqipërisë.

Berisha tha Kuvendi i Shqipërisë duhet të miratonte në fillim rezolutën për të dënuar gjenocidin serb në Kosovë, ndërsa akuzoi mazhorancën dhe kryeministrin Edi Rama si pengesë.

Lideri i opozitës akuzoi gjithashtu se me urdhër të kryeministrit Edi Rama është ndaluar kënga “Mora Fjalë” e Shkurte Fejzës në stadiumin kombëtar.

“Nuk do shkoja në asnjë rrethanë pa votuar rezolutën për të dënuar gjenocidin serb në Kosovë. Pa kërkesë ndjese, vërtet qeveria përfaqëson, por janë qytetarët e Kosovës gjithashtu, por duhet kërkuar ndjesë qytetarëve të Kosovës për sanksionet që vuri Shqipëria. Duhet kërkuar ndjesë qytetarëve të Kosovës për bashkërendimin me Vuçicin që veriu i Kosovës të merrej në dorëzim nga NATO. Duhet kërkuar ndjesë qytetarëve të Kosovës për përpjekjet për të përmbysur qeverinë e vet, gjer te ndalimi i këngës, himnit të Adem Jasharit, akti më simbolik, më domethënës.

E lexova tre herë atë këngë, nuk ka asnjë presje që të nxisë armiqësira, racizëm, por ama i këndon një heroi, të cilin bota nuk e ka. Nuk ka një komb tjetër që një luftëtar të luftojë tre ditë e net me të madh dhe të vogël në shtëpi, të mos ikë, ndërkohë që i kisha të gjitha mundësitë që të tërhiqej. Kemi pasur një rast, Oso Kukën me nipin, kurse Adem Jashari kreu këtë akt më madhështorin në hierarkinë e heroizmave dhe Edi Rama i ndalon këngën pasi u lejua, pasi Shkurte Fejza këndoi në stadiumin e Tiranës. Pra janë këto akte. Të shkoja unë në Prishtinë me Pashiqin? Si mund ta bëja unë këtë? Kurrë. Unë nuk shkoja kurrë me Pashiqin në Kosovë”, u shpreh Berisha.bw

Ambasada e Shqipërisë në Kiev dëmtohet nga sulmet ajrore të Rusisë (PAMJET)

Një seri sulmesh ajrore të Federatës Ruse tronditën Kievin të premten në mëngjes, duke shkaktuar dëme të shumta në disa zona në kryeqytetin e Ukrainës.

Si pasojë e këtyre sulmeve, u dëmtuan pjesërisht fasada e jashtme dhe disa hapësira brenda godinës së ambasadës së Republikës së Shqipërisë në Kiev dhe ambasadave të pesë vendeve të tjera, duke vënë në rrezik jetën e personelit diplomatik. Raportohet vetëm për dëme materiale.

Ministria për Evropën dhe Punët e Jashtme dënon pa asnjë mëdyshje këto sulme brutale. Ky akt i pakuptimtë është një sulm ndaj themeleve të vetë diplomacisë ndërkombëtare. Mbrojtja e personelit diplomatik dhe paprekshmëria e misioneve janë parime të panegociueshme që duhet të respektohen dhe të zbatohen plotësisht. bw

‘Kemi arritur në një pikë ku mban më’- Malkaj: Ne do të rrimë këtu, në shi, në breshër, në borë, derisa gjërat të vihen në vendin e vet

Aktori i mirënjohur, Mehdi Malkaj, ka qenë një ndër të parët që ka hapur sot protestën para Bashkisë së Tiranës, protestë kundër korrupsionit galopant në këtë bashki.

Ai e shprehu revoltën e tij ndaj korrupsionit që po përfshin këtë institucion.

Malkaj theksoi se qytetarët nuk mund të rrinë më pasivë përballë këtij abuzimi. Ai bëri thirrje për angazhim dhe qëndresë deri në realizimin e kërkesave të tyre.

‘Tungjatjeta të gjithëve, zonja dhe zotërinj, zotërinj policë. Për ju kam një pyetje: a nuk e keni kuptuar ende kë po mbroni?
A nuk e keni kuptuar akoma dhe rrini këtu në shi, në borë, në breshër?
A nuk e keni kuptuar që është një bastard, një kriminel, një hajdut, një qelbësirë, një… një… një që i ka të gjitha? Dhe ju prapë rrini këtu? Dhe keni frikë nga ne?

Keni frikë nga ne, që vijmë këtu buzagaz, vijmë të qeshur, vijmë për të drejtat tona, të cilat janë edhe të drejtat tuaja.

Çfarë bëni, more zotërinj? Jeni rralluar, por jeni akoma këtu për të na e bërë kurrizin copë.

Është turp për ju!

Zonja dhe zotërinj, kemi arritur në një pikë ku gjërat nuk mbajnë më. Ne nuk lëvizim, sepse kemi një kauzë.

Ne do të rrimë këtu, në shi, në breshër, në borë, derisa gjërat të vihen në vendin e vet.’- u shpreh Malkaj. sn

Abilekaj: SPAK-u punon i gjithi për Edi Ramën, me ‘Dosjen 5D’ Veliaj nuk i shpëton arrestimit

Analisti Enton Abilekaj, i ftuar në emisionin “Çim Peka Live” në Syri TV, dha mendimin e tij për temën që po trajtohet në lidhje me kapjen e drejtësisë së re.

Abilekaj theksoi: “Këta të sistemit të drejtësisë bëjnë atë që u kërkohet, të marrin pjesë në një lojë politike që drejtohet nga Edi Rama. Nëse Rama sot do të bëjë një lojë politike me Veliajn, ata janë gati dhe përdoren nga Rama.

Nëse do të donin të vinin drejtësi në rastin e Veliajt, janë katër apo pesë çështje të hapura në Prokurori dhe për njërën nga ato do të ishte sot nën akuzë. Nuk kanë dashur këtë, por duan që në mënyrë të kontrolluar të hetojnë Erion Veliajn, të godasin imazhin e tij, dhe në mënyrë po aq të kontrolluar me një urdhër politik ta arrestojnë apo mos ta arrestojnë.

Nuk duhet të shohim dokumentet a duhet të arrestohet Veliaj, a ka bërë shkelje apo jo, sepse dokumentet flasin qartësisht. Nuk besoj se ka njeri aq naiv sa që me dokumentet që kanë dalë, të mos mendojë se ai duhet të arrestohet.

Ne kemi kolegë gazetarë që në SPAK u thonë që çfarë kemi kapur nga “Dosja 5D”, Veliaj nuk shpëton dot, por nuk ndodh asgjë. Ajo është një arkivë shantazhi që përdoret nga Edi Rama. Merret dosja e Elbasanit dhe kujt do ja fusim aty, ja fusim Artan Hoxhës dhe Elton Qynos. Dosja del në mënyrë selektive kundër armiqve të partisë, kundër atyre që Edi Rama ka vendosur të godasë sot. SPAK-u është një institucion që punon i gjithi për Edi Ramën”.

‘Edi Rama është në rreth të kuq’- Berisha: Po punojmë për qeveri teknike

Kryedemokrati Sali Berisha theksoi se opozita nuk ka hequr dorë nga kërkesa e saj për qeveri teknike përpara zgjedhjeve të majit, pasi sipas tij, Edi Rama nuk mund të mbajë zgjedhje të lira e të ndershme.

I ftuar në Debat me Alba Alishanin, Berisha shton se opozita pasi kaloi krizën, tashmë ka një mbështetje të madhe ndërkombëtare dhe këtë e tregojnë dhe rezolutat e miratuara kundër qeverisë Rama.

Berisha: Opozita është e interesuar që të ketë zgjedhje sa më parë. Është një datë e zgjedhur nga qeveria. Ne nuk kemi hequr dorë nga kërkesa për qeveri teknike. Si parim ne nuk bojkotojmë zgjedhjet. Ne edhe sot nuk i pranojmë zgjedhjet. Ato janë një farsë. Të gjitha partitë e botës i quajnë fasadë. Rezolutat nuk shprehin mendimin tonë, por të vërtetën mbi zgjedhjet. Do të bëjmë gjithçka kundër diktaturës. Nuk janë shpalosur të gjitha format e mosbindjes. Ne jemi në betejë me diktaturën. Kjo diktaturë nuk rrëzohet me votë. Por diktaturat nuk bëjnë zgjedhje të lira. Edi Rama arriti të mashtrojë shumë edhe në botë. Opozita pati probleme, por sapo u ngrit dhe u bashkua, doli nga izolimi me ndërkombëtarët. Tre rezoluta nuk kanë ekzistuar kurrë kundër një qeverie në Tiranë. Ne po punojmë me të gjitha format për qeveri teknike. sn

Përplasjet në Kuvend, Shehaj: Për herë të parë ndodh që një përfaqësues i opozitës dhunohet nga opozita

Deputeti Agron Shehaj, kreu i partisë ‘Mundësia’ në “Opinion” në News24 tha se Belinda Balluku ka 6 muaj që shmang llogaridhënien në Kuvend.

“Balluku gënjen, gjen justifikime për atë mungesën 6 mujore të llogaridhënies në Kuvend, për të shpjeguar konçensionin 1.3 mld euro”, tha Shehaj, referuar replikave që ka pasur me zv.Kryeministren Belinda Balluku.

Duke komentuar përplasjen me deputetë të opozitës në sallën e Kuvendit, Shehaj tha se si përfaqësues i opozitës i kërkoja Ballukut të shpjegonte vjedhjen e 1.3 mld eurove, ndërsa u largova dhunshëm nga foltorja e Parlamentit jo nga Garda, as nga mazhoranca, por nga opozita.

Shehaj tha se opozita dhunoi një përfaqësues të opozitës mesa duket pasi oligarku që ka marrë atë konçensionin 1.3 mld euro ka lidhje edhe me opozitën.

“Ushtrohet dhunë brenda Kuvendit të Shqipërisë, edhe Garda nuk guxon të dhunojë deputetët. Unë e kam thënë edhe më parë se nuk ka koalicion me PD në zgjedhje. Raporti me PD është ndarë prej kohësh. Nuk ndihem mirë që të shkosh në Kuvendin e Shqipërisë dhe të dhunohesh brenda Kuvendit nga një përfaqësues i opozitës tregon se duan të mbajnë me çdo kusht sistemin, për të mbajtur me çdo kusht pushtetin”, tha Shehaj.

Ai tha se është hera e parë në këto 33 vjet që një opozitar që denoncon një skandal të Qeverisë, dhunohet nga një përfaqësues i opozitës, nuk dunohet as nga mazhoranca as nga Garda.

Shehaj tha se Flamur Noka shkoi në foltoren e Kuvendit me qëllim për t’i mbyllur gojën. “Flamur Noka erdhi me qëllimin e qartë për të më mbyllur gojën mua që po denoncoja skandalin”, tha Shehaj. bw

1.3 mld euro për koncensionin Thumanë-Kashar, Shehaj: Kosto reale e rrugës 50 mln euro, ja pse u linçova në Kuvend

Agron Shehaj, deputet i opozitës dhe kryetar i partisë ‘Mundësia’ duke folur në “Opinion” në News24 tha se konçensioni për rrugën Thumanë-Kashar nëse do të bëhej me një tender ndërkombëtar do të kishte një kosto 2 apo 3 mln euro për km.

Shehaj akuzoi zv.Kryeministren Belinda Balluku për abuzimet me këtë koncension, duke shtuar se rruga po të bëhej në mënyrë të ndershme, mund t’i kushtonte shtetit shqiptar jo më shumë se 50 mln euro.

Por sipas tij, ky konçension kaloi në një aferë të pastër, duke e çuar nga 400 mln euro në 1.3 mld euro, ndërsa kontrata u zgjat nga 13 vjet në 35 vjet.

“Pse ndodhi kjo? Sepse fituesi, firma Gener2, është e lidhur me Qeverinë”, tha Shehaj.

Në vijim, si kryetar i partisë Mundësia, Shehaj tha se një opozitë e vërtetë dhe e pastër është besueshmëri për qytetarët.

“Sot u linçova jo sikur isha në Kuvendin e Shqipërisë, por sikur isha në mbledhje partie. Unë sot do të flisja për vjedhjen e 1.3 mld euro”, tha Shehaj. bw