Lideri demokrat Sali Berisha ka theksuar rëndësinë e elektoratit jashtë Shqipërisë, duke e krahasuar me atë të brendshëm dhe duke e vlerësuar atë si një forcë të fuqishme antiqeveritare. Ai theksoi se një pjesë e madhe e shqiptarëve jashtë vendit janë kundër qeverisë aktuale dhe sistemit të saj, për shkak të korrupsionit dhe abuzimeve që kanë ndodhur në Shqipëri. Berisha theksoi se pjesa më e madhe e këtij elektorati është e shqetësuar për problemet si narkodiktatura dhe narkoshteti.

Ai gjithashtu kritikon qeverinë e Edi Ramës për faktin se protestat e organizuara nga shqiptarët jashtë Shqipërisë janë më të mëdha dhe më të fuqishme se ato që mbahen brenda vendit, duke e cilësuar këtë si një shenjë të dështimit të tij. Lideri i PD-së theksoi se mundësia për të ushtruar të drejtën e votës është një mundësi e rëndësishme për shqiptarët jashtë vendit, dhe se ky është një hap i nevojshëm për të realizuar të drejtat e tyre kushtetuese.

FJALA E BERISHËS:

Pra në një anë është pesha e barabartë që ka elektorati jashtë Shqipërisë, me elektoratin në Shqipëri. Nga ana tjetër janë datat që shkurtojnë shumë afatin e regjistrimit të këtij elektorati në zgjedhje. Së fundmi janë edhe përpjekjet tona të cilat gjer tani janë modeste, nuk janë në atë nivel që kërkohet.
Por për ti vënë pikat mbi ‘i’ elektorati jashtë vendit është të paktën në masën 70 përqind për të mos thënë më shumë, është antiqeveri, antimafia, është kundër narkodiktaturës, kundër narkoshtetit. Pa asnjë lloj mëdyshje.
Ju e keni parë se si e braktisën të deleguarin e tij. Shkon në sallë dhe vë 1 mijë flamuj, dhe detyrohen të lënë flamujt në sallë, dhe të shkojnë të zënë një sallë tjetër me disa dhjetëra vetë se nuk i shkojnë. Në meritën më të madhe, në nderin e tyre, kemi të bëjmë me figura të ndryshkura dhe të diskredituara në shkallë ekstreme para shqiptarëve.
Mos harroni se qindra mijëra prej tyre e kanë të qartë se kanë marrë rrugët e dheut për shkak të tyre, për shkak të vjedhjeve të tyre.
Edi Rama është kryeministri i vetëm në botë, i një vendi të lidhur me BE-në që shqiptarët i bëjnë protesta tek takimi dhe mblidhen më shumë jashtë se brenda. Nuk ndodh. Protestat u organizohen vetëm diktatorëve dhe këtij i janë bërë të zakonshme.
Pse po i them këto unë. Po i them këto se potenciali ynë është i jashtëzakonshëm në diasporë dhe emigracion. I them këto se, votimi me sistemin e përcaktuar është realisht mundësia e vetme e tyre për të ushtruar të drejtën kushtetuese. Se për të ardhur në Shqipëri mund të vijnë disa qindra, disa mijëra, por ata janë mbi 1 milionë e gjysëm. sn

Lideri i Partisë Demokratike, Sali Berisha, ka mbajtur një mbledhje me Grupin Parlamentar të partisë ku ka theksuar rëndësinë e angazhimit të plotë në fushatën elektorale. Ai ka shpallur një strategji të re për të lidhur më afër emigracionin dhe diasporën me Shqipërinë, duke i konsideruar si pjesë të pandashme të kombit. Sipas tij, shumë shqiptarë jetojnë jashtë vendit, duke krijuar një ndikim të madh në rezultatin e zgjedhjeve.

Berisha ka përmendur gjithashtu se, sipas statistikave të BE-së, 1 milion e 99 mijë shqiptarë kanë lëvizur në hapësirën Shengen vetëm në 10 vitet e fundit. Kjo ka shtuar rëndësinë e angazhimit të mëtejshëm për të mbështetur emigrantët dhe diasporën, për të cilët ka ndihmuar në krijimin e mundësive për t’u identifikuar dhe regjistruar për votim. Ai gjithashtu ka paralajmëruar për afatin e regjistrimit të emigrantëve, që do të përfundojë më 12 mars, duke bërë apel për të përparësuar këtë proces.

FJALA E BERISHËS:

Mirëdita!
Ndonëse kemi uruar njëri-tjetrin, por edhe njëherë një vit të mbarë, shëndet dhe fitore!
Qëllimi i kësaj mbledhje është angazhimi ynë total në fushatë elektorale, duke bërë një skemë të re në mendjen tonë, siç e kemi flamurin, njëra kokë në Shqipëri dhe koka tjetër në emigracion dhe diasporë.
Sepse na ndjekin ne gjithë jetën, bicefalitë.
Nëse kombet tjera i kanë patur mitologjike, ne i kemi reale. Ndaj dhe i kemi reale sepse sot, ka shumë, shumë mundësi që më shumë votues shqiptarë janë jashtë se brenda vendit.
E këtu nuk është fjala për diasporë të 100 viteve më parë, se edhe ata janë dhe e meritojnë, e jemi krenar me ta. Por këtu është fjala që vetëm në 10 vitet e fundit sipas statistikave të BE-së në hapësirën Shengen janë larguar nga Shqipëria për në hapësirën Shengen 1 milionë e 99 mijë shqiptarë. Statistika e fundit është 1 milionë e 99 mijë shqiptarë në hapësirën Shengen. Pa llogaritur pastaj që absolutisht nga Afrika e Jugut, gjer tek Kepi i Veriut madje edhe ne Groenlandë gjenden shqiptarë.
Ka kudo dhe në çdo vend.
Janë bërë përpjekje serioze. Këtu është ngritur një qendër digjitale, në degë ka filluar identifikimi i emigrantëve, janë bërë një seri takimesh në Greqi, Itali, SHBA, Britani e madhe. Por po të kemi parasysh planetin si konstituencë, këto janë pika uji në oqean, këto që kemi bërë ne deri tani.
Së dyti, të themi të vërtetën, zgjedhjet për gjysmën e shqiptarëve përfundojnë në datën 12 mars. Sepse ajo është data e fundit e regjistrimit të tyre, pastaj ata kanë alternativë të vetme të vijnë në Shqipëri dhe nuk mund të votojnë më, me mekanizmin ligjor të miratuar për votën e tyre.
Edhe kjo përbën një detyrim për ta përparësuar këtë proces.

Kryedemokrati Sali Berisha ka denoncuar fuqishëm çështjen e mohimit të koalicioneve parazgjedhore, duke e cilësuar atë si një tentativë të Edi Ramës për të dëmtuar opozitën. Ai ka theksuar se ky është një shkelje e rëndë, sidomos për partitë opozitare më të vogla, dhe se PD ka insistuar vazhdimisht që të rishqyrtohet ky vendim.

Megjithatë, Berisha ka theksuar se për PD prioritet kryesor është sigurimi i votës për diasporën, e cila ka pasur një mbështetje të fortë nga eksponentët e diasporës që e çuan çështjen në Gjykatën Kushtetuese. Ai ka deklaruar se kjo ka rezultuar në sanksionimin e ligjit për votën e diasporës dhe se PD është e angazhuar të bëjë çdo përpjekje për të siguruar transparencën në këtë proces zgjedhor.

FJALA E BERISHËS:

Çështja e mohimit të koalicioneve parazgjedhore është denoncuar fuqishëm në rezolutat ndërkombëtare si një problem me të cilin Edi Rama ka dashur të dëmtojë me çdo kusht opozitën.
Sigurisht ne do e kërkojmë dhe e kemi kërkuar dhe insistojmë se ajo është një shkelje e rëndë për partitë opozitare.
Ndoshta partitë e mëdha më pak, por partitë e tjera i dëmton qartësisht….
Do rishqyrtohet, por nuk mund të them se do vendoset si kusht sepse ne i kemi dhënë përparësi absolute votën së diasporës, të cilën nuk e ka dashur Edi Rama, por merita e eksponentëve të diasporës që e çuan në Gjykatë Kushtetuese dhe e qëndrimeve tona.
Ajo votë të paktën është sanksionuar në ligj.
Ne jemi të vendosur të bëjmë çdo përpjekje për t’i shërbyer mundësimit të transparencës së saj.

sn

Prej kohësh opozita, proteston para bashkisë, ku kërkojnë dorëheqjen dhe arrestimin e kryebashkiakut Erion  Veliaj të cilin e akuzojnë si të përfshirë në aferën ”5D” si dhe tek inceneratori i Tiranës. 

Në fjalën e saj, avokatja Adrijana Kalaja u shpreh se një burracak që merr përsipër të drejtojë Tiranën që nuk ka turp të dalë këtu në shesh të burrave e të ballafaqohet me qytetarët dhe ne do ja rrisin çdo muaj ankthin, e problemet deri ditën që do e shohim në bankën e të akuzuarve.

‘Ky burracaku i Surrelit megjithëse është në ankth të madh për shkak të pozicionit që ka, e ka futur në ankth edhe Veliaj dhe ka probleme me pagjumësine e me drogërat që pi, por këto nuk janë problemet tona’- u shpreh Kalaja.

Fjala e saj:

“Përshëndeje miq të mirë, që sot ritakohemi për të 41-tën javë me një fitore të jashtëzakonshme nga qëndresa, nga reagimi jonë dhe denoncimi ynë.

Ajo që lexoj Belindi është ajo që ne përjetojmë, ai spordhiaku i Surrelit që ka frikë, nga dritarja e tmerroi Sali Berisha, jo më tani që është i lirë.

Dil o spordhiak e na trego se kush është ligji që ne shkelim kur protestojmë.

Ka filluar e bën pus për të nxjerrë ujin se ka frikë se e helmon Erion Veliaj, do helmojnë njëri-tjetrin kur të shkojnë te 313 kur të ja fusin helmin te supa njëri-tjetrit, por kemi kohë deri atherë.

Do e nis me këto policë, shkoni të Veliaj se i ka qejf ai veteranët e luftës. Ky burracaku i Surrelit megjithëse është në ankth të madh për shkak të pozicionit që ka, e ka futur në ankth edhe Veliaj dhe ka probleme me pagjumësine e me drogërat që pi, por këto nuk janë problemet tona.

Ne do ja rrisin çdo muaj ankthin, e problemet deri ditën që do e shohim në bankën e të akuzuarve.

Një burracak që merr përsipër të drejtojë Tiranën që nuk ka turp të dalë këtu në shesh të burrave, ma trego pak nenin e Kodit Penal që ne kemi shkelur, çfarë bëjnë?

Vendosin dhe gjobë makinës së fëmijës që për 40 ditë nuk ka marrë një të tillë, sot ja vunë se kujtojnë se do na intimidojnë.

Me vjen keq të ju them ju zotërinj, ju jeni shok të Edi Ramës, jeni shokë të Veliajt dhe atyre që e kanë kthyer Shqipërinë në një narkoshtet”.

sn

Opozita do rikthehet sot të protestojë para bashkisë së Tiranës ku kërkohet largimi dhe arrestimi i kryebashkiakut Erion Veliaj.

Lajmi është dhënë nga drejtuesi politik i PD për Tiranën, Belind Këlliçi përmes një postimi në rrjetet sociale.

Opozita rikthehet në protestë para bashkisë në një kohë ku SPAK ka nisur hetimet ndaj Veliajt dhe familjarëve të tij.

Prej kohësh opozita, proteston para bashkisë, ku kërkojnë dorëheqjen dhe arrestimin e kryebashkiakut Erion  Veliaj të cilin e akuzojnë si të përfshirë në aferën ”5D” si dhe tek inceneratori i Tiranës.

Postimi i Këlliçit:

Protesta jonë nuk do ndalet deri sa kreu i 5D dhe pronari faktik i inceneratorit Tiranë, të shkojë para ligjit për hajdutërinë e tij të pashembullt! Ndaj nesër, e premte, datë 10 janar, ora 11:00, shihemi sërish para bashkisë Tiranë sn

Kryetar i Partisë Demokratike, Sali Berisha, duke bërë analizën e keqqeverisjes 12-vjeçare të Edi Ramës si kryeministër, theksoi se sot ekziston fronti më i gjerë i pakënaqësisë ndaj qeverisë që nga viti 1991.

‘Sot ekziston fronti më i gjerë i pakënaqësisë ndaj qeverisë që nga viti 1991. Ne duhet ta bashkojmë këtë front’, u shpreh Berisha gjatë takimit me qytetarët në Berat.

Berisha: Shqipëria e sotme, krahasuar me vitin 1991, është vite drite larg, por e vërteta është, për fatkeqësinë tonë, ka edhe disa ngjashmëri të pamohueshme.

Në vitin 1991, një pension ose një rrogë, e cila asokohe me paratë e zhvlerësuara ishte gjithsej 5 deri në 8 dollarë, unë si president merrja 16 dollarë në muaj.

Por çmimet ishin të atilla sa blije diçka, blije ndoshta edhe më pak se sa blen një pensionist sot me 160 euro pension.

Pra, e ka një ngjashmëri këtu.

Kjo qeverisje në 12 vite, hapi një gropë të madhe, një gropë të tmerrshme varfërie, nga e cila shqiptarët, ikën, ikën, ikën, e zbrazën vendin e tyre.

Ishte historike arritja kur ne dolëm në krye të vendeve të rajonit, përfshirë Rumaninë dhe Bullgarinë për rroga dhe pensione, për herë të parë ndoshta në shekuj.

Çfarë ndodhi këto 12 vite?

Të tjerët na kanë tejkaluar ne 4 herë. Pensionisti i Malit të Zi merr një pension 450 euro. Rumuni merr sot rreth 750-800 euro rrogë.

Pra, ky, po ta përfytyrojmë në një mënyrë, ky lëshoi shqiptarët në një gropë varfërie në mënyrën më të pashpirt.

Merrni këtë vit, 8.2 miliardë euro buxheti, taksa tuaja e tëra. Nga 8.2 miliardë euro, u lihen atyre që numërojnë kafshatat, që janë pensionistët, gjithsej 16 milionë euro.

Fermerëve që japin 20 përqind të prodhimit të brendshëm të vendit, u lihen gjithsej 44 milionë euro, nga të cilat gjysma i merren nga aparati shtetëror.

Përjashtohen arsimi, në rënie kastastrofale, shkollimi i fëmijëve tanë. Ju e dini që ta mbash arsimin mirë është një përpjekje jetike për kombin dhe ne arritëm, jo në pozicionin që donim, por arritëm ngjitje vertikale në testin e PISA-s. Çfarë ndodhi me këta? Sapo u plotësua 8-vjeçari i tyre në pushtet, Shqipëria regjistroi rënien më të madhe në botë në cilësinë e arsimit, 69 pikë. Kjo është e vërteta.

Çfarë ndodh me spitalet? Dje unë kisha në zyrë një gazetar, që i jam shumë mirënjohës për punën e jashtëzakonshme. Unë jam mjek, e kam dashur dhe e dua me pasion të jashtëzakonshëm profesionin, por disa zhvillime në profesionin tim sot janë tmerruese, janë të paimagjinueshme. Kur sheh ti që nëna, motra, vajza, me sëmundje të rënda, nuk u funksionojnë për tre vite me radhë aparaturat e mjekimit të sëmundjeve të rënda. Dhe i lënë t’i marrin sëmundjet. Nga ana tjetër, vetë vendos kullën e fildishtë tek zyra e vet 5 milionë euro dhe del i përshëndet shqiptarët nga vazoja e blerë 5 milionë duke ushqyer peshqit.

Ilaçet për të sëmurët me sëmundjet më të rënda, mungojnë.

Dje bisedova, ai ka bërë studime të hollësishme. Nuk ishte vetëm aty ajo situatë, është në disa shërbime një situatë e tillë sepse kanë nxitur vjedhjen dhe korrupsionin në çdo qelizë të këtij shteti.

Kjo është e vërteta.

Pra, fitoren e keni në duart tuaja, është në duart tona.

Por kjo kërkon si ligj të parë takime intensive me çdo qytetar të Beratit dhe çdo qytetar shqiptar.

Në fakt, sot ekziston një front, më i gjëri që ka ekzistuar nga viti 1991 i pakënaqësisë ndaj qeverisë.

Na përket ne që këtë front ta bashkojmë dhe të shënojmë në datën 11 maj, fitoren më të thellë që kemi shënuar ndonjëherë. sn

Gazetari Genc Burimi, i ftuar në emisionin “Kafe Shqeto” në Syri TV, ka analizuar zhvillimet më të fundit politike lidhur me paraqitjen e Sali Berishës në SPAK. Sipas tij, kjo situatë tregon një përpjekje për martirizimin e liderit të opozitës, e cila meriton reagime të forta. Burimi ka sugjeruar se një protestë përpara GJKKO-së do të ishte më se e drejtë, pasi ajo ka marrë një masë që nuk i është kërkuar as nga SPAK dhe as nga vetë Berisha.

Ai e konsideron këtë si një moment kritik për opozitën dhe demokracinë në vend. Duke e krahasuar situatën me një ngjarje në SHBA, Burimi ka sjellë në vëmendje takimin e fundit mes Giorgia Melonit dhe Donald Trump-it.  Ai ka treguar se Trump ka realizuar një film kritik ndaj drejtësisë amerikane, duke mbrojtur avokatin e tij të “martirizuar”. Në këtë kontekst, Burimi thekson se kritikat e Berishës ndaj drejtësisë shqiptare janë mëse të justifikuara.

Gjithashtu, ai shprehu dëshirën për një reagim më të ashpër ndaj SPAK-ut dhe elementëve të tij, që po pengojnë Partinë Demokratike. Për Burimin, duhet të ketë një presion publik të qartë që SPAK-ut t’i refuzohet një mandat i dytë.

‘A nuk duhej të bëhej një protestë edhe para GJKKO-së, e cila sot është fajtore për marrjen e një mase që nuk i është kërkuar nga askush, as nga SPAK-u dhe as nga Berisha? Pra, a nuk meriton sot edhe GJKKO-ja të ketë një protestë si shenjë pakënaqësie para dyerve të saj?

Ky është një martirizim i liderit të opozitës.
Pra, është minimumi i minimumit kjo që bën Berisha sot, duke kritikuar SPAK-un.

Të jap një shembull: besoj e kemi parë dje takimin e Melonit me Trump, dhe çfarë i sugjeroi Trump Melonit? I sugjeroi të shihnin bashkë filmin që Trump ka bërë kundër drejtësisë amerikane, filmin që quhet “The Eastman Dilemma”.
Eastman është emri i avokatit të Trump-it, i cili është martirizuar, është masakruar nga drejtësia amerikane. Kështu që, kur presidenti i fuqisë së parë në botë, që është garant i drejtësisë amerikane, bën një film kundër drejtësisë amerikane dhe ia shfaq atë kolegëve perëndimorë, nuk mendoj se Berisha është në një rrugë të gabuar me këtë që po bën, duke kritikuar ashpër drejtësinë.

Ajo që do të doja të shihja është që të ketë pankarta kundër atij SPAK-u, kundër atyre elementëve në SPAK, si Dumanit etj., për të cilët nuk duhet të ketë më mandat të dytë. Sepse gjithçka që bëjnë sot është të pengojnë Partinë Demokratike dhe Berishën të fitojnë zgjedhjet, në mënyrë që, duke i marrë zgjedhjet Rama me mbi 92 deputetë në parlament, këtij SPAK-u t’i rishikohet mandati i rinovuar.

As mos ta mendojnë! Kjo duhet t’u bëhet e qartë dhe me pankarta.’- u shpreh Burimi.