Forcat e armatosura të Ukrainës kanë njoftuar mëngjesin e sotëm se kanë arritur të shkatërrojnë një anije të madhe mbështetëse ruse dhe kanë publikuar edhe pamjet e shpërthimit.

“Mirëmëngjes, jemi nga Ukraina! – thuhet në mesazh. – Në portin e kapur nga rusët të Berdyansk, u shkatërrua një anije e madhe zbarkuese “Orsk” e Flotës së Detit të Zi të pushtuesve. Lavdi Ukrainës!”

Forcat e armatosura ruse kishin njoftuar të hënën se kishin ankoruar një anije të madhe mbështetëse, Orsk, në portin ukrainas të okupuar të Berdyansk, 70 km në jugperëndim të portit të rrethuar ukrainas të Mariupol në Detin Azov.

Si pjesë e asaj që Moska e quan një ‘operacion special ushtarak’ i nisur pothuajse një muaj më parë, forcat ruse kanë kapur pjesën më të madhe të bregdetit ukrainas përgjatë Detit Azov, një shtojcë e Detit të Zi, me përjashtim të Mariupolit, i cili ka refuzuar të dorëzohet. syri.net