Kongresisti Dana Rohrabacher hedh në tryezë shkëmbim territoresh mes Serbisë dhe Kosovës

Kongresisti Dana Rohrabacher, Kryetari i Nënkomitetit mbi Evropën, Euroazinë dhe Kërcënimet e Reja në Kongresin Amerikan Letër Nikoliçit: Tensionet, ndryshoni kufijtë Kosovë-Serbi/
Lidhja Qytetare Shqiptare Amerikane, me në krye Joe dhe Shirley Dioguardi, lobi më i fuqishëm shqiptaro-amerikan në SHBA u takua me Kongresistin Dana Rohrabacher pas përplasjeve të fundit mes Kosovës dhe Serbisë për çështjen e arrestimit të Haradinajt dhe atë të trenit.

Kongresisti Dana Rohrabacher që është  Kryetari i Nënkomitetit mbi Evropën, Euroazinë dhe Kërcënimet e Reja në Kongresin Amerikan sjell sërish në vëmendje idene e shkëmbimit të territoreve dhe kufijve në veri.

Kongresmeni që letrën presidentit të Serbisë Tomislav Nikoliç, që Voal e ka botuar letrën, duke nxjerrë në pah provokimet serbe ndaj Kosovës thekson:

“Një tjetër shembull negativ së fundmi ishte treni me shkrime provokuese që u nis drejt veriut të Kosovës. Në vend që të përpiqeni që të fusni Kosovën në një luftë për sovranitetin e saj, në një zonë me shumicë popullsie serbe, të dyja palët duhet të kërkojnë një ndryshim të kufirit verior, që ka dobi të ndërsjelltë dhe do të rezultonte me më tepër serbë në Serbi dhe me më tepër kosovarë në Kosovë. Ky opsion është në dispozicion dhe nuk duhet të injorohet.”

Ligjvënësi amerikan, nënvizon se në letrën drejtuar Presidentit serb Nikoliç se arrestimi i Haradinajt, me një mandat te vjeter 13-vjeçar, është minim sigurisë të paqes dhe stabilitetit në rajon:

“Përpjekja për të burgosur Haradinajn si “kriminel lufte”, pasi ai është shpallur dy herë i pafajshëm nga Gjykata Ndërkombëtare për Krime në ish-Jugosllavi, është joproduktive dhe ngacmon një plagë të vjetër që po shkon drejt shërimit. Veprime të tilla hakmarrëse e të paarsyeshme padyshim që do të minojnë përpjekjet për sigurimin dhe ruajtjen e paqes në Ballkan.”

Kongresmeni Rohbaher, në mesazhin e fortë për kryetarin e shtetit serb, jep alarmin se veprime të tilla mund të çojnë në hapjen e kutisë së pandorës:

“Goditja ndaj një udhëheqësi të Ushtrisë Çlirimtare të Kosovës mund edhe të hapë rrugën për sulme të ngjashme ligjore ndaj udhëheqësve serbë të përfshirë në gjakderdhje dhe spastrim etnik gjatë konfliktit të shëmtuar dhe brutal që ka përfshirë Ballkanin pas rënies së Jugosllavisë. Përderisa po ndodhin veprime të tilla, shtohet mundësia e prishjes së rendit publik dhe madje për shpërthimin e dhunës në një shkallë të pakontrollueshme. Në vend të nxitjes së zjarreve të konfliktit, të gjitha palët në Ballkan duhet të kërkojnë pajtim, nga i cili do të përfitonte i tërë rajoni.”

Kongresmeni Rohrabacher njihet si një prej njerëzve që e ka përkrahur fort ndërhyrjen e NATO-s për çlirimin e Kosovës, duke e ngritur zërin fuqishëm në Kongresin amerikan ne mbrojtje te kauzes shqiptare. Liga Shqiptare Shqiptaro-Amerikane ka mbajtur lidhje të forta me atë dhe anëtarë të tjerë të Kongresit dhe Senatit Amerikan.