VOAL – Barbie (Barbi) e parë, kukulla e parë me linjat trupore një femre të re, emri i plotë i së cilës është Barbara Stefania Roberts, paraqitet zyrtarisht në Panairin Amerikan të Lodrave në Nju Jork më 1959.

Kukulla lindi nga frymëzimi i çiftit themelues të firmës Mattel, amerikanëve Ruth dhe Elliot Handler.

Parardhësja e kukullës Barbie dhe versioni me bisht kali

E gjitha fillon kur Ruth vendos të hedh në treg një lodër që ua hap fëmijëve dyert për në jetën e të rriturve. Krijuesja vullkanike e lodrave u vu kështu në kërkim të një ideje për një kukull të re që nuk ka tipare foshnjore, por karakterizohet nga format e një gruaje të re me këmbë të gjata dhe gjoks të plotë.

Gjatë një udhëtimi në Zvicër, Ruth takohet me kukullën Lilli, paraardhëse zyrtare e kukullës Barbie. Është një kukull plastike që merr tiparet e një heroine komike të harshme dhe trazovaçe. Barbie e parë është frymëzuar pikërisht nga binjakja gjermane dhe ka një bel të ngushtë e këmbë të holla. Mattel vendos të prodhojë atë në vinyl me flokët bjonde apo kafe të mbledhura në mënyrën klasike, të quajtur Bisht Kali, nga i cili do të dalë emri i serisë së parë.

Kukulla ka një veshje të thjeshtë të zebruar dhe te këmbët e vogla kanë një vrimëz në qendër çka lejon që ajo të ngrihet mbi piedestalin me të cilin shitet. Suksesi është i menjëhershëm: vetëm në vitin 1959 (pika e parë në treg daton më 9 mars) u shitën 350 mijë copë me çmimin 3 dollarë secila.

Biografia e kukullës Barbie

Për të goditur më shumë imagjinatën e blerësve, Mattel vendos të ofrojë për kukllën Barbie një biografi të pasur dhe të detajuar. Kështu lindi i fejuari Ken, pagëzuar me emrin Kenneth, djali i familjes Handler, si dhe Barbie vjen nga Barbara, emri i vajzës së çiftit.

Historia e gjatë e dashurisë midis Barbie dhe Ken, një fejesë e pasionuar 43 vjeçare, nuk rezulton megjithatë në një martesë romantike. Çifti u nda në vitin 2004, dhe biografët e Mattel menjëherë i shtojnë kukullës një aventurë me surferin Blaine.

Gjatë viteve, familja Barbie rritet me personazhe të reja: Skipper është motra e saj, e cila vihet në shitje në vitin 1964, binjakët All dhe Todd, në treg në vitin 1966, me Krissyn e vogël, u shfaqën në vitin 1999. Mikja më e mirë e kukullës është Midge, një personazh i cili u zhduk për vite dhe u gjet më vonë nga Mattel. Midge ka biografinë e saj shumë personale: ajo është, në fakt, e martuar me Alanin dhe ka dy fëmijë.

Në vitin 2004, Barbie madje filloi fushatën e saj të parë për zgjedhjet presidenciale amerikane me një program politik të hartuar nga Mattel.

Më 1963 daton futja e aksesorëve të parë, duke përfshirë këpucë, rroba, bluza dhe pastaj shtëpi, makina, kuaj, kampe dhe mobilje. Barbie gjithashtu ndau jetën e saj si një kukull me katërmbëdhjetë qen, shtatë kuaj, dy mace, një papagall, një pande dhe një delfin. Numri i aksesorëve është i gjerë dhe përfshin më shumë se 4800 ekzemplarë të ndryshëm. Suksesi i shitjes është i tillë që prodhimi fillon të dallojë në bazë të llojit të blerësve: lindin kështu kukulla për lojë të përfshira në të famshme Pin Box, të destinuara për koleksionistët. Shumë dizajner të njohur ndërkombëtarisht kanë ofruar aftësitë e tyre të rrobaqepësisë për të krijuar veshjet më të bukura të kukullës Barbie, si Dior, Moschino, Yves Saint Laurent e Versace.