Nuk kisha ndërmend të nderuar miq të shkruaj këtë të djelë pasdite.
E hëna është shumë larg e është një datë e veçantë për mua e së cilës i kam kushtuar një shkrim që e kam shumë për zemër!
Këto 3 vjet kam qenë thuajse i vetëm në luftë kundër një njeriu dhe një organizate që ai udhëheq e përfaqëson e me argumente e sintezë logjike kam thënë që Florjan Haçkaj dhe Diaspora për Shqipërinë e Lirë është “Kal Troje” në shërbim të regjimit!

Nuk ka çeshtje që unë kam trajtuar më me shumë argumenta dhe logjikë se sa kjo çeshtje.

Kam thënë me argumenta se ky grupim është një çerdhe anti-berishistësh majtistë të thekur dhe kundër partisë demokratike duke luajtur shumë pisët si demek opozitarë!

Kam shkruar në mënyrë të vazhdueshme se këta janë vegla të regjimit.

Kam thënë që nuk mund të jesh opozitar apo kundër regjimit nëse ti ulesh dhe pozon me hallkat e pushtetit kriminal të rilindjes!

Nuk më besuat!

Kam thënë që vendimi i Gjykatës Kushtetuese për gjoja pranimin e votës së diasporës ka qenë një mashtrim dhe vetëm nje lojë për të na e shitur si opozitar Florjan Haçkajn dhe organizatën e tij!

Mbi të gjitha ka qenë një lojë e pisët për të na e shitur miratimin e votimit të diasporës me postë, ashtu siç u miratua si përgjigje ndaj kerkesave të diaspores që në fakt ishte lojë e njerëzve të Ramës si ky personi të infiltruar në organizata të diasporës!

Ju kam thënë që DPSHL është krijesë e Ministrisë se Diasporës (së asaj kohe)!

Nuk më besuat!!

Ju kam thënë që ai njeri ka gënjyer trashë kur në programin më të ndjekur televiziv shqiptar ai pretendoi se regjimi i kishte hequr pasaporten shqiptare!

Ju paraqita dekretin e presidentit Bamir Topi ku Haçkaj le shtetësinë me kërkesën e tij e ju sërish nuk më besuat!

Ju thashë që ai njeri ka votuar në zgjedhjet e vitit 2021 në shkelje flagrante të ligjeve të shtetit shqiptar sepse ai në atë kohë nuk kishte të drejtë vote sepse nuk ishte shtetas shqiptar!

Ju nuk me besuat!

Ju thashë që ky njeri është vegël e regjimit e ju sërish nuk me besuat!

Ju paraqita fotot me Erion Veliajn e ju sërish nuk më besuat!

Ju thashe që skenat e sajuara në Kuvendin e Shqipërise e tubimet e diasporës nga njerëzit e Haçkajt janë mashtrime të trasha e ju sërish jo vetem nuk më besuat por mu lëshuat se me këto veprime po dëmtoj kauzat e opozitës e se Haçkaj është kokrra e djalit e opozitar 24 karat!

Tani po ju paraqes dekoratën e lartë që Edi Rama i ka lëshuar Florjan Haçkajt si ‘Ambasador i Kombit’!

Vallë çfarë kishte bërë ky njeri në vitin 2019 që ti akordohej kjo dekoratë kaq e lartë?

Përgjigjen e kësaj pyetje besoj e kemi marrë në 3 vitet e fundit!

Haçkaj ka kohë që po kërkon “bashkëpunim” në partneritet me Partinë Demokratike sepse edhe vetë rilindja si organizate kriminale që është ashtu siç donte Lulin edhe Haçkajn e do në radhët tona opozitare sepse aty ju a bën atyre shërbimin më të madh!

Njerëzit e Haçkajt apo Haçkistët siç i quaj unë janë të infiltruar edhe në degët e PD-së në mërgatë e në ndonjë prej tyre diktojnë edhe axhendat e tyre!

Jo rastësisht ai është shumë shpesh edhe në median opozitare sepse në median e regjimit ai nuk ka asnjë kufizim!

Ju përshëndes e uroj që PD-së dhe mbështetësve të Haçkajt brenda saj të ju vijnë mendtë!

E kjo të ndodhë tani e jo atëherë kur nuk ju a hanë as qentë!

Post Scriptum:

Kjo është hera ime e fundit që unë shkruaj për këtë individ dhe organizatën e tij.