Sali Berisha: Edi Rama prite diasporën se po vjen pasi u shkatërrove shqiptarëve liritë dhe riktheve censurën. Ti vare në litar Tik Tok-un, mjetin më modern të komunikimit të të rinjve dhe e bëre sepse nuk duroje kritikat e tyre. 11 maji është dita e tyre dhe fundi yt. Më 11 maj do vërshojnë nga deti dhe toka e ajri në Shqipëri. Shqiptarët i lindin nënat për të luftuar për liri, për t’i dalë zot Shqipërisë. Prite diasporën Edi Rama, nuk ke vend mbi tokë.
“Shqipëria s’ndërtohet dot mbi vese e mëkate, por mbi virtyt”, Berisha paralajmëron: Pas 11 majit shpallim non grata Sorosin! Shoqërinë civile do ta mbështesë shteti
23 Mars, 2025 17:11
Sali Berisha: Pastrimi i shtëpisë, kush themelor që Shqipëria të rritet e të ecë drejt madhështisë. Ligji i dytë që do të bëjmë është shpallja e George Soros non grata. Kjo farë e keqe duhet të shkulet nga Shqipëria. Shteti do të mbështesë shoqërinë civile, që s’do të marrin më instruksione perverse sorosiane, por do t’u mëkojnë parimet më të mira të shqiptarëve. Pa audit të përgjithshëm nuk shkohet përpara. Shqipëria nuk ndërtohet dot mbi vese e mëkate, por mbi virtyt.
“Shqipëria do të jetë vendi më tërheqës për investime”, Berisha ftesë diasporës: Pesë vitet e para do të jeni pa taksa!
Kryetari i Partisë Demokratike Sali Berisha ka ftuar shqiptarët e diasporës që të investojnë as 11 majit në Shqipëri.
Në një takim me shqiptarët në Napoli, Berisha u shpreh se vendi ynë do të ketë klimën më të favorshme për të thithur investimet nga të huajt dhe shqiptarët që jetojnë jashtë vendit.
“5 vite pa asnjë taksë për të gjitha ata nga ju që do të vendosni të ktheheni në Shqipëri dhe të investoni atje.
Shqipëria do të ketë klimën më të favorshme ndaj biznesit. Taksa 10 përqind që është taksa e drejtësisë do të jeta e vetme në Shqipëri. Energjia do të jetë më e lirë se kudo në Europë. Shqipëria do të jetë vendi më tërheqës për investimet e huaja dhe të shqiptarëve”, tha ai.
“‘Pastrimi i shtëpisë’, kusht që Shqipëria të ecë drejt madhështisë”, Berisha: Do të gjendet një Elon Musk shqiptar! Duhet audit i përgjithshëm që të gjenden milionat e vjedhura
Kreu i Partisë Demokratike Sali Berisha, ka paralajmëruar edhe një herë një audit të përgjithshëm për të zbuluar se ku kanë shkuar milionat e vjedhura nga shqiptarët.
Në një takim me shqiptarët të cilët jetojnë në Napoli, Berisha ka shtuar se auditi do të jetë në “stilin” e Elon Musk, ku shtoi se një person i tillë i ngjashëm do të gjendet edhe mes shqiptarëve.
“Të pastrosh shtëpinë do të thotë të bësh një audit të përgjithshëm, një lloj Elon Muski shqiptar do gjendet. Do jetë nga diaspora, do jetë nga Shqipëria, do jetë nga miqtë tanë, pa audit të përgjithshëm nuk shkohet përpara. Pa gjetur qindra e qindra milionë të vjedhura shqiptarëve, Shqipëria nuk ndërtohet dot mbi mëkatin. Shqipëria do ndërtohet jo mbi vesin, do ndërtohet mbi virtytin dhe unë u garantoj se do e realizojmë atë”, ka deklaruar ai.bw
