L  O  U  I  S    A  R  A  G  O  N

1897-1982

Louis Aragon (Paris, 3 tetor, 1897 – Paris, 24 dhjetor 1982) ishte një poet francez dhe shkrimtar, mbështetës i Partisë Komuniste Franceze dhe anëtar i Académisë Goncourt.

NUK EKZISTOJNË  DASHURI TË LUMTURA

Asgjë s’i përket njeriut, as edhe forca e tij

As dobësia as  zemra e tij

Dhe kur beson

Për të hapr krahët

hija e tij është ajo e një kryqi

Dhe kur ai beson se po shtrëngon lumturinë

e dërrmon

Jeta e tij është një divorc i çuditshme, i dhimbshëm

Nuk ekzistojnë dashuri të lumtura

 Jeta e tij i ngjan atyre ushtarëve të çarmatosur

Që ishin përgatitur për një fat tjetër, ndryshe

Që mund t’u shërbejnë atyre që zgjohen në mëngjes

Atyre që në mbrëmje gjenden përtacë inertë

I thoni  këto fjalë

Jeta ime

Dhe mbani lotët

Nuk ka dashuri të lumtura

Dashuria ime e bukur

e shtrenjtë dashuria ime

loti im

Unë të mbaj vetë si një zog të plagosur

Dhe ata pa kuptuar na shohin të kalojmë

Duke më përsëritur  fjalët që kam thurur

Dhe që për sytë e tu të mëdhenj

kaq shpejt vdiqën

Nuk ekzistojnë dashuri të lumtura

Nuk ekzistojnë dashuri që të mos jenë dhimbje

Nuk ekzistojnë dashuritë që s’torturojnë

Nuk ekzistojnë dashuri që s’lënë shenjën

Dhe jo më shumë se për ty dashuria për atdhe

Nuk ekzistojnë dashuri që nuk ushqehen me lot

Nuk ekzistojnë dashuri të lumtura

Por është dashuria jonë e ne të dyve

THOMAS  STEARNS ELIOT

1888 – 1965

Thomas Stearns Eliot (26 shtator1888 – 4 janar 1965), shkrimtar anglez

Me prejardhje amerikane.

Është njëri ndër poetët më të njohur europian të shekullit të 20-të, fitues i shumë çmimeve, ndër to edhe të Çmimit Nobel për Letërsi më 1948 dhe i Goethes më 1954. Bartës i 16 doktoratave të nderit.

HALLA HELEN

Miss Helenë  Slingsby, tezja ime, mbetur  lëneshë

Banonte në një shtëpi të vogël pranë një sheshi elegant

Ku i shërbente një numër shërbëtorësh prej  katër vetash,

Po kur vdiq, ajo gjeti qetësi në qiell,

Dhe qetësi në rrugën…

Sipërmarrësi i funeralit mbylli shpenzimet

dhe fshiu këmbët – e dinte se gjëra të tilla kishin ndodhur

dhe më parë. Qentë u siguruan plotësisht për çdo gjë,

Por pak më vonë vdiq edhe papagalli.

Ora e Dresdenit vazhdoi tik-takun e saj mbi oxhak,

Dhe asistenti me livre u ul në tavolinën e ngrënies.

Me shërbëtoren e dytë mbi gju – me atë që

kur zonja qe gjallë, kishte një sjellje të paqortueshme.

HERMAN HESSE

    1877 – 1962

Herman Hese (Calw, 2 korrik 1877 – Montagnola, 9 gusht, 1962) ishte një shkrimtar, poet, aforist, filozof, lindur në Gjermani, piktor zviceran, nderua me Çmimin Nobel për Letërsi në vitin 1946.

UNË  TË PYETA

Unë të pyeta pse sytë e tu

Mbeten në sytë e mi

si një kastë yjesh qielli

në një përmbytje të errët.

Më shikove gjatë

siç sheh një fëmijë me sy,

pastaj më the me delikatesë:

të dua shumë, sepse je tepër i trishtuar.

FËDOR IVANOVIČ TJUTČEV

                1803 -1873

Fyodor Tyutchev Russian: Фёдор Иванович Тютчев? (Stug 5 dhjetor, 1803 – Tsarskoye Selo,

27 korrik 1873) ishte një shkrimtar rus dhe poet.

HESHTJE!

Hesht, fsihu dhe fshihi ëndrrat

dhe ndjenjat e tua;

që në thellësi të shpirtit tënd

lindin dhe kthehen në muzg

hesht si yjet natën:

soditi – dhe hesht.

A mund të zbulohet zemra vallë?

Do mund të të  kuptojë vallë një tjetër?

Do të të thotë me kë jeton?

Mendimi i shprehur është gënjeshtër tashmë.

Torfa e trazon burimin:

Ti  pi në të- dhe hesht.

Di të jetojsh vetëm e brenda vetes ti fsheh

një botë të tërë misterioze, mendime magjike,

si zhurma shurdhuese nga jashtë,

si rrezja ditore shpërndahet:

dëgjo këngën e tyre – dhe hesht!…

COSTANTINO KAVAFIS

        1863 – 1933

Konstantinos Petrou Kavafis, i njohur  në  Itali edhe si Costantino Kavafis (në greqi Κωνσταντίνος Καβάφης;Alesandri tëEgjipttit, 29  prill 1863 – në  Alesandri të Egjipttit, 29 prille 1933), ka qenë poet e gazetar grek.

PASHË KAQ NGULTAS

Pashë kaq ngultaz bukurinë

sa m’u mbush syri prej saj.

Linjat e trupit.Buzët e kuqe.Gjymtyrët sensuale.

Flokë si nga statuja greke rrëmbeva:

edhe të pakrehura gjithnjë të bukura,

të rënë pak mbi ballin e bardhë.

Fytyra dashurie  siç i donte

poezia ime … netët e rinisë sime,

në takimet e mia netëve fshehtas …

Përktheu: Faslli Haliti