Valon Behrami (lindur më 19 Prill 1985) është një futbollist i Zvicrës i cili luan aktualisht me klubin anglez Watford në Premier League dhe me kombëtaren zvicerane si mesfushor. Klubet ku ka luajtur më parë ai kanë qënë Chiasso, Lugano, Genoa, Verona, Lazio, West Ham United, Fiorentina, Napoli, Hamburg. Ai është pjestar i kombëtares zvicerane që nga viti 2005 dhe ka luajtur 53 ndeshje duke e përfaqsuar atë në 2 Kupa Bote dhe në 1 Europian. Ai ka lindur në Mitrovicë të Republikës së Kosovës , me prindërit e tij që emrigruan nga shteti kur ai ishte vetëm 5 vjeç.
Jeta e hershme
Kur Behrami ishte 5 vjeç, prindërit e tij e humbën punën; mamaja e tij Halime si sekretare dhe babai i tij Ragip si menaxher i një kompanie të plastikës [1]. Si rezultat, Behrami sëbashku me prindërit dhe motrën më të vjetër Valentina lëvizën për në Stabio, një fshat në pjesën italiane-folëse të Zvicrës [2]. Mamaja e tij e ka përshkuar atë si energjik: “Si një fëmijë, vrapimi ishte shfrytëzimi i preferuar i kohës së lirë për Valonin – ai kurr nuk lodhej. Edhe tani, ai vështirë se mund të ulet ende për një të dytë. Ai gjithmonë ka nevojë për një top në këmbët e tij.”
Karriera
Karrirea e hershme
Behraimi filloi të luaj futboll me skuadrat zvicerane FC Stabio, FC Chiasso dhe FC Lugano. Pas një numri të konsiderueshëm paraqitjesh impresionuese me Luganon, ai u ble nga skuadra italiane Genoa në sezonin 2003–04, duke luajtur me ta në Serie B. Në Janar 2004, ai u bashkua me Udinesen sëbashku me Rodrigue Boisfer në këmbim të Mohammed Gargo dhe Vittorio Micolucci, në formën e bashkpronësisë [3].
Në sezonin 2004–05, Genoa e huazoi atë tek Verona, sërisht në Serie B.
Lazio
Pas një sezoni impresionues me Veronën, Lazio e bleu atë më 25 Korrik 2005 [4], si fillim me bashkpronësi për 2.7 Milion € dhe në Janar 2006, ata e blenë kartonin e plotë të lojtarit duke dhuruar sërisht të njëjtin çmim [5].
Më 19 Shkurt 2006, ai shënoi Golin e parë në Serie A në fitoren 1–2 kundër Fiorentinës në Stadio Artemio Franchi.
Në 2007, pas transferimit të Massimo Oddos tek Milan, Behraimi mori rolin e mesfushorit të djathtë tek Lazio, duke treguar se ai mund të luaj në shumë role.
Në sezonin 2007–08, ai luajti 32 ndeshje, përfshirë 22 në ligë, 5 në kupë dhe 5 në Champions League. Më 19 Mars 2008, emri i tij u vendos në historinë e Lazios duke shënuar Golin e fitores në minutën e 92 në fitoren 3–2 kundër rivalëve të Romës në Derby della Capitale [6].
West Ham United
Më 23 Korrik 2008, West Ham United firmosi me Behraimin nga Lazio, me lojtarin që firmosi një kontratë 5 vjeçare për shumën e 5 Milion £ [7]. Behrami bëri debutimin e tij për klubin më 16 Gusht 2008 në fitoren 2–1 kundër Wigan Athletic [8]. Shkathtësia e tij e bëri që të jetë pjesë e mesfushës jetike të West Ham, duke qëndruar në mesfushë si një mbështetje për kapitenin Lucas Neill duke luajtur në krahun e djathtë. Ai shënoi Golin e parë me West Ham në një fitore 1–0 kundër Sunderland më 23 Nëntor 2008 [9]. Gjatë fitores 1–0 në shtëpi kundër Manchester Cityt më 1 Mars 2009 [10], ai pësoi një dëtim në ligamentin e gjurit të tij të majtë [11], ai e pësoi këtë dëmtim që në minutën e gjashtë të ndeshjes. Gjuri dhe kyçi e këmbës i tij u ndrydhën keq dhe kjo solli përfundimin e parakohshëm të sezonit 2008–09 për të.
Behrami bëri rithimin e tij në fushën e lojës si zëvëndësues më 12 Shtator 2009 kundër Wigan Athletic [12]. Rikthimi i tij u kushtëzua nga një dëmtim tjetër i pësuar në muajin Nëntor. Ai shënoi Golin e parë dhe të vetëm për sezonin 2009–10 në fitoren 3–0 kundër rivalëve për mbijetes Hull City më 20 Shkurt 2010 [13].
Fiorentina
Më 26 Janar 2011, Behrami lëvizi tek Fiorentina për një shumë 2 Milion €, duke firmosur një kontratë 3 vjeçare [14][15]. Ai bëri debutimin e tij më 29 Janar 2011 në humbjen 2–0 në Serie A kundër ish skuadrës së tij Lazio, të dy Golat e ndeshjes u shënuan nga Libor Kozák.
Gjatë kohës së tij tek Fiorentina, ai luajti 50 ndeshje në të gjitha kompedicionet duke mos arritur të shënojë asnjë Gol.
Napoli
Më 16 Korrik 2012, ai lëvizi tek Napoli duke firmosur një kontratë 5 vjeçare. Ai u transferua tek Napoli 8 Milion € dhe për Alessandro Gamberinin. Ai bëri debutimin e tij me klubin në fitoren 0–3 kundër Palermo, ai e nisi ndeshjen si startues. Ai e përfundoi sezonin e parë me Azzurrit duke luajtur 37 ndeshje në të gjitha kompedicionet, përfshirë 33 në ligë, me Napolin që e përfundoi sezonin në vendin e dytë duke siguruar një vend për në Champions League sezonin tjetër.
Më 3 Maj 2014, Behrami fitoi trofeun e parë të karrierës pasi Napoli mposhti në finalen e Kupës së Italisë Fiorentinën me rezultatin 3–1 [16], ai hyri në fushë në minutën e 81 [17].
Hamburg
Më 31 Korrik 2014, Behrami kreu vizitat mjeksore dhe u transferua te klubi gjerman Hamburg për 4,5 milion € [18]. Bonuset e mëvonshme mund të rriteshin te Napolit me dy milion € më shumë nqs Behrami do të zhvillojë 20 paraqitje gjatë sezonit të tij të parë. Ai firmosi një kontratë tre vjeçare me mundësi rinovimi edhe për një vit tjetër [19]. Më 2 Gusht, transferimi u kompletua [20].
Nga 2015 Behrami luan me klubin anglez Watford në Premier League.
Kombëtarja
Përveç kombëtares së parë, Behrami ka luajtur me nivelet U–18 dhe U–19.
Për kombëtaren Zvicerane, Behrami shënoi 1 Gol kyç kundër Turqisë në Stade de Suisse në ndeshjen e parë play–off për 2006 Kupën e Botës, ndeshja përfundoi me fitoren 2–0.
Gjatë 2006 Kupës së Botës, ai pësoi një dëmtim që e la jashtë fushave të lojës në 2 ndeshjet e para të fazës së grupeve. Në ndeshjen e tretë kundër Koresë së Jugut, ai u zëvëndësua në fund të ndeshjes në minutën e 88. Ai nuk luajti në ndeshjen e raundit të 16 kundër Ukrainës ku Zvicra humbi me rezultatin 3–0 me penallti pasi ndeshja e rregullt sëbashku me kohën shtesë u mbyll me barazimin 0–0.
Behrami ishte në formacionin startues të Zvicrës në të 3 ndeshjet e fazës së grupeve të UEFA Euro 2008 duke luajtur në total 272 minuta. Zvicra nuk e kaloi dot fazën e grupeve.
Më 21 Qershor, në 2010 Kupën e Botës, pas një ndërhyrje me bërryl kundër kilianit Arturo Vidal, Behrami u ndëshkua me karton të kuq në ndeshjen e dytë të Grupit H kundër Kilit duke u bërë lojtari i parë zviceran që merr karton të kuq në një ndeshje të Kupës së Botës [21][22].
Referenca
- ^ Valon Behrami: a Kosovo-born Swiss. Swiss Agency for Development and Cooperation (14 Qershor 2006). Arkivuar nga Origjinali në 15 Nëntor 2007. Vizituar në 4 Nëntor 2009.
- ^ Player Profile – Valon Behrami. West Ham United F.C.. Vizituar në 4 Nëntor 2009.
- ^ “Udine, indagati Pozzo e Pierpaolo Marino”. Tutto Mercato Web (Italisht). 31 Korrik 2008. Retrieved 10 Gusht 2011.
- ^ SS Lazio draft 2005–06 annual report (Italisht). SS Lazio. Vizituar në 10 Gusht 2011.
- ^ SS Lazio 2005–06 third quarter report (Italisht). SS Lazio. Vizituar në 10 Gusht 2011.
- ^ Lazio 3–2 Roma: Derby della Capitale Goes to Lazio, Are Roma’s Scudetto Chances Now Really Over?. Soccerlens.com. Vizituar në 28 Prill 2010.
- ^ Valon Behrami signs 5-year deal with West Ham United FC. Whufc.com. Vizituar në 28 Prill 2010.
- ^ McIntyre, David (16 Gusht 2008). West Ham 2–1 Wigan. BBC News. Retrieved 28 Prill 2010.
- ^ McKenzie, Andrew (23 Nëntor 2008). Sunderland 0–1 West Ham. BBC News. Retrieved 28 Prill 2010.
- ^ Stevenson, Jonathan (1 Mars 2009). West Ham 1–0 Man City. BBC News. Retrieved 28 Pril 2010.
- ^ Wilson, Steve (11 Mars 2009). West Ham’s Valon Behrami ruled out for six months. Londër: Telegraph. Retrieved 19 Tetor 2010.
- ^ Shea, Julian (12 Shtator 2009). Wigan 1 – 0 West Ham. BBC News. Retrieved 23 Maj 2010.
- ^ Hammers too strong for Hull. Whufc.com. Vizituar në 28 Prill 2010.
- ^ Transfer round-up: Behrami to Fiorentina. Uefa.com (26 Janar 2011). Vizituar në 26 Janar 2011.
- ^ Behrami departs. whufc.com (26 Janar 2011). Vizituar në 26 Janar 2011.
- ^ Torror para ndeshjes, Napoli fiton Kupën. Panorama Sport (4 Maj 2014). Vizituar në 9 Maj 2014.
- ^ Napoli fiton Kupën e Italisë, përgjaket Roma (VIDEO). Gazeta Espress (3 Maj 2014). Vizituar në 9 Maj 2014.
- ^ Behrami te Hamburgu për 4.5 mln €, do firmosë për 3 vite. Panorama Sport (1 Gusht 2014). Vizituar në 24 Tetor 2014.
- ^ “Medien: Behrami absolviert Medizincheck in Hamburg”. Die Welt (Gjermanisht). 31 Korrik 2014. Retrieved 31 Korrik 2014.
- ^ “Napoli, ceduto Behrami all’Amburgo”. S.S.C. Napoli (Italisht). 2 Gusht 2014. Retrieved 2 Gusht 2014.
- ^ BBC Sport – Football – World Cup 2010: Ottmar Hitzfeld slams Behrami red card. BBC News. 21 Qershor 2010. Retrieved 22 Qershor 2010.
- ^ Fifa World Cup 2010 , Group H , Chile , Wins , Switzerland , Port Elizabeth – Oneindia News. News.oneindia.in (30 Tetor 2007). Vizituar në 22 Qershor 2010.
Lidhje të jashtme
- Faqe personale
- Fifa World Cup 2006 Valon Behrami
- Faqja zyrtare e Valon Behramit
- Profili dhe statistikat të Valon Behramit tek FootballDatabase
Komentet